ئەڤرۆ نیوز:
ئەندامەکێ سەرکرداتیا پارتێ دیموکراتی کوردستان دیارکر، وەلاتی ئەمریکا و فەرەنسا و ئەلمانیا و بریتانیا و ئیتالیا و ھەنگاریا و چیک و کەندا و ھەموو وەلاتێن پشتەڤانیا سەرۆک بارزانی و پێشمەرگەی قەرەمان بۆ ژ ناڤبرنا تیرۆرستان دکەن، نوکە ئەڤ وەلاتێن زلھیز یێ جیھانێ ب ئاشکرایی پشتەڤانیێن سەربەخوەیا کوردستانێ نە.
مەحمود ئێزدی ئەندامێ سەرکرداتیا پارتی دیموکراتی کوردستان بۆ ئەڤرۆ دیارکر کو، پتریا وەلاتێن زلھێزێن جیھانێ پشتەڤانیا ھەرێما کوردستانێ دکەن بۆ سەربەخوەیا کوردستانێ ب تایبەتی ژی ئەو وەلاتێن نوکە پشتەڤانیا پێشمەرگەی کوردستانێ و ھەرێما کوردستانێ بۆ ژناڤبرنا تیرۆرستان دکەن و گۆت: ” وەلاتین ئەقلیمی ژی ھەکە پشتەڤان نەبن دژاتیا ئەنجامدانا رێفراندۆمی بۆ سەربەخۆیا کوردستانێ و دروستکرنا دەولەتا کوردی ناکەن”.
مەحمود ئێزدی، ئەندامێ سەرکرداتیا پارتی دیموکراتی کوردستان دیارکر، ل سەر ئاستی نافخۆیی ژی ھەکە ئیکەتیی نشتیمانیی کوردستان ب ئاشکرایی پشتەڤانیێ بۆ رێفراندۆمی نەکەن، ئەز وێ باوەرێ دامە دژاتیێ ژی ناکەت، لێ بەھانەیا بارودوخ و رەوشا ھەرێمێ ئیکەتیی پشتەڤانیا خوە نیشا نەداینە لێ ئەز دبینم دژاتیی ژێ ناکەن، پرۆژێ رێفراندۆمێ بەری نوکە یی ھاتیە گەنگەشەکرن ل پەرلەمانێ کوردستانی وپەسەندکرن، چونکە ئەو پرۆژەکێ نەتەوەیی ونشتیمانیی یە لی شانازیە پرۆژی پارتی بیت، ئەز دبینم گۆڕان و گومەل پشتەڤان نینن.
ناڤبری ئەو ژی ئاشکرا کر وەلاتێ ئیران و سوریا و تورکیا دترسن دەمێ سەربەخوەیا کوردستانێ ل باشوری دھێتە راگەھاندن کوردێن باکور و رۆژھەلات و رۆژڤا ژێ داخازا سەربەخوەیێ بکەن، ب دیتنا من ئێدی دەم ھات دەولەتا کوردی بھێتە دروستکرن، چونکی کورد ٤٠ ملیون کەسن نە کیمترن ژ چو وەلاتێن جیھانێ ، ھەرێما کوردستانێ دێ بیتە جیرانەکا گەلەک باش بۆ ئیران و سوریا و تورکیا.
مەحمود ئێزدی گۆت: ” ھەرێما کوردستانێ و جەنابێ سەرۆک بارزانی پەێوەندیێن مۆکم دگەل ئیران و تورکیا و دەولەتین ئەقلیمی ھەنە لێ دەمێ بەحسی رێفراندۆمێ و سەربەخوەیا ھەرێما کوردستانێ دھێتە کرن ئەڤ دەولەتێن ئەقلیمێ پشتەڤانیا خوە دیار ناکەن بەلێ ل ھەمبەری رێگر ژی نینە”.
