ئه‌ڤرۆ نيوز:
نووترين نووچه
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
- مەسرور بارزانی: پێدڤییە بەرپرسێن پارتی زێدەتر خزمەتا خەلكی بكەن
- هیڤیدارین حوكمەتا فیدرال مووچەی نەكەتە پرسەكا سیاسی
- بەغدا مووچەی وەك كارەتەكا فشارا سیاسی بەرانبەر هەرێما كوردستانێ ب كار دئینیت
- مافێ چارەنڤـیس، مافـەكێ سروشتیێ نەتـەوەیا كـوردە
- نێچیرڤان بارزانی ب فەرمی بۆ وەلاتێ قەتەرێ دهێتە ڤەخواندن
- نێچیرڤان بارزانی و مەسرور بارزانی پیرۆزباهیێ ل شیرەتكارێ نوو یێ ئەلمانیایێ دكەن
- سەرۆكێ حوكمەتا هەرێمێ دوپاتیێ ل بهێزكرنا پەیوەندییان ل گەل هندستانێ دكەت
- خسرۆ گۆران: روودانێن دەڤەرێ كاریگەری ل سەر هەلبژارتنێن ئیراقێ نابیت
- نێزیكی 50 هزار تیرۆرست و كەسوكارێن وان مووچەیێ شەهیدان ژ حوكمەتا ئیراقێ وەردگرن
سه‌ره‌كى Facebook
رێژا باران بارينێ د 24 ده‌مژمێرێن بۆرى دا
جێگرا سه‌روكێ په‌رله‌مانێ ئه‌لمانیا : ئه‌م یێن هاتین دا هاریكاریا كوردستانێ بكه‌ین
ئه‌ڤرۆ نیوز، ئه‌كره‌م ئیبراهیم
ئه‌ڤرو سپێدێ ( فه‌رهاد ئه‌مین ئه‌تروشى ) پارێزگه‌رێ دهوكێ پێشوازیا (كلاودیا روس) جێگرا سه‌روكێ په‌له‌مانێ ئه‌لمانیا قیدرال و شاندێ دگه‌لدا كر ,
دهه‌ڤدیتنه‌كێ دا ب ئاماده‌بونا (ئیسماعیل محه‌مه‌د ئه‌حمه‌د) هاریكارێ پارێزگه‌رێ دهوكێ بو كاروبارێن مروفایه‌تى به‌حسێ ره‌وش و سه‌روبه‌رێ ئاواره و په‌نابه‌ران ل سنورێ پارێزگه‌ها دهوكێ و ئه‌و كارو خزمه‌تێن ژلایێ پارێزگه‌ها دهوكێ و رێكخراوێن UN و خیرخازى ڤه بو دهێنه پێشكێش كرن هاته كرن ,
پارێزگه‌رێ دهوكێ به‌حسى پلانا پارێزگه‌هێ یا هاریكارى كرنا ئاواره و په‌نابه‌را كر و دیار كر كو پێدڤیه جڤاكێ نێڤ ده‌وله‌تى باشتر هاریكاریا پارێزگه‌ها دهوكێ و حكومه‌تا هه‌رێمێ بكه‌ت داكو باشتر خزمه‌تا ئاواره و په‌نابه‌را بهێته كرن و دیار كر حكومه‌تا به‌غدا ل دیف ئاستى پێدڤى هاریكارى بو ئاواره و په‌نابه‌را نه‌كرینه و هه‌مى ئاوارێن هاتینه پارێزگه‌هێ ئه‌ركێ حكومه‌تا فیدراله هاریكاریا وان بكه‌ت ژبه‌ر كو ژ ده‌ڤه‌رێن ژێر ده‌ستهه‌لاتا وان هاتینه ,
