ئه‌ڤرو ،بارزان مزوورى
پێشه‌نگ به‌درخان محه‌مه‌د سه‌لیم، به‌رپرسێ پشكا هاتنوچونا شێخان بو مالپه‌رێ ئه‌ڤرو نیوز دیار كر كۆ ئه‌ڤرو ده‌مژمێر 5:30 خوله‌ك مه‌غره‌ب 18 كانونا دووێ 2016 ل سه‌ر رێیا سه‌ره‌كیا شێخان بو كومه‌لگه‌ها چره‌ رویدانه‌ك ژ جورێ لێدان دورستبوو، كو ترومبێله‌كا بارهه‌لگر ژ جورێ تانكه‌ر مارسیدس ژ ئه‌گه‌رێ له‌زاتیێ و نه‌پێگیرى كرن ب رێنمایێن هاتنوچونێ كونترول ژده‌ست دا و لدوڤ وێ له‌زاتیێ خو په‌رژانێ ل به‌رلێڤێن ریێێ دایه‌ ب درێژاهیا پتر ژ 25 مه‌ترا ژ كارئێخستیه‌ .
ناڤبرى دیار كر كو زیانێن مه‌زن ب ترومبێلێ كه‌فتینه‌ و گیانێ شوفێرى ب سلامه‌ته‌.

ئه‌ڤرۆ نيوز:

بریار هاته‌ دان كو هه‌رسێ په‌یمانگه‌هێن كارگێری / دهوك و په‌یمانگه‌ها ته‌كنیكی /زاخو و په‌یمانگه‌ها ته‌كنیكی / ئاكرێ. ده‌ست ب ڤه‌گرنا خواندنا ئێڤاری بكه‌ن و ل هه‌می پشكێن په‌یمانگه‌هێن ناڤبری بڤی ره‌نگێ ل خوارێ ، هه‌روه‌سا خواندنا پارالیل ل كولێژێن زانكویێ.

• مه‌رجێن وه‌رگرتنێ:

1. هه‌می قوتابیێن ده‌رچوویین ئاماده‌یێو پیشه‌یی (بازرگانی ، پیشه‌سازی ، چاندن ) مافێ پێشكێشكرنێ یێ هه‌یی ووه‌رگرتن لدویف به‌رزترین كونمره‌یه‌.
2. ده‌رچویێت ئاماده‌یی یێن ئه‌ڤ ساڵه‌ و ساڵین پێشتر ب مه‌رجه‌كی ژیێ وی ژ (45) ساڵان نه‌بوریبیت واته‌ دایكبوون (1971) وهێرڤه‌تر، مافێ خواندنا ئێڤاران ل په‌یمانگه‌هێن زانكویێ یێ هه‌یی.
3. خواندنا پارالیل ل زانكویێ بتنێ قوتابیێت ئەڤ ساڵا خواندنێ (١٢)ێ ئامادەیێ ب دوماهی ئینای و ل زانکو و پەیمانگەهێت هەرێما کوردستانێ برێ یا ناوەنداوەرگرتنا قوتابیان هاتینە وەرگرتن، مافێ پرکرنا ڤی فورمی یێ هەى ب (21) نمرا کێمتر ژ کونمرا وەرگرتنێ ل هەر کولیژ و پەیمانگەهەکێ.
4. هه‌رقوتابیه‌كێ ل دیف سیسته‌مێ خواندنا ئێڤاران وپارالیل بێته‌ وه‌رگرتن، داخازا پاشخستنا سالا خواندنێ بكه‌ت (30%) ژ گوژمێ پارێ دایی دێ ژێ هێته‌ برین.
5. دوماهیك ژڤان بو وه‌رگرتن و ڤه‌گراندنا فورمان رێكه‌فتی (25/1/2016).
6. فورمێن خواندنا ئیڤاران و پارالیل دێ ل په‌یمانگه‌هێین په‌یوه‌ندیدار زێده‌بارێ كولیژا ته‌كنیكی ئه‌ندازیاری ئێنه‌ وه‌رگرتن
7. ده‌رباره‌ی ئاماده‌یێن پیشه‌یی (ده‌رچووێین بازرگانی مافێ پێشكیشكرنێ بو پشكیێن كارگێری یێ هه‌یی هه‌روه‌سا ده‌رچوویێن پیشه‌سازی مافێ پێشكیشكرنێ بو پشكیێن ته‌كنیكی یێ هه‌یی وده‌رچوویێن چاندنێ مافێ پێشكێشكرنا یێ هه‌یی بو پشكیێن چاندنێ).