ئه‌ڤرۆ نيوز:
ئاخفتنكه‌رێ ب ناڤێ حوكمه‌تا هه‌رێما كوردستانێ راگه‌هاند كو ئه‌و هيڤى دكه‌ن روونشتنێن لايه‌نێن سياسى پێشڤه‌چوونێ د به‌رژه‌وه‌ندا وه‌لاتيان دا ب خوه ڤه ببينن و هه‌تا نوكه چو ئه‌گه‌ر بۆ بهێنڤه‌دانێ ژ به‌ر بلندبوونا پلێن گه‌رمێ نينن.
د داخۆيانيه‌كا رۆژنامه‌ڤانى دا، سه‌فين دزه‌ى، ئاخفتنكه‌رێ ب ناڤێ حوكمه‌تا هه‌رێما كوردستانێ راگه‌هاند كو وه‌سان دياره كه‌شوهه‌وايه‌كێ ئه‌رينێ دێ ب دووڤ ڤان پێشڤه‌چوونێن لايه‌نێن سياسى هه‌بيت و ب هيڤيا وێ چه‌ندێ كو لايه‌نێن سياسى بگه‌هنه رێكه‌فتنه‌كێ د به‌رژه‌وه‌نديا وه‌لاتيان دا.
ده‌رباره‌ى ته‌قاندنا بۆريێن په‌ترۆلێ يێن باى حه‌سه‌ن ژى گۆت: “راسته ژ ئه‌گه‌رێ په‌قاندنا بۆريێن په‌ترۆلێ يێن باى حه‌سه‌ن، هنارتنا په‌ترۆلێ هاتيه راوه‌ستاندن، لێ هێشتا نوزان ب چ رێژه‌يه و كه‌نگى دێ هێته چاره‌كرن”.
ده‌رباره‌ى بهێنڤه‌دانێ ژى ژ ئه‌گه‌رێ هاتنا پێلا گه‌رمێ گۆت: “هه‌تا نوكه ل گه‌ل رێڤه‌به‌ريا سه‌قاناسيێ ل سه‌ر خه‌تين و پلا گه‌رمێ ژ 46ێ نه‌بۆريه و هه‌رده‌ما گه‌هشته 50يێ دێ بڕيارا بهێنڤه‌دانێ راگه‌هينين”.
ئه‌ڤرۆ نيوز:
سه‌رۆكێ ته‌ڤگه‌را سه‌در، موقته‌دا سه‌در راگه‌هاند كو كه‌ركووك بۆ هه‌موو عيراقيانه ب هه‌موو پێكهات ڤه.
د به‌رسڤا ئێك ژ دووڤكه‌ڤتيێن ته‌ڤگه‌را وى دا، سه‌رۆكێ ته‌ڤگه‌را سه‌در، نڤيسايه: “كه‌ركووك بۆ هه‌موو عيراقيانه ب هه‌موو پێكهاته ڤه”.
ئێك ژ دووڤكه‌فتيێن موقته‌دا سه‌در پرسيار كريه: “مه‌زن و فه‌رماندێ من، ده‌سته‌يا ده‌ڤه‌رێن كوردستانى راگه‌هانديه كو پلان بۆ كۆنگره‌كى هه‌يه كو تێدا پاشه‌رۆژا كه‌ركووك بهێته دياركرن و ئاماژه ب وێ چه‌ندێ كريه كو واقعێ ئيدارا پارێزگه‌هێ د ده‌ستێ كوردان دايه و هه‌موو لايه‌نێن كوردى دخوازن كه‌ركووك ڤه‌گه‌ريته سه‌ر هه‌رێما كوردستانێ، بۆچوونا ته چيه ل سه‌ر ئه‌وى كۆنگرێ دڤێت كه‌ركووكێ ڤه‌گه‌ريننه سه‌ر هه‌رێما كوردستانێ؟”.
د به‌رسڤا پرسيارا وى دا، موقته‌دا سه‌در نڤيسيه: “كه‌ركووك بۆ هه‌موو عيراقيانه ب هه‌موو پێكهات ڤه”.
