ئه‌ڤرۆ نيوز:
جڤاتا گشتيا بزاڤا گۆڕان ئه‌ڤرۆ رۆژا سێشه‌مبى د كۆمبوونا خوه دا ب سه‌رۆكاتيا نه‌وشيروان مسته‌فا رێكخه‌رێ گشتيێ بزاڤا گۆران ره‌زامه‌ندى ل سه‌ر پرۆژێ رێكه‌فتنا گۆڕان و ئێكه‌تيێ ده‌ربڕى.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 10ى ئه‌يارا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1297 |
| 1 يۆرۆيێ ئه‌ورۆپى | 1470 |
| 1 ليرێ توركى | 450 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
1- ئاڤا تەزی بۆ راھێنانان ب کاربینە: ڤەخوارنا چەند کوپێن ئاڤێ بەری و ل گەل راھێنانێن وەرزشی دێ شیانێن تە ب رێژا 23% زێدەبن، ئاڤا تەزی دێ ھاریکاریا تە کەت بۆ سۆتنا کاوریان و زەعیفکرنا تە.
2- سەنگان راکە: راکرنا کێشێن گران، ھێزا زەڤلەکان زێدەدبیت و ھاریکاریێ د سوتنا روینان دا دکەت، پەیڤێن پشتەڤانیێ ژی شیانان زێدەدکەن ب رێژا 5-8%، لەورا ھەول بدە ھەڤالێن خۆ پال بدە کو ل دەمێ تو دچیە یانەیێن وەرزشی ئەوژی بھێن و پشتەڤانیا تە بکەن، داکو شیانێن تە بھێز بکەڤن.
3- یێ بەردەوام بە ل سەر شیانێن خوە: ڤەکولینان دیارکریە ئەو کەسێن بەردەوامیێ ددەنە شیانێن خۆ ب رێژا 97% سەرکەفتنێ بدەست خوڤە دئینن، لەورا ھەول بدە بەردەوام بە ل سەر کێمکرنا سەنگێ خۆ و جگارەیان بھێلە و دێ زوو سەرکەفتنێ بدەست خو ئینی.
4- ھێزا خوە زێدە بکە: ل دووڤ ڤەکولینان دیاردبیت کو ئاڤاکرنا زەڤلەکان بەرگریا لەشێ مرۆڤی زێدەدکەت، لەورا دەمێ تو راھێنانێ ل سەر راکرنا سەنگان دکەی ھەول بدە لەشێ خۆ پال بدە ل دووڤ شیانان ھەتا تو نەچاردبی ھەردو دەستان ب کاربینی.
لەشێ خوە ژ سەری ھەتا پێیان ھشک بکە: پشتی سەرشووشتنێ لەشێ خۆ ھەمیێ ژ سەری ھەتا رەخێن پێیان ھشک بکە، ژبەرکو تەراتی دبیتە ئەگەرێ پەیداکرنا ئێشانێ و توشبوونێ ب نەخۆشیان.
ئەڤرۆ نیوز:
پشتی مرنا یاریکەرێ کامیرونی پاتریک ئیکینگ یاریکەرێ یانا دینامو بوخارست و گولچیا یانا ڤیمینا ستارز ئەبولو یا کامیرونی ترسا مرنێ سەر ب تەپا یێ یا کامیرۆن دا گرتی کو ماوێ ٤٨ دەمژمێران دا و یاریکەران گیانێ خوە ل یاریگەھێ دا ژ دەست دایە .
پشتی پارتریک کلود یاریکەرێ دینامو بوخارست یا رومانی د یاریێ دا ل دقیقا ٦٩ گیانێ خوە ژ دەست دای و پشتی وێ ب دو رۆژان گولچیا بناڤێ جانین کریستل دجومانگ یا ٢٦ سالی بەری یاریێ ب چەند خولەکان گیانێ خوە ل یاریگەھێ ژ دەست دا ژ چارچوڤێ یاریێن خولا پلا ئێک یا کچان ل سەر ئاستێ کامیرون .
