ئه‌ڤرۆ نيوز:
تيمه‌كا تايبه‌تا پوليسێن توركيا ده‌ست ب ئوپه‌راسيونه‌كا به‌رفره‌هـ كرن بۆ سه‌ر باره‌گاييێن هه‌ده‌پێ ل ده‌ڤه‌را به‌ى ئوغلو يا ئسته‌نبولێ و د ئه‌نجامدا 10 ئه‌ندامێن هه‌ده‌پێ گرتن.
هه‌ڤسه‌رۆكێ رێكخستنا هه‌ده‌پێ ل ئيسته‌نبول راگه‌هاند: سپێده‌هيا ئه‌ڤرۆ پوليسێن توركيا ده‌ست ب ئوپه‌راسيونه‌كێ كرينه بۆ سه‌ر پارتا وان و 10 ئه‌ندامێن وان گرتينه.
هه‌تا نوكه ديارنه‌بوويه كانێ ئه‌ڤ ئوپه‌راسيونا ژ نشكه‌كێ ڤه ژ به‌ر چ ئه‌گه‌ر هاتينه ئه‌نجامدان.
ئەڤرۆ نیوز، ئەیاد بەرواری
باران بارینا ھەرێما کوردستانێ ڤەگرتی ھەتا رۆژا ئێکشەمبی 10 ڤێ مەھێ دێ یا بەردەوام بیت و پلێن گەرمێ ژێ دێ نزمتر بن.
رێڤەبەریا گەشناسیێ ل ھەرێما کوردستانێ راگەھاند، ئەڤرۆ ھەموویێ دێ عەور بیت و ل گەلەک دەڤەرێن ھەرێمێ دێ باران بیت و ئەگەرێ بەفر بارینێ ژی ل دەڤەرێن چیایی یا ھەی.
دیارکر ژی، ھەتا نوکە ڕێژێن بارانێ ب ڤی ڕەنگی بوون ( سلێمانیێ 466 ملم، دھۆک 331 ملم، ھەولێر 291 ملم، کەرکووک 199 ملم).
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا شه‌مبى رێكه‌فتى 9ى كانوونا دويێ يا 2016ێ دێ ئه‌سمان ئه‌وره‌كێ ته‌مام بيت ل گه‌ل بارينا بارانێ ب ره‌نگه‌كێ دژوار و هه‌تا پشتى نيڤرۆ و پاشان ژى دێ ئه‌ڤ ئه‌وره كێم بن و ئه‌سمان بنه‌جهـ بيت و ل ده‌مێن دره‌نگى شه‌ڤ دێ بيته مژ.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ هاتنا فشارێن نزمێن ده‌ريا سپى يا ناڤه‌راست بۆ سه‌ر هه‌رێما كوردستانێ دهێته پێشبينيكرن ئه‌سمان ئه‌وره‌كێ ته‌مام بيت ل گه‌ل بارينا بارانێ ب ره‌نگه‌كێ دژوار و هه‌تا پشتى نيڤرۆ و پاشان ژى دێ ئه‌ڤ ئه‌وره كێم بن و ئه‌سمان بنه‌جهـ بيت و ل ده‌مێن دره‌نگى شه‌ڤ دێ بيته مژ.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 10 هه‌تا 20 كم دا و هنده‌ك جاران دێ بيته 40كم و ماوێ ديتنێ ژى 6 بۆ 8 كم بيت، پلێن گه‌رمێ ژى دێ د ناڤبه‌را (5 بۆ 15) پلان دا بيت.
ئەڤرۆنیوز، ئەیاد بەرواری:
لژنێن ھەڤکاریێ ل سووریێ راگەھاند کو ھێزێن ئەمریکی کونترۆل یا ل سەر سکرێ (تشرین) یێ ل سەر ڕووبارێ فوراتێ ل باکوورێ سووریێ کری، ئەڤ چەندە ژی دبیتە ئێکەمین جار ھێزێن ئەمریکی ل سووریێ بەلاڤ دبن.
