ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 6ى تيرمه‌ها 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1290 |
| 1 يۆرۆيێ ئه‌ورۆپى | 1455 |
| 1 ليرێ توركى | 440 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز:
راھێنەرێ یانا یوڤانتوس ماسیو ئەلیگری یانا خوە ئاگادارکری یە ھەکە موراتا چو یانا ریال مەدرید پێدڤی یە ھەڤبەستێ ل گەل یاریزانێ کرواتی و یانا ریال مەدرید ماتیو کوڤاسیتچ ئیمزا بکەن، ژبەرکو یانا دێ ل ڤی دەمی پێدڤی ب شیانێن ڤی یاریزانی بیت و ھەبوونا وی دێ ھێزەکا مەزن دەتە پێکھاتیێ یانا یوڤانتوس ل وەرزێ نوو یێ خولا ئیتالیا و قارەمانیا ئورۆپا.
ناڤبری دیارکر ژی ئەوی یانا خوە ئاگادارکری یە ئەگەر ھەڤبەست ل گەل کوڤاسیتچ ل جھێ مورتای بھێتە ئیمزاکرن ئەو نابیت چو کارتێکرنەکا مەزن ل سەر تیما وی بکەت لێ ب مەرجەکی ھەڤبەستێ ل گەل یاریزانێ کرواتی ئیمزابکەن ئەوژی ب کرین نەکو ب شێوەیێ خوارستن بیت
ئەڤرۆ نیوز:
راھێنەرێ بەرشەلۆنا لویس ئەنریکی یێ رژدە ل سەر ئینانا یاریزانی یانا سلتافیگو مانوێل دوران یێ بەرنیاس ب نولیتو کو ل ڤەگوھاستنێن زفستانا ئەڤ سالە ئارمانجا یانا بەرشەلۆنا بۆ لێ نەشیان وی یاریزانی ل وی دەمی ب دەستخوڤە بینن و راھێنەرێ یانا کەتەلونی دیارکری یە ب ھاتنا نولیتوی دێ ھێلا ھێرشبەریا یانا بەرشەلۆنا ب ھێز ئێخیت.
یاریزانی ناڤبری ماڤ ھەیە یانا خوە ب بجھـ بھێلت ژبەرکو ئەوی بەندەک ھەیە د ھەڤبەستا خوە دا کو ھەر دەمی ھەڤبەستەکا باشتر بو ھات ئەو بەر ب یانەکا دی ڤە بچیت لێ ب مەرجەکی ئەوژی ١٨ ملیون یورۆیا ب دەتە یانا خوە ژ ھەڤبەستا خوە.
ئه‌ڤرۆ نيوز:
ئەندامەکێ جڤاتا نوونەرێن عیراقێ ل سەر فراکسیۆنا پارتی بۆ رۆژناما ئەڤرۆ دیار کر کو ھەتا پشتی جەژنا رەمەزانا پیرۆز جڤاتا نوونەران کۆم نابیت و پشتی ڤی دەمی ژی دیار نینە کانێ دێ نیسابێ قانوونی تمام بیت یان نە، ژ بەرکو پەرلەمانتارێن مانگرتی ل سەر ھەلویستێ خوە دبەردەوامن.
حاکم سەرحان سلێڤانەی، ئەندامێ جڤاتا نوونەرێن عیراقێ ئاشکرا کر، نوکە ھەتا ئێکی ھەیڤا بھێت جڤاتا نوونەرێن عیراقێ د بھێنڤەدانا خوە یا ئاسایی دایە و پشتی وی دەمی ژی دێ نێزیکی جەژنێ بیت، لەو ھەتا پشتی جەژنا رەمەزانێ جڤاتا نوونەران کۆم نابیت و گۆت: “سەلیم جبۆری، سەرۆکێ جڤاتا نوونەرێن عیراقێ بەردەوام یێ بزاڤان دکەت پەرلەمان کۆم بیت، لێ ھەتا نوکە نیسابێ قانوونی تمام نەبوویە سەرکەنەفتی یە، بڕیار ئەوە پشتی جەژنا رەمەزانا پیرۆز کۆمبوونا بھێت یا جڤاتا نوونەرێن عیراقێ بھێتە کرن، لێ وی دەمی ژی دیار نینە کانێ نیسابێ قانوونی دێ تمام بیت یان نە”.