ئێکەتیا تەپا پێ یا کامیرون ل سەر مالپەرێ خوە یێ فەرمی پەیامەک بەلاڤەکری یە ل سەر مرنا گولچیا یانا ستارز ئەبولو تێدا دیارکری یە ئەوان لژنەیەک پێک ئینای یە بۆ ئەگەرێ مرنا جانین دچومانگ بزانن کو ھەتا نوکە چو ئەگەرێن دروست ئاشکرا نەبوونە لێ ل دیڤ گوتنا راپورتا نوژداری یا وێ یانێ وەسا دایە دیارکرن ژ ئەگەرێ دل راوستاندنا وێ گیانێ خوە ژ دەست دایە ل دەمێ کەڤتی ل یاریگەھێ ئێکسەر ترومپێلێ بۆ نەخوشخانی رەوانکر لێ بەری ب گەھنە نەخوشخانێ جانین گیانێ خوە ژ دەست دابوو.
ئەڤرۆ نیو ، نەوزاد زادە ھلۆری:
لێک تێگەھشتنا سیاسی یا دناڤبەرا ئێکەتیا نیشتمانیا کوردستانێ و تەڤگەرا گۆرانێ ل زاردەڤێ بەرپرسێن ھەردولایان دھێتە گوھلێ بون و ئەڤ یەک ژی بویە جھێ دلگرانیا ھندەک ژ کادر و ھەلسوراوێن ئێکەتی و گۆرانێ ، و ل گەل ڤێ یەکێ ژی بالەیێن ئێکەتیێ ژی ناکوکن لسەر رێکەفتنێ و ئیرانێ ژی دڤێت ئەو دناڤەروکا رێکەفتنێ بگەھن.
لگورەی زانیاریێن ژێدەرەکێ ئاگەھدار ل وێ رێکەفتنا دناڤبەرا گۆران و ئێکەتیێ گرنگترین خالێن رەشنوسا بەرھەڤکری یا رێکەفتنامەیێ پێکدھێت ژ ئێکھەلویستی و ئێکدەنگی لسەر پرسێن سیاسیێن کوردستان و عیراقێ و دەڤەرێ و ل گەل رێکخستنا کارێن وان پێکڤە و ئێکھەلویستیا کارێ فراکسونێن گۆران و ئێکەتیێ ل ئاست ئەنجومەنێن پارێزگەە و پەرلەمانێ کوردستان و عیراقێ.
ھەروەسا ئالوگورکرن و دانانا کادرێن ھەردوولایان د پوست و پلەێن حکومەتێ دا ب راوێژیا بەری دەم دناڤبەرا ھەردوولایان دا و ل گەل ئێکھەلویستی لسەر گوھرینا سیستەمێ سیاسیا ھەرێما کوردستانێ ، و ب بووچوونا وان ژ سەروکاتیێ بو پەرلەمانی یان ژی ب سیستەمەکێ تێکەل ژ سەروکایەتی و پەرلەمانی.
خالەکا دن یا رێکەفتنامەیێ کارکرنا وایە بو لامەرکەزیکرنا زێدەتر یا ئەنجومەنێن پارێزگەھان و دەستڤەئینانا دەستھەلاتێن زێدەتر بو وان ئەنجومەنان.
ژلایەکێ دنڤە ژێدەرەکێ نێزیک ژ مەکتەبا سیاسی یا ئێکەتی بو باس دیارکر کو پشکەکا دیار یا کادر و سەرکردە و لایەنگیرێن ئێکەتی ب گومان ڤە سەحا ئەڤێ رێکەفتنێ دکەن و ب ھزرا وان گۆران ب مەرەمەکا تایبەت ڤە لەزێ د ئیمزاکرنا رێکەفتنامەیێ دکەت و ئەنجێندایێن خوەیێن سیاسی ھەنە.
ھەر ل گورەی ئەوی ژێدەری پشکەکا دیار و بەرچاڤ یا ئەندامێن ئێکەتی ئەوێن کو وەکو سەرکردە و ئورگانێن دن کار دکەن ب ھزرا وان وەسایە کو نابیت ھوسا ب ساناھی چاڤگرتنێ ل گورزێن کوژەکێن سیاسیێن دژایەتیێن گۆرانێ بھێتەکرن د بوری دا کو ل ئێکەتیێ جودابوویە و ئێکەتی تاوانبارکری ب پارتی ڤە و گەندەلیێ و ئێکەتی ب بنەمالە ڤە تومەتبارکریە.