ئه‌ڤرۆ نيوز:
فه‌رمانگه‌ها راگه‌هاندنێ ل جڤاتا نوونه‌رێن عيراقێ راگه‌هاند كو د كۆمبوونا ئه‌ڤرۆ يا جڤاتا نوونه‌رێن عيراقێ دا چه‌ندين پرسيار و تێبينيان د ده‌رباره‌ى وه‌زاره‌تا به‌ره‌ڤانيێ دا ئاراسته‌ى خالد عوبێدى وه‌زيريێ به‌ره‌ڤانيێ هێته كرن.
بڕياره د كۆمبوونا ئه‌ڤرۆ يا جڤاتا نوونه‌رێن عيراقێ دا، خالد عوبێدى، وه‌زيرێ به‌ره‌ڤانيێ بهێته گازيكرن بۆ جڤاتا نوونه‌ران و پرۆژێ قانوونا ئه‌ردو و خانيان ژى بكه‌ڤيته به‌ر ده‌نگدانێ.
د راگه‌هاندنه‌كێ دا، فه‌رمانگه‌ها راگه‌هاندنا جڤاتا نوونه‌ران، كو وێنه‌ك ب ده‌ست ئه‌ڤرۆ نيوز كه‌فتيه، كۆمه‌كا پرسيار و تێبينيان ژ لايێ په‌رله‌مانتاران ڤه دێ ئاراسته‌ى وه‌زيرێ به‌ره‌ڤانيا عيراقێ هێنه كرن.
ئه‌ڤرۆ نيوز:
رێڤه‌به‌ريا هاتنوچوونا پارێزگه‌ها دهۆكێ ل په‌يجێ خوه يێ تۆڕا جڤاكيا فه‌يسبۆكێ وێنه‌ك به‌لاڤكريه كو تێدا چه‌ند كه‌سه‌ك ل گه‌ل نه‌قيبه‌كێ هاتنوچوونێ مژوولى دانا كاميرێن جێگر يێن له‌زاتيێ نه و كو وه‌سان دياره دێ ل ماوێ داهاتى هێنه دانان.
هه‌ر وه‌كو د وێنه‌ى ژى ديار كو جادا بارزانه ل شندوخا و په‌يجێ رێڤه‌به‌را هاتنوچوونا پارێزگه‌ها دهۆكێ ژى ته‌كست ل سه‌ر ڤى جهى كريه و سه‌ره‌راى ڤێ چه‌ندێ ژى ل سه‌ر نڤيسيه “له‌زێ نه‌كه مرن ب له‌زتره”، وه‌كو ئاماژه‌ك بۆ ئاگه‌هداركرنا وه‌لاتيان بۆ پێگريكرن ب رێنمايێن هاتنوچوونێ و بكارنه‌ئينانا له‌زاتيێ.
ئەڤرۆ نیۆز،سالار دۆسکی:
ئەحمەد عەبدوللا زبیر رێڤەبەرێ راگەھاندنێ ل رێڤەبەریا گشتی یا پەروەردێ ل پارێزگەھا دھۆک بۆ ئەڤرۆ نیۆز دیارکر کو دچارچووڤێ سەردانەکێ دا بۆ رێڤەبەریا گشتی یا پەروەردێ ل پارێزگەھا دھۆک، رێکخراوا یونیسف دێ پشتەڤانیا دەراڤی پێشکێشی زارۆیێن دژیێ و د ناڤبەرا (6- 14) سالیێ کەت کو بشێن جارەکا دی ڤەگەرنە قوتابخانێ ڤە و تایبەت ئاوارە و زارۆیێن نافخوە ژی.
ئەحمەد عەبدوللا زبێر رێڤەبەرێ راگەھاندنێ ل رێڤەبەریا گشتی یا پەروەردێ ل پارێزگەھا دھۆک ئەو ژی گۆت: دیسا شاندنێ مێھڤان بەرھەڤی یا خوە بۆ ئەنجامدانا پرۆژان دیاکرینە و دیسا رێڤەبەرێ پرۆژەی بۆ رێڤەبەریا گشتی ھاتیە نیاسین.