دلایه‌كێ دیێ هه‌ڤدیتنێ دا پارێزگه‌رێ دهوكێ داكوكى ل وێ چه‌ندێ كر كو پێدڤیه هاریكاریێن باش بو ده‌ڤه‌رێن نوى رزگار كرى بهێنه كرن داكو خه‌لك قه‌ستا جه و وارێن خو بكه‌نه و بزاڤێن ژرد بهێنه كرن بو ئاڤه‌دانكرنا وان ده‌ڤه‌را و ڤه‌گه‌راندنا خه‌لكێ ئاواره هه‌روه‌سا هاریكاریا خه‌لكێ پارێزگه‌ها دهوكێ ژى بهێته كرن ژبه‌ر كو گه‌له‌ك زیان گه‌هه‌شتیبنه ژێرخانا وێ دگه‌له‌ك بیاڤادا ,
ژلایێ خوڤه جێگرا سه‌روك په‌رله‌مانێ ئه‌لمانیا سوپاسى و ده‌ست خوشیا خه‌لكێ پارێزگه‌ها دهوكێ و كارگێریا پارێزگه‌ها دهوكێ كر بو وان هاریكارێن بو ئاوارا و په‌نابه‌را كرین و دیار كر كو ئه‌م دزانین گڤاشتینێن مه‌زن ل سه‌ر پارێزگه‌ها دهوكێ هه‌نه و حكومومه‌تا به‌غدا هاریكاریا پێدڤى نه‌كریه و ئاماژه كر كو ئه‌و یێن هاتین بزانن چ ئاریشه و ئاسته‌نگ هه‌نه داكو هاریكار بن بو چاره‌كرنا وان ژبه‌ر كو نوكه هه‌رێم دقه‌یرانا ئابورى و شه‌رى دژى داعش و هاتنا ڤێ رێژا مه‌زن یا ئاوارا دایه , و گوت مه‌دڤیت هاریكاریا كوردستانێ بكه‌ین چونكى كوردستان دشێت ته‌ناهیێ ل ده‌ڤه‌رێ په‌یدا بكه‌ت و ته‌ناهیا هه‌ى بپارێزیت ,,, و ئه‌ز هاتیمه دا پێزانینا كوم بكه‌م و لدیف وان پێدڤیا هاریكاریا كوردستانى بین ,
دیڤدا پارێزگه‌رێ دهوكێ و جێگرا سه‌روك په‌رله‌مانێ ئه‌لمانیا سه‌ره‌دانا كه‌مپا شاریا یا ئاوارا كر و سه‌حكره وان خزمه‌تێن بو دهێنه پێشكێش كرن ل وان بنگه‌هێن رێكخراوا جى ئاى زید یا ئه‌لمانێ دورست كرین و گه‌ریانه‌ك دناف كه‌مپا شاریا دا كر و گوهداریا پێدڤى و كێم و كاسیان ژ ئاوارا كر و دیڤدا سه‌ره‌دانا كه‌مپا ئاكرێ یا ئاوارا هاته كرن و سه‌حكره ره‌وشا ئاوارا و پێدڤیێن وان …
زارۆيه‌ك كه‌فته د بركه‌كا ئاڤێ دا و گيانێ خوه ژ ده‌ست دا
ئه‌ڤرۆ نيوز:
رێڤه‌به‌ريا راگه‌هاندنا پۆليسێن پارێزگه‌ها دهۆكێ راگه‌هاند كو ئه‌ڤرۆ رۆژا ئه‌ينى پشتى زارۆيه‌كا بچووك كه‌فتيه د بيره‌كا ئاڤێ دا گيانێ خوه ژ ده‌ست دا.
رائيدێ مافپه‌روه‌ر هێمن سلێمان، به‌رپرسێ راگه‌هاندنا پۆليسێن پارێزگه‌ها دهۆكێ بۆ ئه‌ڤرۆ نيوز گۆت: “ئه‌ڤرۆ به‌رى مه‌غره‌ب ل كۆمه‌لگه‌ها مرۆين يا سه‌ر ب قه‌زا سێمێل ڤه پشتى زارۆيه‌ك ب ناڤێ مينا فارس يا سال و نيڤ كه‌فتيه د بيره‌كا ئاڤا په‌زى دا، خه‌ندقى و گيانێ خوه ژ ده‌ست دا”.
كێشه كه‌فتنه ناڤبه‌را له‌شكرێ عيراقێ و حه‌شه‌د شه‌عبى
ئه‌ڤرۆ نيوز:
كێشه كه‌فتنه ناڤبه‌را فه‌رماندێن حه‌شه‌د شه‌عبى و حوكمه‌تا عيراقێ و سه‌رۆك وه‌زيرێن عيراقێ ژى لژنه‌كێ بۆ چاره‌كرنا ڤێ كێشێ پێك دئينيت.
