ئه‌ڤرۆ نيوز:
نێچيرڤان بارزانى جێگرێ سه‌رۆكێ پارتى ديموكراتى كوردستان، ب هه‌لكه‌فتا بيره‌وه‌ريا 70 ساليا دامه‌زراندنا پارتى ديموكراتى كوردستان په‌يامه‌ك به‌لاڤكريه و دياركريه: پارتى هه‌رده‌م پشكه‌ك بوويه ژ چاره‌سه‌ريێ و نابيته ئه‌گه‌رێ زێده‌تر ئالوزبوونا ناكوكيان.
ده‌قێ په‌ياما نێچيرڤان بارزانى جێگرێ سه‌رۆكێ پارتى ديموكراتى كوردستان
ئه‌ڤرۆ نيوز:
د.به‌رهه‌م سالح سه‌رۆك وه‌زيرێ به‌رێ يێ حكومه‌تا هه‌رێمێ راگه‌هاند ، هه‌رێما كوردستانێ دێ ب رێيا ئيرانێ نه‌فتێ هنێريت و حكومه‌تا فيدرال ژى دێ پشته‌ڤان بيت.
د.به‌رهه‌م سالح سكرتێرێ دوێ يێ ئێكه‌تيا نيشتمانيا كوردستان د هه‌ڤديتنه‌كێ دا ل گه‌ل ئاژانسا مهران راگه‌هاند : نوكه هه‌رێما كوردستانێ ل گه‌ل ده‌وله‌تا ئيرانێ د هه‌ڤكاريێ دايه و د وى چارچوڤه‌ى دا هه‌ردو ئالى دێ وه‌به‌رهێنانێ كه‌ن و خالێن سنورى دێ چالاك كه‌ن و هه‌ر د وى چارچوڤه‌ى دا هه‌رێم دێ نه‌فتا خوه ب رێيا ئيرانێ فروشيت.
ئه‌ڤرۆ نيوز:
نڤيسينگه‌ها راگه‌هاندنا سه‌رۆك بارزانى راگه‌هاند كو ئه‌وان په‌يوه‌ندى ب بابێ رۆژنامه‌ڤان ودات حسێن كريه و هه‌ڤخه‌ميا سه‌رۆك بارزانى گه‌هانديێ و پێ راگه‌هانديه كو بێ ده‌نگ نابن هه‌تا تاوانبار نه‌هێنه ئاشكه‌را كرن و نه‌گه‌هنه سزايێ خوه يێ قانوونى.
ده‌قێ راگه‌هاندنێ:
ده‌رباره‌ى كه‌يسێ كوشتنا رۆژنامه‌ڤان ودات حسێن نڤيسينگه‌ها مه‌سعود بارزانى سه‌رۆكێ هه‌رێما كوردستانێ په‌يوه‌ندى ب حسێن عه‌لى كوچه‌ر بابێ ودات حسێن كر و سه‌ره‌خۆشى و هه‌ڤخه‌ميا سه‌رۆك بارزانى گه‌هانده خێزانا وان و پشت راستكرن كو موكين نينه روودانه‌كا وه‌سان به‌رزه ببيت و بێ ماف ب دووماهى بهێت و دڤێت ب زووترين ده‌م تاوانباران بهێنه ديتن و بگه‌هنه سزايێ خوه يێ قانوونى.
د پێناڤى ڤه‌ديتنا بكوژ و تاوانباران سه‌رۆك بارزانى دامه‌زراوێن په‌يوه‌نديدار يێن راسپاردين كو ب له‌ز ڤه‌كولينێن هوور د وێ كه‌يسێ دا بكه‌ن و تاوانباران ده‌سته‌سه‌ر بكه‌ن و بگه‌هنه سزايێن خوه يێن قانوونى.