زوبیر ئاشکراکر ژی کو رێڤەبەرێ گشتیێ پەروەردێ ل پارێزگەھا دھۆک سەرەرایی دەست خوەشیێ ل شاندنێ رێکخراوا یونسێف ل سەر ئەنجامدانا ڤی کاری، ژێ خواست ھاریکاریا مامۆستا بھێتەکرن و تایبەت ئەوێن ھاتن و چوونێ ژ سەنتەری بۆ دەرڤە دکەن و ئەڤە پشتی نێزیبوونا دەسپێکرنا پرۆسێسا خواندنێ ل سەرانسەری ھەرێما کوردستانێ. .
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌را هاتنوچوونێ ل پارێزگه‌ها دهۆكێ راگه‌هاند كو دوهى د ماوێ سێ ده‌مژمێران دا ل ده‌وروبه‌رێن پارێزگه‌ها دهۆكێ 20 كه‌س بووينه قوربانى.
رائيدێ مافپه‌روه‌ر ئازاد تاها، به‌رپرسێ راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ د داخۆيانيه‌كێ دا بۆ ئه‌ڤرۆ نيوز گۆت: “دوهى رۆژا ئێكشه‌مبى رێكه‌فتى 30ى تيرمه‌ها 2016ێ د ماوێ سێ ده‌مژمێران دا ل جهێن جودا يێن ده‌وروبه‌رێن پارێزگه‌ها دهۆكێ 20 كه‌س بووينه قوربانى روودانێن ترافيكێ”.
رائيدێ مافپه‌روه‌ر زێده‌تر گۆت: “ل ده‌مژمێر 4:00ى ئێڤارى ل دوريانا ناحيا گرده‌سين ترۆمبێله‌كا ژ جۆرێ تويوتا تايبه‌ت پيكاچۆ ره‌نگێ سپى وه‌رگه‌ريا و د ئه‌نجام دا ب مخابنى ڤه كه‌سه‌كى گيانێ خوه ژ ده‌ست دا و دو كه‌س ژى ب گرانى بريندار بوون”.
دا زانين ژى كو هه‌ر دوهى ل ده‌مژمێر 4:45 ده‌قيقه ل سه‌ر رێيا مرنێ د ناڤبه‌را كه‌له‌ك بۆ به‌رده‌ره‌ش دا ل نێزيك گۆندێ گه‌ويلان دو ترۆمبێلان لێكدا و د ئه‌نجام دا د ناڤ ڤان هه‌ردو ترۆمبێلان دا 10 كه‌س ب برينێن سڤك و گران بريندار بوون.
ب گۆره‌ى گۆتنێن ئازاد تاها رێيا مرنێ د ماوێ كێمتر ژ سێ ده‌مژمێران دا زێده‌تر ژ روودانه‌كێ تێدا هاتيه ئه‌نجام دان و گۆت: “روودانه‌كا دژى ل سه‌ر رێيا مرنێ ل ده‌مژمێر 7:00ى ئێڤارى د ناڤبه‌را به‌رده‌ره‌ش و رۆڤيا دا ل نێزيك گۆندێ ئاميانۆك د ناڤبه‌را دو ترۆمبێلان دا روودايه و د ئه‌نجام دا 7 كه‌س ب گرانى بريندار بووينه”.
نه‌ڤه‌شارت ژى كو روودانه‌كا دژى د هه‌مان ده‌م دا و ل سه‌ر جادا داڕهۆزان و گڕك سندى روودا كو ترۆمبێله‌كا كرێ ته‌كسى وه‌رگه‌ريا، لێ خۆشبه‌ختانه گيان ب سلامه‌ت بوون.
به‌رپرسێ راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ هيڤى ژ شوفێران كر كو پێگريێ ب رێنمايێن هاتنوچوونێ بكه‌ن و له‌زاتيێ ب كار نه‌ئينن دا گيانێن وان و يێن ل گه‌ل وان د پاراستى بن.
نيشاندان