فه‌رمانده‌يێن حه‌شه‌د شه‌عبى ژ جوداهيا د ناڤبه‌را مووچێ وان و له‌شكرێ عيراقێ دا د نه‌ره‌حه‌تن و هنده‌ك كه‌فێن ده‌ست به‌ردانێ ژ ڤى كارى كريه، چونكو وه‌سان دبينن حوكمه‌تا عيراقێ ل سه‌ر بنه‌مايێ زانستى بۆدجێ هێزان نامه‌زێخيت و جوداهيێ د ناڤبه‌را وان دا دكه‌ت.
نڤيسينگه‌ها تايبه‌تا حه‌يده‌ر عه‌بادى سه‌رۆك وه‌زيرێن عيراقێ ژى ئه‌ڤرۆ رۆژا ئه‌ينى رێكه‌فتى 5ى شوباتا 2015ێ راگه‌هاند: ده‌رباره‌ى كێشێن حه‌شدا شه‌عبى لژنه‌ك هاتيه پێكئينان و ل سه‌ر چاوانيا به‌لاڤكرنا مووچان و بۆدجێ و پێدڤيێن له‌شكرى دێ ڤه‌كۆلينێ كه‌ت.
فه‌رماندێن حه‌شه‌د شه‌عبى گه‌فێن وێ چه‌ندێ دكه‌ن كو هه‌كه د ماوه‌كێ كێم دا به‌رسڤا داخۆازيێن وان نه‌هێته دان دێ به‌ره‌يێن شه‌رى چول كه‌ن.
زیانێن سەرمایێ یێن ئەم نەزانین
ئه‌ڤرۆ نيوز:
ڤەکۆلەرێ Jena University Hospital د ڤەکۆلینەکێ دا بنەجھکر کو سەرما یان نزمبوونەکا بچووک دپلێن گەرمێ دا دبیتە ئەگەرێ تووشبوونا ب نەخۆشیێن دلی و دەمارێن خوینێ، ئەڤە پشتی تاقیکرن ل سەر 1700 کەسان ھاتیە کرن دیار بوو، کو ڤەکۆلەران دڤیا ھەڤبەندیەکێ د ناڤبەرا سەقای و رەوشا وان یا ساخلەمی بزانن. ڤەکۆلەر شیان ئێکسەر بگەھنە وی ئەنجامی کو سەرما دبیتە ئەگەرێ جەلتا مێشکی و ئەڤێ پێدڤی ب سەرمایەکا ب ھێز نینە، بەلکو ب تنێ نزمبوونەکا کێم د پلێن گەرمێ دا خو بلا دو پلە ژی بن ب رێژا 11% دبیتە ئەگەرێ جەلتا مێشکی. بەلێ وان کەسێن کو ل بەرە تووشی جەلتا مێشکی بن وەکو وان کەسێن کولیستۆرلێ وان یێ زێدە و جگارەکێشان، سەرما تووشبوونا ب جەلتا مێشکی ب رێژا 30% زێدەتر لێدکەت.
ڤەکۆلەر ئاماژێ ددەن کو ئەگەرێ ڤێ چەندێ ئەوە کو سەرما ئاستەنگان بۆ ھاتن و چوونا خوینێ د دەماران دا چێدکەت کو دبیتە ئەگەرێ پەیدابوونا بەرکان ئەوێن دەمارێن مێشکی دگرن، ھەروەسا سەرما دەمارێن خوینێ دگڤێشیت و فشارا خوینێ بلند دکەت کو ئەڤە ھەمی ئەگەرن کو جەلتا مێشکی پەیدا ببیت.
ژمارا قوربانيێن ئۆتێل كاپيتۆل د زێده‌بوونێ دايه
ئەڤرۆ نیۆز، قائید میرۆ:
پارێزگارێ ھەولێرێ ئاشکراکر، ھەتا نوکە 17 کەسان دناڤا ئوتێل کاپیتۆل گیانێ خوە ژدەستدایە و پتریا وانژی وەلاتیێن بیانینە.
نەوزاد ھادی پارێزگەرێ ھەولێرێ ل جھێ روویدانا ئوتیل کاپیتۆل راگەھاند راگەھاند” ئەگەرێ روویدانا سووتنا ئوتێل کاپیتۆل ل ژێر زەمینا ئوتێلێ بوویە و ھەتا نوکە نێزیکی حەڤدە کەسان گیانێ خوە ژدەستدایە کو چواردە ژوان وەلاتیێن بیانینە و یێن دیژی خەلکی ھەرێما کوردستانێ نە.
