ئەڤرۆنیوز، کاروان باعەدری:

کرستیانۆ رۆنالدۆ یاریکەری یانەیا ریال مەرید نامەیەکی ب بەرنامەیێ واتساپی بۆ نەیماری بەرازیلی و یاریکەرێ ڤرێدکەت بەحسی خۆلا ئیسپانی دکەت.

رۆژنامەیا “سپۆرت ” یا کەتولۆنی دیارکریە کرستیانۆ پیرۆزباهیا نەیماری دکەت ب هەلکەفتا ب دەست ڤەئینا ناسناڤی خۆلا ئیسپانی “لالیگا”ل گەرا دوماهیکێ ب سەرکەفتن ل سەر یانەیا گرانادا .

رۆژنامەیی ئاماژە ب وی چەندی کریە کو ئەڤ نامەیا واتساپی دێ پەیوەندیێن هەردوو لایان پتر ب هێز کەت ، نەیماری کەیف خۆشیا خۆ دیارکریە ب ڤێ نامەیێ .

دهێتە زانین پێشتر ژی زێدانی راهێنەرێ ریال مەدرید و سێرجیۆ رامۆسی پیرۆزباهیا یانەیا بەرشەلۆنە کربوو ژبەر ب دەستڤەئینا ناسناڤێ خۆلا ئیسپانی ، ب ئەگەری هەڤرکیەکا ب هێز دناڤبەرا هەردوو یانەیێن بەرشەلۆنە و ریال مەدرید تا دوماهیک گەرا خۆلێ .

ئەڤرۆ نیوز،زنار تۆڤی:
رۆژنامێن ئنگلیزی دانەدیارکرن کو راهێنەرێ پرتۆگالی جوزێ مورینیۆ بۆ راهێنەرێ یانا مانجستەر یۆنایتد یا ئنگلیزی و لڤان نێزێکان ب رەنگەکێ فەرمی بۆ دەزگەهێن راگەهاندنێ هەڤبەست دێ دگەلدا هێتەکرن و نوکە هەمی کار بدوماهی هاتینە و ل وەرزێ بهێت یێ خۆلا ئنگلیزی جۆزێ مورینیۆ راهێنەرێ یانا مانجستەر یۆنایتد یا ئنگلیزیە.

ئەڤرۆ نیوز:
بریارە سوباھی ل یاریگەھا سەرسنگ یاریەکا ھەڤالینی دناڤبەرا دو یانێن ملی یێن پارێزگەھا دھۆکێ و ھەولێرێ دا بھێتەکرن وەکو خوبەرھەڤکرن بۆ قارەمانیێن تیمێن مللی ل ماوێ بھێت و پتر ھەڤنیاسین دناڤبەرا ھەردو تیمان دا.
بریارە سوباھی ل دەمژمێر ٣:٠٠ ئیڤاری ل یاریگەھا سەرسنگ بھێتەکرن دناڤبەرا ھەردو تیمێن مھاباد ژ دھۆکێ و تیما لاوێن زەریان ژ ھەولێرێ راھێنەرێ تیما مھاباد مێڤان عومه ر بۆ ئەڤرۆ نیوز دیارکر ئارمانجا ئەوان دڤێ یاریێ دا ئەوە وەکو ھەڤنیاسینەک دناڤبەرا ھەردو تیمان دا و ھەردیسان دا یاریکەرێن ئەوان شارازیەک ل سەر یاریێن تیمێن دەرڤەی پارێزگەھێ ژی ھەبن کو ل ١٧ حەفتیێن بوری ل دیڤ ئێک ئەوان ھەمی رۆژێن ھەینی یاریەکا ھەڤالینی ل یاریگەھا سەرسنکێ کریە سوپاسیا رێڤەبەریا یاریگەھێ کر بۆ ھاریکاریا ئەوان یا بەردەوام ل گەل تیما ئەوان و خزمەتا گەنجێن پارێزگەھا دھۆکێ.
زێدەتر ناڤبری گوت تیما مە پێکھاتیێ یە ژ کومەکا یاریکەرێن گەنج ل سەر ئاستێ پارێزگەھا دھۆکێ و یاریکەرێن خودان شیان دناڤا تیمێ دا ھەنە ئەگەر چاڤدان بۆ ئەوان یاریکەران ھەبیت باوەرم دێ بنە پاشەرۆژەکا گەش بۆ یانێن پارێزگەھا دھۆکێ.