ژێدەرێ ئێکەتی ئەو یەک ژی دیارکر کو سەرکردە و کادرێن ئێکەتی وەسا دبینن ئەڤ رێکەفتنا دناڤبەرا گۆران و ئێکەتیێ بتنێ بو ئاراستەکرنا مفایی یە بو ئێکەتی کو دروستکەرا زەمینە سازیێ و دانوستاندن و ئێکدەنگیێ بویە ل گەل پارتی بو ئەنجامدانا چاکسازیێن سەرانسەری ل ھەرێما کوردستانێ ئەگەر نە بتنێ دا وەکو زیانەک ب سەر ئێکەتیێ دا ھێتە خوار.
ژێدەری رونکر ژی کو سەرکردە و کادرێن ئێکەتی ترس ل وێ یەکێ ھەیە گۆران ب مەرەما درۆستکرنا بەرەیەکێ دژی پارتی ئەڤێ رێکەفتنێ ئەنجام ددەت و ب بووچوونێن وان ئەگەر ئێکەتی بچیتە بن ڤێ یەکێ ل وی دەمی دێ کوردستان بەر ب دابەشبوون و ھەلوەشیانێ ڤە چیت کو ئەڤ یەک ژی کارەساتە.
دیارکر ژی کو جێگھرێن سکرتێرێ گشتیی کوسرەت رەسول و بەرھەم سالح د سەرەدانا خودا بولایێ نەوشێروان موستەفا ب ئاشکرایی ئاخفتن لسەر ڤێ یەکێ کریە کو دڤێت رێکەفتنامە یا چاکسازیێ بیت نەک سەنگەربەندی و بزداندنا پلە و پوستان.
ھەر لگورەی زانیارییێن ژێدەرێ ئێکەتی ھەر ئێک ژ مەلا باختیار و مەحمود سەنگاوی و شێخ جەعفەر و شێخ موستەفا و سەعدی پیرە و ئازاد جوندیایی و چەندین ئەندامێن دن یێن سەرکردایەتی ژ وانن کو ب ھزرا وان نابیت رێکەفتنامە بێ مەرج بھێتەکرن.
ھەر لگورەی ئەوی ژێدەری تا نھا دناڤ مەکتەبا سیاسی یا ئێکەتی دا ئەڤ یەک نەھاتیە ئێکلایکرن کا بەرسڤا وان دێ بو پارتی چ بیت و ئێکھەلویست نینە ل بارا راگرتنا بالانسێ دناڤبەرا گۆران و ئێکەتی کو ئەڤێ یەکێ ژی دێ ئاریشەیان درۆستکەت و ھەتا بەرھەڤکرنا ئەڤێ راپورتێ ژی دوو بوچوێن ھەڤدژ ھەنە ، و بو تێگەھتنا خالێن رێکەفتنامەیێ وەسا بریارە شاندەکا ئیرانێ سەرا سلێمانیێ بکەت و ل گورەی ژێدەرەکێ ” باس ” پرانیا کادر ئەندام و لایەنگیرێن ھەردوو لایان ئاگەھدارێ ناڤەروکا ڤێ یەکێ نینە و دەنگێ نارەزایێ ژ ھەردوو لایان دھێتە بھیستن.