ھادی دیارکر، ھێشتا ھژمارا کەسێن بریندار بتەمامی نەھاتیە زانین ھژمارەکا زۆرا برینداران گەھشتینە نەخۆشخانێ و تەنگەفەسی بۆ پەیدابوویە.
ئورۆپا كه‌يسا ئێزدى و كرستيانێن كوردستانێ ب جينوسايد هه‌ژمارت
ئه‌ڤرۆ نيوز، له‌زگين جۆقى:
دلاوه‌ر ئاژگه‌ى، نوونه‌رێ حوكمه‌تا هه‌رێما كوردستانێ د داخۆيانيه‌كا تايبه‌ت دا بۆ ئه‌ڤرۆ نيوز گۆت: “ل دووڤ بڕيارا نێچيرڤان بارزانى و پشته‌ڤانيا وى يا به‌رده‌وام شيان كه‌يسا ئێزدى و كرستيانێن كوردستانێ ل دادگه‌ها ئورۆپا ب جينوسايد ب هه‌ژمێرن”.
زێده‌تر گۆت: “ئێكه‌تيا ئورۆپا ئه‌ڤرۆ رۆژا ئه‌ينى رێكه‌فتى 5ى شوباتا 2016ێ ب بڕيارا rcb8_1049 كه‌يسا كوردێن ئێزدى و كرستيانان ب جينوسايد هه‌ژمارت”.
د روودانه‌كا ترافيكێ دا كوڕێ خوه يێ دو سالى كوشت
ئه‌ڤرۆ نيوز:
به‌رپرسێ راگه‌هاندێ ل رێڤه‌به‌ريا پۆليسێن پارێزگه‌ها دهۆكێ بۆ ئه‌ڤرۆ نيوز گۆت: “پشتى نيڤرۆيا ئه‌ڤرۆ رۆژا ئه‌ينى رێكه‌فتى 5ى شوباتا 2016ێ ل ناحيا قه‌سرۆك د روودانه‌كا ترافيكێ دا شوفێره‌كێ ب ناڤێ “ب.ج.ع” ب ترۆميێلا خوه يا تايبه‌ت ل نێزيك مالا خوه كوڕێ خوه يێ دو سالى ب ناڤێ “ل.ب.ج” دا و ئێكسه‌ر زارۆى گيانێ خوه ژ ده‌ست دا”.
رائيدێ مافپه‌روه‌ر هێمن سلێمان زێده‌تر گۆت: “ته‌رمێ وى زارۆى بۆ نوشداريا داد ل دهۆكێ هاته ره‌وانه كرن و ل دووڤ بڕيارا دادوه‌رێ ڤه‌كۆلينێ، ڤه‌كۆلين بۆ بنگه‌هێ پۆليسێن قه‌سرۆكێ هاته ره‌وانه‌كرن”.
ئاگر به‌ربوو ئۆتێله‌كێ و ب كێمى 8 كه‌سان گيانێ خوه ژ ده‌ست دا
ئەڤرۆ نیۆز، قائید میرۆ:
ژێدەرەکێ تایبەت ب ئەڤرۆ نیۆز راگەھاند” مەغرەبیا ئەڤرۆ رۆژا ئه‌ينى رێكه‌فتى 5ى شوباتا 2016ێ ل سەنتەرێ باژێڕێ ھەولێرێ ئاگر بەربوویە ئوتێلەکێ بناڤێ کاپیتول و ھەتا نوکە ھەشت کەسان گیانێ خوە ژدەستدایە و ھژمارەکا کەسێن ناڤا ئوتێلێ ژی ئاسێ بووینە.
ژێدەری گۆتژی” تیمێن ھەوار ھاتنێ مژۆیلی رزگارکرنا وەلاتیانن و چەندین کەس گەھاندینە نەخۆشخانا تەنگاڤیا .
نەقیب ھۆگر عەزیز، پەیڤدارێ پۆلیسێن ھەولێرێ ب ئەڤرۆ نیۆز راگەھاند” ھەتا نوکە ئەم مژۆیلی کۆنتڕۆلکرنا ئاگرینە و ھەتا نەھێتە کۆنتڕۆلکرنا ھژمارا قوربانیان ناھێتە زانین بدروستی.
نيشاندان
WP Facebook Auto Publish Powered By : XYZScripts.com