NO IORG
نووترين نووچه
Facebook

1567

ئه‌ڤرۆ نيوز، زه‌رى نه‌وزاد:

 چ پێنه‌ڤێن به‌رهه‌مئینانا مایكویووێفێ گه‌له‌ك مفایێن خوه‌ هه‌بوینه‌ و د ده‌مه‌كێ كێم دا بویه‌ ئێك ژ گرنگ ترین كه‌لوپه‌لێن ناڤ مالێ لێ هشیاربه‌ هنده‌ تشتێن هه‌ین نابیت تو بكه‌یه‌ دناڤ ڤى ئامیره‌ى دا وه‌ك: ئیسفه‌نجێ شویشتنا ئامانا، ئامانێن لایلونى یان بلاستیكى، قالكێن كارتونى ئان زه‌رفێن كاغه‌زى، ئامانێن شیشه‌ى ئه‌ڤێن نه‌خشاندى ب كریستالێن مه‌عده‌نى، ئامانێن نه‌خشاندى ب زه‌غره‌فان، كوبێن پاراستنا گه‌رمییێ(ترمز)، ده‌زگوركو گوران، كه‌سكاتییێ هشك كرى، هێكا بتیڤل ڤه‌.

332

ئه‌ڤرۆ نیوز،بارزان مزوورى

عصمت ره‌جه‌ب، به‌رپرسێ لقا 14 ل مووسل بو مالپه‌رێ ئه‌ڤرو نیۆز ئاشكرا كر كو ئه‌ڤرو ئێڤارى 6/1/2016 ل روژئاڤا باژێرێ مووسل گرۆپێ دروست كرنا ترومبێلێن TNT یێن “ولایه‌ نینوى” مژیلى دروست كرنا ترومبێلێن TNT كرى بون و كێشه‌یه‌كا ته‌كنیكى دناڤ ئێك ژ وان ترومبێلا په‌یدا دبیت ئێكسه‌ر دناڤ وان دا د په‌قیت و د ئه‌نجام دا ئه‌و گروپ ژ”19″ چه‌كدارێن ره‌گه‌ز ئه‌ڤغانى پێك دهات هه‌موو هاتن كوشتن .
ناڤبرى دیار كر كو ئێك ژ وان كه‌سێن دناڤ واندا مه‌زنترین سه‌ركرده‌ بو دبوارێ دروست كرنا ترومبێلێن TNT یێن “ولایه‌ نینوى” هه‌ر نه‌خشه‌یه‌كێ دهاته‌ دانان بو ترومبێلێن TNT كرى ئه‌وى سه‌ركرده‌ى ددانا ئه‌وژى هاته‌ كوشتن .

ئه‌ڤرۆ نيوز:

پێگه‌هێ گول يێ ئينگليزى ل دۆر پێكهات و شێوازێ راهێنه‌رێ نوو يێ ريال مه‌دريد ئاماژه‌ ب وێ يه‌كێ دكه‌ت كو دێ زێدان شێوازێ  4-2-3-1 بكار ئينيت و ب ڤى ره‌نگى:

مارسيلو ، راموس ، فاران ، كارفخال

مودريتش ، كروس

بيل ، خاميس ، رونالدو

بنزيما

2485332

ئه‌ڤرۆ نیۆز، قائید میرۆ
ل باژێڕێ هه‌ولێرێ ته‌رمێ كچه‌ پارێزه‌ره‌كێ ب كوشتی هاتیه‌ دیتن و پۆلیسێن پارێزگه‌هێ دبێژن، چو كه‌سه‌ك نه‌هاتیه‌گرتن لدۆر كوشتنا پارێزه‌رێ.
نه‌قیب هۆگر عه‌زیز، په‌یڤدارێ پۆلیسێن پارێزگه‌ها هه‌ولێرێ ب ئه‌ڤرۆ نیۆز راگه‌هاند” پشتی به‌ری سێ رۆژان پارێزه‌ره‌كا كچ بناڤێ ناز سلێمان یه‌عقوبی هاتیه‌ ره‌ڤاندن، ئه‌ڤرۆ ته‌رمێ وێ ل باژێڕێ دریم ستی یێ باژێڕێ هه‌ولێرێ هاته‌ دیتن.
نه‌قیب هۆگر گۆتژی” ته‌رمێ ئه‌ڤێ پارێزه‌را كچ هاتیه‌ نه‌شیرینكرن و دناڤ ترۆمبێلا وێدا هاتیه‌دیتن، به‌لێ هه‌تا نوكه‌ چو كه‌سه‌ك ب تۆمه‌تا كۆشتنا پارێزه‌ر ناز یه‌عقوبی نه‌هاتیه‌ ده‌سته‌سه‌ركرن.

