ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 16ى گۆلانا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1296 |
| 1 يۆرۆيێ ئه‌ورۆپى | 1455 |
| 1 ليرێ توركى | 435 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز:
ئەندامەکێ سەرکرداتیا پارتی دیمۆکراتی کوردستان راگەھاند، پارتی پێشوازیێ ل ھەر رێککەفتنەکا سیاسی دکەت ھەکە بۆ دژایەتیکرنا ئالیەکی دیار کری نەبیت.
عەلی تەتەر ئاشکرا ژی کر کو ھێشتا رێککەفتنا ئێکەتی و گۆڕانێ ب تەمامی نەھاتیە ئیمزاکرن و ناڤەرۆکا رێککەفتنێ ژ ئالیێ وان ڤە ب فەرمی نەھاتیە بەلاڤکرن، ھەتا کو ئەو ڤەکۆلینێ ل سەر بکەن، لەورا ھەلویستێ فەرمی یێ پارتی ژی ھەتا پشتی ئیمزاکرنێ ناھێتە راگەھاندن.
عەلی تەتەر بۆ دوارۆژ ئاماژە ب وێ چەندێ ژی دا، کو پارتی ل گەل ئێکەتیێ رێککەفتنا ستراتیژی یا ھەی و دژی چو رێککەفتنێن سیاسی نینە.
ھەر د ڤی واری دا، سەعدی ئەحمەد پیرە ئەندامێ مەکتەبا سیاسیا ئێکەتیێ راگەھاند ئەڤ رێککەفتنە ل سەر کیستێ رێککەفتنا ستراتیژی یا د ناڤبەرا پارتی و ئێکەتیێ دا نابیت.
ئه‌ڤرۆ نيوز، رۆندك زه‌كى:
زەلام ھەمی جاران حەز ژ وێ ژنا جوان و ماقیل و سەرنجراکێش و بەژن زراف دکەن، بەلێ نوزانن کو بەرێ خوەدان و چوونا ژڤانا ل گەل ڤان رەنگە ژنا یێ بۆ رێیا مرنێ نێزیک دبن.
ژ بوو ساخلەمیێ خرابە:
خواندنا زانکۆیا ڤالنسیا یا ئیسپانی پشت راست کریە کو مانا زەلامی ل گەل ژنا جوان بۆ ماوێ ٥ خولەکا دبیتە ئەگەر کو ھورمونێن د ناڤ خوینێ دا بلند ببن و رۆژناما (دەیلی تەلگراف) ئەف چەندە پشت راست کریە.
کێشە د مێشکی دا دروست دبن:
ھندەک خواندنا گۆتیە کو سیستەمێ مێشکێ زەلامی تێک دچیت و کومپیوتەرا سەرێ وی د راوەستیێت بۆ چەند دەقیقان، ھندەک جاران ژی بۆ جەند دەمژمێرا دمینیتە راوەستیایی.
جوانی وەکو ڤەخوارنا مەی:
پشکا لێگەریانێ ل زانکویا ئوسلۆ یا نەرویجی پشکنین ل سەر ٣٠ کەسان ئەنجامدان و وێنێن کجێن جوان ئینان بۆ ماوێ ە خولەکا نیشا دان و گۆتنێ ھوون بۆ مە بەحسا جوانیا وان بکەن، بەشێ لێگەریانێ پشتی ئەنجامدانێ ئاشکەراکر کو ئەوێن بێ ھوش بووین پتر دەبڕین ژ ژنێ کر و ھێشتا دڤیا بەرێ خوە بدەنە ژنێن جوان.
زوو بڕیاردانا نەدروست:
ژ لایەکێ دی ڤە خواندنەکا دی یا لێگەریانێ دیارکریە زەلام زوو بڕیارێن نەدروست و ب مەترسی ددەن، ھەکە ژنەکا جوان ل دەف بیت.
ئاریشێن جڤاکی پەیدا دکەت:
پەیوەندی کرن ب ژنەکا جوان ئاریشە پەیدا دبن و ئەڤ چەندە ب شێوەیەکێ بەر چاف پەیدا دبیت و غیرە پەیدا دبیت ژ ھەموو لایان ڤە، زەلام دترسیت کو ئێک بەرێ خوە بدەتە ژنا وی یا جوان و دەوروبەر ژی غیرێ رادکەن چونکو ژ وان جوانترە.
