ئەڤرۆ نیوز:
راھێنەرێ یانا چێلسی ئەنتونی کونتی داخوازی ژ یانا کارگێریا یانا چێلسی کری یە ھەڤبەستێ ل گەل یاریکەرێ بەلجیکی و یانا روما یا ئیتالی رادیا ناینگولان ئیمزابکەن ل ڤەگوھاستنێن ھاڤینا ئەڤ سالە.
یانا لەندەنی بەرھەڤیا خوە دیارکری یە بۆ ڤێ داخوازیا راھێنەرێ وێ یێ ئیتالی و دیارکری یە ئەو د بەرھەڤن بۆ دەست ب دانوستاندان ل گەل یانا روما بکەن بۆ ر دەستڤە ئینانا یاریکەرێ وێ یێ بەلجیکی رادیا ناینگولان و کوژمێ ٤٢ ملیون یوریا بەرھەڤکری نە بۆ دەستڤە ئینانا رادیا.

ئەڤرۆ نیوز،ھەژار مەعروف:
سەرارای خوسارەتیا دوھی ل ناڤ ئەرد و جەماوەرێ خوە دا یانا سیروان نوو جارەکا دی شیا ڤەگەریتە دناڤ یانێن خولا پلا نایاب پشتی بورینا چار سالان و ھەردو یانێن کویە و گازی باکور ھیڤێن خوە گەشکرن بۆ دەربازبوونێ .
ل دەرڤەی یاریگەھا خوە تیما کویە شیا سەرکەفتنەکا گرنگ ل سەر سەرکێشا خولێ تیما سیروان نوو توماربکەت ب دو گولان بەرامبەر گولەکێ و ھیڤێن خوە گەشکرن بۆ دەربازبوونێ بۆ خولا پلا نایاب یا کوردستانێ و دێ یاریا خوە یا چارەنڤێسی و ل گەل یانا گازی باکور کەت ل حەفتیا دووماھیێ ژ خولێ کو سەرکەفتیێ وێ یاریێ دێ پلێتا دوێ یا دەربازبوونێ بۆ خولا پلا نایاب مسوگەر کەت کو تیما گازی باکور ل یاریگەھا خوە ھەر دوھی شیابوو سەرکەفتنێ ل سەر یانا پێشمەرگا سلێمانیێ توماربکەت ب دو گولان بێ بەرامبەر و ب ڤی ئەنجامی تیما گازی باکور خالێن خوە گەھاندنە حەفت خالان ژ رێزا سیێ پێشڤە ھاتە رێزا دوێ ب حەفت خالان و کویە ل رێزا سیێ دھێت ب ھەمان خال و ب چار خالان پێشمەرگا سلێمانیێ دھێت کو ھیڤێن دەربازبوونێ ژ دەست داینە ھەتا رادەکێ مەزن.
ھەژی گوتنێ یە یاریێن گەرا دووماھیێ بریارە ل دەستپێکا حەفتیا بھێت بھێنەکرن کو گازی باکور دێ ل یاریگەھا بروسک ل باژێرێ ھەولێرێ ھەمبەری کویە کەت کو تیما کویە ژلایێ ئێکەتیا تەپا پێ یا کوردستانێ ڤە ھاتیە سزادان ژ بەر یاریا بوری جەماوەرێ وێ تێکدان ل ناڤا یاریگەھێ کر بوو، سیروان نوو دێ ل یاریگەھا خوە ل گەل پێشمەرگا سلێمانیێ کەت

ئەڤرۆ نیوز:
راھێنەرێ یانا ریال مەدرید زیدان ھزر ل ھێزکرنا ھێلا بەرەڤانیا یانا مەلەکی کری یە بۆ سالا بھێت تایبەت ل جھێ یاریکەرێ خوە یێ پرتوگالی پیپی کو ژیێ وی بەر ب مەزن بوونێ ڤە چیت و یانا مەلەکی نوکە ھزر ل ئینانا یاریکەرەکی کری یە ل جھێ پیپی.
رۆژنامەیێن نێزیک ژ یانا ریال مەدرید داینە دیارکرن یانا ریال مەدرید دەست ب دانوستاندان ل گەل یانا بەنفیکا یا پرتوگالی کری یە بۆ ب دەستڤە ئینانا ستێرا ھێلا بەرەڤانیا یانا ناڤبری بۆ یانا مەلەکی فیکتور لیندیلوف یێ ٢١ سالی ئەوێ دھێتە بەرنیاسین پیپێ یێ نوو ل وەلاتێ پروتوگال کو چەند یانێن دی ژی ئارمانجا خوە کری یە ئەڤ یاریکەرە ھەڤرکی ل گەل یانا ریال مەدرید کەن بۆ ب دەستڤە ئینانا ئەڤی یاریکەری لێ رۆژنامەیێن نیزیک ژ یانا ریال مەدرید داینە دیارکرن ریال ژ ھەر یانەکا دی نێزیکترە بۆ ڤەگوھاستنا فیکتوری ژ بەنیفیکا بۆ یانا مێرینگی بۆ وەرزێ بھێت.

ھەژی گوتنێ یە فیکتور لیندولف  ژ یاریکەرێن یانا بەنفیکا تیما دوێ بوو پاش ھاتیە سەرئێخستن بۆ تیما ئێکێ ل ٢٠١٣ وەرە ھەتا نوکە یێ ل گەل یانا خوە بەردەوامە و ھاتیە داخوازکرن بۆ ھەلبژارتیێ سوید ژی ل ڤێ دووماھیێ بەری نوکە ژی یاری ل گەل ھەلبژارتیێن سوید یێن پێشگەھشتی و لاوان و ئولومپی کریە.

ئەڤرۆنیوز ،کاروان باعەدری:
یاسایێن تەپاپێ یا ئیکەتیا ئیسپانیا دیارکر ئەگەر یانەیەک بوو قارەمانیا خۆل و کاسا ئیسپانی دێ بۆ کاسا سۆپەرا ئیسپانی کەڤیتە بەرامبەر سەرکەڤتیا دوێ یا د کاسا ئیسپانی،ئانکو ب ڤی شێوەی دی بەرشەلۆنە کاسا سۆپەرا ئیسپانی کەت ژبەرکو قارەمانا خۆلا ئیسپانیا دێ ئەڤ شەڤە یاریا دوماھیایا کاسا ئیسپانی ل گەل ئەشبیلیا کەت ئانکو ب ھەر شیوەی بت دی ھەردوو یانەیین بەرشەلۆنە و ئەشبیلیە یاریا دوماھیا سۆپەرا ئیسپانی کەڤنە بەرامبەری ئیکڤە.