ئه‌ڤرۆ نيوز:
وه‌زاره‌تا دارايى و ئابوورى ل حوكمه‌تا هه‌رێما كوردستانێ بڕيار دا رێ ب ڤه‌گوهاستنا راژا فه‌رمانبه‌ران د ناڤ وه‌زاره‌ت و فه‌رمانگه‌هـ و ده‌سته‌يێن سه‌ربه‌خۆدا بهێته دان كو پێشتر يا قه‌ده‌غه‌كرى بوو.
وه‌زاره‌تێ د رێنمايه‌كا نوو دا بڕيار دا ب راستڤه‌كرنا خالا دويێ ژ رێنمايا ژماره 16 يا سالا 2016ێ تايبه‌ت ب راگرتنا ڤه‌گوهاستنا راژا فه‌رمانبه‌ران د ناڤ وه‌زاره‌ت و فه‌رمانگه‌هان دا و ئه‌و رێنما هاته ژناڤبرن.
ئه‌ڤرۆ نيوز:
رێكخه‌رێ گشتيێ بزاڤا گۆڕان گه‌هشته ده‌باشان بۆ ئيمزاكرنا رێكه‌فتناما د ناڤبه‌را گۆڕان و ئێكه‌تيێ دا ل مالا مام جه‌لال.
ب مه‌ره‌ما ئيمزاكرنا رێكه‌فتنا ناڤبه‌را گۆڕان و ئێكه‌تيێ كو ژ 25 مادان پێكهاتيه، هه‌ر ئێك ژ نه‌وشيروان مسته‌فا، رێكخه‌رێ گشتيێ بزاڤا گۆڕان و كوسره‌ت ره‌سۆل جێگرێ ئێكێ يێ سكرتێرێ گشتيێ يێ ئێكه‌تيێ گه‌هشته مالا مام جه‌لال ل ده‌باشان.
بڕياره ئيڤاريا ئه‌ڤرۆ ل ئۆتێلا “شارى جوان” ل سلێمانيێ و درێ و ره‌سمه‌كێ تايبه‌ت دا ئه‌ڤ رێكه‌فتنا ناڤبه‌را ڤان هه‌ردو لايه‌نان بهێته ئيمزاكرن.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 17ى گۆلانا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1298 |
| 1 يۆرۆيێ ئه‌ورۆپى | 1470 |
| 1 ليرێ توركى | 440 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز:
رۆژمانا ئەکسپریس یا ئینگلیزی دیارکری یە یانا پاریس سان جێرمان و مانچستەر یوناید ھەڤرکیا ئێک کەن بۆ ب دەستڤە ئینانا ستێرا ھێلا ناڤین یا سپورتینگ لەشبونا جواو ماریو ئەوێ ل وەرزێ ئەڤ سالە شیای ئاستەکێ بلند ل گەل یانا خوە و ھەلبژارتیێ پرتوگال د خول و قارەمانیێن ئورۆپا دا پێشکێشکری.
وێ رۆژنامێ دیارکری یە ژی یانا پاریس کوژمێ ٢٧.٥ ملیون جینێ ئیسترلینی ئامادەکری نە بۆ ب دەستڤە ئینانا ئەڤی یاریکەری لێ یانا پورتوگالی دیارکری یە ھەر یانەکا ماریو ب خوازیت پێدڤی یە کوژمێ ٤٧ ملیون جینێ ئیسترلینی پێشکێشی ئەوان بکەت.
ئه‌ڤرۆ نيوز:
د چارچۆڤێ وان چاكسازيێن سه‌رۆكێ هه‌رێما كوردستانێ مه‌سعود بارزانى ئه‌ڤرۆ رۆژا سێشه‌مبى بڕيارا ده‌سته‌سه‌ركرنێ بۆ مه‌زنه بازرگانا وارێ به‌رهه‌مئينانا په‌ترۆلێ ل هه‌رێما كوردستانێ ده‌رچوو.
ب گۆره‌ى وان پێزانينێن کوردستان 24 به‌لاڤكرين، سه‌رۆكێ هه‌رێما كوردستانێ فه‌رمانا ده‌سته‌سه‌ركرنێ بۆ چارخان ره‌فيق مه‌زنه بازرگانا وارێ په‌ترۆلێ ل هه‌رێما كوردستانێ ده‌ركر، ئه‌و ب خوه ژى ماوه‌كه ژ كوردستانێ ده‌ركه‌فتى چوويه ژ ده‌رڤه‌ى وه‌لاتى.