نووترين نووچه
- سەرۆك بارزانی و قونسلێ ئیماراتێ دوپاتی ل پێشڤەبرنا پەیوەندیێن كوردستانێ و ئیماراتێ كر
- نێچیرڤان بارزانی سوپاسییا كۆمسیۆنا بلند یا سەربخوە یا هەلبژارتنان دكەت
- پرسا هەلبژارتنان بۆ هەرێما كوردستانێ یا گرنگ بوو
- بالیۆزا هۆلەندا ل ئیراقێ پیرۆزباهییا سەركەفتنا هەلبژارتنان ل سەرۆكێ هەرێمێ كر
- سەرۆكێ حوكمەتا هەرێمێ پێشوازی ل وەزیرا دەولەتێ ل وەزارەتا بەرگرییا ئەلمانیا كر
- سەرۆكێ هەڤپەیمانییا عەزم و مەسرور بارزانی دوپاتی ل گرنگییا چارەسەركرنا كێشەیان كر
- سەرۆك بارزانی و عەمار ئەلحەكیم پەیوەندیێن د ناڤبەرا هەرێما كوردستانێ و ئیراقێ دا گەنگەشە كر
- سەرۆكێ هەڤپەیمانییا عەزم پیرۆزباهییا سەركەفتنا هەلبژارتنان ل سەرۆك بارزانی كر
- چارەسەربوونا كێشەیێن هەولێر – بەغدا دێ سەقامگیرییا وەلاتی ب هێزتر كەت
- دڤێت چارەسەركرنا كێشەیان ل سەر بنەمایێ دستووری بیت
سه‌ره‌كى Facebook
جەبار یاوەر: لەشکرێ عیراقێ بەرھەڤیێن کونترۆلکرنا مووسلێ نینە
ئه‌ڤرۆ نيوز:
ئەمیندارێ گشتێ وەزارەتا پێشمەرگەی راگەھاند، ھێزا پێشمەرگەێ کوردستانێ و ھێزێن دی یێن پاراستنا ھەرێما کوردستانێ ل سالا ٢٠١٥ دەست ب ئوپراسیۆنا کونترۆلکرنا مووسلێ کریە، بەلێ ئەوێن بۆ وێ پرۆسێ د ئامادەنینە لەشکرێ عیراقا فیدارلە.
جەبارە یاوەر ئەمیندارێ گشتێ وەزارەتا پێشمەرگە، دداخویانیەکێ بۆ تۆڕا راگەھاندنا رووداوێ گۆت: سەبارەت گیربوونا شەڕێ گەیارە، کو بڕیار بوو ل رۆژا چارشەمبی یا رێککەفتی ٨ / ٦ /٢٠١٦ ھاتبا ئەنجامدان، ھەروسا دیارکر، وێ پلانێ پەیوەندی ب ھێزێن لەشکرێ عیراقا فیدرال ڤە ھەیە، ئەو پرسیار دڤێت بۆ فەرماندێن پۆپراسیۆنا رزگارکرنا مووسلێ بھێتە ئاراستەکرن، کو نوکە ل قەزا مەخمور دبنە جھکرینە.
ئەمیندارێ گشتێ وەزارەتا پێشمەرگەی گۆت: ئەم پشکداریێ د ئۆپراسیۆنا گەیارە دا ناکەین، ئەم بتنێ دێ ھێزا پشتەڤانیێ بین، چونکی رێککەفتن وەسا ھاتیە کرن، ئەم بتنێ دێ پشکداریێ ل دووماھی پلانێ کەین، کو پلانا مەزنا رزگارکرنا ناڤەندنا باژێرێ مووسلێ یە، ئەڤە ژی دووماھێ کۆمبوون و رێککەفتنە، کو تێدا رۆلێ ھێزێن پێشمەرگەی تێدا ھاتینە دیارکرن، لەشکرێ عیراقێ و ھێزێن ھەڤپەیمانان و ھێزێن خوەبەخشێن مووسلێ دێ دپشکداربن.