سایتێ (DW ) یێ ئەلمانی بەلاڤکر کو”لژنێن ھەڤکاریێ یێن سووری دبێژن کو ئەو ھێزێن کونترۆل ل سەر وی سکری کری، ھێزێن ئەمریکی نە و وان ھێزان کومەلگەھا ئاکنجیبوونێ یا وی سکری یا کریە بارەگایێ خوە”.
خویاژی کر” ئەو ھێزێن ئەمریکی یێن ل ھیڤیا شەڕێ کونترۆلکرنا باژێرێ (مەنبەج) ل ڕۆژئاڤایێ ڕووبارێ فوراتێ و باکوورێ باژێرێ حەلەب، ھەبوونا ھێزێن ئەمریکی ژی، داخۆیانیێن حوکمەتا تورکی دوپات دکەن کو ھێزێن یەکینەیێن پاراستنا گەل یێن ب سەر پەیەدێ ڤە، دەربازی ڕەخێ ڕۆژئاڤێ ڕووبارێ فۆراتێ نەبووینە”.
بەری نوکە، لژنێن ھەڤکاریێ یێن سووری دەنگوباسێ گەھشتنا ھژمارەکا ئەفسەر و سەربازێن ئەمریکی بۆ باژێرێ (کۆبانی) ل سەر سنۆرێ سووریا و تورکیا ل ٢٥ چریا دویێ/نوڤێمبەرا بۆری بەلاڤکربوو، ژێدەرێن وان لژنان ژی ل ٢٢ کانوونا ئێکێ/ دیسێمبەرا بۆری، پێکئینانا ھێزێن ئەمریکی بۆ ژۆرەکا ئۆپەراسیۆنان ل گەل (ھێزێن سووریا دیموکراسی) پشت راستکر کو بارەگایێ وێ ژۆرێ یێ ل باژێرکێ (مسرین) ل باکوورێ حەلەبێ کو ئەو ژۆر ھاتیە پێکئینان بۆ کونترۆلکرنا سکرێ تشرین.
ئەڤرۆ نیوز،زنار تۆڤی:
وەزیری دەرڤە یێ ئەمریکا جۆن کێری دپرێس کۆنفرانسەکی دا ل واشنتۆنا پایتەختێ ئەمریکا دیارکر:مە دگەل هەڤپەیمانێن خۆ سەرکەفتنێن مەزن ل سەر داعشێ بدەستڤەئیناینە و دێ بەردەوامبین ل سەر هێرشێن خۆ هەتاکو ڤێ رێکخراوا تیڕۆرستی ژناڤ دبەین،هەر چەندە دڤی ماوێ بوریدا ئەم شیاینە دگەل هەڤپەیمانیا نێڤدەولەتی دربێن کۆژەک ل داعشێ بدەین و ئێدی ڤێ رێکخراوێ ئەو شیانێن بەرێ نەماینە و رۆژ ب رۆژ یا لاواز دبیت.
ئه‌ڤرۆ نيوز:
دلێر قادر پسمامێ چنار و هێمن ژ پێش دايكا وان ڤه بۆ مالپه‌ره‌كێ سلێمانيێ ئاخفتى يه و به‌حسێ ره‌وشا دايكا ڤان زارۆيان دكه‌ت كو يا نه‌خوشه و هيڤى خوازه وه‌كو خه‌لكێ به‌رزه‌بوويێ يێ سه‌رله‌هلدانێ مووچێ شه‌هيدان بۆ دايكا چنار و هێمن بهێته دابينكرن.
چيرۆكا چنار و هێمن ب ڤى ره‌نگى يه:
رۆژا 7/1/1992 ئانكو به‌رى24 سالان چنار و هێمن چوبونه قوتابخانێ و ئيتر نه‌ڤه‌گه‌ريابوونه مال.
چنار و هێمن ئه‌و خووشك و برابوون كو ل سالا 1992 ێ ل باژارۆكێ سه‌يد سادق ژ ئه‌گه‌رێ هاتنا به‌فرێ قه‌رسين و نه‌شيان ڤه‌گه‌رنه مال هه‌تا كو گيانێ خوه ژ ده‌ستداين.