ژلایێ خوڤە ھەر ئێک ژ ” سەربەست جیھاد ” ئەندامێ کەمتەبا سیاسی یا ئێکەتی و لسەر تورا جڤاکی یا فەیسبووکێ و ” عومەر عینایەت ” ئەندامێ پەرلەمانێ کوردستانێ ژ فراکسوونا گۆران ل کەنالێن نافخوەیێن کوردستانێ رەخنەیێن توند ل ڤێ یەکێ گرتینە ، و ئەڤە زێدەباری وێ یەکێ کو ” بێگەرد تالەبانی ” ئەنداما سەرکردایەتی ئێکەتی و سەروکا فراکسوونا ئێکەتی ل پەرلەمانێ کوردستانێ د لێدوانەکێ بو باسنیوز دا دیارکر کو ئەڤە رێکەفتنامەیەکا سیاسی یە و ھەردوو لایان ھندەک پرنسیپێن ھەڤپشک ھەنە و ژلایێ ستراتیجی ڤە وەکو ئێکن و دبێژیت ژی : ( ئەم و تەڤگەرا گۆرانێ دوو پارتێن مەزن و خودانا جەماوەر و رێسایێن بەرفەرینە و ژبەرڤی َنابیت 100% ئەوێت دناڤا وان ھەردوو پارتان دا ژ سەرکرد و ئەندام و پشتەڤانێن وان وەکو وان ھزر بکەن )
ژلایەکێ دنڤە ” ئومێد خوشناو ” سەرۆکێ فراکسونا پارتی ل پەرلەمانێ کوردستانێ گوتارەکێ دا کو کوپیەک تایبەت بو ” باس ” فرێکریە دیارکر و دوەختێ ئینشیقاق و مال جوداکرنا گۆرانێ ژ ئێکەتیێ پارتی دیموکراتی کوردستان دلخوش نەبویە ب وێ یەکێ کو حزبا ھەڤپەیمانا پارتی بوویە کو خوەدان ئاریشە بیت و لایەکێ وێ ژ وێ جودا ببیت وەکو چەوا نھا دلخوشا چوونا ناڤا ناڤ مالا خوە کو ئێکەتی یە ھەیە و وەکو پارتەکا کارتێکەر ، ژبەرڤێ نھا بەری ئێکەتی و گۆران د ھەڤدوو گەھشتن و راگەھاندنا ئەوی رێکەفتنامەیێ وەکو دھێتە گوتن ببن پارتی بەراھیێ پیروزباھی لێکریە و دێ کەت ژی )
بەلێ خوشناوی ئاماژە ب وێ یەکێ ژی کریە کو ل گەل ڤێ یەکێ ژی ئەگەر گۆران بھێتە دناڤا رێکەفتنێ دا ئەو رێکەفتن دێ فشار و دژتیا پارتی کەت و بەلێ ب ب پشتراستیڤە رێکەفتنامە ژ سلێمانیێ نابوریت.
ئەڤرۆ نیوز:
ڤەکۆلەرێن ئەمریکا و ھۆلەندا گەھشتنە ئەنجامەکی کو بکارئینانا کەچکێن خورانێ بۆ پیڤانا دەرمانێن شل شاشیەکا مەزن دئێخیتە پیڤەرێ دەرمانی.
رێنمایی وەسا دیار دکەن کو دەرمانی ب میلیلیتران وەکو یەکەیا پیڤانێ بکاربینن و پێدڤیە نەخۆش ب قەباغێن یەکێن پیڤانێ ل سەر ل شوونا کەچکان بکاربینن.
ڤەکۆلینێن ل زانکۆیا کورنل و گرونینھام ھاتینە کرن دیار کریە کو قەبارێ دەرمانی یێ دھێتە بکارئینان ب رێژا 8.4% کێمتر لێدھێت دەمێ کەچکێ بچووک بکاردئینن، و ب رێژا 11.6% زێدەتر لێدھێت دەمێ کەچکێ مەزن بکاردئینن.
ئەڤرۆ نیوز:
چ ھەڤژینی د بێ گازندێن ڤەشارتی نینن، کو ل وی دەمی دیار دبن دەمێ دوبەرەکیەک یان ئەزمان درێژیەک چێدبیت، بەلێ ئەو گازندێن ل نک وان ھەڤژینێن نە دل خۆش پەیدا دبن دڤێت بیچەک ل سەر راوەستین.
ئەڤە دیارترین گازندێن بەربەلاڤن ل نک ھەڤژینێن نە دل خۆش، کو پێدڤیە تو گرنگیێ بدەیێ دا نەکەڤیێ:
1- زەلام دبێژیت: ھیڤیا منە رۆژەکێ ھەڤژینا من رێزەکا مەزنتر ل من بگریت و بتایبەت دەمێ دھێمە مال، ل شوونا بخێرھاتن و رێزگرتنێ کۆمەکا گازندا و داخوازیان و رێنمایان ددەتە من. شارەزا دبێژن سروشتێ مرۆڤی یێ وەسایە حەز دکەت گوە ل سوپاسیان و رێزگرتنێ ببیت، لەورا یا باش ئەوە ھەمی دەمان دەستخۆشیێ ل ھەڤژینێ خوە بکەی ل سەر کارێن وی و پاشی بۆچوونێن خوە بگەھینێ بەس نە دەمێ دھێتە مال.