ئاریشێن کاری پەیدا دکەت:
خواندنەکا دی دیارکریە کو ئەو زەلامێن د میننە ل گەل ژنا جوان کارێ وان بێ خێرترە ژ وان یێن ل گەل ژنێن نورمال کار دکەن.
دلی نەخوش د ئێخیت:
ئەو زەلامێن پەیوەندی ل گەل ژنەکا جوان ھەبیت دودلی ل دەڤ بلند دبیت و ھزر دکەن نە ھەژی وێنە ژ بەر جوانیا وێ ھوسا خەمبار دبیت و دبیتە ئەگەر کو نەخوشیێن دلی جێببن.
فشارا خوینێ:
خواندنەکێ ھوسا دیار کریە کو ئەو زەلامێن تووشی فشارا خوینێ دبن پتریا وان ئەون یێ کو غیرەکا مازن ژ ھەڤژینا خوە یا جوان را دکەن گەلەک جاران ژی زەلام د ژیەکێ بچوک دا مریە ژ ئەگەرێ وێ غیرا بەرامبەر ھەڤژینا خوە رادکەت.
ئەڤرۆ نیوز:
سەرۆکێ کۆمیسونا بلندا سەربەخۆیا ھەلبژارتن و راپرسیان ل ھەرێما کوردستانێ دیار کر کو کۆمسیون یا بەرھەڤە بۆ ئەنجامدانا ریفراندۆمێ ل ھەرێما کوردستانێ و گۆت: ” ھەکە ھاریکاریا مە بھێتەکرن چو ئاریشێن دی نینن”.
ھندرین محەمەد، سەرۆکێ کۆمسیونا بلندا سەربەخۆیا ھەلبژارتن و راپرسیان ل ھەرێما کوردستانێ ئاشکرا کر کو دەستھەلات یا ب وان ھاتیەدان ل دووڤ قانوونێ ب ئەنجامدانا ریفراندۆمێ و ھەلبژارتنان ل ھەرێما کوردستانێ رابن، بتنێ ئەو پێدڤی ھاریکاریا دارایی و لوجستی نە دا کو بشێن بۆ ئەنجامدانا رێفراندۆمێ دەست ب ئامادەکاریێن خوە بکەن.
سەرۆکێ کۆمسیونا بلندا سەربەخۆیا ھەلبژارتنا ل ھەرێما کوردستانی دیار کر کو ھەر دەمێ ب فەرمی داخوازا ئەنجامدانا ریفراندۆمێ ژی کۆمسیونێ بھێتەکرن ئیکسەر دێ دەست ب ئامادەکاریێن خوە د ھەموو واران دا کەن، بەلێ ھەتا نوکە بۆ ئەنجامدانا ریفراندۆمێ ب فەرمی داخواز ژ کۆمسیونێ نەھاتیەکرن و گۆت: “ھەر دەمێ ب فەرمی داخواز بھێتەکرن ئەم د بەرھەڤین ئامادەکاریێن خوە بکەین و لیستا داخوازێن خوە ژی پێشکێشی حوکمەتێ بکەین بۆ ھاریکاری و سەرخستنا پرۆسا ریفراندۆمێ ل ھەرێما کوردستانێ”.
ئەڤرۆ نیوز، غیاس زێباری:
دەروێش بابەکر دەروێش موختارێ دینارتێ بۆ ئەڤرۆ نیوز گۆت: “ژ بەر قەیرانا دارایی و زێدەبوونا رێژا بارانا ئەڤ سالە پشکەکا خەلکێ دینارتێ دەست ب چاندنا برنجی کریە ڤە و نێزیکی 50 پشکێن برنجی دھێنە کرن.
موختاری زێدەتر گۆت: “پڕانیا برنجێ دینارتێ “کەس نەدیتی و تەحالف”ە دھێتە چاندن و برنجێ دینارتێ ژی ئێکە ژ برنجێن باش و حوکمەتا ھەرێما کوردستانێ سۆز دایە ھاریکاریا جوتیارێن دەڤەرێ بکەت.
ئەڤ ژ سالا 1996ێ و ھەتا نوکە بۆ جارا ئێکێ یە برنج ل دەڤەرێ دھێتە چاندن.
