ئەڤرۆ نيوز:
حوسام رەسام ھونەرمەندێ عیراقی سترانەک ب زمانێ کوردی و عەرەبی ب ناڤێ سورگول تومار دکەت، عەلی رەسام برایێ ھونەرمەند حوسام رەسام دیارکریە کو سترانا سورگۆل سترانەکا کوردی و عەرەبی یە ژ تێکستا زیا مەیالی و حوسام رەسامە، ئاواز و میلودی ژی یا حەموودی مەیالی و حوسامی ب خویە و دابەشکرنا میوزیکێ ژ ئالیێ ئەحمەد جوزی ڤە بۆ ھاتیە کرن.
عەلی ئاماژە ب وێ یەکێ ژی کر کو د ئەلبووما نوو یا حوسام دا کو بریارە پشتی جەژنا رەمەزانا پیروز بەلاڤ بکەت، دو سترانێن کوردی تێدانە و بریارە حوسام رەسام سترانا سورگول ب جلێن کوردی ل گەل ئەکتەرەکێ کورد ل کوردستانێ وێنە بکەت.

ئەڤرۆ نيوز:
نازێ عەزیزی سترانبێژ و ھوزانڤان ئاشکراکر، ل تۆڕێن جڤاکی سترانێن وێ زۆرترین بینەر ھەنە و ژبەر ڤێ رەوشێ بۆدەمێ دوسالا نە بەرھەمەکێ من ھاتیە راگرتن و دو سترانێن بەھدینی ژی تێدانە.
سترانبێژ نازێ عەزیزی خەلکا رۆژھەلاتا کوردستانێ یە و بۆدەمێ چەند سالانە ل ھەرێما کوردستانێ ئاکنجیبوویە، دبارەیا کارێن خوە یێن ھونەری ب رۆژناما ئەڤرۆ راگەھاند” کو بەری نوکە بەرھەمەک لسەر پێشمەرگەی بەلافکریە و چەندین کۆنسێرتژی بۆ ھێزێن پێشمەرگەی ئەنجامداینە، نوکەژی ئەز رۆژانە یا بەردەوامن لسەر کارێ خوە یێ ھونەری و ئەف بەرھەمێن من ل تۆڕێن جڤاکی بەلافکری زۆرترین بینەر ھەبووینە.
عەزیزی دیارکر” ئەڤە بۆدەمێ دو سالانە من بەرھەمەکێ نوو بەرھەڤکریە و ژ ھەشت تراکا پێکھاتیە، کو تنێ سترانێن کوردینە و دو ژوان سترانێن بەھدینی تێدانە، مخابن ژبەر قەیرانا دارایی پشتی بۆرینا دو سالان ھێشتا نەشیایمە بەلاڤ بکەم، چونکە رەوشا نوکەیا ھەرێما کوردستانێ رێگرە لھەمبەر بەرھەمێن سترانبێژا و ژبەر نەبوونا شیانێن ماددی نەشێم بەرھەمێ خوە نوو وەک سیدی بەلاف بکەم، بەلێ جارجار کلیپ دھێتە بەرھەڤکرن، بتایبەتی ئەف بەرھەمێن لسەر پێشمەرگەی بۆ پشتەڤانیا ھێزێن پێشمەرگەی مە بەلافکرینە.