2- زەلام دبێژیت: بەرپرساتیان ئەم وەستاندین و مە دەم نەمایە خۆشیێ ب ئێک و دو ببەین وەکو بەرێ، بتایبەت دەمێ ئەم د عاشق و د دەزگریێ دا. شارەزا دبێژن دڤێت ھەڤژین ڤێ خالێ بزانن و پیچەکا دەمێ خوە بۆ خوارنەکا پێکڤە یان بەرێخوەدانا فلمەکی تەرخان بکەن دا رۆتینا رۆژانە بکوژن و ھەڤبەندیا ھەڤژینیێ نووژەن بکەن.
3- زەلام دبێژیت: ئەز د وەستیانا ھەڤژینا خوە و بارگرانیا وێ دگەھم، بەلێ ئەز نەشێم خوە ل بەر سحبەتێن وێیێن درامایی ل دۆر وەستیانا وێ ل گەل زارۆیان و بەرپرساتیێن مالێ بگرم. شارەزا دبێژن یا نۆرمالە تو بەحسێ وەستیانا خوە بکەی، بەلێ ژ بیر نەکەی کو تە ھەڤبەندیەکا دلینی یا ھەی پێدڤیە تو گرنگیێ بدەیێ و دەمێ تو دوەستیێی ل بن سیبەرا وێ ھەڤبەندیێ بێھنا خوە ڤەدەی.
4- زەلام دبێژیت: گەلەک ژن وەسا بۆ من ددەنە دیارکرن کو ئەز زەلامەکێ رۆمانسی مە، بەلێ ھەڤژینا من چ بھایی نادەتە ڤێ چەندێ و ئێک ژ باشترین ساخلەتێن من پشتگوە دھاڤێژیت. شارەزا دبێژن یا پێدڤیە تو پیچەک خوە ژ فشارێن خوە دوور بکەی و چاڤخشاندنەکەێ ل ھەڤبەندیا خوە یا رۆمانسی بکەی.
5- زەلام دبێژیت: من وەسا ھزر دکر کو من کارەکێ باش یێ کری دەمێ من بەرپرساتیا مالێ ب تمامی دایە دەستێ ھەڤژینا خوە، بەلێ پاشی من زانی کو یا ژ من و ژ ڤێ چەندێ دلگرانە. ل دۆر ڤێ خالێ شارەزا دبێژن پێدڤیە ژن ب زەلالی داخوازا ھاریکاریێ ژ ھەڤژینێ خوە بکەت.
6- زەلام دبێژیت: ھەڤبەندیێن من ل گەل ھەڤژینا من وەکو بەرێ نەماینە د گەرم. بەراورد ل گەل سالێن دەستپێکێ نوکە یا ژ من دوور کەفتی. شارەزا دبێژن پێدڤیە ژن یا راستگۆ بیت ب دۆر ھەڤبەندیا خوە یا گەرم ل گەل ھەڤژینێ خوە، بەلێ نابیت گەلەک یا دوور بیت، ئەڤ چەندە دێ ل پاشەرۆژێ ئالۆزان چێکەت.
7- زەلام دبێژیت: ھەڤژینا من یا چاڤەرێ یە کو ھەمی دەمان پشتەڤانێ وێ بم، بەلێ نزانیت کو ئەز ژی وەکو وێ یێ ل ن فشارا بەرپرساتیێ و من ژی خەم ترسێن ژ ژانێ ھەین. شارەزا دبێژن کو پێدڤیە ژن ھەستێن زەلامی ل بەر چاڤ وەرگریت، و پیچەک ھزر بکەت کو ئەو ژی وەکو ھەمی ھەڤژینان ھەمان ھەستێن ھەین چونکو ھوین ھەردو یێن د ھەمان کاودان دا دەرباز دبن.
8- زەلام دبێژیت: ھەڤژینا من گازندێن کارێ خوە ھەمیان دھینیتە مال، ئەز بزاڤێ دکەم ھاریکاریا وێ بکەم بەلێ ئەز دبینم یا مالێ و کاروبارێن خێزانێ پشتگوە دھاڤێژیت. شارەزا دبێژن پێدڤیە تو پشتی دەمەکێ دیار کری نامە و ھەڤبەندیێن گرێدای کاری نەوەرگری، ھەروەسا پێدڤیە ژینگەھا کاری و خێزانێ ژ ئێک جودا بکەی، دا ل دووماھیێ نەبیە کەسسەکێ سەرکەفی ل جھەکێ و کەسەکێ سەرنەکەفتی ل جھەکێ دی.
