ئه‌ڤرۆ نيوز:
ل پێشانگه‌ها نێڤده‌وله‌تى يا بانكوك 36 يا ترۆمبێلان ل تايله‌ند، كچێن كۆمپانيا ئالپن ب دانسێ ريكلام بۆ ترۆملبێلن خوه كرن.
نووترين نووچه
- مەسرور بارزانی و مستەفا كازمی رەوشا گشتی یا ئیراقێ و دەڤەرێ گەنگەشە كر
- بەختیار تالەبانی: بارەگەهێ بارزانی یێ بوویە ناڤەندا بڕیارا كوردی
- چارەنڤیسێ ئیراقێ ب هنارتنا پەترۆلا كوردستانێ و راگرتنا كڕینا غاز و كارەبا ئیرانێ ڤە یێ گرێدایە
- حەشدا شەعبی رێگرە ل پێشبەری ئیمزاكرنا رێككەفتنەكا نوو د ناڤبەرا ئیراقێ و ئەمریكا دا
- سەرۆك بارزانی ل سالڤەگەڕا 34 یا سەرهلدانا پیرۆز: سەرهلدان پەیامەكا رۆهن بوو كو گەلێ كوردستانێ ئازادی و سەربەستی دڤێت
- نێچیرڤان بارزانی: فیدرالی و دەستكەفتێن دستووری و كاریگەرییا ئەڤرۆ یا كوردستانێ بەرهەمێن سەرهلدانێ نە
- مەسرور بارزانی: سەرهلدان ئێك ژ سەروەریێن مەزن یێن گەلێ كوردستانێ یە كو هەردەم جهێ شانازییا مەیە
- دوپاتیێ ل رێكخستنا ناڤمالا كوردی دكەین
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
سهرهكى Facebook
ئێدى دێ كاره‌بێ ژى وه‌كو كارتێن مۆبايلان ل دووڤ پێدڤيا خوه كرى
ئه‌ڤرۆ نيوز:
بۆ زێده‌كرنا داهاتێ ناڤخۆ، دا كو بشێن مووچێ پێشمه‌رگه‌ى و فه‌رمانبه‌ران بده‌ن، حوكمه‌تا هه‌رێما كوردستانێ دڤێت گرنگيه‌كا زێده‌تر ب كه‌رتێ كاره‌بێ بده‌ت.
رۆژا 16ى كانوونا دويێ 2016 درێژترين كۆمبوونا حوكمه‌تا هه‌رێما كوردستانێ ل سه‌ر قه‌يرانا دارايى ب رێڤه‌چوو، كۆمبوون بۆ چاوانيا زێده‌كرنا داهاتى و دابينكرنا مووچێ فه‌رمانبه‌ران بوو.
د كۆمبوونا جڤاتا بلندا ئابووريا هه‌رێما كوردستانێ دا به‌حس ل وێ چه‌ندێ كريه كو كۆمپانيه‌كا بيانى يا ئاماده پشكه‌كا ئه‌وى كه‌رتى بگريته ستوويێ خوه دا كو داهاتێ هه‌رێمێ زێده بكه‌ت.
ئه‌ندامه‌كێ جڤاتا بلندا ئابوورى كو پشكدارى د كۆمبوونێ دا كريه بۆ رووداو راگه‌هانديه: “راسته به‌رهه‌مئينانا كاره‌بێ يا د ده‌ستێ كه‌رتێ تايبه‌ت دا، به‌لێ ڤه‌گوهاستن و ژێرخانا كاره‌بێ و وه‌رگرتنا داهاتى يا د ده‌ستێ حوكمه‌تێ دا، ديسا ژى وه‌رگرتنا وێ ب باشى ب رێڤه ناچيت”.
گۆتژى: “نوكه كۆمپانيه‌ك هاتيه پێش و پلانا خوه ئاشكه‌را كريه كو د ماوێ شه‌ش هه‌يڤان دا دێ كارێن خوه ته‌مام كه‌ت، ب ره‌نگه‌كى هه‌ر چ كه‌سه‌كێ كاره هه‌ى ل هه‌رێما كوردستانێ دێ ب خوه ڤه گرێده‌ت ب رێيا ناڤه‌نده‌كێ كو يا به‌رپرسه ژ به‌لاڤكرنا كاره‌بێ و به‌لاڤكرن ژى دێ وه‌كو كارتێن تله‌فۆتلت لێ هێت، ب گۆره‌ى ئه‌و رێژا كاره‌بێ يا دهێته مه‌زاختن پاره‌ى ژێ وه‌رگريت، كۆمپانى ئێدى ناهێليت ئێك دينارا كاره‌بێ ژى ل ده‌ف خه‌لكى بمينيت”.