جەبار یاوەر خوەیاکر، ب شێوەکێ فەرمی کۆمبوون ل سەر پلانا رزگار کرنا گەیارە دناڤبەرا وەزارەتا پێشمەرگە و وەزارەتا بەراڤانیا عیراقێ و ھێزێن ھەڤپەیمانان و ھووراتیێن وێ پلانێ نەھاتینە ئەنجامدان، نە ھێشتا کۆمبوونەک ژی بۆ بەحسکرنا پاشەرۆژ و چەوانیا پاراستنا ئێمناھیا باژێرێ مووسلێ ھاتیە کرن، دڤێت ئەڤە ھەموو بھێنە بجھئینان، پاشی پرۆسا رزگارکرنا مووسلێ دەستپێبکەت.
ئەمیندارێ گشتیێ وەزراەتا پێشمەرگە ئاماژەدا، مووسل گرنگیەکا مەزن بۆ ھەرێما کوردستانێ ھەیە، دڤێت رێککەفتنەکا پێشوەخت ھەبیت، ھەر ل سەر ھووراتیێن پلانا رزگارکرنێ و پاراستنا وەلاتیێن سڤیل، ھەروەسا پشتی رزگارکرنێ دڤێت رێککەفتن ھەبیت ل سەر کی دێ ب کارێ پاراستنا مووسلێ رابیت و پارێزیت، ل دووماھیێ ژی دێ ئیدارە و برێڤەبرنا مووسلێ یا چەوا بیت.
جەبار یاوەر دووپاتکر، ھێزێن پێشمەرگە و ھێزێن دی یێن پاراستنا ھەرێما کوردستانێ بۆ پرۆسا کونترولکرنا مووسلێ دئامادەنە. رزگارکرنا شنگالێ و زومار و گوندێن میحوەرێ خازر و ھندەک دەڤەرێن میحوەرێ باشیک، پشکەکە ژ پرۆسا رزگارکرنا مووسلێ، ئەڤە ھەموو ژئالیێ ئیداری ڤە سەرب مووسلێ ڤە نە، بەلێ دەڤەرێن کوردستانی نە.
رێڤه‌به‌ریا پولیسێن دهوكێ پێزانینێن نوو ئاشكرا دكه‌ت
ئه‌ڤرۆ نیوز, رۆژهات لوقمان:
به‌ریا 9 رۆژان كچه‌كا ساله‌ك و شه‌ش هه‌یڤى ب ناڤێ ( مینا مێهڤان ) ل باژارێ دهوكێ بێ سه‌رو شوین ببوو و پشتى 9 رۆژێن لێگه‌ریانێ ئه‌ڤرۆ ل رێكه‌فتى 20/6/2016 ژلایێ پولیسێن پارێزگه‌ها دهوكێ هاته راگه‌هاندن
لیوا تارق ئه‌حمه‌د رێڤه‌به‌رێ پولیسێن پارێزگه‌ها دهوكێ ئاشكراكر به‌رى چه‌نده‌كێ بۆ كوردستان 24 گۆت: ئه‌ڤرۆ ته‌رمێ وێ زارویا به‌ریا نه‌ه رۆژان به‌رزه بوى ل گوندێ ( به‌راشێ ) هاته دیتن و دهه‌مان ده‌م دا ژى بكوژێ وێ زارویێ كو گه‌نجه‌كێ (26) سالى یه و ئاكنجیێ هه‌مان گونده هاته ده‌سته‌سه‌ركرن و دانپێدان ب تاوانا خو كر.
رێڤه‌به‌رێ پولیسێن پارێزگه‌ها دهوكێ گوت ژى: له‌شێ وێ زارویێ ب ته‌مامى نه‌هاتیه دیتن بتنێ هنده‌ك پرچا وێ هاتیه دیتن و به‌ریا چه‌ند رۆژان پێیه‌ك هاتیه دیتن له‌ورا بو پتر پشت راست بون دێ ره‌وانه‌ى هه‌ولێرێ كه‌ین بو پتر ڤه‌كولین و پشت راست بون و گوت ژى: ب ئاماده‌بونا دادوه‌رى پشتى ڤه‌كولین دگه‌ل كه‌سێ تاوانبار هاتیه كرن وى كه‌سى دانپێدان ب تاوانا خو كر كو وى ئه‌و زارویه ره‌ڤاندبوو و پشتى هنگى زارو كوشتیه .