سلێڤانەی خویا ژی کر، بڕیارە ل 9/6/2016 دادگەھا فیدرالی بڕیارێ ل سەر پەرلەمانی بدەت و گۆت: “ھەکەر بڕیارا دادگەھێ د بەرژەوەندیا سەرۆکێ پەرلەمانی دا ئێکلا نەبیت، ئاریشە دێ گەلەک مەزن بیت، لەو رەنگە ئەو بڕیارە د بەرژەوەندیا سەرۆکێ پەرلەمانی دا ئێکلا ببیت”.
ئه‌ڤرۆ نيوز:
پارێزەرەکێ دادگەھا زاخۆ بۆ ئەڤرۆ راگەھاند کو، سکالایەک ل دادگەھا زاخۆ بڤی رەنگێ ھاتیە تومار کرن کو، ل سالا 2014 نێزیکی دوازدە پروژا یێن دانانا پێگۆھرێ(محاویلێن)کارەبێ ھاتبونە دانان و ئێک ژ وان پروژا ل باتیفا بۆ، لێ پروژە ب کێم و کاسی ڤە ھاتە دانان و گۆت: ژبەرکو سەرا وی پروژێ خەلەت کارەبێ زارۆیەک گرت و ھەردو دەستێن زارۆیی ھاتنە بڕین و سەرێ وی ھەموو ھاتە سوتن و ئەوی زارۆیی دەرەجا پەککەفتنێ 100% وەرگرتیە و ھەتا نھا نێزیکی 13 کەسا تاوانبارن تێدا ھەموو ئەندازیارێن رێڤەبەریا کارەبا زاخۆ و رێڤەبەریا گشتی یا کارەبا دھوکێ نە.
بەرەڤان بەشێر تەیب ل دادگەھا زاخۆ دیار کر کو، ل سالا 2014 نێزیکی دوازدە پروژا یێن دانانا پێگوھرێن کارەبێ ھاتبونە دانان و ژ وانا پێنج ئەندازیارا سەرپەرشتی دکر و ئێک ژ وان پروژا ل باتیفا بۆ، لێ پروژە ب کێم و کاسی ڤە ھاتە دانان و پارە ھاتنە خوارن و گۆت: ماوەیەک بسەرڤە چو و پروژە ھاتنە وەرگرتن ژ لایێ لێژنین دەستپێکێ و دوماھیکێ ڤە، پشتی بورینا دەمەکێ کێم ل سەر وەرگرتنا پروژەی ئەو پێگۆھرێ کارەبێ تەنشت یاریگەھەکا تەپا پێ ڤە بۆ ئەوێن بچووک لێ و ئەو پێگۆھرە بۆ ئەگەرێ ھندێ کارەبێ زارۆیەک گرت سەرا وی پروژێ خەلەت ھەردو دەستێن زارۆیی ھاتنە بڕێن و سەرێ وی ھەموو ھاتە سوتن و ئەوی زارۆیی دەرەجا پەککەفتنێ 100% وەرگرتیە و ل وی دەمێ ڤەکولین ھاتینە کرن و پشتێ ڤەکولینێ ھەتا نھا نیزیکی 13 کەسا تاوانبارن تێدا ھەموو ژی ئەندازیارێن ریڤەبەریا کارەبا زاخۆ و رێڤەبەریا گشتی یا کارەبا دھوکێ نە.
