ئەڤرۆ نیوز:
سەرکێشا خولا لالیگا یا ئیسپانیا یانا بەرشەلۆنا جھێ بەرھەڤیێن خوە بۆ وەرزێ بھێت یێن خولێن ئورۆپی و ئیسپانی دەست نیشانکرن ئەوژی دێ ل کومەلگەھا وەرزشی یێ تایبەت ب ئێکەتیا تەپا پێ یا ئینگلیزی ڤە دەست ب بەرھەڤیێن خوە کەت دناڤبەرا ٢٥-ھەتا ٣٠-٧-٢٠١٦.
یانا کەتەلونی بەری دو وەرزان بەرھەڤیێن خوە ل ھەمان جھـ کربوو ئەوژی دکەڤیتە باژێرێ برمنگھام کو ئەو کومەلگەھا وەرزشیی یا بەرنیاس ب ناڤێ “سانت جورج بارک”
یانا بەرشەلۆنا دیارکری یە ل ٣٠-٧-٢٠١٦ ھەیڤێ دێ بەر ب ئیرلەندا ڤە چن بۆ ئەنجامدانا یاریەکا ھەڤالینی ل گەل یانا یانا گلاسیکو سلتیک یا ئوسکوتلەندی و ھەر دیسان دو یاریێن دی ژی د بەرنامەیێ ئەوان دانە کو بریارە ل ٣-٨-٢٠١٦ ل وەلاتێ سوید یاریەکا ھەڤالینی ل گەل یانا لیستەر سیتی قارەمانا خولا ئینگلتەرا بکەت و پشتی وێ ب سێ رۆژان ل گەل یانا لیڤەرپول کەت ھەر چەندە یاریا لیڤەرپول ھەتا نوکە نە ھاتیە دەست نیشانکرن ب فەرمی لێ وەسا دھێتە پێشبینی کرن پشتی یاریا لیستەر سیتی ب سێ رۆژان ل گەل لیڤەرپول ژی بکەن ل وەلاتێ سوید.
ئەڤرۆ نیوز:
راھێنەرێ فەرەنسی یێ یانا ریال مەدرید زێدان یێ ھزر ل وێ چەندێ کەت ستێرا خوە یا گەنج ل یاریا دووماھیا خولا لالیگا پشکداریێ پێ نەکەت بەرامبەر دیپورتیڤو لەکەرونیا ب مەرەما وێ چەندێ وەکو بێنڤەدانەک بۆ ئەوی یاریکەری پشتی ل یاریا دووماھیێ بەرامبەر ڤالینسیا توشی ھنگافتنەکێ بووی.
رۆژناما مارکا یا ئیسپانی دیارکری یە راپورتا رۆژنامەڤانی یا ئەڤرۆ ل یانا ریال مەدرید دیارکری یە لوکاس ڤاسکیز توشی ھنگافتنەکا سڤک بووی یە و دشێت ل یاریا بھێت ئامادەبیت لێ راھێنەرێ یانا مەلەکی زێدان ھزر ل ئینانا وی نەکری یە بۆ یاریا بھێت ژ خولا لالیگا ژبەرکو دخوازیت بێنڤەدانەکێ ب دەتە ئەوی یاریکەری داکو توشی چو ھنگافتنێن دی نەبیت و یێ بەرھەڤبیت ١٠٠% بۆ یاریا دووماھیا قارەمانیا چامپیونس لیگ.
ئەڤرۆ نیوز:
پشتی یاریێن گەرا پێنجێ ژ خولا بژارە یا عیراقێ یا تەپا پێ ب دووماھی ھاتین و یانا زەورا شیا سەرێ لیستەیا خولێ ژ یانا نەفت وەست وەربگریت و ھەر ئێک ژ یانێن نەفت و تەلەبە شیان سەرکەفتنێ دڤێ حەفتیێ دا توماربکەن شیان ھیڤێن ڤەگەراندنا ناسناڤێ خولێ ب ڤەگەرینە ڤە.
چاڤەرێ دھێتەکرن ل و حەفتیێن بھێت قارەمانا وەرزێ ئەڤ سالە یا خولا عیراقێ دیاربیت کو نوکە شەش یانێن پشکدار ژ سەرجەمێ ھەشت یانا ھیڤێن برنا ناسناڤێ خولێ ھەنە کو ھەڤرکی تایبەت یا گەرمە دناڤبەرا یانێن زەورا خودانا ١١ خالان و نەفت وەست ١٠ خال و تەلەبە ٨ خال و ھەر ئێک ژ نەفت و مینا ٧ خال ھەنە و تیما جەویە خودانا رێزا شەشێ ٦ خال ھەنە ھیڤین برنا ناسناڤی ھەنە لێ ب ھیڤێن کێم کو پێدڤی یە ھەر ئێک ژ زەورا و نەفت وەست ل دو یاریێن بھێت چو سەرکەفتنا تومار نەکەن و بەرامبەر ئەو ل ھەردو یاریێن خوە سەرکەفتنێ توماربکەت و نەفت ومینا ل دو یاریێن بھێت ٤ خالان ب دەستخوڤە بینن.