%70 ژ ئابوورێ ئیماراتێ پشت بەستنێ ب پەترۆلێ ناکەت
ئەڤرۆ نیوز، ئەیاد بەرواری:
حاکمێ دوبەی و سەرۆک وەزیرێن ئیماراتێ محەمەد بن راشد راگەھاند، ل چەند ھەفتیێن بھێت حوکمەتا ئیمارتێ و شارەزایێن ئابووری دێ کۆمبوونەکا بەرفرەە کەن بۆ دانوستاندنێ ل سەر ئابوورێ ئیماراتێ پشتی پەترۆلێ.
حاکمێ دوبەی د بەرپەرێ خوەدا ل سەر تویتەری گوت” ئارمانج ژ وێ کۆمبوونێ دانانا بەرنامەکێ نیشتمانی یە ژبۆ دانانا ئابوورەکێ پێشکەفتی و بەردەوام بۆ نەڤیێن داھاتی”.
دیارکر ژی کو 70% ژ ئابوورێ ئیماراتێ پشت بەستنێ ب پەترۆلێ ناکەت، دێ ئارمانجا مە ئەوبیت ھەڤکێشەکا نوو بۆ ئابوورێ مە دانین کو پشت بەستنێ ب پەترۆلێ نەکەین کو گرێدای نزم و بلندبوونا بھایان بیت ل بازارێن جیھانی.
داخوازا ئەرزانکرنا کریا خانیان دھێتەکرن
ئەڤرۆ نیوز:
ئەندامەکێ لیژنا باژێڕڤانیێ یا پەرلەمانێ کوردستانێ ئاشکرا کر، کریا خانی و ئاڤاھیان دگەل رەوشا نوکەیا ئابووریا ھەرێما کوردستانێ ناگونجیت و پێدڤیە کرێ بھێنە ئەرزانکرن، چونکو پارە کێم بوویە و کرێ وەکی خوە ماینە.
سیراج شێخ ئەحمەد، ئەندامێ لیژنا باژێڕڤانیێ ل پەرلەمانێ کوردستانێ بۆ رۆژناما ئەڤرۆ گۆت “د ڤێ قەیرانێ دا مە وەکی پەرلەمان چ پلان بۆ کێمکرنا کریا خانیان نینن، ئەڤە د دەمەکی دایە ژبەر قەیرانا دارایی پارە کێم بوویە و وەلاتیێن کرێدار نەشێن کریا بەرێ بدەن، ھەتا چ لایەنەکی ژی ئەڤ پێشنیارە نەگەھاندیە پەرلەمانی، بەلێ مە قانوونا ب کرێدانا خانی و مولکا ھەیە بۆ دیارکرنا کریا و ئاڤاھیان و بەری نوکە مە داخوازا راستڤەکرنا قانوونا کریێ کربوو، تنێ بەحسێ کرێداری نەھاتیەکرن د قانوونێ دا، بەلکو بەحسێ مافێ خوەدیێ ئاڤاھی و زۆر تشتێن ھاتیەکرن، بەلێ مەرەما سەرەکیا راستڤەکرنێ کێمکرنا کریێ بوویە، نوکە کریا خانی و ئاڤاھیان ب رێکەفتنا ھەر دولایەنێن کرێدار و خوەدیێ مولکی دھێتە دانان، ھندەک جھێن بازاڕێ گەرم و جھێ موشتەری زۆر خوەدیێ خانی و ئاڤاھیان کریەکا زۆر داخواز دکەت”.
سیراجی گۆت ژی “د ڤێ قەیرانێ دا پێدڤیە پەرلەمان د دەمەکێ زوو دا ل دۆر کریێ دوڤچوونێ بکەت، ب تایبەت لیژنا باژێڕڤانیان، چونکو کریەکا زۆر دھێتە وەرگرتن و دگەل رەوشا نوکە و قەیرانا دارایی ناگونجیت، مخابن پەرلەمانی کۆمبوونێن خوە راگرتینە”.
50 کارگەھان کرێکارێن خوە دەرخستینە
ئه‌ڤرۆ نيوز:
ژ بەر ڤێ قەیرانا ئابووری زێدەتری 50 کارگەھێن حەسو و رملێ کۆ ل سەر رووبارێ خازر کاردکر و پڕانیا خەلکی بۆ پرۆژان قەستا وان کارگەھان دکر، لێ وان ژی ژبەر نەبوونا کاری دەست ژ کرێکارێن خوە بەردایە.