گوت ژى: تاوانبار دێ گه‌هیته سزایێ خو و نها دا ئه‌و تاوانبار یێ ده‌سته‌سه‌ركریه ژلایێ پولیسێن پارێزگه‌ها دهوكێ .
نه‌ڤه‌شارت ژى: كه‌سێ تاوانبار دهێـته پێشبینیكرن كو یێ باش نه‌بیت ژلایێ ته‌ندروستیا ده‌رونى ڤه.
وێنه‌كێ ل گه‌ل بابێ خوه به‌لاڤ دكه‌ت
سه‌رۆك بارزانى: ئه‌وله‌ویه‌تا سه‌ره‌كى یا هه‌رێما كوردستانێ شه‌رێ داعشه
ئه‌ڤرۆ نیوز:
مه‌سعود بارزانى سه‌رۆكێ هه‌رێما كوردستانێ ئه‌ڤرۆ پێشوازى ل شانده‌كێ هه‌ڤپشكى عیراقى ئه‌مریكى كر كو پێكهاتبوو ژ فال فه‌یاز شیره‌تكارێ ئاسایشا نه‌ته‌وى یا عیراقێ و برێت مكگورگ نوونه‌رێ تایبه‌تێ سه‌رۆك ئۆباما بۆ هه‌ڤپه‌یمانیا دژى داعش و داعش و ستیوارت جۆنز بالیۆزێ ئه‌مریكا ل عیراقێ و مه‌تیوس میتمان قونسلى ئه‌مریكا ل هه‌ولێرێ.
د كۆمبوونه‌كێ دا، شاندێ مێهڤان سه‌ركه‌فتنێن پێشمه‌رگه‌ى ل شه‌رێ دژى تیرۆرستان ل به‌ره‌یێ باكوور و رۆژهه‌لاتێ مووسل ل سه‌رۆك بارزانى كر و به‌حسێ ره‌وشا مه‌یدانى یا به‌رۆكێن شه‌رێ تیرۆرستان ل فه‌لوجه و پارێزگه‌ها نه‌ینه‌وا و سووریا بۆ بارزانى كر.
شیره‌تكارێ ئاسایشا نه‌ته‌وى یا عیراقێ په‌سنا رۆلێ سه‌رۆك بارزانى د شه‌رێ تیرۆرستان دا كر و دوپاتكر كو هه‌رێما كوردستانێ و هێزا پێشمه‌رگه‌ى هه‌ڤپشكا راسته‌قینه یا عیراق و هه‌ڤپه‌یمانانه ل شه‌رێ تیرۆرستان و ئازادكرنا مووسل و پێگیربوونا حوكمه‌تا عیراقێ د ڤى وارى دا دوپاتكر.
د پشكه‌كا دى یا كۆمبوونێ دا، نوونه‌رێ تایبه‌تێ سه‌رۆك ئۆباما بۆ هه‌ڤپه‌یمانیا دژى داعش و داعش و بالیۆزێ ئه‌مریكا ل عیراقێ به‌حسێ گرنگیا هه‌ماهه‌نگیا د ناڤبه‌را هه‌رێما كوردستانێ و نه‌هێلانا ئاسته‌نگ و شاشتێگه‌هشتنا د ناڤبه‌را وان دا كر و پشته‌ڤانیا وه‌تێ خوه بۆ پێشمه‌رگه‌ى و هێزێن عیراقێ د شه‌رێ دژى تیرۆرستان دا دوپاتكر.