پارێزەری دا زانین ژی کو، دادگەە تا نھا یا بەردەوامە و ھەموو تاوانبار دێ ھێنە دادگەە کرن چونکو کەمتەر خەمی یا ھاتیە کرن و پارە خارینە و گۆت: ئەو زارۆیە سنێلەیە و روودان ژی ل 30/10/2014 ێ بۆ و ھەتا نوکە دادگەە بەردەوامە و ھەموو ئەو کەسێن بسپۆر و شارەزا وەسا ئاشکرا کریە کو 90% ئەو لیژنا ریڤەبەریا کارەبا زاخۆ سەرپەرشتی دکر ئەوان خەمساری یا کری ھەما کار یێ دایەف دو کرێکارا و یێ جێبەجێ کری و سەرەدانا وان نەکریە.
ئەڤرۆ نيوز:
پەیڤدارێ حوکمەتا ھەرێما کوردستانێ دیار کر کو د ھەیڤا رەمەزانا پیرۆز دا حوکمەتا ھەرێمێ بڕیار دایە ل ھەموو دام و دەزگەھێن فەرمی یێن حوکمەتا ھەرێما کوردستانێ ل دەمژمێر نەھی سپێدێ دەوام دێ دەست پێ کەت و ل دەمژمێر دویێ پشتی نیڤرۆ ب دووماھی ھێت.
سەفین دزەیی، پەیڤدارێ حوکمەتا ھەرێما کوردستانێ د ڕاگەھاندنەکێ دا کو ل مالپەرێ فەرمی یێ حوکمەتێ دا ھاتیە بەلاڤکرن و تێدا ھاتیە: “ب ھەلکەفتا ھاتنا رەمەزانا پیرۆز، گەرمترین پیرۆزباھیان ل ھەموو وەلاتیێن ھەرێما کوردستانێ، ب تایبەت خێزانێن شەھید و پێشمەرگێن قارەمان دکەن، ھیڤیدارین ئەڤ ھەیڤە ببیتە ئەگەرێ مۆکمکرنا گیانێ پێکڤەژیانێ و چارەکرنا ئالۆزیان و سەرکەفتن ل سەر تیرۆرستان دا”.
ھەر د ڕاگەھاندنا پەیڤدارێ حوکمەتا ھەرێمێ دا ئاشکرا ژی کریە، دەواما فەرمانبەران ل ھەموو دام و دەزگەھێن فەرمی یێن حوکمەتا ھەرێما کوردستانێ ھاتیە کێمکرن و تێدا ھاتیە: “دەوام ل دەمژمێر نەھی سپێدێ دێ دەست پێ کەت و ل دەمژمێر دویێ پشتی نیڤرۆ دێ ب دووماھی ھێت”.
ئەڤرۆ نيوز:
پەیڤدارێ وەزارەتا کارەبا حوکمەتا ھەرێما کوردستانێ دیار کر کو د ھەیڤا شەش دا، ئانکو د ھەیڤا رەمەزانێ دا، ھەر وەکو ھەیڤا گۆلانێ کارەبا نشتیمانی 18 دەمژمێران د شەڤ و رۆژەکێ دا بۆ وەلاتیان دێ ھێتە دان.
محەمەد ئەمین ھەورامی، پەیڤدارێ وەزارەتا کارەبا حوکمەتا ھەرێما کوردستانێ خویا کر، د ھەیڤا گۆلانێ دا ئەو شیاینە 18 دەمژمێران کارەبا نشتیمانی بدەنە وەلاتیان و گۆت: “د ڤێ ھەیڤێ دا ھەر ھەمان بەرنامە مە ھەیە و ھەر وێ رێژا کارەبێ دێ دەینە وەلاتیان”.
