ئه‌ڤرۆ نیوز:زه‌رى نه‌وزاد
خالا هه‌ره گرنگ ئه‌وه كو تو بزانى دێ چه‌وا سه‌ره‌ده‌ریێ دگه‌ل مریشكێ كه‌ى ژ به‌ركو ئه‌گه‌ر تو مریشكا به‌ستیكرى بكار بینى دڤێت ل ده‌مێ كرینێ تا ده‌مێ ب كار ئینانێ د هه‌مان پلا ته‌زیاتیێ دا بپارێزى.
هشیاربه مریشكێ نه‌كه د ناڤ ئاڤێ دا بو ده‌مه‌كێ درێژ چونكى ئه‌ڤ كریاره دبیته ئه‌گه‌ر كو بێهنا زناخه‌تێ ل وێ مریشكێ زێده ببیت و ل ده‌ست پێكێ هنده‌ك خه‌لێ دگه‌ل ئارى ب مریشكێ وه‌ركه و دناڤدا تێكڤه‌ده پاشى ب ئاڤێ مریشكا خوه بشو و له‌یمونه‌كێ بگڤێشه سه‌ر ب ڤێ چه‌ندێ دێ باشترین بێهن و تام بده‌ست خوه‌ڤه ئێخى.
ئه‌ڤرۆ نیوز:زه‌رى نه‌وزاد:
د رونكرنةكىَ دا ئاسایشا هه‌ولێرێ دیار دكه‌ت كو چ هێرش و ته‌قه ل مه‌لبه‌ندێ 3 یێ ئێكه‌تیێ نه‌هاتیه كرن به‌لكو دو كه‌سان ژ ئه‌نجامێ كێشه‌یه‌كا كه‌سایه‌تى ته‌قه ل ئێك و دو كریه ل به‌رامبه‌ر ئوتێلا گاردنیا و ته‌قه ل ئوتێلێ ب خوه ژى كریه و ئه‌و دو كه‌سه ژ لایێ پولیسێن هه‌ولێرێ هاتینه ده‌سته‌سه‌ر كرن و ل شه‌ڤا ل دوڤدا ل به‌رامبه‌ر هه‌مان ئوتێل كو دكه‌ڤیته نێزیك مه‌لبه‌ندێ 3 یێ ئێكه‌تى نشتمانى ژ لایێ كه‌سه‌كێ سه‌رخوش ته‌قه هاتیه كرن و ئێكسه‌ر پاسه‌وانێن مه‌لبه‌ندى ته‌قه ل هه‌وایی كرینه.
تێته زانین كو مه‌لبه‌ندێ 3 یێ ئێكه‌تى نشتمانى د راگه‌هاندنه‌كێ دا دیار كریه كو ل ڤان هه‌ردو شه‌ڤان ژ لایێ هنده‌ك كه‌سێن نه نیاس ته‌قه ل مه‌لبه‌ندێ وان هاتیه كرن.
ئه‌ڤرۆ، كاروان باعه‌درى:
كچه‌كا خه‌لكا كۆمه‌لگه‌ها دێره‌بوونێ پشتى 5 رۆژێن خوه سۆتنێ ئه‌ڤرۆ ل 28/2/2016 جانێ خۆ ژ ده‌ستدا .
شه‌مال هه‌وێرى كه‌سه‌كى نێزیكى ڤێ كچێ بۆ مالپه‌رێ ئه‌ڤرۆ نیوز گۆت: ئه‌ڤرۆ ل ریكه‌ڤتى 28/2/2016 كچه‌ك بناڤێ (ئاوات خێرى كرۆ) ل كۆمه‌لگه‌هه‌كا دیره‌بوونێ پشتى 5 رۆژێن خوسۆتنى ل نه‌خوشخانێ جانێ خو ژ ده‌ستدا و نه هاتیه زانینه كا بوچى خوه سوتیه.
ئه‌ڤرۆ نیوز:
ل پارێزگەها دهوکێ ٤٨ دەمژمێرێن بوریدا ژ سەدەمێ ریدانێن ترافیکێ دا ١١ کەسان ژیانا خو ژدەست دایە و چار کەسین دى ژى برینداربوینە.
ئەڤرۆ ٢٨ێ شوباتا ٢٠١٦ێ، رائید ئازاد تاها بەرپرسێ راگەهاندنا هاتن و چوونا پارێزگەها دهوکێ د داخویانیەکێ بو دەزگەهێن راگه‌هاندنێ ڕاگەهاند “دماوێ ٤٨ دەمژمێرێن بوری دا ژسەدەمێ پەیدابونا ٨ ریدانێن ترافیکی یێن جوداجودا ١١ کەسان گیانێ خوژدەست دایە ”
گوت ژى ” دوان ریدانان دا ٤ کەسێن دى ژى برینداربوینە.”