چراخان ره‌فيق هه‌ڤژينا وه‌زيرێ سامانێن سرۆشتى ل حوكمه‌تا هه‌رێما كوردستانێ، ئاشتى هه‌ورامى بوو، به‌لێ به‌رى چه‌نده‌كێ يه، چراخانێ راگه‌هاندبوو كو ئه‌و ژ هه‌ڤژينێ خوه جودا بوويه و نوكه ل ژ ده‌رڤه‌ى وه‌لاتى دژيت.
ئه‌ڤرۆ نيوز:
هێمن هه‌ورامى، به‌رپرسێ مه‌كته‌با په‌يوه‌نديێن ژ ده‌رڤه يا پارتى ديموكراتى كوردستان راگه‌هاند، شانده‌كێ بلندێ كوردستانێ ده‌رباره‌ى ئه‌نجامدانا ريفراندۆمێ و دانوستاندنێ ل سه‌ر چاره‌كرنا كێشێن ناڤبه‌را هه‌ردولا دێ سه‌ره‌دانا به‌غدا كه‌ت.
به‌رپرسێ مه‌كته‌با په‌يوه‌نديێن ژ ده‌رڤه يا پارتى ديموكراتى كوردستان ئه‌ڤ گۆتنه د چارچۆڤێ پێشوازيكرنا خاتين “زه‌ينه‌ب علياڤا” كاربرێڤه‌به‌را حوكمه‌تا كه‌نه‌دا ل هه‌رێمێ كرن.
هێمن هه‌ورامى د ديدارێ دا ئاماژه ب وێ چه‌ندێ ژى كر كو هه‌كه حوكمه‌تا به‌غدا پابه‌ندى برگێن دستوورى و رێكه‌فتنامان نه‌بيت و مه‌رجێ شه‌راكه‌تا راسته‌قينه و پيكڤه‌ژيان و ته‌بايێ د نناڤبه‌را پێكهاتان دا به‌رچاڤ وه‌رنه‌گريت، دبيت ريفراندۆم بهێته كرن.
هه‌ورامى گۆتژى: “د ده‌مه‌كى دا هه‌كه هه‌ردولا نه‌گه‌هشتنه رێكه‌فتنێ، ريفراندۆم دێ هێته ئه‌نجام دان و دێ گرێداى بڕيارا ملله‌تى بين”.
ئەڤرۆ نیوز:
رۆژناما ئەکسپرێس یا ئینگلیزی یا بەرنیاس دیارکری یە کارگێریا یانا ئیفەرتون پشتی دەست ژ راھێنەرێ خوە یێ ئیسپانی مارتینیز بەردەی یا لێگەریانا راھێنەرەکێ نوو گەرن بۆ وەرگرتنا پوستێ راھێنەریا یانا ئینگلیزی ل وەرزێ بھێت .
وێ رۆژنامێ دیارکری یە بەرپرسێن یانا ئیفەرتون یێ بزاڤێ کەن راھێنەرێ بەرنیاس یێ پرتوگالی جوزێ مورینوی رازیبکەن بۆ وەرگرتنا پوستێ راھێنەریا وێ یانێ ل وەرزێ بھێت ھەر چەندە ھەتا نوکە بەرپرسێن وێ یانێ ب فەرمی ل گەل راھێنەرێ پرتوگالی کومبوونە نەکریە لێ ژێدەرێن دەنگوباسی وەسا دیارکریە یانێ پەیوەندی پێکری یە و دخوازن دەمەکی دەست نیشانبکەن بۆ کومبوونەکێ و دەست ب دانوستاندان بکەن.
ھەژی گوتنێ یە بەری نوکە ژی چەندین جاران ھاتیە بەلاڤەکرن ل رۆژنامەیێن ئینگلیزی کو مورینو دێ ئەرکێ یانا مانچستەر یوناید ل وەرزێ بھێت وەرگریت لێ ھەتا نوکە چو کار و بزاڤ ب فەرمی نە ھاتینەکرن و دبیت ل ماوێ بھێت ئیفەرتون د بزاڤا مورینوی دا یێ سەرکەفتی بیت .