حەماد محەمەد تەوفیق، خودان ئێک ژ کارگەھانە خویا کر، بەریا قەیرانێ زێدەتری ھەشت کرێکاران مە ھەبوون، لێ نھا ب تنێ ئێک کرێکار مایە، ئەو ژی وەک زێرەڤانێ ئامیرا و کرێکار ھەردوویە, ئەو کرێکارێن مە دەست ژێ بەرداین ژی نھا د بێ کارن و ژیانا خێزانێن وان ل سەر وان بوو و گۆت: ئەڤە چەندین ھەیڤە ئامیرێن مە کار نەکریە ژ بەر نەبوونا کاری و مە رەمل ھەیە و بەرھەڤیێن وێ رەملی ب نیڤ کوژمێ بەریا نھا بفرۆشین و بەریا ڤی بارودوخی قەلابەکا رەملێ ب 120 ھزاران بوو، لێ نھا ب 60 ھزارایە.
خودانێ کارگەھێ گۆت ژی: ئەم ل سەر خوسارەتیێ کاردکەین, ژ بەر کۆ د ماوێ شەش ھەیڤان دا ئەم روخسەتا کاری نوو دکەینەڤە و نووکرنەڤا وێ ژی پێدڤی ب دانا باجێ یە، ئەو ژی شەش ملیون دینارێ عیراقی نە و ھەنە ژی ئەڤە دو سالە کاردکەن بێ نووکرنا روخسەتا کاری، ژ بەر کۆ وان واستە ھەیە.
قاسم ئەحمەد ژی کرێکارەکە بەریا نھا ئێک ژ کارگەھێن سەر رووبارێ خازر کاردکر بۆ ئەڤرۆ گۆت: ل دەستپێکێ کار ھەبوو، ھەتا ھندەک رۆژان ئەم زور ماندوو دبووین ژبەر ھەبوونا کاری, لێ ھێدی ھێدی کار بەر ب سستبوونێ ڤەچوو، ھەتا گەھشتیە ئاستێ نەمانا کاری و خودانێ کارگەھێ ژی دەست ژ مە بەردا، ژ بەر کۆ وی ل سەر کیستێ خوە پارە ددان مە و بێ ئەم کاربکەین و گۆت: نھا ئەز و ھەڤالێن خوە بێ کار ماینە و ژیانا خێزانێن مە ژی ل سەر مەبوو و ب تنێ چەند رۆژان جارەکێ ئەم دچینە پالەیێ ل ھەر جھەکێ ھەبیت.
ئه‌ڤرۆ نيڤ مووچێ ڤێ وه‌زاره‌تێ دێ هێته به‌لاڤكرن
ئه‌ڤرۆ نيوز:
ئه‌ڤرۆ رۆژا دوشه‌مبى رێكه‌فتى 18ى كانوونا دويێ 2016، دێ نيڤ مووچێ هه‌يڤا ئيلۆنێ يێ وه‌زاره‌تا په‌روه‌ردێ دێ هێته به‌لاڤكرن.
ب گۆره‌ى ژێده‌ره‌كى ژ گه‌نجينا سلێمانيێ كو بۆ خه‌ندان به‌حس لێ كريه، ئه‌ڤرۆ رۆژا دوشه‌مبى رێكه‌فتى 18ى كانوونا دويێ 2016، دێ نيڤ مووچێ هه‌يڤا ئيلۆنێ يێ وه‌زاره‌تا په‌روه‌ردێ دێ هێته به‌لاڤكرن.
دوهى د راگه‌هاندنه‌كێ دا وه‌زاره‌تا په‌روه‌ردێ راگه‌هاند كو ئه‌و دێ نيڤ مووچێ وه‌زاره‌تا په‌روه‌ردێ د ڤێ حه‌فتيێ دا به‌لاڤ كه‌ن.
