ئه‌ڤرۆ نیوز:
د سه‌ره‌دنا شاندێ حكومه‌تا هه‌رێما كوردستانێ بۆ به‌غدا و كومبوونا ل گه‌ل حه‌یده‌ر عه‌بادى سه‌رۆك وه‌زیرێن عیراقێ هه‌ردولا ل سه‌ر به‌رده‌وامبوونا دانوستاندنان و چاره‌كرنا كێشێن د ناڤبه‌را هه‌ولێر و به‌غدا رێككه‌ڤتن و بریاردان كومبوونێن خولى ب ره‌نگه‌كێ به‌رده‌وام بهێنه ئه‌نجامدان.
نێچیرڤان بارزانى هیڤى خواست هه‌ڤكارى و هه‌ماهه‌نگیا د ناڤبه‌را پێشمه‌رگه و سوپایێ عیراقێ ببیته ئه‌گه‌رێ رزگاركرنا هه‌موو ده‌ڤه‌رێن كوردستانێ و عیراقێ ژ تیرورستێن داعش.
نێچیرڤان بارزانى ب كورتى به‌حسێ قه‌یرانا دارایى یا هه‌رێمێ و ئه‌گه‌رێن وێ كر و ئاماژه دا وێ یه‌كێ كو هاتنا نێزیكى ملیونه‌ك و 800 هزار ئاواره و په‌نابه‌ران بۆ هه‌رێمێ ره‌وشا دارایى یا هه‌رێمێ گرانتر لێ كریه، له‌وما پێدڤیه حكومه‌تا عیراقێ هاریكاریا وان بكه‌ت.
د كومبوونا شاندێ هه‌رێمێ ل گه‌ل فوئاد مه‌عسوم سه‌رۆك كومارێ عیراقێ، سه‌رۆك كۆمارى به‌رده‌وامیا سه‌ره‌دانێن د ناڤبه‌را هه‌ولێر و به‌غدا ب مه‌ره‌ما چاره‌كرنا پرسێن هه‌لاویستى د ناڤبه‌را هه‌ردوئالیان دا ب پێدڤى زانى و پشته‌ڤانیا خوه بۆ هه‌ر بزاڤه‌كێ نیشادا.
شاندێ هه‌رێمێ ل به‌غدا، ل گه‌ل عه‌مار ئه‌لحه‌كیم سه‌رۆكێ ئه‌نجوومه‌نێ بلندێ ئیسلامى ل عیراقێ كومبوون و هه‌ردو ئالى ل سه‌ر وێ یه‌كێ د رژد بوون كو پێدڤیه پلانه‌كا هه‌ڤپشك بۆ چاره‌كرنا قه‌یرانێن دارایى بهێته دانان كو هه‌رێم و عیراق ڤه‌گرتى و ب پێدڤى زانى عیراق هاریكاریكاریا وێ ژمارا زورا ئاواره و په‌نابه‌ران بكه‌ت كو ژ ترسا تیرورێ قه‌ستا هه‌رێمێ كرین.
شاندێ هه‌رێمێ سه‌ره‌دانا هه‌ردو بالیوزخانێن ئه‌مریكا و بریتانیا ل به‌غدا كر، د كۆمبوونێ دا به‌حسێ ئه‌نجامێن كۆمبونێن دناڤبه‌را شاندێ هه‌رێم و به‌غدا كر كو هه‌ردو ئالیان رژدى ل هه‌بوونا هه‌ماهه‌نگیێ كریه د بوارێ سه‌ربازى دا بۆ روى ب روى نوونا داعش و نه‌هێلانا مه‌ترسیێن هه‌ر هه‌رێما كوردستانێ و عیراقێ ب گشتى.
هه‌ردو ئالیێن ئه‌مریكى و بریتانى خوه‌شحالیا خوه بۆ به‌رده‌وامیا دانوستاندنێن د ناڤبه‌را هه‌ولێر و به‌غدا نیشادا و دیاركرن كو دێ هه‌موو بزاڤێن خوه كه‌ن بۆ وێ یه‌كێ هه‌رێما كوردستانێ پشته‌ڤانیا ولاتێن هه‌ڤپه‌یمانیا دژى داعش و جڤاكا نێڤده‌وله‌تى بده‌ستڤه بینیت بۆ روى ب روى بوونا تیروێ و چاره‌كرنا كێشێن به‌غدا و هه‌ولێرێ، ب تایبه‌ت ژى پشته‌ڤانیا سه‌ربازى بۆ پێشمه‌گه‌رى و هه‌ڤكاریا هه‌رێما كوردستانێ بۆ چاوانیا ده‌ربازبوونا ره‌وشا نوكه كو روى ب روى بوونا قه‌یرانا دارایى بوویه.
ناڤه‌رۆكا كومبونا سه‌رۆك وه‌زیرێن هه‌رێمێ بۆ به‌غدا
نيشاندان