هەژی گوتنێ یە ، د رویدانەکا ترافیکی دا شەڤا بورى ل تاخێ (كه‌ی ئار ئو) ل باژێرێ دهۆکێ ترۆمبێله‌كێ سێ كه‌س هنگافتن و دو كه‌سان ژ وان ئێكسه‌ر ژیانا خۆ ژ دەستدا کو ئێك ژوان قوربانیان د.سه‌ربه‌ست عارف ره‌شید ئامێدی یه كو د بەرێدا سەرۆکێ باژێڕڤانیا دهۆکێ بوو.
ئه‌ڤرۆ نیوز، ئاراس ره‌شاڤایى، نه‌رویج
شه‌ڤا 26 /2/2016 به‌رپرسێ به‌رێ یێ حزبا دیموكراتا ئیرانێ ل نه‌رویج ب ناڤێ مه‌حمود محه‌مه‌دى هاته كوشتن.
مه‌حمود محه‌مه‌دى كو به‌رنیاسه ب مه‌حمود خاس ل مالا وى ل باژێرێ KRISTIANSAND یێ باشوورى نه‌رویج هاته كوشتن.
ل گۆر سایتێ kdpmedia پولیس ب روودانێ هاتینه ئاگه‌هداركرن و ده‌ست ب ڤه‌كولینێ هاتیه كرن.
مه‌حمود خاس خه‌لكێ باژێرێ سه‌رده‌شته ل ئیرانێ ل سالا 1998 ل نه‌رویج دژیت و جهێ ئاماژه پێ كرنێ یه كو چه‌ندین به‌رپرسێن ئیرانى ل ده‌رڤه هاتینه كوشتن.
ئه‌ڤرۆ نيوز:
سه‌رۆكێ فراكسيۆنا پارتى ل په‌رله‌مانێ كوردستانێ راگه‌هاند: رۆژا ئێكشه‌مبى رێكه‌فتى 18ى شوباتا 2016ێ فركسيۆنا وان ل په‌رله‌مانى دێ بۆ دو مه‌ره‌مان كۆمبوونه‌كا تايبه‌ت كه‌ت.
ئۆمێد خۆشناو، سه‌رۆكێ فراكسيۆنا پارتى ديموكراتى كوردستان ل په‌رله‌مانێ كوردستانێ بۆ رووداو گۆت: “به‌حس ل كۆمبوونا جڤاتا سه‌ركرداتيا پارتى دۆموكراتى كوردستان دهێته دكرن كو رۆژا شه‌مبى 27ى شوباتا 2016ێ هاته ئه‌نجام دان، ب تايبه‌ت دانوستاندن ل ده‌رباره‌ى وى تشتان هێته كرن يێن كو تايبه‌ت ب فراكسيۆنا پارتى ل په‌رله‌مانێ كوردستانێ، ته‌وه‌رێ دويێ ژى دێ دانوستاندن بيت د ده‌رباره‌ى ره‌شنڤيسێ پرۆژێ بڕيارا چاكسازيێ، پشتى وه‌رگرتنا بۆچوونان ژ په‌رله‌مانتارێن پارتى، پرۆژه دێ بيته بڕيار و پێشكێشى سه‌ركرداتيا پارتى كه‌ن.
پارتى ديموكراتى كوردستان ل په‌رله‌مانێ كوردستانێ خودانا 38 كورسيێن په‌رله‌مانى يه كو زۆرينه نه و جێگرێ سه‌رۆكێ په‌رله‌مانى ژى يێ ليستا وانه.
ئەڤرۆ نيوز، کاروان باعەدری:
بۆ ماوێ پێنج رۆژان بوو كه‌سه‌كێ ئێزدى دده‌ستێ تيرۆرستان دا ل به‌غدا و ل ئێڤاريا 27ى شۆباتا 2016ێ ژ لايێ وان ڤه هاته كوشتن.
چالاكڤان ته‌لال هه‌سكانى بۆ ئه‌ڤرۆ نيوز گۆت: “كه‌سه‌كێ ئێزدى ب ناڤێ (وه‌سيم عه‌بد بريم) خه‌لكێ گۆندێ دۆغاتا يه ل به‌غدا كار دكر و ئه‌ڤه بۆ ماوێ پێنج رۆژان بوو هاتيه ره‌ڤاندن ژ لايێ هنده‌ك كه‌سێن نه‌نياس ڤه و داخوازا پاره‌ى كربوو، پشتى مالباتا وى پاره ژى بۆ كۆم كرى، دا كو كه‌سێ ناڤبرى بهێته ئازادكرن، كوژمێ مه‌زنێ پاره‌ى دا ده‌ستێ وان و وان ژى ئه‌و زه‌لام دا ده‌ستێ مالباتێ، به‌لێ يێ كوشتى بوو”.
د ماوێ ڤان چه‌ند سالێن بۆرى دا ئه‌ڤه چه‌ندين كه‌سێن ئێزدى ل به‌غدا هاتنه كوشتن و ره‌ڤاندن.