یاریێن حەفتیا بھێت بریارە ل دەستپێکا حەفتیا بھێت بھێنەکرن
بەغدا ل گەل شورتە
جەویە ل گەل نەفت وەست
مینا ل گەل زەورا
تەلەبە ل گەل نەفت
یاریێن حەفتیا حەفتێ و دووماھیێ
نەفت و زەورا
نەفت وەست و مینا
جەویە و شورتە
تەلەبە بەغدا
ئه‌ڤرۆ نيوز:
پارێزەرەکێ دادگەھا دھۆکێ راگەھاند، کو گەنجەکی لبەر بۆ بچیتە دەرڤەی وەلاتی، دەرگەھێ مارکێتێ پلاستیک بۆ یێ ڤەکری بو پالدا وچو دژووڤە بۆ خوە ل تشتێن خوارنێ دگەریێت دا بخوت، ھێش چو نە راکری خودانێ مارکێتێ ب ژوور دکەڤیت، گۆتژی تاوانباری کولاڤەکێ رەش لبەر خوە کر بۆ سەروچاڤێن خوە گرتبوون کو کامیرا چاڤدێریێ وی نەبینیت دبێژیتە تاوانباری تۆ یێ ھاتیە دزیێن من، ل دادگەھێ سکالایەکێ ل سەر ڤی گەنجی تومار دکەت.
پارێزەر عسمەت عارف دوسکی ل دادگەھا دھۆکێ بۆ ئەڤرۆ دیارکر کو تاوانبارەکێ گەنج لبەر بۆ بچیتە دەرڤەی وەلاتی و گۆت: ب ترومبێلێ دگەھیتە کومەلگەھەکێ سەر ب پارێزگەھا دھۆکێ ڤە برسی دبیت، دەرگەھێ مارکێتێ پلاستیک بۆ یێ ڤەکری بو پالدا وچو دژووڤە بۆ خوە ل تشتێن خوارنێ دگەریێت دا بخوت، ھێش چو نە راکری خودانێ مارکێتێ ب ژوور دکەڤیت دبێژیتە تاوانباری تۆ یێ ھاتیە دزیێن من، ل دادگەھێ سکالایەکێ ل سەر ڤی گەنجی تومار دکەت، گۆتژی پشتی دادگەھا ڤەکۆلینی گۆتنێن وی وەرگرتین رەتدکەت کو چوو بیتە د وێ مارکێتێ ڤە ب مەرەما دزیا تشتەکی و چو گرۆڤە ژی ل سەر نەبوون، لێ وەختێ تێگەریان د ترومبێلا ویدا کری گەلەک کەل و پەل دیتن مینا دەرنەفیس و کومەکا کارتێن موبایلا و دەزگورکا و ل گەل کوژمەکێ پارەی ژی.
زێدەتر گۆت: ئەگەرێ دیتنا ڤان کەل و پەلان د ترومبێلا تاوانباری دا دبێژیت من کارێ سەرخبێریا کارەبێ دکر لەوما ئەو کەل و پەلە بەردەوام د ترومبێلا من دا ھەنە، دیسا وەختێ ئەڤ تاوانبارە چوویە د مارکێتێ ڤە کولاڤەکێ رەش لبەر خوە کر بۆ سەروچاڤێن خوە گرتبوون کو کامیرا چاڤدێریێ وی نەبینیت، پارێزەری ئاشکراکر ژی کو گرۆڤێ دادگەھێ ل سەر تاوانباری چوو بۆ د مارکێتێ ڤە و دانێ شەڤێ بۆ دەمژمێر 11:30 بۆ، دبیت د وی وەختی خودانێ شبیرکربۆ مارکێتا خوە ھێلا بۆ ڤەکری و د کامیرێ دا دیار بۆ مەرەما وی تشتێن خوارنێ نەبوون چۆنکو ل پشت مێزێ دگەریا ب ڤێ چەندێ بۆ دادگەھێ گومان چێ بۆ کو دزیە، ناڤھاتی دا زانین کو تاوانبار رەوانەی دادگەھا تایبەتمەندکر ب تومەتا ئنیەتا دزیێ (شروع فی السرقە) کو نەشیا چو ب دەست خوە بێخیت خودانێ دوکانێ پێ حەسیا، ئەڤ تاوانبارە ژلایێ دادگەھا تاوانا ل سەر مادێ 443 ێ ل سەر 31 ب سزایێ شەش ھەیڤان ھاتە حوکمکرن، دادگەھێ دلوڤانی پێ بر چۆنکو گەنجە و جارا ئێکێ بو بەری نوکە چو خەلەتیێن دیتر نەبوون.
ئه‌ڤرۆ نيوز:
ب گۆره‌ى مالپه‌ره‌كێ ئێكه‌تى نشتيمانى كوردستانێ نوكه هه‌ر ئێك ژ بزاڤا گۆڕان و ئێكه‌تى نشتيمانى كوردستان ل سه‌ر وێ چه‌ندێ رێكه‌فتينه كو ببنه ئێك حزب.
