ئەڤرۆ نیوز:
یانا تەلەبە داخوازی ژ ئێکەتیا تەپا پێ یا عیراقی کریە ئەنجامێن یانا شورتە نە ھێنە ھژمارتن دخولا بژارە یا عیراقێ دا ژبەر خوە ڤەکێشانا وێ ژ یاریا دووماھیا خولێ و پێدڤی یە ئێکەتیا تەپا پێ ل دیڤ یاسایا خولێ بچن و سزایەکێ توند دانە بەر یانا شورتە .
چێگرێ سەروکێ یانا تەلەبە محەمەد ھاشمی د دیارکر ئەگەر ئێکەتیا تەپا پێ یا عیراقێ ل دیڤ یاسایا خولێ بچیت پێدڤی یە ئەنجامێن یانا شورتە دخولا بژارە دا نەھێنە ھژمارتن ھەردیسان تیمێ ژ خولا پلا نایاب پاشڤەزفرینتە خولا پلا ئێک و ئەو سزایێ دانایە بەر یانا دھۆک ھەمان سزا دەنە یانا شورتە ژی ژبەرکو ئەوا شورتە کری وەکو یا یانا دھۆک بوو کو دھۆکێ ژێ خوە ژ خولێ ڤەکێشا ھەمان سزادایە بەر پێدڤی یە سزایێ شورتە ژی وەکو یێ دھۆکێ بیت.
زێدەتر ناڤبری گوت: خوە ڤەکێشاندانا یانا شورتە د بەرژوەندیا یانەکێ بتنێ دایە و چار ھەتا سێ یانێن دێ زەرامەندن دڤێ بریارێ دا.
ھەژی گوتنێ یە ل یاریێن کومان دا ژی یانا جەویە خوە ژ یاریا دووماھیا خولێ ڤەکێشا بوو پشتی ل یاریگەھا یانا ھەولێرێ ئامادە نەبووی ژبەرکو یاریەکا قارەمانیا ئاسیا ھەبوو.

ئەڤرۆ نیوز
راھێنەرێ ئیتالی و یانا لیستەر سیتی قارەمانا خولا ئینگلتەرا یا ئەڤ سالە کلاودیو رانێری دخوازیت ھێلا ھێرشبەریا تیما خوە ب ھێز بێخیت بۆ وەرزێ بھێت د قارەمانیا یانێن ئورۆپا و خولا ئینگلتەرا دا، داخوازی ژ کارگێریا یانێ کری یە ھەڤبەستێ ل گەل ستێرا گەنج یێ پولەندی و یانا ئەیاکس ئەمستردام ئەرکادیوتس میلیک کو کوژمێ ١٥ ملیون جینێ ئیسترلینی بۆ ڤی یاریکەری بەرھەڤکری نە ل ڤەگوھاستێن ھاڤینا ئەڤ سالە ب دەستخوڤە بینن.