ناڤبری ئاشکرا ژی کر، ژ ئەگەرێ بلندبوونا پلێن گەرمێ د ڤێ ھەیڤێ دا، ھەروەسا ھاتنا ھەیڤا رەمەزانا پیرۆز، داخوازیا وەلاتیان ل سەر بکارئینانا کارەبێ زێدە دبیت و بۆ باسنیوز گۆت: “ژ بەر ڤان ئەگەران گوھۆرین د دانا کارەبێ دا دێ ھێتە کرن، لێ ب وی رەنگی نابیت کو دەمژمێرێن دانا کارەبێ کێم ببن، چونکو وێستگەھێن کاروئاڤی ژی دێ دەینە کاری”.
پەیڤدارێ وەزارەتا کارەبێ ئاماژە ب وێ چەندێ ژی کر، ئەو دەمێ کارەبا نشتیمانی دھێتە بڕین، دڤێت خودانێن موەلیدان ل دووڤ وی بەرنامێ د گەل یەکێن کارگێری داناین کارەبێ بدەنە وەلاتیان.
ئەڤرۆ نيوز:
رێڤەبەرێ دەستەیا وەبەرئینانێ ل وەزارەتا شەھید و ئەنفالکریان یا حوکمەتا ھەرێما کوردستانێ ئاشکرا کر کو زێدەتری 10 ھزار کەسان ژ کەس و کارێن شەھیدان، بەری شەرێ تیرۆرستێن داعش فەرمانا جڤاتا وەزیران ھەیە بۆ وەرگرتنا ئەردی و نوکە ژی مامەلێن سێ ھزارێن دی ل جڤاتا وەزیرانە بۆ وەرگرتنا ئەردی، بەلێ ئەو شقێن کو دێ دەنە کەس و کارێن شەھیدان ئاریشێن خزمەتگۆزاری ھەنە.
بەرەڤان حەمدی، رێڤەبەرێ دەستەیا وەبەرئینانێ ل وەزارەتا شەھید و ئەنفالکریان یا حوکمەتا ھەرێما کوردستانێ دیار کر کو بەلاڤکرنا پارچێن ئەردی ل سەر کەس و کارێن شەھیدان دێ ب دو جۆران بیت، جۆرێ ئێکێ: ئەو شەھیدێن بەری شەرێ تیرۆرستَن داعش فەرمانا جڤاتا وەزیران بۆ دەرکەتی بۆ و
ئەڤرۆ نيوز:
رێڤەبەریا پۆلیسێن نێڤدەولەتی یا بەرنیاس ب ئینتەرپۆل، بازرگانەکێ لەشفرۆشان ب رەگەز تورک پشتی دەستەسەرکرنێ ل ھەرێما کوردستانێ رادەستی پۆلیسێن ئینتەرپۆلا ئەنقەرە کر.
رێڤەبەریا گشتی یا پۆلیسێن ھەرێما کوردستانێ د راگەھاندنەکێ دا بەلاڤکریە کو ل رۆژا 3/6/2016 رێڤەبەریا پۆلیسێن نێڤدەولەتی (ئینتەرپۆل) بازرگانەکێ ب رەگەز تورک ب ناڤێ (ئ،ح،م) ژ دایکبوویێ سالا 1969 ب تۆمەتا بازرگانیکرنێ ب لەشڤرۆشان، پشتی بۆرینا دو سال و شەش ھەیڤان ژ خوە ڤەشارتنێ ل ھەرێما کوردستانێ ھاتە دەستسەرکرن.
د ھەمان راگەھاندن دا ئاماژە ب وێ چەندێ ھاتیەدان کو ئەڤ تۆمەتبارە ژ لایێ رێڤەبەریا پۆلیسێن نێڤدەولەتی ب ھەماھەنگیا دەزگەھێ پۆلیس و ئاسایشا ھەرێما کوردستانێ ڤە ھاتە دەستەسەرکرن و پاش ب رێیا فرۆکخانا نێڤدەولەتی یا ھەولێرێ رادەستی پۆلیسێن ئینتەرپۆلا ئەنقەرە ھاتەکرن.
نيشاندان
