ئەڤرۆ نیوز:
راھێنەرێ شیانێن لەشی یێ بەرنیاس ل سەر ئاستێ عیراقێ و کورێ باژێرێ دھۆکێ سەردار محەمەد دیارکر سێ یانێن خولا عیراقێ یا پلا نایاب پەیوەندی ب ئەوی کری یە بۆ راھێنەیا ئەوان بکەت ل وەرزێ بھێت یێ خولا عیراقێ لێ ئەوی داخوازا لێبورینی ژ ئەوان ھەرسێ یانا کری یە ژبەر چەند ئەگەرێن تایبەت.
زێدەتر سەردار محەمەد دیدارەکێ دا بۆ رۆژناما ئەڤرۆ دیارکر پشتی ھەڤبەستا ئەوی ل گەل یانا عەجمان یا ئیماراتی ب دووماھی ھاتی ھەر سێ یانێن خولا عیراقێ یێن پشکدار پەیوەندی پێکری یە بۆ راھێنەریا تیما ئەوان وەربگریت ئەوژی یانا زاخۆ نەفت ئەلجنوب و نەفت وەست لێ ژبەر چەند ئەگەرێن تایبەت داخازا لێبورینی ژ ئەوان ھەر سێ یانا کر یە ژبەر چەند ئەگەرێن تایبەت ب وی ڤە گرێدای و سوپاسیا ئەوان ھەرسێ یانا کر .
سەردار محەمەد ئەوێ بەری نوکە راھێنەریا ھەلبژارتیێ عیراقێ و چەندین یانێن عیراقی و ئیماراتی کری سەبارەت ھەلبژارتیێن عیراقێ دیارکر بەری نوکە ژی ل گەل ھەلبژارتیێ عیراقێ کارکری یە شیا چەندین ئەنجامێن سەرکەفتی توماربکەن و ل گەل سێ راھێنەرێن بیانی ل ھەلبژارتیێ عیراقێ کارکری یە ئەوژی سیدکا و ستاندج یێن ئەلمانی و پتروڤیچ یێ سربی و لێ پشتی راھێنەرێن عیراقی ئەرکێ راھێنەریا ھەلبژارتیێ عیراقێ وەرگرتی ل سالا بوری ئەوان راھێنەرێن بیانی یێن شیانێن لەشی ئینای نە ل گەل خوە.
ھەردیسان ناڤبری دیارکر ئەوی وەکو ماعیشە بۆ ماوێ یازدە سالانە ل دیڤ ئێک دچیتە یانێن بەرنیاس ل ئورۆپا داکو مفایەکێ باشتر ژ راھێنانێن ئەوان یانێن ئورۆپی بینت ئەوژی بایرن میونیخ کو زێدەتر ژ ھەشت سالان ل گەل ڤێ یانێ و ھەردیسان ل گەل یانێن شالکە بایرن لیڤەرکوزن یێن ئەلمانی و پاریس سانجێرمان و چەندین یانێن دی یێن ئورۆپی ئەوی وەکو ماعیشە کارکری یە ل گەل .
راھێنەرەکێ پارێزگەھا دھۆکێ بوویە جھێ گرنگیا یانێن عیراقێ
نيشاندان