ئەڤرۆ: نیوز:
مالپەرێ دایلی ستار یێ برێتانی دیارکری یە یانا ئەرسینال ل سەر داخوازیا راھێنەرێ خوە یێ فەرەنسی ئەرسین ڤینگەر دخوازت ھەڤبەستێ ل گەل ھێرشبەرێ ئیسپانی و یانا یوڤانتوس ئەلفارو مورتای ئیمزابکەن ب کوژمەکێ مەزن یێ پارەی کو ٦٠ ملیون یورۆ یانا لەندەنی بەرھەڤکری نە بۆ ئیمزاکرنا مورتای ل ڤەگوھاستنێن ھاڤینا ئەڤ سالە.
ژلایەکێ دیڤە رۆژنامەیێن ئیسپانی دیارکری یە ریال مەدرید ژی حەزا ڤەگەراندنا یاریکەرێ خوە مورتای ھەیە کو یانا ریال مەدرید ماڤ ھەیە جارەکا دی ڤی یاریکەری ب ڤەگەرینتە ڤە کو خالەک د بەندا فروتنا مورتای دا ھەبوو ل دەمێ فروتیە یانا یوڤانتوس ئەوژی ماڤێ مەدریدە جارەکا دی یاریکەرێ خوە ب ڤەگەرینت ھەر دەمێ بڤێت لێ بەرامبەر کوژمێ ٣٠ ملیون یورۆیا .
چەند رۆژنامەیێن نێزیک ژ یانا ریال مەدرید دایە دیارکرن مەدرید نەخشەیەک بۆ ئینانا مورتای ھەیە ئەوژی ب کوژمێ ٣٠ ملیون یورۆیا ب ڤەگەرینتە ڤە و پاش ب کوژمەکێ مەزنتر ب فروشت، کو نوکە ئەڤ یاریکەرە بوویە ئارمانجا گەلەک یانێن بەرنیاس ل سەر ئاستێ ئورۆپا .

ئەڤرۆ نیوز:
یانا ریال مەدرید یا بزاڤێ کەت بۆ وەرزێ بھێت چەند ستێرێن بەرنیاس ل تیما خوە بۆ وەرزێ بھێت کوم بکەت و ئێک ژ ئارمانجێن وێ یێن سەرەکی یاریکەرێ ھەلبژارتیێ ئەرژەنتین و یانا یوڤانتوس پاولو دیبالا یە کو یانا ریال مەدرید کەڤتیە د ھەڤرکیێ دا ل گەل یانا بەرشەلۆنا بۆ ب دەستڤە ئینانا دیبالای.
مالپەرێ سپورت یێ ئیسپانی دیارکری یە دیبالا ئێک ژ ئارمانجێن سەرەکی یێن سەروکێ ریال مەدرید فلورتینو پێریزی یە ل ڤەگوھاستێن ھاڤینا ئەڤ سالە و سەروکێ یانێ بەرھەڤیێن باش بۆ دەستڤە ئینانا دیبالای کری یە یێ بەرھەڤە دەستا ژ ستێرەکا تیما خوە بەردەت داکو بشێت د ھەڤرکیا ئەڤی یاریکەری دا ب سەرکەڤیت تایبەت کو یانا بەرشەلۆنا ھەڤرکا وێ یە بۆ دەستڤە ئینانا ئەڤی یاریکەری.