ره‌وشا سه‌قايێ سوبه‌هى
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژسێشه‌مبى رێكه‌فتى 19ى كانوونا دويێ يا 2016ێ ئه‌سمان دێئه‌وره‌كێ بارانى بيت و ل ده‌مێ دره‌نگى شه‌ڤ ژى به‌فره‌كا كێم دێ ل ده‌ڤه‌رێن بلند و چيايى باريت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ هاتنا فشارێن بلندێن وه‌لاتێ توركيا و فشارێن نزمێن ده‌ريا ناڤه‌راست بۆ سه‌ر هه‌رێما كوردستانێ دهێته پێشبينيكرن ئه‌سمان دێئه‌وره‌كێ بارانى بيت و ل ده‌مێ دره‌نگى شه‌ڤ ژى به‌فره‌كا كێم دێ ل ده‌ڤه‌رێن بلند و چيايى باريت.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 15 كم دا و هنده‌ك و ماوێ ديتنێ ژى 9 بۆ 10 كم بيت، پلێن گه‌رمێ ژى دێ د ناڤبه‌را (5 بۆ 12) پلان دا بيت.
ھەولێرێ ئەرد ل سەر پێشمەرگەی بەلاڤکر و دھۆک دێ چ کەت؟
ئەڤرۆ نیوز:
رێڤەبەرێ گشتی یێ شەھیدان ل پارێزگەھا دھۆکێ بۆ رۆژناما ئەڤرۆ دیار کر کو ماملێن وەرگرتنا ئەردی ل باژێرڤانیا دھۆکێ ھەنە، بەلێ ھەکە ئەرد نەھێتە دابینکرن ما دێ چەوا ھێتە بەلاڤکرن.
نسرەت بادی، رێڤەبەرێ گشتی یێ شەھیدان ل پارێزگەھا دھۆکێ ل دۆر دانا یەکێن ئاکنجیبوونێ بۆ خێزانێن شەھیدێن شەرێ داعش ئاشکرا کر کو شوقە ل دھۆکێ نینن و ئاخفتنا وەزیرێ ئاڤەدانکرنێ بتنێ بۆ باژێرێن دی یێن ھەرێمێ بۆ و گۆت: ” نوکە ھەموو ئمتیازاتێن شەھیدان ژبەر قەیرانا دارایی یا ھەرێم کەفتیە تێدا ھاتینە راوەستاندن و سەرەرایی ڤێ چەندێ ئەو زارۆیێن شەھیدان یێن کو ل زانکۆیێن ئەھلی دخوینن سالانە وەزارەتا شەھیدان پارێ خواندنا وان د مەزاخت، بەلێ ئەڤ سالە پارە نینن ژبەر ڤێ چەندێ وەزارەتا شەھیدان ھەماھەنگی ل گەل وەزارەتا خواندنا بلند کریە کو ئەڤ سالە زارۆیێن شەھیدان پارێ خوە یێ خواندنێ نەدەن و بێ بەرانبەر ل زانکۆیێن ئەھلی بخووینن”.
دوھی 17/1/2016 ب ئامادەبوونا وەزیرا باژێرڤانی و گەشت و گۆزارێ و پارێزگەرێ ھەولێرێ و ئەنوەر حاجی عوسمان، جێگرێ وەزیرێ پێشمەرگەی و چەندین ئەندام پەرلەمانێن کوردستانێ 614 پارچێن ئەردی ژ لایێ باژێرڤانیا ھەولێرێ ڤە ل سەر کێم ئەندامێن سەنگەر و چەند تەخێن دی ھاتنە بەلاڤکرن.
پێلەکا دی یا بەفر و بارانێ دێ ب سەر دەڤەرێ دا ھێت
ئەڤرۆ نيوز:
رێڤەبەریا کەشناسی و بیڤەلەرزا ھەرێما کوردستانێ راگەھاند، ھەرێما کوردستانێ سوبەھی دێ کەڤیتە بن پێلەکا دەریا ناڤەڕاست و ژ بەر ڤێ چەندێ دێ باران بارین دەستپێکەت و دھێتە پێشبینیکرن رێژەکا زۆر یا بارانێ ل سنۆرێ پارێزگەھا دھۆکێ بباریت.
رێڤەبەریا کەشناسی و بیڤەلەرزا ھەرێما کوردستانێ د راگەھاندنەکێ دا دیاردکەت ژی، کو ل رۆژا سێشەمبێ ئاسمانێ ھەرێمێ دێ عەور بن و پلێن گەرمێ دێ ھێنە گۆڕین و باران ب رێژێن جودا دێ باریت و دھێتە پێشبینیکرن بەفر ل دەڤەرێن چایی بباریت و پێلا بارانێ ھەتا رۆژا چارشەمبێ دێ بەردەوەوام بیت و ل رۆژا دووڤ دا ئەڤ پێلە دێ کێم بیت.