د. ئومێد سه‌باح
ئاخفتنكه‌رێ سه‌رۆكاتيا هه‌رێما كوردستانێ
15ـی 8ـی 2016
ئەڤرۆ نیوز:
پارێزەرەکێ دادگەھا دھۆکێ راگەھاند، کو سنێلەک رابوو ب دزینا ھندەک موبایلا ل پێشانگەھەکا کڕین و فروتنا موبایلان ل ناڤ بازارێ دھۆکێ، ئەڤی سنێلەی دو جارا دزی ژ ڤێ پێشانگەھێ کر بوون، پشتی د کامیرێن چاڤدێریێ دا وێنێ وی ھاتیە دیار کرن ل بەرامبەری دادوەری دان ب تاوانا خوە کر و بۆ ھەر تاوانەکێ ھەشت ھەیڤان ھاتە حوکم کرن.
پارێزەر مەسعود سلێمان ژ دادگەھا دھۆکێ بۆ رۆژناما ئەڤرۆ دیار کر کو سنێلەکێ 14 سالی رابوو ب دزینا ھندەک موبایلا ل پێشانگەھەکا کرَین و فروتنا موبایلان ل ناڤ بازارێ دھۆکێ و گۆت: ئەڤی سنێلەی دو جارا دزی ژ ڤێ پێشانگەھێ کربوون، خودانێ پێشانگەھێ ھەردو جاران سکالا ل بنگەھێ پولیسان تومار کربوو، پشتی پولیسان بۆ جارا دویێ بەرێخوەدایە کامیرێن چاڤدێریێ ل ناڤ بازاری دیار بۆ ھەر ئەو سنێلەیە یێ جارا ئێکێ ژی دزی ژ ڤێ پێشانگەھێ کرین، ب بریارا دادوەرێ ڤەکۆلینێ ئەڤ سنێلە ھاتە دەستەسەر کرن، پشتی ڤەکۆلین ل گەل ھاتیە کرن، بابێ سنێلەی دیار کر کو کوڕێ وی دناڤ ژینگەھەکا بەرتەنگ و نەخوش دا دژیت و ئەو ب خوە ژی یێ پەککەفتیە و بارێ ئابووری یێ خێزانا وان یێ باش نینە و کوڕێ وی یێ سنێلە تێکەلیا ھەڤالێن نە باش یا کری.
پارێزەری ئاشکرا کر ژی کو، ڤی سنێلەی بەرامبەری دادوەرێ ڤەکۆلینێ دان ب تاوانا خوە کر کو وی و دو ھەڤالێن وی جارا ئێکێ تەلەفون یێ ژ وێ پێشانگەھێ دزین و ڤێ سنێلەی دیار کر ژی کو وی ڤیا موبایلەکا مودێلێن نوو ھەبیت وەکو ھەڤالێن وی، بەلێ بەردەستێ مالا وان یێ بەرتەنگ بۆ نەشیان بۆ بکرن، ھەردو ھەڤالێن وی ژی ھاریکاریا وی کر و پێشانگەە نیشا وی دا و خودانێ پێشانگەھێ مژوول کر وی موبایل دزی و کەس پێ نەحەسیا، جارا دویێ پشتی چەندەکێ ئەو و ھەڤالێن خوە چوونە ھەمان پێشانگەھێ و ھەر ب ھەمان کریار موبایلەکا دی برن خودان پێ حەسیا و ئەو ڕەڤین، بەلێ د کامیرێن چاڤدێریێ دا وێنێ وان ھاتبوو گرتن و ژ لایێ پولیساڤە ھاتنە دەستەسەر کرن و رەوانەکرن بۆ دادگەھا بابەتی (محکمة الموضوع) و ل سەر بەندێ 443 ژ قانوونا سزادانا عیراقی ھاتە دادگەھکرن.
پارێزەری زێدەتر گۆت: ل رۆژا دادگەھکرنێ ئەڤی سنێلەی ل بەرامبەری دادگەھا سنێلان دان ب تاوانێن خوە کر، دادوەری کاودان و بارێ ئابووریێ خێزانا وی بەرچاڤ وەرگرتن بۆ ھەر تاوانەکێ ئەڤ سنێلە ھەشت ھەیڤان ھاتە حوکم کرن و ھەر ئێکسەر بریارێن دادگەھا سنێلان دچنە دادگەھا پێداچوونێ (محكمة التمییز) و بەرامبەری دادگەھا پێداچوونا ھەرێما کوردستانێ ل ھەولێرێ بریارێن دادگەھێ ھەردو ھاتنە پەسەند کرن.
