ئەڤرۆ نیوز،زنار تۆڤی:
ئەڤرۆ جارەکادی بۆهایێ ئێک بەرمیلێ نەفتا برێنت گەهشتە 35 دۆلاران ل بازارێن جیهانی دا،ئەڤ چەندە هات پشتی کو داخوازی ل سەر نەفتێ زێدەبووی د بازارێ فرۆشتنا نەفتێ دا و هەروەسا پشتی هەولدانێن رووسیا یێن بەردەوام بۆ بلندکرنا بۆهایێ نەفتێ ل بازارێن جیهانی دا وەکریە کو ئەڤرۆ بۆهایێ نەفتێ بلندبوونەکێ بخۆڤە ببینیت.
ئه‌ڤرۆ نيوز:
کریستۆڤەر هێل بالیۆزێ بەرێ يێ ئەمریکا ل عیراقێ دياركر كو وى چ داخویانى دەربارێ وێ يه‌كێ نه‌داينه كو وى راگەهاندبیت بەرپرسێن هەرێمێ ٨٠ ملیار دۆلار برنە دەرڤەی وەلاتى.
چه‌ند رۆژه‌كن چه‌ند كه‌نالێن راگه‌هاندنێ ئاماژه ب وێ يه‌كێ دكه‌ن كو کریستۆڤەر هێل، باليوزێ به‌رێ يێ ئه‌مريكا ل عيراقێ گوتيه كو كومپانيێن حزبێن هه‌رێمێ 80 مليار دولارێن وان ل به‌نكێن ده‌رڤه نه.
ئه‌ڤرۆ نیوز:
سه‌فین دزه‌یى په‌یڤدارێ حوكمه‌تا هه‌رێما كوردستانێ ئاماژه ب وێ یه‌كێ كر دیاركرنا رێژا پارێ هه‌لگرتنا مووچێ فه‌رمانبه‌ران هێشتا نه‌هاتیه دیاركرن، به‌لكو دێ لژنه‌یه‌ك بۆ هێته پێكئینان.
سه‌فین دزه‌یى دیاركر هه‌موو ئه‌و بڕیارێن حوكمه‌تا هه‌رێما كوردستانێ ل دۆر پلانا دابه‌شكرنا مووچان دوهى داین پێدڤی ب رێنمایێن نوو نه و گۆت” حه‌فتیا بهێت رێژا هه‌لگرتنا مووچێ فه‌رمانبه‌ران ل دووڤ پلاوه‌زیفێ دێ هێته دیاركرن”.
حوكمه‌تا هه‌رێما كوردستانێ دوهى چه‌ند بڕیاره‌ك سه‌باره‌ت چاوانیا ره‌فتاركرنێ ل گه‌ل قه‌یرانا نوكه یا دارایى ده‌رێخستن كو ل دووڤ داهاتى دێ مووچه هه‌یڤانه هێته دان و ب رێژا 15 هه‌تا 75% ل دووڤ پلێن وه‌زیفى مووچه هێته هه‌لگرتن هه‌تا قه‌یران چاره دبیت، نێچیرڤان بارزانى سه‌رۆكێ حوكمه‌تێ دیاركر كو ئه‌وان ئه‌و بریاره ژ نه‌چارى داینه، به‌لێ یا ده‌مكى یه، هه‌رێمێ دڤێت ب سه‌ركه‌فتیانه ڤێ قه‌یرانێ ده‌رباز بكه‌ت.
ئه‌ڤرۆ نیوز:
دانوستاندنێن جنێڤی 3 بۆ ئاشتیێ بۆ سوریا ل دووڤ بریارا نه‌ته‌وێن ئێكگرتی هاتنه راگرتن.
دانوستاندن هه‌تا 25 ڤێ مه‌هێ ب شێوه‌كێ ده‌مكی هاتنه راگرتن، پشتی د حه‌فتییا ئێكێ دا چ پێشڤه‌چوون تێدا نه‌هاتییه كرن.
نوونه‌رێ نه‌ته‌وێن ئێكگرتی بۆ سوریا دی مستورا ئه‌ڤرۆ راگه‌هاند بوو ئه‌ڤ دانوستاندنه داوی چانسه بۆ چاره‌سه‌رییا سیاسی بۆ سوریا.