740

ئه‌ڤرۆ نیۆز، قائید میرۆ
گوره‌ی بڕیاره‌كا وه‌زیرێ خواندنا بلند پێدڤیه‌ هه‌موو خوه‌دیێن باوه‌رناما ماسته‌رێ دده‌مێ پێشكێشكرن بۆ خواندنا دكتۆرایێ و پێدانا ناڤ و نیشانێن زانستی زمانێ ئینگلیزی بزانن.
دكتۆر زۆزان سادق، ئه‌نداما لیژنا په‌روه‌رده‌ و خواندنا بلند لپه‌رله‌مانێ كوردستانێ ب ئه‌ڤرۆ نیۆز راگه‌هاند” به‌ری سێ هه‌یڤان وه‌زیرێ خواندنا بلند بڕیاره‌ك ده‌ركرو تێدا هاتیه‌، پشتی وه‌رگرتنا باوه‌رناما ماسته‌ر دده‌مێ پێشكێشكرن بۆ دكتۆرایێ یانژی بده‌ستڤه‌ ئینانا ناڤ و نیشانێن زانستی پێدڤیه‌ تاقیكرنه‌كا زمانێ ئینگلیزی بكه‌ن، گوره‌ی بڕیارا وه‌زیری دڤێت قوتابی باوه‌رناما زمانێ ئینگلیزی بده‌ستڤه‌ بینیت به‌رۆڤاژی نه‌شێت پشكداریێ د پێشكێشكرنا خواندنا دكتۆرایێ و ناڤونیشانێن زانستی پێناهێنه‌دان.

زۆزانێ گۆتژی، دده‌مێ خوه‌ بڕیار ده‌ركه‌تی زۆر بزاف هاتنه‌كرن بۆ نه‌دانانا ڤی مه‌رجی، به‌لێ دیاره‌ وه‌زیر هه‌ر یێ رژدبوو لسه‌ر بڕیارا خوه‌، ره‌نگه‌ هنده‌ك مامۆستایێن كۆلیژێن جۆدا وه‌كی شه‌ریعه‌ یان زمانێ كوردی و كۆلیژێن ماف پێدڤی ب زمانێ ئینگلیزی نه‌كه‌ت، لێ هه‌ردێ پێدڤی ب زمانێ ئینگلیزی هه‌بیت.

590

ئه‌ڤرۆنیوز، ئه‌یاد به‌رواری
په‌یڤدارێ هه‌ڤپه‌یمانیا نێڤده‌وله‌تی راگه‌هاند، 40% ژ هێزا داعشێ یا هاتیه‌ ژناڤبرن و ئاماژه‌ دا كو ئازادكرنا فه‌لوجه‌ دی یا ب زه‌حمه‌ت بیت و یا مووسل دێ ب زه‌حمه‌تتر بیت.
ستیف وارن په‌یڤدارێ هه‌ڤپه‌یمانیا نێڤده‌وله‌تی یا دژی داعشێ، ئه‌ڤرۆ د كونگره‌كێ رۆژنامه‌ڤانی دا ل ئاڤاهیێ بالیۆزخانا ئه‌مریكی ل به‌غدا گوت” هه‌ڤپه‌یمانیا نێڤده‌وله‌تی 40% ژ شیانێن داعشێ یێن ژناڤبرین و مه‌ ب هزاران چه‌كدارێن وێ یێن كوشتین و كارگه‌ه و كریارێن ب فرۆتنا په‌ترۆلێ یێن داعشێ یێن ژناڤبرین”.
گوت ژی” د شه‌ش مه‌هێن بۆری دا چه‌ندین ده‌ڤه‌ر یێن ژده‌ستێ داعشێ هاتینه‌ ئازادكرن و ئازادكرنا فه‌لوجه‌ دێ ب زه‌حمه‌ت بیت و یا مووسل دێ ب زه‌حمه‌تتر بیت و نوكه‌ 5 هزار چه‌كدارێن داعشێ یێن ل مووسل و ب سه‌دان ژی یێن ل فه‌لوجه‌”.
خویاكر ژی” ئارمانجا بهێت ئازادكرنا فه‌لوجه‌ و هیت و چیایێ مه‌كحوله‌”.

ئه‌ڤرۆ نيوز:

سه‌رۆك بارزانى ئه‌ڤرۆ وه‌ك نه‌ريته‌كێ سالانه‌ ب مه‌ره‌ما گه‌هاندنا بير و بوچوون و سياسه‌تا گشتى يا هه‌رێمێ ب نوونه‌رێن ولاتان ل په‌ر پرسێن ناڤخو و هه‌رێمايه‌تى و ده‌ولى، ل گه‌ل هه‌موو قونسول و سه‌رۆكێن نوونه‌رايه‌تيێن ولاتان ل هه‌ولێرێ كومبوو و چه‌ندين ته‌وه‌ر به‌حس كرن ژ وانا شه‌رێ داعش، په‌يوه‌ندييێن هه‌رێمێ و به‌غدا و ره‌وشا دارايى يا كوردستانێ.

سه‌رۆك بارزانى به‌حسێ وێ قه‌يرانا دارايى كر يا كو هه‌رێم تووش بووى و ئاماژه‌ ب چه‌ند خالان دا ژ وان برينا بودجێ هه‌رێمێ و ئه‌رزانبوونا بهايێ نه‌فتێ و شه‌رێ داعش و مێڤانداريا هه‌رێمێ بۆ 1.8 مليون ئاوارا كو ژ ئه‌گه‌رێن سه‌ره‌كى ييێن دروستبوونا قه‌يرانا دارايى يا هه‌رێمێ دا زانين.

سه‌رۆك بارزانى داخواز كر كو ولاتێن وان زێده‌تر هه‌ڤكاريا پێشمه‌رگه‌ى بكه‌ن و دهاريكاريكرنا ئاواراندا، هه‌ڤكاريا هه‌رێمێ بكه‌ن ژبه‌ر كو باره‌كێ گران كه‌تيه‌ سه‌ر ملێن هه‌رێمێ.

website security
WP Facebook Auto Publish Powered By : XYZScripts.com