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا چارشه‌مبى رێكه‌فتى 18ى گۆلانا 2016ێ ئه‌سمان دێ ته‌مامى ئه‌ورۆ بيت و ل گه‌ل بارينا بارانێ و ئه‌گه‌رێن بريسيا ژى ل هنده‌ك ده‌مان و هنده‌ك ده‌ڤه‌ران يێ هه‌ى.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ به‌رده‌واميا كارتێكرنا دو فشارێن نزم، ئێك ژ ده‌ريا ناڤه‌راست و ئه‌ڤا دژى ژ گزيرتا عه‌ره‌بى بۆ سه‌ر هه‌رێما كوردستانێ دهێته پێشبينيكرن ئه‌سمان ته‌مامى ئه‌ورۆ بيت و ل گه‌ل بارينا بارانێ و ئه‌گه‌رێن بريسيا ژى ل هنده‌ك ده‌مان و هنده‌ك ده‌ڤه‌ران يێ هه‌ى.
پشكا پێشبينيان دايه زايه زانين كو دێ ئاراستێ باى ژى دێ د گوهۆڕينێ دا بيت ب ره‌نگه‌كى د ناڤبه‌را 10 هه‌تا 20كم دا و هنده‌ك و ماوێ ديتنێ ژى دێ 7 بۆ 9كم بيت، پلێن گه‌رمێ ژى دێ د ناڤبه‌را (23 بۆ 30) پلان دا بيت.
ئه‌ڤرۆ نيوز:
وەزارەتا شەھید و ئەنفالکریان ئاماژێ ب وێ چەندێ دکەت، کو بڕیارە د دەمەکێ نێزیک دا یەکەیێن ئاکنجیبوونێ ل سەر ھزار و 400 شەھیدێن شەڕێ داعش دا بھێنە بەلاڤکرن و دیار کر، ژبەر نەبوونا خانی و شقان ئەرد ل سەر مالباتێن شەھیدێن شەڕێ داعش ل سنوورێ پارێزگەھا دھۆکێ دێ ھێنە بەلاڤکرن.
فوئاد عوسمان، پەیڤدارێ وەزارەتا شەھید و ئەنفالکریان بۆ رۆژناما ئەڤرۆ گۆت: “ھەر وەلاتیەکێ خوەبەخش د شەڕێ داعش دا شەھید ببیت ئەڤە ژ لایێ وەزارەتا پێشمەرگەی ڤە دھێتە تۆمارکرن و دو پلە بۆ دھێنە دانان و ب شەھیدێن سەنگەری دھێنە ھژمارتن، ھەتا نوکە ناڤێن ھزار و 400 شەھیدێن شەڕێ داعش ل سەرانسەری ھەرێما کوردستانێ گەھشتینە وەزارەتا شەھیدان و بڕیارە بۆ ھەر خێزانا شەھیدەکی یەکەیەکا ئاکنجیبوونێ بھێتە ئاڤاکرن، کو نوکە ژ لایێ وەزارەتا ئاڤاکرنێ د قووناغێن دووماھیێ دانە، وەزارەتا شەھید و ئەنفالکریان داخوازا ھزار و 500 یەکەیێن ئاکنجبوونێ کریە بۆ مالباتێن شەھیدان”.
فوئاد عوسمانی گۆتژی: “بۆ ھەر پارێزگەھەکێ ھژمارەکا یەکا ھاتینە بەرھەڤکرن، بەلێ ژ بەرکو وەزارەتا ئاڤاکرنێ چو پڕۆژە ل پارێزگەھا دھۆکێ نینن، وەزارەتا کاروبارێن شەھیدان لیستا شەھیدێن پارێزگەھا دھۆکێ ھنارتیە باژێڕڤانیا دھۆکێ و ب رێیا رێڤەبەریا گشتیا کاروبارێن شەھیدان ل پارێزگەھا دھۆکێ بۆ بەرھەڤکرنا پارچێن ئەردی، لەوڕا ل شوونا خانی و شقان دێ ئەرد ل سەر کەسوکارێن شەھیدێن دھۆکێ ھێتە بەلاڤکرن، بڕیارە د دەمەکێ نێزیک دا پارچێن ئەردی و خانی ل سەر مالباتێن شەھیدێن شەڕێ داعش بھێنە بەلاڤکرن”.
نيشاندان
