ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 8ى ئادارا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1257 |
| 1 يۆرۆيێ ئه‌ورۆپى | 1380 |
| 1 ليرێ توركى | 425 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
ب گۆره‌ى وان پێزانينێن ژ ژێده‌ره‌كى ل ناڤ جڤاتا وه‌زيرێن هه‌رێمێ هاتيه به‌لاڤكرن، خشتێ نوو يێ مووچێ فه‌رمانبه‌ران بۆ هه‌يڤا شوباتێ گوهۆڕين تێدا هاتينه كرن و ژ وان گوهۆڕينان ژى مووچێ ل خوار 300 هزار ديناران، مووچێن وان ناهێته پاشكه‌فت كرن.
ئه‌ڤرۆ نيوز:
ده‌ڤه‌را ئاسيا و ئوقانووسێ ئارام دێ دياردا رۆژغه‌يرينێ ب ئاستێن جودا ب خوه ڤه بينن، ب ره‌نگه‌كى ل ئه‌ندونسيا دێ رۆژغه‌يرين ب ته‌مامى هێته ئه‌نجام دان و ل هنده‌ك وه‌لاتێن دژى هێته ديتن.
ب گۆره‌ى ئه‌و پێزانينێن ئاژانسێن جيهانى به‌لاڤكرين، ئه‌ڤرۆ رۆژا چارشه‌مبى بۆ ماوێ چار ده‌قيقان دێ رۆژ ل روونشتڤانێن ئه‌ندوونسيا بيته شه‌ڤ و ب ته‌مامى ئه‌ڤ ديارده رووده‌ت، رۆژا وى وه‌لاتى دێ هێته ڤه‌شارتن د ده‌مه‌كى دا پێشبينى دهێته كرن ماوێ رۆژغه‌يرينا ڤێ جارێ بگه‌هيته چار ده‌مژمێران.
هه‌ڤده‌م روونشتڤانێن پشكه‌ك ژ ئوستراليا و باشوورێ رۆژهه‌لاتێ ئاسيا دشێن رۆژغه‌يرينێ ببينن و ئه‌ڤا 8ى ئادارێ ژى هه‌ڤده‌م ل هاواى هێته ديتن، به‌لێ روونشتڤانێن رۆژهه‌لاتێ ناڤه‌راست – ئه‌مريكا و ئورۆپا دياردێ نابينن ژ به‌ر كو ل وى ل وان ده‌ڤه‌ران شه‌ڤه.
رۆژغه‌يرين ديارده‌يه‌كا گه‌ردونى يه و ل وى ده‌مى روودده‌ت، ده‌ما ئه‌رد و هه‌يڤ و رۆژ دكه‌ڤنه سه‌ر ئێك هێل، به‌لێ هه‌ڤ دكه‌ڤيته د ناڤبه‌را وان دا.
ئه‌ڤرۆ نيوز:
به‌رپرسێ په‌يوه‌ندى و راگه‌هاندنێ ل رێڤه‌به‌ريا به‌ره‌ڤانيا باژێرى ل دهۆكێ راگه‌هاند: شڤێدى ل ده‌مژمێر 9:00ى شه‌ڤ تيمێن به‌ره‌ڤانيا باژێرى ل دهۆكێ هاتنه ئاگه‌هداركرن كو روودانه‌كا ترافنيكێ يا ل سه‌ر جادا سه‌ره‌كى يا شێخان بۆ ميحوه‌رێ ناوه‌ران دروست بووى.
رائيدێ مافپه‌روه‌ر بێوار عه‌بدولعه‌زيز بۆ ئه‌ڤرۆ نيوز زێده‌تر گۆت: “پشتى تيمێن به‌ره‌ڤانيا باژێرى گه‌هشتينه جهێ روودانێ دياربوو كو ترۆمبێله‌كا ئۆپل سالۆن ره‌نگێ ره‌ش ژ بن كۆنترۆلا شوفێرى ده‌ركه‌فتيه و تووشى روودانێ بوويه”.