ئەڤرۆ نيوز:
جێگرێ رێڤەبەرێ گشتی یێ رەوشەنبیری و ھونەری ل پارێزگەھا دھۆکێ بۆ رۆژناما ئەڤرۆ دیار کر کو ھەموو بەرھەڤی بۆ گێرانا کەرنەڤالێ چارێ یێ پارێزگەھبوونا دھۆکێ ھاتینەکرن کو ژڤانە ل رۆژێن 27 و 28/5/2016 ل پارێزگەھا دھۆکێ بھێتە گێران.
ئەمیر عەلی، جێگرێ رێڤەبەرێ گشتی یێ رەوشەنبیری و ھونەری ل پارێزگەھا دھۆکێ ئاشکرا کر کو ئەڤە بۆ دەمەکێ درێژە ئەو بەرھەڤیێن گێرانا کەرنەڤالێ چارێ یێ پارێزگەھبوونا دھۆکێ دکەن و بۆ ڤێ مەرەمێ ژی چەندین لژنە پێک ئیناینە وان لژنا ھەتا رادەکێ باش کارێ خوە ئەنجامدایە و گۆت: “ل رۆژا 27/5/2016 کو رۆژا ئێکێ یا کەرنەڤالێ پارێزگەھبوونا دھۆکێ یە ژ دو پەنەلان پێک دھێت، پەنەلێ ئێکێ ل دەمژمێر 10:30 ی سپێدێ ب ڤەکرنا پێشانگەھەکا ھەمەجۆر کو یا پێکھاتیە ژ داھێنانێن زانستی و فوتۆ یێن دھۆکا کەڤن و نوو ل ھۆلا کۆنگران ل زانکۆیا دھۆک دێ دەست پێ کەت و سەرەرایی ڤێ چەندێ چەندین کەڤالێن ھەلبژارتی یێن قوتابیێن پەیمانگەھا ھونەرێن جوان ل دھۆکێ و قوتابیێن پشکا درامایێ ل کۆلیژا ئادابێ یا زانکۆیا دھۆک دێ ھێنە نیشادان و دووڤ دا فەرھاد ئەمین ئەترووشی، پارێزگەرێ دھۆکێ دێ بەحسێ پلانا ستراتیژی یا سێ سالێن داھاتی یا پارێزگەھا دھۆکێ ل ھەمان جە کەت”.
ناڤھاتی ئاماژە دا وێ چەندێ کو ھەر د ڤی پەنەلی دا موسەدەق تۆڤی دێ بەحسێ ئنسکلۆپیدیا پارێزگەھا دھۆکێ کەت کو پرۆژەکە بۆ دەمێ سێ سالانە کار تێدا دھێتە کرن و نوکە د قووناغێن دووماھیێ دایە و دووڤ دا فلمەکێ دیکیۆمێنتاری ل دۆر پارێزگەھبوونا دھۆکێ دێ ھێتە نیشادان و چەندین پارچە مۆزیک دێ ھێنە ژەنین و ب ڤێ چەندێ پەنەلێ ئێکێ یێ رۆژا پارێزگەھبوونا دھۆکێ دێ ب دووماھی ھێت.
ئەمیری خویاکر کو پەنەلێ دویێ یێ رۆژا پارێزگەھبوونا دھۆکێ دێ ل دەمژمێر 5:30 ئێڤاری یێ ھەمان رۆژ ب رێ پیڤانا ترۆمبێلان ل جادا قازی محەمەد دەست پێ کەت و ترۆمبێل دێ بەرەب مازی مۆلا دھۆکێ ڤە ھێن و ل باخچێن مۆلا ناڤھاتی دێ رێورەسمێن پێشۆازیێ ھێنە ئەنجامدان و نامیلکەکا 12 لاپەری ل دۆر دیرۆک و جھێن گرنگێن پارێزگەھا دھۆکێ دێ ھێتە بەلاڤکرن و دووڤ دا کۆنسێرتەکا ھونەری ب پشکداریا چەندین ھونەرمەندێن پارێزگەھا دھۆکێ دێ ل ھەمان جە ھێتە گێران “.