ئه‌ڤرۆ نیوز:
سه‌رۆكێ جڤاتا پارێزگه‌ها نه‌ینه‌وا بشار كیكى ل گه‌ل رێڤه‌به‌رێ گشتیێ ساخله‌میا نه‌ینه‌وا ب وه‌كاله‌ت د. خالد كومبوو و به‌حسێ سه‌ده‌ما گیرۆبوونا مه‌زاختنا مووچێ فه‌رمانبه‌رێن ساخله‌میا نه‌ینه‌وا یێ هه‌یڤا (12،11) یا سالا 2015 هاته كرن، دوپاتكر هه‌موو لیستێن پێدڤى یێن ژمێریارى هاتینه به‌رهه‌ڤكرن و بۆ ژمێریاریا فه‌رمانگه‌ها نه‌ینه‌وا ل به‌غدا ل رێككه‌فتى 14/1/2016 هاتینه ره‌وانه‌كرن، پاشى هه‌موو ئه‌و سه‌كێن مووچان بۆ وه‌زاره‌تا ساخله‌میا دارایى و كارگێرى و قانوونى بۆ كارێن هووربینیێ و رازیبوونێ مه‌زاختنێ هنارتینه، و فه‌رمان هاتیه دان بۆ بانكا رافیده‌ین لقا باب ئه‌لموعه‌زم ئه‌و مووچه بهێنه مه‌زاختن.
سه‌رۆكێ جڤاتا پارێزگه‌ها نه‌ینه‌وا بشار كیكى گۆت ژى: پێدڤیه میكانیزمه‌ك بۆ وه‌رگرتنا مووچێ فه‌رمانبه‌رێن مشه‌خت و فه‌رمانبه‌رێن ده‌ڤه‌رێن رزگار كرى یێن نه‌ینه‌وا و د ده‌مێ خوه‌یێ پێدڤى بهێته دیتن، چونكى ره‌وشا ژیان و ژیارا خه‌لكى یا خراب و ئالۆزه و مووچه تاكه ژێده‌رێ دراڤى یه پشتبه‌ستنا خوه لسه‌ر دكه‌ن.
هه‌روه‌سا به‌شار كیكى دوپاتكر، دڤێت ب زووترین ده‌م ئه‌و مووچه بهێنه به‌لاڤكرن، هه‌ڤده‌م داخواز ژ حكومه‌تا ئێكگرتیا عیراقێ كر، مووچێن فه‌رمانبه‌ران دده‌مێن خوه‌دا بهێنه مه‌زاختن و بیێ گیرو كرن.
ئه‌ڤرۆ نيوز، ره‌وان نهێلى:
سه‌فين دزه‌يى په‌يڤدارێ حكومه‌تا هه‌رێما كوردستانێ د كۆنگره‌يه‌كێ رۆژنامه‌ڤانى دا راگه‌هاند، ناڤه‌رۆكا پلانا حكومه‌تێ بۆ چاره‌كرنا قه‌يرانان يا پێكهاتيه ژ هه‌لگرتنا موچێ فه‌رمانبه‌ران كو مه‌ره‌م پێ ده‌ربازكرنا ڤێ قه‌يرانێ يه.
دزه‌يى دياركرژى كو ژ ئه‌ڤرۆ پێدا دێ ل دووڤ سيسته‌مه‌كێ نوو موچه هێنه به‌لاڤكرن و هنده‌ك ژ موچێ فه‌مانبه‌ران دێ هێته هه‌لگرتن.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا پێنجشه‌مبى رێكه‌فتى 4ى شۆباتا 2016ێ ئه‌سمان دێ ساهى بيت ل گه‌ل
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ فشارێن بلندێن وه‌لاتێ توركيا بۆ سه‌ر هه‌رێما كوردستانێ دهێته پێشبينيكرن ئه‌سمان ب درێژاهيا ده‌مێ رۆژێ ئه‌ور بيت و ل ده‌ڤه‌رێن چيا دێ بارانه‌كا زوو باريت ب تايبه‌ت ل ده‌مێن سپێده‌هيان و ئه‌گه‌رێ بارينا به‌فره‌كا كێم ژى ل ده‌ڤه‌رێن چياى هه‌يه.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 10 كم دا و هنده‌ك و ماوێ ديتنێ ژى دێ 8 بۆ 10كم بيت، پلێن گه‌رمێ ژى دێ د ناڤبه‌را (3 بۆ 13) پلان دا بيت.
ئەڤرۆ نیوز ، مللەت جەمال:
د ماوێ ھەیڤا بوری دا لسەرانسەری پارێزگەھا دھۆکێ 10 کەسان ب ردوودانێن ھاتن و چوونێ گیانێ خوە ژدەست دایە و 94 كه‌س ژى بريندار بووينه.
لدور ڤێ ئامارێ رائیدێ مافپەروەر ئازادا تاھا رێڤەبەرێ راگەھاندنا ھاتن و چوونا دھۆکێ بو ئەڤرۆ نیوز گوت: ژ 1 ھەیڤا ئێک ھەتا 2 ھەیڤا شوباتێ لسەرانسەری پارێزگەھا دھۆکێ 114 روودان پەیدابووینە و ڤەرێژا ڤان روودانان 94 کەس بریندار بووینە و 10 کەسان گیانێ خوە ژدەست دایە.
زێدەتر رائیدی گوت: زوربەیا ڤان روودانان ب ئەگەرێ لەزکرنێ و ژدەستدانا کونترولا ترومبێلێ بووینە لێ مە وەک ھاتن و چوونا دھۆکێ ل جھێ روودان لێ د زور مە رادار زورکرینە.