رۆژنامه‌ك: روسیا بزاڤا پارچەکرنا کوردان دکەت
ئەڤرۆ نیوز:
رۆژناما یێنی شەفەق یا تورکیا د راپۆرتەکێ دا دیار کریە کو پشتی پەیوەندیێن تورکیا و روسیا تێک چوون، روسیا بزاڤێ دکەت کو کوردان ب تایبەتی ژی پارتیا کرێکارێن کوردستانێ و رێکخراوێن سەر ب وێ ل رۆژئاڤایێ کوردستانێ وەک کارتەکا گڤاشتنێ ل دژی تورکیا بکار بینیت و سەرەدانا سەلاحەدین دەمیرتاش ھەڤسەرۆکێ روسیا ژی بۆ وێ مەرەمێ بوو، چونکو ھەکە براستی روسیا بڤێت ھاریکاریا کوردان بکەت دەمێ داعشێ ھێرشی ھەرێما کوردستانی و رۆژئاڤایێ کوردستانێ کری دا ھاریکاریار کوردان بکەت، لێ روسیا نھا ژ بۆ بەرژەوەندیێن خوە دخوازیت کو کوردان وەک کارتەکێ ل دژی تورکیا بکار بینیت و ناخوازیت کو تورکیا پەیوەندیێن خوە ل گەل کوردان باش بکەت و سیاسەتا نھا روسیا برێڤە دبەت دێ زیانێن مەزن گەھینتە کوردان و ناھێلیت پرسا کوردی ل تورکیا ژی چارە بیت.
د پشکەکا دی یا راپۆرتێ دا ھاتیە دیار کرن کو کوردێن ھەرێما کوردستانێ پەیوەندیێن گەلەک باش ل گەل ئەمریکا و وەلاتێن رۆژئاڤا ھەنە و نھا ھەرێما کوردستانێ بوویە ناڤەندەکا گەلەک گرنگ بۆ رۆژئاڤا و رۆژانە سەرکردێن وەلاتێن ئورۆپا و ئەمریکا سەرەدانا ھەرێما کوردستانێ دکەن و د شەرێ ل دژی داعشێ دا ژی وان کورد ب تنێ نەھێلان، لێ مخابن سیاسەتا کو پارتیا کرێکارێن کوردستانێ و رێکخراوێن سەر ب وێ ل رۆژئاڤا برێڤە دبەن وەسا کریە کو ئالۆزی د ناڤبەرا کوردان دا دروست کەت و روسیا ژی ب سیاسەتا خوە یا نھا دخوازیت زێدەتر کوردان ژ ھەڤدو دوور دکەت و ئەو یەک مەترسیەکا مەزنە و دڤێت خەلکێ رۆژئاڤایێ کوردستانێ نەھێلن کو چارەنڤیسێ وان بکەڤیتە دەستێن چەند کەسەکان کو ل سەر ناڤێ وان بریارێن چارەنڤیساز بدەن.
د راپۆرتا رۆژناما یێنی شەفەق دا ئەو یەک ژی ھاتیە دیار کرن کو نھا ھەرێما کوردستانێ د بیاڤێ پەترۆلێ و ب تایبەتی ژی گازا سروشتی بوویە جھەکێ گەلەگ گرنگ و تورکیا و وەلاتێن ئورۆپا ژی بزاڤێ دکەن کو مفایێ ژ گازا سروشتی یا ھەرێما کوردستانی وەربگرن و ئەو یەک دێ رەوشا ئابووری یا ھەرێما کوردستانێ ژی گەلەک باش کەت، لێ روسیا بزاڤێ دکەت کو ب رێیا پارتیا کرێکارێن کوردستانێ ئالۆزیان دروست کەت دا نەھێلیت کو گازا ھەرێما کوردستانێ جھێ یا روسیا بگریت و ئەو یەک دێ زیانەکا مەزن گەھینتە کوردان، واتە روسیا نھا دخوازیت ب رێیا پارتیا کرێکارێن کوردستانێ کوردان بکەتە دو پارچە.
د دووماھیا راپۆرتێ دا ژی ھاتیە دیار کرن کو بەری دەمەکێ چەند بەرپرسێن روسیا ب نھینی سەرەدانا قەندیلێ کرینە و ل گەل سەرکردێن پارتیا کرێکارێن کوردستانێ کۆم بووینە و بۆ وان دیار کرینە کو روسیا بەرھەڤە ھاریکاریا وان بکەت و ژ بەر ھندێ ژی نھا شەرێ ل باژێرێن باکورێ کوردستانێ بەردەوام دکەت.
نيشاندان
WP Facebook Auto Publish Powered By : XYZScripts.com