به‌رپرسێ په‌يوه‌ندى و راگه‌هاندنێ ل رێڤه‌به‌ريا به‌ره‌ڤانيا باژێرى ل دهۆكێ دا زانين ژى كو د وێ روودانێ دا سێ پێشمه‌رگه ب گرانى بريندار بووينه و هاتينه ره‌وانه كرن بۆ نه‌خۆشخانا ته‌نگاڤيان.
رائيدێ مافپه‌روه‌ر داخواز ژ وه‌لاتيان ژى كر كو ل ده‌مێ روودان دروست دبن ب زووترين ده‌م تيمێن به‌ره‌ڤانيا باژێرى ئاگه‌هدار بكه‌ن ژ به‌ر كو گه‌له‌ك جاران د روودانێن وه‌سان دا ژ ئه‌گه‌رێ به‌ربوونا پانزينێ دبيته ئه‌گه‌رێ سۆتنا ترۆمبێلێ و په‌يدابوونا زيانێن گيانى يێن مه‌ترسيدار و گۆت: “پێدڤيه ب رێيێن باش و ژ لايێ كه‌سانێن شاره‌زا ئه‌ڤان كه‌سان ژ ناڤ ترۆمبێلان بيننه ده‌ر”.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا چارشه‌مبى رێكه‌فتى 8ى ئادارا 2016ێ ئه‌سمان دێ ئه‌ور بيت و پاشان دێ بۆ ساهى هێته گوهۆڕين.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ لاوازبوونا فشارێن بلندێن وه‌لاتێ توركيا بۆ سه‌ر هه‌رێما كوردستانێ دهێته پێشبينيكرن ئه‌سمان ئه‌ور بيت و پاشان دێ بۆ ساهى هێته گوهۆڕين.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژئاڤا بيت ب ره‌نگه‌كى د ناڤبه‌را 5 هه‌تا 10كم دا و هنده‌ك و ماوێ ديتنێ ژى دێ 10كم بيت، پلێن گه‌رمێ ژى دێ د ناڤبه‌را (9 بۆ 20) پلان دا بيت.
ئەڤرۆ نیوز:
سەرۆک وەزیرێن تورکیا بەری کو سەرەدانا ئورۆپا بکەت ل فرۆکەخانا ئەتاتۆرک پرێس کۆنفرانسەک ساز کر و راگەھاند کو سەرەدانا وی بۆ ئیرانێ گەلەک گرنگ بوویە و ھەر دو وەلات گەھشتنە رێککەڤتنێ ل دۆر سووریا و ناھێلین سووریا بھێتە پارچەکرن و دێ پێکڤە شەرێ تیرۆرستان کەین.
ئەحمەد داوود ئوگلۆ سەرۆک وەزیرێن تورکیا د پرێس کۆنفرانسەکێ دا راگەھاند کو یاریەکا مەترسیدار ل سەر ئاستێ دەڤەرا مە ھەیە و دخوازن ب رێیا سایکس بیکویەکا دی رۆژھەلاتا ناڤین بھێتە پارچەکرن و لاواز بیت ئەم ل دژی وێ یەکێ نە و گۆت: (د سەرەدانا خوە یا بۆ ئیرانێ دا مە ب بەرفرەھی بەحسێ رەوشا دەڤەرێ ب گشتی و بەحسێ رەوشا سووریایێ ب تایبەتی کر، چونکو مە دڤێت سووریا وەک دەولەتەک ب ھێز و ئێکگرتی بمینیت و مە نەڤێت سووریا پارچە بیت، چونکو ئەو یەک دھێتە واتەیا دەستپێکا قۆناغەکا دی یا خراب بۆ لاوازکرنا رۆژھەلاتا ناڤین و بەرپرسێن ئیرانێ ژی ھەمان بۆچوون ل دۆر بابەتی ھەبوون).