ئه‌ڤرۆ نيوز، ئومێد وه‌لاتى:
فه‌رمانده‌يا هێزا پشته‌ڤانيا 1 يا له‌شكرێ كوردستانێ راگه‌هاند كو ژ ده‌سپێكا شه‌رێ داعش و هه‌تا دووماهيا سالا 2015ێ 11 هزار و 489 پارچێن بۆمبێن چاندی و ترۆمبێلێن مینرێژکری و پشکنینا خانیان و تۆنێل و پارچێن تەقەمەنیێ هاتيه كرن.
ليوا مه‌حمود كاكه‌ى به‌رپرسێ كه‌تيبا ئه‌ندازى يا سه‌ر ب فه‌رماندا هێزا پشته‌ڤانى 1 يا له‌شكرێ كوردستانێ د كۆنگره‌كێ رۆژنامه‌ڤانى دا راگه‌هاند كو تیمێن ئەندازێ یێن سەر ب فەرماندا ھێزێن پشتەڤانیا 1 یا لەشکرێ کوردستانێ ئامارا ژناڤبرن مین و تەقەمەنیێن شەرێ داعش راگەھاند.
ليوا مه‌حمود گۆت: “ژ رێکەفتی 6ی ئەیارا 2014 و ھەتا 31ی کانوونا ئێکێ 2014ێ چار ھزار و 943 بۆمبێن چاندی و 45 بەرمیلێن T.N.T یێن 100 لیتری و 21 بەرمیلێن 200 لیتری یێن T.N.T و 261 پارچێن تەقەمەنیان، دیسا 31 ترۆمبێلێن تانک و زریپۆش ھاتینە ژناڤبرن، دیسا پشکنینا رێ و ئەردی ب درێژاھیا 35کم ژ بۆمبێن چاندی ھاتیە کرن ل گەل پشکنینان 74 خانیان”.
زێده‌تر گۆت: “ژ 1ی کانوونا دویێ 2015 ھەتا 31ی کانوونا ئێکێ 2015ێ ژی پێنج ھزار و 522 بۆمبێن چاندی و 464 پارچێن تەقەمەنیان و 50 ترۆمبێل و ئالیات ھاتینە پەقاندن و ژناڤبرن”. خۆيا ژى كر كو پشکنینا ئەردی و جادا ژى ب درێژاھیا 66کم ھاتیە کرن ل گەل پشکنینا 32 خانیان هاتيه كرن.
دەربارەی تۆنێلان ژی دا زانین کو ل رۆژئاڤایێ کەرکووک دو تۆنێلێن ب درێژاھیا 10 مەتران ھاتینە ژناڤبرن و ل شنگال ژی پێنج تۆنێلێن 10 و 100 و 500 مەتری ھاتینە ژناڤبرن.
دەربارەی ژناڤبرنا مادێن کیماوی ژی به‌رپرسێ كه‌تيبا ئه‌ندازى يا سه‌ر ب فه‌رماندا هێزا پشته‌ڤانى 1 گۆت: “تیمێن مە ل ڤی ماوەی شیاینە 10 بۆمبێن کیماوی ژناڤ ببەن”.
دەربارەی سەرجەمێ گشتی ژی دا زانین کو ھەر ژ رێکەفتی 6ی ئەیارا 2014ێ ھەتا 31ی کانوونا ئێکێ یا 2015ێ 10 ھزار و 465 بۆمبێن چاندی ل ھەر ئێک ژ رۆژئاڤایێ کەرکووک و مەخمۆر و گۆێر و خازر و بەعشیقە و ناوەران و تلسقۆف و سکرێ مووسل و زومار و کەسەکێ و رەبیعە و شنگال ھاتینە راکرن کو رێژا ژ ھەموویان زێدەتر ل مەخمۆر و شنگال بوویە.
ديسا ژ ھەیڤا نیسانا 2014ێ و ھەتا دووماھیا 2015ێ 10 ھزار و 465 بۆمبێن چاندی کو دکەتە نێزیکی 120 تەن و 500 کیلۆیێن T.N.T ژ پێکھاتێ ئەمۆنیۆم و نیتران یێن کارێ ناڤخۆی هاتينه ژناڤبرن ل گه‌ا ژناڤبرنا 725 پارچێن تەقەمەنیان و پشکنینا 82 ترۆمبێلان و پاقژکرنا 101کم رێ و 200 خانیان ل گەل ژناڤبرنا 10 تۆنێلان ب درێژاھیا 10 ھەتا 50 مەتران و گۆت: “سەرجەمێ ھەموو وان بۆمبێن چاندی و ترۆمبێلێن مینرێژکری و پشکنینا خانیان و تۆنێل و پارچێن تەقەمەنیێ دکەتە 11 ھزار و 489 پارچان.
نيشاندان