پارێزەر مەسعودی ئەگەرێ سەرەکی یێ ڤێ تاوانێ بۆ بارێ ئابووریێ خێزانا ڤی سنێلەی ڤەگەراند و دیار کر کو بابێ وی یێ پەککەفتیە نەشێت ھند کار بکەت و ھەموو پێدڤیێن خێزانا خوە دابین بکەت و ھەڤالێن ڤی سنێلەی ژی د باش نەبوون و مالا وی ژی دووڤچوونا وی نە دکر کا چو دکەتن.
ئەڤرۆ نیوز:
سترانبێژی گەنج سالح عەبدولواحد د ھەڤدیتنەکێ دا بۆ ئەڤرۆ ئەگەرێن ھاتنا خوە ژ دەرڤەی وەلاتی ئاشکەرا کرن و گۆت: بەری رەوشا ھەرێما کوردستانێ تێک بچیت رابووم ب چێکرنا ئەلبومەکێ ب ناڤێ (دل ئاسن) کو ژ 9 تراکان پێک ھاتبوو، من بۆ ئەلبوما خوە، ترۆمبێل و پارچەکا ئەردی فرۆتن و پشتی من د گەل رێڤەبەریا رەوشەنبیری ئاخفتی گۆتە من ئەلبوما خوە ب دووماھی بینە، ئەو پارێ تە مەزاخی دێ بۆ تە زڤرینین، من ئەلبوم ب دووماھی ژی ئینا چو پارە بۆ من نەزڤراندن.
سالح گۆتژلا: “من سترانەکا سیاسی ژی تومارکر ب سەرپەرشتیا (کەمال) کو سەرپەرشتیا سترانێن ھونەرمەند ئیبراھیم تاتلیساس دکر ئەوی دابەشکرن و ماستریک بۆ سرۆدا من یا نشتیمانی کر من سترانا خوە برە کەنالێ وار تیڤی و ڤین و دھۆک تیڤی بۆ من وێنە نەکر، لەورا من قەستا دەرڤەی وەلاتی کر، چو جاران من ھزر دچوونا خوە بۆ دەرڤەی وەلاتی ب ئێکجاری نەکریە ژ بەر رێزا من بۆ خێزانێن شەھیدا من ئەلبووما خوە ژ دەرڤەی وەلاتی بەلاڤ نەکر، ھەر دیسان کومپانیا تیکو ل ھەولێرا پایتەخت من ئەلبووما خوە داڤ وی بۆ ماوێ دو سالایە و چو بۆ نە کر و تلەفونێن من ژی ناراکەت.
ل دووماھیێ سالح دبێژیت: رێڤەبەریا رەوشەنبیری دلێ من ل ژیانێ رەشکریە و مافێ من بەرزەکریە من ب تنێ مووچەکێ ھەیڤانە ھەبوو ب وی مووچێ کێم یێ رازی بووم، بەری بچمە دەرڤەی وەلاتی من ژ رێڤەبەریا رەوشەنبیری خواست کو ب تنێ بۆ ماوێ سالەکێ یان ھەشت ھەیڤان بکەتە دەستووری، پشتی چوویمە دەرڤەی وەلاتی من دەستووری وەرنەگرتیە و ئیمزا نە کربوو رێڤەبەریا رەوەشەنبیری بۆ ماوێ پێنچ سالا ئەز کریمە دەستووری بێ مووچە و نوکە من چو مووچە ژی نەمان نزانم ئێدی دێ ب چ ژیم.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 15ى ته‌باخا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1285 |
| 1 يۆرۆيێ ئه‌ورۆپى | 1425 |
| 1 ليرێ توركى | 430 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
ئێكه‌تى نشتيمانى كوردستان نامه‌كا پيرۆزباهيێ ئاراسته‌ى پارتى ديموكراتى كوردستان دكه‌ت و 70 سالێن دامه‌زراندنێ وه‌كو “ئه‌زموونه‌كا مه‌زن” دده‌ته زانين.