د هه‌مبه‌ر دا سه‌رۆك بارزانى راگه‌هاند، ئه‌وله‌ویه‌تا سه‌ره‌كى یا هه‌رێما كوردستانێ شه‌رێ داعشه، هه‌روه‌سا هه‌ماهه‌نگیا د ناڤبه‌را هه‌رێم و عیراق و ئه‌مریكا دا ب پێدڤى زانى بۆ ئێكلاكرنا گرفتان و شاندنا تیرۆرستان.
هه‌ر د ڤێ كۆمبووونێ دا، دوپاتى ل هه‌بوونا پلانا هه‌ڤپشكا سیاسى و ئێمناهى و سه‌ربازى بۆ ئازادكرنا مووسل و قوناغا پشتى ئازادكرنێ كر و به‌حسێ كێشێن هه‌ولێر و به‌غدا د وارێ په‌ترۆل و گرفتێن ئابوورى دا كر.
ره‌وشا زێر و زيڤى ل بازارێن دهۆكێ
ره‌وشا دراڤى ل بازارێن پاره‌گوهۆڕان
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 19ى تيرمه‌ها 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1273 |
| 1 يۆرۆيێ ئه‌ورۆپى | 1420 |
| 1 ليرێ توركى | 435 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
زەلامێ من پەیوەندیا دگەل ژنەکا دی ھەی
ئەڤرۆ نیوز:
ژنەکا 31 سالی دلێ خوە بۆ ئەڤرۆ ڤەدکەت و دبێژیت: ئەز فەرمانبەرم و من دو زارۆ ھەنە، ئەڤە 6 من شوو کری ، لێ ب حەژێکرن من شووکریە و زەلامێ من ژی ھەر فەرمانبەرە و بارێ مە یێ ئابوی یێ باشە، لێ پشتی کو من زانی زەلامێ من پەیوەندیا دگەل ژنەکا دیتر ھەی و دچیتە لنک وێ ئەڤ چەندە بۆ ئاریشە دناڤبەرا من و ھەڤژینێ مندا، لەوما نێزیکی من نابیت بتنێ زەلامێ من ھەیڤێ جارەکێ بو نڤستنێ ب شەڤێ دھێتە لنک من، من دڤێت خۆ ژێ بدەمە بەردان لێ ژبەر ھەردو زارۆیێن خوە دلنادەم بھێلم، ئەڤجا ھیڤیە بو من چارەیەکێ ببینن کا ئەز چ بکەم و ھوون چ دبێژن ؟
خانما ھێژا :
یا گرنگە تو ھزرێ د زارۆیێن خوەدا بکەی و چ پێنگاڤێن بلەز نە ھاڤێژە و بێگومان چ بو زارۆیێن خوە بکەی ھەر کێمە، ژبەرکو ھەر کێماسیەک د بەرامبەری وان دا گونەھباریە، ئەڤجا بەرژەوەندیا وان ھەردەم دانە بەرچاڤ و بزانە دەمێ پەیوەندیا دناڤبەرا ھەوە سست بوی ئەوێ ئەگەر ھەنە و دڤێت ھەر ژ دەستپێکێ ھوون لسەر راوەستیابانە و ھەوە چارەسەر کربا، ژبەرکو مافێ تەیە کو ھەڤژینێ تە رێزێ ل مەرجێن ھەڤژینیێ بگریت و دەم نەبوریە بەلکو بورینا وێ چارەسەرکرن یا بزەحەتتر ئێخستی، بەلێ تو و ئەو دڤێت لسەر خاترا زارۆیێن خوە لێ نێرینەکا ورد د رەفتارێن خوە دا بکەن و دانوستاندنەکا جدی دگەل ھەڤژینێ خوە بکە کا ئەگەر چ بوینە ھەڤژینێ تە ڤیانا خوە دایە ژنەکا دی و تو لپشت گوە ھاڤێتی و دەما کو ھوون ب وردی لدووڤ ئەگەرا گەریان ئەکید دێ چارەسەری ژی بو وە یا ئاسان بیت، دا کو ھوون ریفورمەکێ بێخنە رەفتارێن خوە و جارەکا دی پەیوەندی ب زڤرن وەکی بەرێ و ھشیار بە نەھێلە ئاریشە مەزن ببن و ھەر ژ دەستپێکێ چارەسەر بکەن.
