ئەڤرۆ نیوز ، نەوزاد زادە ھلۆری:
ھندەک لڤینێن سادە ھەنە کو مرۆڤ ل دەما گەرمایێ دکەت بەلێ ئەنجامێن مەترسیدار ل پشت خوە دھێلیت کو ھندەک جاران دگەھیتە حالەتێ مرنێ ، و ئەو لڤین ژی ڤەچەماندن و پێکڤەگرێدانا ملی یە ب پشتێ ڤە کو ژ سەدەما ڤێ یەکێ دەمارەخانەیێن مێشکی توشی گیرانێ دبن و خونا پێدڤی ناچیتە مێشکی کو ئەڤ یەک ژی رەنگە ببیتە سەدەما بێھوشبوون و کەفتنا پشتێ ب وی رەنگی کو ھندەک جاران دبیتە سەدەما مرنێ.
ل گورەی ئاخفتنا ڤەکولەران ئەو لڤین بناڤێ ” واید بسون “ە و زور جاران ل گەرمایێ دھێنە ئەنجامدان و زور ژی د مەترسیدارن.

ئه‌ڤرۆ نيوز:

ل گەل بەربەلاڤبوونا نەخۆشیێن ب مەترسی و بلندبوونا داخوازیێن ژیانا رۆژانە، تشتەکێ ب زەحمەتە مرۆڤ ب شێوەیەکێ رێکخستی قەستا نوشداران بکەت بۆ دیارکرنا نەخوشیێن خوە، بەلێ ژبۆ پشت راستبوون کو ئەم د ساخلەمیەکا باش داینە، کۆمەکا نیشانان ھەنە کو نوشدار ھەموو ل سەر رێککەفتینە کو مرۆڤ یێ ساخلەمە ژوانژی:
• پێدڤیە لێدانێن دلێ تە 70 جار بن د ھەر خولەکەکێ دا و ھەکە کێمتر بن پێدڤیە ل سەر تە ھندەک راھێنانێن وەرزشی بکەی داکو خوینگێر و دەمارێن خوینێ بەرفرەە ببن.
• پێدڤیە نینووکێن تە ب ساخلەمیەکا باش بن و دشدیای بن و رەنگێ وان یێ دروست بیت.
• رەنگێ دەستئاڤێ یێ ڤەبووی بیت و تاری نەبیت، ئەڤە رامانا وێ چەندێ ددەت کو کارێن ڤەژەنا لەشی ب دروستی ب کارێ خوە رادبن.
• تو بشێی بۆ دەمێ 15 خولەکان بکەیە غار ئەڤەژی نیشانا باشیا ساخلەمیا لەشی یە.
• تو بشێی رۆژانە ل ژڤانەکێ دەستنیشانکری ھشیارببی ئەو نیشانا وێ چەندێ یە کو کوئەندامێ ھەرسکرنێ ل دەڤ تە ب دروستی کاردکەت.
• سەنگێ تە یێ ھەڤسەنگ بیت ل گەل درێژیا لەشێ تە.
• دلێ تە ڤەگەریتەڤە بۆ شێوێ خوە یێ سروشتی پشتی بوورینا پێنج خولەکان ژ وەرزشکرنەکا دژوار.

ئه‌ڤرۆ نيوز:

ھەر کەسێ گەلەک کار ل نڤیسینگەھێ بکەت ھەلبەت دێ کێم کاوریان یان پلەیێن گەرماتیێ سۆژیت، لەورا باشترە فەرمانبەرێن ل پشت مێزەیان زوو قەلەو دبن و ب تایبەت ژی ھەکە د دەمێ دەوامێ دا خوارنێن سڤک بخوون، بۆ کونترولکرنا ڤێ چەندێ تایبەتمەندا نوشداریا پێشەیی ل باژێرێ کولونیا، ئورلیکا رۆت شیرەتان دکەت کو پێدڤیە دناڤ دەوامێ دا دەمەکێ بێھنڤەدانێ بۆ خوارنێ ھەبیت داکو فەرمانبەر لەزاتیێ دخوارنێ دا نەکەن، ھەروەسان پێدڤیە ژڤانێن خوارنێ رۆژانە ل دەمەکێ دەستنیشانکری بن و گۆت: خوارنێ سێ دانێن خوارنێ رۆژانە ھەڤسەنگسا لەشی دپارێزیت و دێ باشتر بیت ھەکە دانێن سڤک دناڤبەرا واندا بھێنە خوارن پێکھاتی بن ژ فێقی و کەسکاتی نەکو شرینی و شوکولاتا بن داکو نەبنە ئەگەرێ قەلەویێ.