ئه‌ڤ دو زارۆكه بابێ وان هاتبوو ئه‌نفالكرن، پشتى سه‌رهه‌لدانا 1991 ێ ل كاڤله‌كێ ئوردوگايێ شانه‌ده‌ر نێزيك باژارۆكێ سه‌يد سادق ئاكنجى ببون، هه‌موو رۆژان سپێدى ب پيا دچوونه قوتابخانێ ل سه‌يد سادق، سالا 1992 به‌فره‌كا زوور هات، بۆ دره‌نگ به‌لێ چنار و هێمن نه‌ڤه‌گه‌ريان مال، دايكا وان دكره هه‌وااار كو زارۆكێن وێ نه‌هاتنه مال، سه‌رئه‌نجام خه‌لكێ سه‌يد سادق چوون لێگه‌ريان، به‌لێ ب مخابنى ڤه ديتن كو ڤان زارۆيا رێيا مال يا به‌رزه كرى و هندى به‌فر دهات و دونيا يا سار بوو، بن به‌فرێ وه‌ربووينه، هێمن ژ چنارێ بچووكتر بوو، هێمن زويتر چوكێن وى د سه‌رمادا شكه‌ستبوون و كه‌تبوو ناڤ به‌فرێ، چنارێ خوه ل سه‌ر لاشێ برايێ خوه‌دا دابوو دا كو سه‌رما نه‌كوژيت، به‌لێ ده‌مێ كو هاتينه ديتن، هێمنى گيانێ خوه ژ ده‌ستدابوو و چنار ژى پشتى ڤه‌گوهاستينه نه‌خوشخانێ ئه‌وژى خودێ ئه‌مانه‌تێ خوه ژێ ستاند و به‌ره‌ڤ لايێ برايێ خوه فرى.
بۆ زانين په‌يكه‌ره‌ك ل سه‌يد سادق سه‌ر ب پارێزگه‌ها سلێمانيێ بۆ ڤان هه‌ردو زارۆيان هاتيه چێكرن و وه‌كو ديار د وێنه‌ى دا كو چنارێ خوه ب هێمن وه‌رگريه داكو ژ سه‌رمادا نه‌مريت ژبه‌ر كو ژ وى بچووكتر بوو.
ئه‌ڤرۆنیۆز، ئه‌یاد به‌رواری
پشتی سه‌رۆكێ گامبیا ل مه‌ها بۆری وه‌لاتێ خوه وه‌كو (ده‌وله‌تا ئیسلامی) راگه‌هاندی، حوكمه‌تا وی وه‌لاتی ل به‌ركرنا ده‌رسوكێ ل سه‌ر فه‌رمانبه‌رێن ژن ل ده‌زگه‌هێن حوكمه‌تێ سه‌پاند.
به‌رپرسه‌كێ وه‌زاره‌تا په‌روه‌ردێ ل گامبیا، ل دووڤ (هاڤینگتۆن پۆست)، ئه‌ڤرۆ چار شه‌مبی راگه‌هاند، فه‌رمانه‌ك بۆمه یا هاتی كو نابیت ئێدی فه‌رمانبه‌رێن ژن دده‌مێ ده‌واما فه‌رمی دا، د سه‌ركول و بێ ده‌رسوك بن.
ئه‌ڤرۆ نيوز:
وه‌زاره‌تا ڤه‌گوهاستن و گه‌هاندنێ يا حكومه‌تا هه‌رێما كوردستانێ د راگه‌هاندنه‌كێ دا دياركريه كو وان داخواز ژ هه‌موو كومپانيێن ئه‌نته‌رتێتێ يێن موله‌تا كاركرنێ هه‌ى ل وه‌زاره‌تا ڤه‌گوهاستنێ كريه كو بهايێ پشكداريكرنا وه‌لاتيان د خزمه‌تگوزاريێن ئه‌نته‌رنێتێ دا كێم بكه‌ن و ئه‌م هيڤى خوازين پێگرى ب داخوازيا مه بهێته كرن.
د راگه‌هاندنێ دا هاتيه كو بۆ به‌رچاڤ وه‌رگرتنا ره‌وشا هه‌رێما كوردستانێ، بريار هاتيه دان بهايێ ئه‌نته‌رنێتێ بهێته كێمكرن.
ناڤێن كومپانيێن موله‌ت هه‌ين:
نيشاندان