ده‌قێ په‌يامێ:
جه‌نابی مه‌سعود بارزانی سه‌رۆكی پارتی دیموكراتی كوردستان
به‌ڕێزان/ هه‌ڤاڵانی مه‌كته‌بی سیاسی‌‌و كۆمیته‌ی ناوه‌ندی پارتی
سڵاوێكی گه‌رم…
له یادی 70 ساڵه‌ی دامه‌زراندنی پارتی دیموكراتی كوردستاندا، به‌ناوی مه‌كته‌بی سیاسی‌‌و ئه‌نجومه‌نی سه‌ركردایه‌تیی یه‌كێتییه‌وه، پیرۆزبایی گه‌رمتان لێده‌كه‌ین‌و له‌ڕێی ئێوه‌شه‌وه، له‌م یاده‌دا سڵاو بۆ هه‌ڤاڵانتان تێكڕا ده‌نێرین.
به‌ڕێزان!
یادی 70 ساڵه‌ی پارته تێكۆشه‌ره‌كه‌تان، كه له سه‌روبه‌ندی دامه‌زراندنی یه‌كه‌مین كۆماری كوردستاندا دامه‌زراوه، مێژوویه‌كی دورودرێژی پڕ له رووداوی جۆراوجۆری سه‌ركه‌وتن‌و شكسته، خۆش‌و ناخۆشه. رووداوگه‌لێك له‌و مێژووه‌دا به‌ڕێكراون، یه‌كه یه‌كه‌یان مایه‌ی په‌ندوه‌رگرتنن بۆ هه‌موو لایه‌كمان!
دۆخه‌كانی دوای جه‌نگی یه‌كه‌م‌و جه‌نگی ساردمان به رێكه‌وتنی جۆراوجۆری دژ به چاره‌نووسی نه‌ته‌وه‌كه‌مان، له ناوچه‌كه‌دا به‌ڕێكرد. له دوای جه‌نگی ساردیشه‌وه، هه‌تا ئێستای جیهانگیری، هه‌لی سیاسی باش ره‌خساو له پێناوی عیراق‌و كوردستانی فیدرال قۆزرایه‌وه، له‌م كۆتاییه‌ی رووداوه سه‌خته‌كانی ناوچه‌كه‌شدا، له به‌ره‌نگاربوونه‌وه‌ی داعشدا، پێشمه‌رگه نمونه‌ی ئازادیخوازی راسته‌قینه بوو. هه‌ر له‌م هه‌لومه‌رجه‌دا، رووداوه‌كان، به‌ره‌و دوا سیناریۆی رێكه‌وتنی تری نێوده‌وڵه‌تی‌‌و ئیقلیمی، به‌ڕێوه‌یه. له‌مكاته‌شدا ناوماڵی كورد، مه‌خابن ترازاوه. نه‌چووه بچێ، یه‌كێتی به‌رده‌وام ئومێده‌واره، له ترازانه‌وه به‌ره‌و سازان، به‌هه‌موو لایه‌كمان، چاره‌سه‌ری كێشه‌كان بكه‌ین، چاره‌سه‌ریش له‌م هه‌لومه‌رجه بابه‌تییه‌دا بۆته ئه‌ركی نیشتمانی، نه‌ته‌وه‌یی، یاسایی‌‌و سیاسیش
له‌كاتێكدا جارێكی دیكه له یادی 70 ساڵه‌ی دامه‌زراندنی پارته تێكۆشه‌ره‌كه‌تاندا، پیرۆزبایی گه‌رمتان لێده‌كه‌ین، بێگومان چاوه‌ڕوانیشین ئه‌زموونی زۆرو زه‌به‌ندتان، یارمه‌تیده‌ری هه‌موولایه‌كمان بێ بۆ چاره‌سه‌ره گونجاوه‌كان؛ به كاراكردنه‌وه‌ی ده‌زگا شه‌رعییه‌كان‌و ئاساییكردنه‌وه‌ی دۆخی سیاسیی كوردستان.
له‌گه‌ڵ رێزی…
مه‌كته‌بی سیاسیی
یه‌كێتیی نیشتمانیی كوردستان
15/8/2016
نيشاندان