د لایەکێ دی دا ناڤھاتی دیار کر کو ل رۆژا 28/5/2016 کو دبیتە رۆژا دویێ یا کەرنەڤالێ پارێزگەھبوونا دھۆکێ دێ بۆ جارا ئێکێ فیستەڤالەکا فراندنا فرۆکێن کاغەزی ل دەمژمێر سێ یێ ئێڤاری ل سەرێ چیایێ زاوا ل باژێرێ دھۆکێ ھێتە گێران و گۆت: “ھەر کەسەک و ل ھەر ژیەکی و رەگەزەکی دشێت پشکداریێ د ڤێ فیستەڤالێ دا بکەت ب مەرجەکی ئەو ب خوە ب کارێ چێکرنا فرۆکا خوە رابیت”.
ل دووماھیێ جێگرێ رێڤەبەرێ گشتی یێ رەوشەنبیری و ھونەری ل پارێزگەھا دھۆکێ ئاشکرا کر کو خەلک دشێن ل بازاری ژی فرۆکان بکڕن و پشکداریێ د فیستەڤالێ دا بکەن، بەلێ ئەو کەس پشکداری بەریکانا وەرگرتنا خەلاتان نابن.
ئەڤرۆ نیوز:
سەروکێ یانا رۆما یا ئیتالی جیمس بالۆتا بۆ رۆژناما کورییری دیلو سپورت دیارکر ئەوی ب فەرمی ھەڤبەست پێشکێشی کابتنێ یانێ فرانشیسکو توتی کری یە بۆ نووکرنا ھەڤبەستا خوە بۆ سالەکا دی ل گەل پێکھاتیێ یانا رۆما.
سەروکێ یانا روما ئەو چەندە ژی دیارکر ئەو ھەتا نوکە چاڤەرێ بەرسڤا توتی یە کو زێدەتر ژ دو حەفتیانە ئەوی ئەو داخوازی ژ توتی کریە بۆ نووکرنا ھەڤبەستا خوە بۆ وەرزەکێ دی لێ ھەتانوکە ئەو نزانیت بۆ توتی بەرسڤا خوە گیروکری یە و نوکە تەپە یا د یاریگەھا توتی دا ئەو دخوازن ھەڤبەستێ ل گەل کابتنێ خوە ئیمزابکەن لێ ئەگەر ئەوی نەڤێت ئەو تشتەکێ دی یە ئەو یێ ئازادە د بریارا خوە دا.
ھەژی گوتنێ یە ل ڤێ ھاڤینێ دێ ھەڤبەستا توتی ل گەل یانا روما ب دووماھی ھێت.
ئەڤرۆ نیوز:
ئێکەتیا زانایێن ئایینی ل ھەرێما کوردستانێ فەتوایەکێ دێ ل دۆر رۆژیگرتنا وان پێشمەرگێن ل بەرۆکێن شەری دا دەرکەت.
مەلا عەبدوللا سەعید، سەرۆکێ ئێکەتیا زانایێن ئایینی ل ھەرێما کوردستانێ ئاشکرا کر کو پشتی دو حەفتیێن دی لژنا فەتوایێ یا ھەرێما کوردستانێ دێ کۆم بیت و فەتوایەکێ دێ ل دۆر شێوازێ وان پێشمەرگێن د بەرۆکێن شەری دا دەرکەت و بۆ باسنیۆز گۆت: “ئەگەرەکێ ب ھێز ھەیە کو رەنگە ئەڤ سالە ژی وەکو سالێن بۆری فەتۆا ب رۆژی نەبوونێ بھێتەدان و ھەکە لژنا فەتۆایێ ل دۆر ڤێ چەندێ نەکۆمبوو ژی دێ ل سەر فەتۆا سالا بۆری چین”.
ھەژی گۆتنێ یە کو د دەمێ دو سالێن بۆری دا لژنا فەتوایێ ل ھەرێما کوردستانێ فەتوایەک بۆ وان پێشمەرگێن د بەرۆکێن شەری دا بەرەڤانیێ ژ ئاخا کوردستانێ دکەن دەرکربوو و تێدا دیارکربوو کو دروستە ئەو پێشمەرگە رۆژیان نەگرن، ئەڤە ددەمەکی دایە کو بەھرا پتریا پێشمەرگێ ھەرێما کوردستانێ مۆسلمانن و پێگیریێ ب ئایینێ پیرۆزێ ئیسلامێ دکەن.
نيشاندان