ل ڤان نێزیکان سێ وەلاتێن عەرەبی ل سەر نەخشەیی نامینن
ئەڤرۆ نیوز، زنار تۆڤی:
رێڤەبەرێ بەرێ یێ دەزگەھێ ھەوالگیریا ئەمریکا(CIA) دەربارەی بارودۆخێ رۆژھەلاتا ناڤەراست دبێژیت، ل ڤان نێزیکان سێ وەلاتێن عەرەبی ل سەر نەخشەیێ رۆژھەلاتا ناڤەراست دێ ھێنە ژێبرن.
مایکل ھایدن، رێڤەبەرێ یێ ھەوالگیریا ئەمریکا راگەھاندیە،ل ژێر روشنایا رێکەفتنناما سایکس بیکۆ کو بەری سەد سالان ھاتبوو ئیمزاکرن،لڤان نێزیکان و ب لایێ کێمڤە،دو وەلاتێن عەرەبی ل سەر نەخشەیێ رۆژھەلاتا ناڤێن ووێ ھێنە ژێبرن.
سەرباری ڤان ھەردو وەلاتان،ناڤێ چەند وەلاتێن دی یێن عەرەبی ئینا،کو نوکە شەر دناڤدا سەرھلدایە،مایکل ھایدنی زۆ رۆژناما “لۆ ڤیگارۆ” یا فرنسی گۆتیە،پێدڤیە روو ب روو راستیان ببین،کو چ دەولەت ب ناڤێ عێراق و سووریا نەماینە،لۆبنان ژی یا بەرەف شکەستنێ دچیت.
وی بەرپرسێ ئەمریکی زێدەتر گۆتیە،ئەو وەلات ھەمی یێن دڵبەش بووین بۆ سەر چەند ناڤان،ژ وانا:کورد،شیعە،سوننە،داعش و قاعیدە،کو بەری نوکە ل ژێر ناڤێ عێراق و سووریێ کوم ببوون.
ھەروەسا گۆتیە ژی: ئەڤ دەڤەرە د دۆخەکێ نەسەقامگیردایە و ب ڤی رەنگی دێ مینیت،بۆ چەند سالێن بھێت ھەکە وەلاتێن کاریگەر بزاڤێ نەکەن.
کۆتای پێھێنان
بۆچى مرۆڤ ره‌مه‌زانێ قه‌له‌و دبيت و چه‌ند كيلۆيان زێده دكه‌ت؟
ئەڤرۆ نیوز:
سەرەراری نەخوارن و ڤەخوارنێ ژ ئەگەرێ رۆژیگرتنێ د ھەیڤا رەمەزانێ دا، گەلەک کەس قەلەو دبن و قەلەویا وان ژبۆ نەدووڤچوونا شێوازەکێ دروستێ خوارنێ و مژوولبوونا وان ب شەڤێ ھەمیێ ب خوارنێ ڤە ڤەدگەریت و دیسان نەئەنجامدانا وەرزشێ و وەرزش ژ کارێن گرنگە دھەیڤا رەمەزانا پیروز دا داکو لەشێ مرۆڤی یێ ب ھێز بیت و دوبارە ب ڤەژیتەڤە و شێوازێن دروستێن خوارنا ساخلەم باشترین دەرگەھن کو مرۆڤ ب ساخلەمی ژینا خۆ ببورینیت.