ئەڤرۆ نیوز:
سەرۆکێ جڤاتا پارێزگەھا دھۆکێ ڕەخنە ل حوکمەتێ و پەرلەمانی گرتن کو درژد نینن پشتەڤانیێ ل جڤاتێن پارێزگەھان بکەن کو ب دروستی ڕۆلێ خوە ببینن، د ھەمان دەم دا گۆت ژی: دڤێت وێ چەندێ ژی بێژین کو مە ب خوە ژی خەم ژ وێ چەندێ نەخواریە جڤاتێ کارا بکەین. دیارکر ژی، ھەتا نوکە جڤاتێ یەکا ژمێریاری و بودجە نینە و ب تنێ دو ترومبێل یێن ھەین، ھەر چەندە ھەتا نوکە 60 ڕێڤەبەر یێن ھاتینە گازیکرن کو ھندەک ژ وان دیاربوو د خەمسارن.
فەھیم عەبدوللا، سەرۆکێ جڤاتا پارێزگەھا دھۆکێ بۆ ڕۆژناما ئەڤرۆ گۆت “نە حوکمەت و نە پەرلەمان درژد نینن کو پشتەڤان بن جڤاتێن پارێزگەھان ڕۆلێ خوە ببینن، د گەلەک ھەلکەفتنان ژی دا، مە یا گۆتی جڤاتێن پارێزگەھان کو مەزنترین دەستھەلاتا چاڤدێریێ و دووڤچوونێ و دەرکرنا بریار و ڕێنمایانە نە ل پارێزگەھان، پێدڤیە چاڤدانەکا ل ئاست گرنگیا وان جڤاتان ھەبیت، مخابن ئەم ژ چو لایەنان ڤە نابینین”.
ل دۆر ئەگەرێن ڤێ چەندێ دبێژیت “دبیت ئەم خۆلا ئێکێ بین پشتی قانوونا جڤاتا پارێزگەھان یا ھژمار 3 یا سالا 2009، ھاتیە کاراکرن و کاراکرنا جڤاتێن پارێزگەھان ل گەل ڤان کاودانێن ب زەحمەت یێن کو ھەرێما کوردستانێ تێدا دەرباز دبیت، بەلێ ھندەک تشتێن ھەین مەعنەوی نە و یا مەعقول نینە جڤاتا پارێزگەھەکێ سێ ترومبێل نەبن د خزمەتا ئەندامێن جڤاتێ دابن بۆ ھندێ کارێن خوە بکەن، مە ب تنێ دو ترومبێل یێن ھەین یێن ئیدارا جڤاتێ نە، بەلێ فەرمانگەھەکا حکومی دبیت چەندین ترومبێل ھەبن”.
فەھیمی پشکەک ژ ڤێ چەندێ ھاڤێتە سەر جڤاتێ ب خوە ژی و گۆت “مە وەکو سەرۆکاتیا جڤاتێن پارێزگەھان ب ئەندام ڤە، خەم ژ خوە و کاراکرنا قانوونا جڤاتێن پارێزگەھان نەخواریە، پێدڤیە ئەم ھەموو کارێ خوە دو جارکی لێ بکەین و پتر خوە ب وەستینین بۆ ھندێ ھەما چو نەبیت ڕێ بۆ خۆلا ل دووڤ دا مە دا خوەش بکەین”.
ل دۆر مەرجەعێ جڤاتێن پارێزگەھان دبێژیت “دڤێت مەرجەعێ مە پەرلەمان بیت، چونکو پێدڤیە پەرلەمان چاڤدێریا کارێ مە بکەت و ئاریشێن مە چارەبکەت، بەلێ مخابن پەرلەمان یێ د ئاریشێن خوە دا خەندقی، ڤێجا دێ چ ل مەکەت؟”.
ل دۆر ھاریکاریا پارێزگەھیا دھۆکێ ل گەل جڤاتێ گوت”پارێزگەە یا دشیانێن وێ دا ھەبیت یا دکەت، بەلێ بۆ مە نەخوەشە ئەم تشتان ژ پارێزگەھێ وەبگرین، بۆ نموونە پتریا ڕێڤەبەریێن حوکمەتێ یەکێن ژمێریاریێ یێن ھەین، مە ئەو ژی نینە”.
سەبارەت کارێ دووڤچوونێ و چاڤدێریێ ل سەر دامودەزگەھێن حوکمەتێ، سەرۆکێ جڤاتا پارێزگەھێ گۆت “ھەتا نوکە مە نێزیکی 60 ڕێڤەبەر یێن گازی کرین، ئاریشە چو ژ وەلاتیێن گەھشتبن مە و چو مە ژ وەلاتیان کۆمکربن و چو بەلگە ددەستێ مە دا ھەبن، مە و ڕێڤەبەرێن مە گازیکرین مفا یێ ژێ وەرگرتی، چونکو وان ب درێژی بەحسێ کار و ئاریشە و دەستکەفت و پێدڤیێن خوە کریە”.
ل دۆر وێ چەندێ ئایا ھەوە چەند ڕێڤەبەرێن خەمسار دیتینە و چو پێرابوون وەرگرتینە، دبێژیت” ڕێڤەبەرێن خەمسار ھەبووینە و مە پێشنیار ژی یێن کرین و ھەر چو نەبیت ھندەک یێن ھاتینە گوھۆڕین، بەلێ دبیت گوھۆڕین ب تنێ بەس نەبیت”.
نيشاندان