9- زەلام دبێژیت: ھەر ژ رۆژا مە ھەڤژینی پێکئینای بیر و باوەرێن ئایینی ل نک ھەڤژینا رۆژ بۆ رۆژێ زێدەتر لێدھێن ھەتا وی رادەی کو گەلەک پێڤە دمینیت. شارەزا دبێژن پێدڤیە ژن یا نێزیکی ھەڤژینێ خوە بیت بل چەند یا ئاییندار بیت، ئایینداری کارەکێ روحانیە کو پێدڤیە ببیتە ئەگەر کاروبارێن ژیانێ بساناھی بێخیت نە ئالۆزتر لێبکەت.
10- زەلام دبێژیت: ل دەستپێکێ ھەڤژینا من یا کوک بوو ل سەر گوھۆرینا سەروسیمایێ خوە و ھندەک ھوویێن نوو بۆ ژیانا مەیا سیکسی دداھێنان، بەلێ نوکە یا بوویە کەسەکا تەقلیدی و نوکە چ گرنگیێ نادەتە بابەتی. ل دۆر ڤێ خالێ شارەزا دیار دکەن کو یا گرنگە ئەو دلگەرمیا سیکسی یا ل دەستپێکێ ڤەگەریتە ڤە، سەرەرای ھەبوونا فشاران ل سەر ژنێ بەلێ نابیت خوە رادەستی رەوشێ بکەت و دلگرانی بۆ چێبیت، بەلێ پێدڤیە ھندەک رێیێن نوو ڤەببینن دا خۆشیێ ژ ڤی لایەنێ گرنگ یێ ھەڤژینیێ ببینن.
ئه‌ڤرۆ نيوز:
وه‌زاره‌تا ژ ده‌رڤه يا ئيرانێ به‌رسڤا داخۆيانيێن مه‌سرۆر بارزانى، شيره‌تكارێ جڤاتا ئاسايشا هه‌رێما كوردستانێ، دا ده‌رباره‌ى پرسا سه‌ربه‌خۆيا هه‌رێما كوردستانێ و راگه‌هاند: ئيران ل گه‌ل ئێكپارچه‌يا ئاخا عيراقێ يه.
د كۆنگره‌كێ رۆژنامه‌ڤانى دا، ده‌رباره‌ى راگه‌هاندنا سه‌ربه‌خۆيا هه‌رێما كوردستانێ پرسياره‌ك ئاراسته‌ى ئاخفتنكه‌رێ ب ناڤێ وه‌زاره‌تا ژ ده‌رڤه يا ئيرانێ هاته كرن كو پێشتر مه‌سرۆر بارزانى، شيره‌تكارێ جڤاتا ئاسايشا هه‌رێما كوردستانێ، راگه‌هاند بوو كو نوكه ده‌مێ راگه‌هاندنا سه‌ربه‌خۆيا هه‌رێما كوردستانێ يه. پرسيار ئه‌و بوو، ئايا هه‌لويستێ ئيرانێ د ڤێ ده‌ربارێ دا دێ چ بيت، د وێ ده‌ربارێ دا به‌رسڤا وان دێ بۆ سه‌رۆكێ هه‌رێما كوردستانێ دا چ بيت ل ده‌مێ سه‌ره‌دانا وى وه‌لاتى؟
د به‌رسڤێ دا ئاخفتنكه‌رێ ب ناڤێ وه‌زاره‌تا ژ ده‌رڤه يا ئيرانێ جابر ئه‌نسارى گۆت: “هه‌لويستێ ئيرانێ سه‌قامگێرى و ئێكپارچه‌يا ئاخا عيراقێ يه كو تێدا به‌رژه‌وه‌نديێن هه‌موو گه‌لێن عيراقێ ب پارێزيت”.
گۆتژى: “مه‌ترسيه‌كا مه‌زن يا ل سه‌ر عيراقێ شه‌رێ داعشه، پێدڤيه به‌رپرس و سياسه‌تمه‌دارێن وى وه‌لاتى د دانوستاندنێن به‌رده‌وام دا بن د پێناڤى ئێكپارچه‌يا ئاخا عيراقێ و سه‌ركه‌فتن ب سه‌ر تيرۆرستێن داعش دا”.
نيشاندان