سەرۆک وەزیرێن تورکیا ھەروەسا ئەو یەک ژی دیار کر کو ئەو ل گەل ئیرانێ گەھشتنە چەندین رێککەڤتنێن گرنگ و دێ پێکڤە ل دژی رێکخراوێن تیرۆرستی ب تایبەتی ژی داعشێ و PKK شەری کەن و گۆت: (PKK ژی وەک داعشێ مەترسیا خوە بۆ پاشەرۆژا رۆژھەلاتا ناڤین ھەیە و من ئەو خالە بۆ بەرپرسێن ئیرانێ رون کرن و داخواز ژ وان کر کو ئەم پێکڤە شەرێ تیرۆرێ بکەین و ئەو یەک بۆ ئارامیا دەڤەرا مە خالەکا گرنگە، چونکو داعش و PKK ھەمی گاڤان ئاریشان بۆ مە دروست دکەن و دڤێت ئەو ھەر دو رێکخراوە ب ھاریکاریا وەلاتێن رۆژھەلاتا ناڤین ژناڤ بچن).
سەرۆک وەزیرێن تورکیا ئەو یەک ژی نەڤەشارت کو ئەو دێ ل گەل وەلاتێن دی یێن رۆژھەلاتا ناڤین ژی دەست ب کۆمبوونێن ڤی رەنگی بکەن دا کو نەھێلن چو وەلاتەک ل رۆژھەلاتا ناڤین پارچە ببیت، چونکو ئەڤرۆکە چارەنڤیسێ وەلاتێن رۆژھەلاتا ناڤین پێکڤە د گرێداینە و ژ بەر ھندێ ھەر روودانەک ل وەلاتەکێ دروست بیت کاریگەریا خوە ل ھەموویان دکەت و دڤێت ئەم پێکڤە ل دژی لاوازبوونا رۆژھەلاتا ناڤین راوەستین و گۆت: (ئەم وەک تورکیا دێ ھەموو بزاڤەکێ کەین رێگریێ ل لاوازبوونا پێگەھێ رۆژھەلاتا ناڤین ب تایبەتی ژی پارچەبوونا سووریێ بگرین و ئەز ب باوەرم دێ وەلاتێن جیرانێن مە ژی ب ھەموو رەنگەکێ ھاریکاریا مە کەن).
ئه‌ڤرۆ نیۆز، رێوار مزیرى:
وه‌زاره‌تا سامانێن سرۆشتى یا حوكمه‌تا هه‌رێما كوردستانێ ڕاپۆرتا به‌رهه‌مئینان و هنارتن و داهاتێ هه‌یڤا شواتێ به‌لاڤكر.
وه‌زاره‌تا سامانێن سرۆشتى یا حوكمه‌تا هه‌رێما كوردستانێ د وێ راپۆرتێ دا ئاماژه دایه وێ چه‌ندێ كو حوكمه‌تا هه‌رێمێ د هه‌یڤا شواتێ دا 10 ملیۆن و 151 هزار و 944 به‌رمیلێن په‌ترۆلێ هنارتینه ئه‌ڤه د ده‌مه‌كى دا یه كو د هه‌یڤا ناڤهاتى دا بۆریا په‌ترۆلێ هاتبوو په‌قاندن و بۆ ده‌مێ 13 رۆژان هنارتنا په‌ترۆلا هه‌رێمێ هاتبوو راوه‌ستاندن.
وه‌زاره‌تا ناڤهاتى دیار كر كو حوكمه‌تا هه‌رێمێ د هه‌یڤا شواتێ دا 303 ملیۆن و 943 هزار و 303 دۆلار ژ بكڕان وه‌رگرتینه و ژ سه‌رجه‌مێ ڤى كۆژمێ پاره‌ى 70 ملیۆن و 933 هزار و 433 دۆلار داینه به‌رهه‌مئینرێن په‌ترۆلێ ل هه‌رێما كوردستانێ.
نيشاندان