ژبۆ نەھێلانا قەلەویێ د ھەیڤا رەمەزانێ دا پێدڤیە ھەڤسەنگیەک دناڤبەرا خوارنا پاشیڤێ و فتارێ دا ھەبیت و باشترە خوارنا مرۆڤی یا پێکھاتی بیت ژ خوارنێن کو ( زوو بھێنە ھەرسکرن و مرۆڤی تێر بکەن، کێم کاوری دناڤدا ھەبن و گەلەک پێکھێنەر و ژێدەرێن خوارنێ دناڤدا ھەبن و لەورا ژی باشترە مرۆڤ دەستپپێبکەت ب ڤەخوارنا ئاڤێ یان شەربەتێ یان زەلاتێ و دیسان باشترە مرۆڤ دانەکی کاربوھیدراتان وەکو ( مەعکەرونا و پتات و برنجی) ب کەمیەکا کێم بخوت، دگەل زەلاتەکا کەسکاتیێ و خوارنا ماسیێ.ھەروەسان دێ باشتر بیت ھەکە شریناھی ب دو دانێن سڤک بھێنە خوارن.
ژبوونا وێ چەندێ مرۆڤ ب باشترین ساخلەمی رۆژیێن خۆ ببورینیت، باشترە مرۆڤ ل پاشیڤان زەلاتێ و پارچەیەکا نانی یان گوشتی یان مریشکێ بخوت دگەل فێقی و ماستی و شوربێ بەلێ پێدڤیە گەلەک چەوری دناڤدا نەبن.
ل دەمێ فتارێ ژی باشترە ماعونەکا شوربێ دگەل خوارنێن کاربوھیدری و زەلاتێ بھێنە خوارن و خوارنا شرینی ژی یا پێدڤیە بەلێ بێی ئیسرافکرن، ب ڤی رەنگی ھەر کەسەک دێ شێت سەنگێ خۆ راگریت و مرۆڤێن قەلەو ژی ب شێوەیەکێ سروشتی زەعیف دبن.
ژبوی مرۆڤ پاراستنا بەژ زراڤیا خۆ بکەت یا پێدڤیە ل دووڤ چەند رێیەکان خوارنێ ئامادە بکەت وەکو خوارنێن ب روین و شرین کێم بکەت بەلێ نەکو ب ئێکجاری خۆ ژێ دوور بکەت، دیسان ڤەخوارن و شلەمەنیێن دەستکرد کێم بکەت و ل جھێ وان ئاڤەماستێ یان عەێیرا فێقی ڤەخوت و ھندی دشیان دابیت دگەل خوارنێ ئاڤێ و شەربەتێ نەڤەخوت.
ھندەک ژ رۆژیگران ل دەمێ رەمەزانێ ھندەک خەلەتیان دوارێ خوارنێ دا دکەن و ئەو خەلەتی دبنە ئەگەر کو سەنگێ وان زێدەببیت و قەلەو بن و ژ گرنگترین وان خەلەتیان دێ دەست ب فتارێ کەن ب خوارنا گەلەک شریناھیان و ب شەڤێ ھەمیێ دێ بەردەوام خوارنێ خوون و ئەڤە کارتێکرنێ ل سەنگێ وان دکەت. ھەروەسان ل دەمێ پاشیڤێ ھندەک ھەنە دێ خوارنێن پری روین دخون ب مەرەما وێ چەندێ کو برسی نەبن، ئانکو ب کورتی ئەم دشێین بێژین ھەیڤا رەمەزانێ بۆ ھندەک ژ خەلکی وەکو فیستەڤالا خوارنێ یە و ئەڤ چەندە ل دھۆکێ ژی یا بەرچاڤە و دبیتە ئەگەرێ قەلەویێ و دیسان راستە ھندەک کەسێن نەخوش ژی مفای ژ رەمەزانێ دبینن دەمێ خوارنێ کێم دخون بەلێ ب شەڤێ دوبارە دەست ب خوارنێ دکەنەڤە و یا باشتر ئەوە ل جھێ ڤێ چەندێ رۆژیگر خو ب وەرزشێ ڤە مژوول بکەت داکو ھێز و شیانێن وی بھێنە ڤەژاندن و بشێت کارێن خو یێن رۆژانە ئەنجام بدەت.
نيشاندان
WP Facebook Auto Publish Powered By : XYZScripts.com