ئەڤرۆ، زنار زوبێر:
بەرپرسێ نوونەراتیا دھۆک یا لژنا ئولومپیا کوردستانێ دیارکر ب پشتەڤانی و ھاریکاریا پارێزگەرێ دھۆکێ بریارە ئەڤرۆ ئێڤاری ل ئوتێلا ریکسوس ھەلبژارتنێن باشتیرین وەرزشڤانێن سالا ٢٠١٥ بھێنە ئەنجامدان و ھەڤدە وەرزشڤان دێ ھەڤرکیا سێ ناسناڤان کەن ل سەر ئاستێ کچان و کوران و راھێنەران.
زێدەتر د. ئەحمەد قاسم د داخویانیەکا تایبەت دا بۆ رۆژناما ئەڤرۆ گۆت: جارا ئێکێ یە ئەڤ ئاھەنگا باشترین وەرزشڤان دھێتە کرن لێ ماوەکە مە بەرھەڤیێن خوە بۆ ئەنجامدانا ڤێ ئاھەنگێ کرین لێ ژ بەر چەندین کاودانێن نوکە یێن ھەرێما کوردستانێ ئەڤ ئاھەنگە گیروبو لەورا نوکە ب پشتەڤانی و ھاریکاریا پارێزگەھێ دھۆکێ ئەڤرۆ ئێڤاری دێ ئاھنگا باشترین وەرزشڤانێن سالا ٢٠١٥ ھێتە ئەنجامدان و د ڤێ ئاھەنگێ دا دێ ھەڤدە یاریکەرێن کچ و کەور و راھێنەر ھەڤرکیێ ل سەر سێ باشترینان یاریکەر ل سەر ئاستێ کوران و کچان و راھێنەران کەن وەک رێزگرتن بۆ خزمەت و ماندیبونا ڤان وەرزشڤانان کو شیاین ل سالا ٢٠١٥ ئەنجام و ناسناڤان بۆ وەرزشا پارێزگەھێ دەستخوە ڤە بینن.
ناڤبری ئەو چەندە ژی دیارکر د ڤێ ئاھەنگێ دا دێ ٤٠ کەسان مافێ دەنگادانێ ھەبیت کو ھەمی ژی لەیەن و دەزگایێن ب وەرزشا پارێزگەھێ ڤە پەیوەندی دارن و پشتی باشترین دھێ،ە ھەلبژارتن دێ خەلاتێن سەرکەفتنێ ل سەر ھەمی وەرزشڤان و رۆژنامەنڤیسێن وەرزشی ھێنە بەلاڤکرن، سەرەرای کو دێ ڤێ ئاھەنگێ کێماسیێن خوە ھەبن ژبەرکو جارا ئێکێ یە دێ ھێتە ئەنجامدان.
ھەژی گوتنێ یە ئەو ھەڤدە قارەمانێن دێ ھەڤرکی ل سەر ناسناڤێ باشترینێن سالی کەن ئەڤێن خوارێ نە
خالد موشیر یاریکەرێ تەپا پێ.
سیپەل شوکر یاریکەرا فوتسالێ
وەلات محەمەد یوسف یایکەرێ یاریا خولێکدانێ
مورین داود یاریکەر ڤولی بولێ
نیبار ئەحمەد یاریکەرێ تەپا مێزی
شینوار یونس یاریکەرێ جودو
سارا ئاڤدەل یاریکەرا تەنسا ئەردی
ئاڤدەل حەسەن راھێنەرێ تەنسا ئەردی
وەھبی مەھدی یاریکەرێ تاکواندویێ
سیاف سەلاح یاریکەرێ کیک بوکسینکێ
لاوین ئەدیب یاریکەرێ کاراتیێ
روزان عادل یاریکەرا کاراتیێ
کارین کەمال یاریکەرا شەترەنج
بژارن خوشەڤی یاریکەرا مەیدانێ
تارق سەعید راھێنەرێ پایسکلان
ژێکر تاھر یاریکەرێ پایسکلان

ئەڤرۆ، ھەژار مەعروف:
پشتی چەندین سالێن پشکداریێ دخولا کوردستانێ و عیراقێ دا و یاری ل چەندین یانێن بەرنیاس ل سەر ئاستێ خولا عیراقێ کری ژ ئەوانا یانێن ھەولێر دھۆک زاخۆ نەفت وەست و سلێمانی و ھەردیسان یاری سێ جاران شیا ناسناڤێ خولا کوردستانێ ل گەل یانا زێرەڤانی ب دەستخوڤە بینت یاریکەرێ ھێلا ناڤین ھوزان ئازاد جارەکا دی ب فەرمی ڤەگەریا دناڤ یاریێن خولا بوندس لیگا ئەلمانی ئەڤ جارە ھەڤبەستا یانا توش ئیپەتال ئیمزاکر ئەوا دخولا پلا سێ دا یاریێ کەت.
ھوزان ئازاد د دیدارەکێ دا بۆ رۆژماما ئەڤرۆ دیارکر ژبەر چەند ئەگەرێن تایبەت ئەو ل وەرزێ ئەڤ سالە دورکەفت ژ یاریا تەپا پێ ھەر چەندە ئەو نێزیکی ئیمزاکرنا ھەڤبەستا دو یانا بوو لێ ل دووماھیێ ئەو نە گەھشتە رێککەفتنێ ل گەل ئەوان ھەردو یانا کو ئێک ژ ئەوان یانەکا سویدی بوو یا دی ژی یا نەرویجی بوو لێ نەتێگەھشتنەک دناڤبەرا مە ھەردووکان دا ھەبوو ئەو نە گەھشتنە چو رێککەفتنا .
زێدەتر ھوزان ئەوێ بەری نوکە یاری ل ھەلبژارتیێن ئولومپی و لاوێن عیراقێ کری ل ماوێ بوری راھێنەرێ ڤێ یانێ داخوازی ژی کر ئەو ل راھێنانێن یانێ ئامادەبیت و پشتی ئەو بۆ سێ رۆژان ل راھێنانێن یانێ ئامادەبووی پشتی بورینا سێ رۆژان راھێنەری بۆ دیارکر ئەو گەلەک ژ ئاستێ وی یێ رازی یە ئێکسەر ھەڤبەست ل گەل من ھاتە ئیمزاکر بوو وەرزێ نوو یێ خولا ئەلمانیا یا پلا سێ ٢٠١٥-٢٠١٦ کو چاڤەرێ دھێتەکرن بۆ ماوەکێ راھێنانێن ڤێ یانێ بھێتە راوستاندن و ل دەستپێکا ھەیڤا بھێت بریارە بەر ب وەلاتێ نەمسا ڤە بچن بۆ دانانا کەمپەکا راھێنانی.