مالپه‌رێ SNN يێ ئێكه‌تى نشتيمانى كوردستان ل سه‌ر زارێ ژێده‌ره‌كێ خوه راگه‌هانديه كو دانوستاندن ل سه‌ر رێكه‌فتناما ئێكه‌تى نشتيمانى كوردستان و بزاڤا گۆڕان دا ب دووماهى هاتيه و ئێك ژ پشكداربوويێن كۆمبوونێ دبێژيت: “ره‌شنڤيسێ رێكه‌فتنێ ته‌مام بوويه و ب تنێ ئيمزاكرن ل سه‌ر مايه”.
دايه زانين ژى كو هێشتا ژڤانێ ئێمزاكرنا رێكه‌فتنێ نه‌هاتيه دياركرن، به‌لێ چه‌ند هزره‌ك هه‌نه بۆ راگه‌هاندنا وێ رێكه‌فتنێ ب ره‌نگه‌كێ فه‌رمى.
ئاماژه ب وێ چه‌ندێ ژى كريه كو مه‌ره‌م ژ وێ رێكه‌فتنێ لێك نێزيكبوون و ئه‌نجامدانا كارێ هه‌ڤپشكه د ناڤبه‌را هه‌ردو حزبان دا ب تايبه‌ت ل په‌رله‌مانى و جڤاتان دا.
هه‌ر وه‌كو مالپه‌رێ ناڤبرى به‌لاڤكرى، ميكانيزما كارێ هه‌ڤپشك د په‌رله‌مانێ كوردستانێ و جڤاتا نوونه‌رێن عيراقێ و جڤاتێن پارێزگه‌هان دا هاتيه دياركرن، به‌لێ به‌حس چ ژ سه‌رۆكاتيێن هه‌رێمێ و حوكمه‌ت و په‌رله‌مانى نه‌كريه، ب تنێ ته‌كست ل سه‌ر وێ چه‌ندێ هاتيه كرن كو هاريكاريا هه‌ڤدو بكه‌ن.
ئه‌ڤرۆ نيوز:
ده‌سته‌يا سه‌رۆكاتيا جڤاتا نوونه‌رێن عيراقێ راگه‌هاند كو ئه‌و دخوازن رۆژا سێ شه‌مبى رێكه‌فتى 10ى گۆلانا 2016ێ لژنه‌يێن جڤاتا نوونه‌رێن عيراقێ ده‌ست ب كار ببن و دده‌ته زانين ژى كو هه‌ر ده‌مێ ئاڤاهيێ جڤاتا نوونه‌ران هاته نووژه‌نكرن، په‌رله‌مان ژى دێ ده‌ست ب كار بيت.
ئه‌ڤه د ده‌مه‌كى دايه كو نوونه‌رێن كورد ل جڤاتا نوونه‌رێن عيراقێ بايكوتا روونشتنێن جڤاتێ كريه و راگه‌هانديه كو هه‌تا ب بڕياره‌كا سه‌ركرداتيا كوردى نه‌بيت ئه‌و ڤه‌ناگه‌رنه به‌غدا، سه‌ره‌راى سه‌ره‌دانا سه‌رۆكێ جڤاتا نوونه‌رێن عيراقێ، سه‌ليم جبۆرى، بۆ هه‌رێمێ بۆ رازيكرنا وى.
ته‌ڤگه‌را سه‌در ژى راگه‌هانديه كو نوكه كوتله‌يا ئه‌حرار كو نوونه‌راتيا وان دكه‌ت بايكوتا كريارا سياسى ل عيراقێ كريه هه‌تا كو چاكسازى ل سه‌ر بنه‌مايێ ته‌كنوكرات نه‌هێنه كرن.
ئه‌ڤرۆ نيوز:
سەرۆکێ لیژنا سۆتەمەنیێ ل جڤاتا پارێزگەھا دھۆکێ راگەھاند، ل ھەیڤێن بۆری ژی نێزیکی 13 تانکەرێن پانزینا پیس ھاتبوونە گرتن و 24 وێستگەھێن پانزینێ یێن ھاتنە سزادان و11 وێستگەھێن پانزینێ بۆ ماوەیێن ژێک جۆدا ھاتنە دائێخستن و 13 وێستکەھێن پانزینێ ژی ب کۆژمێن پارەی ھاتنە سزادان. ژ ئالەکێ دی ڤە، سەرۆکێ لیژنا پیشەسازی و وزێ ل جڤاتا پارێزگەھا ھەولێرێ ئاشکرا کر، رەنگە جارەکا دی وەکو بەرێ پانزین بھێتە پۆلینکرن بۆ پانزینا نۆرمال، موحەسەن و سۆپەر، و گۆت ژی: ژ بەر نەبوونا پشتەڤانیا حوکمەتێ ل سەر پانزینێ و بلندبوونا بھایێ پترۆلێ د بازارێن جیھانێ دا، بۆھایێ پانزینێ ل رۆژێن بۆری د بازارێن کوردستانێ دا گرانتر لێ ھاتیە
سەرۆکێ لیژنا سۆتەمەنیێ ل جڤاتا پارێزگەھا دھۆکێ دیار کر، ملیون لترێن پانزینا پیس یێن ھاتینە گرتن و رێ پێ ناھێتە دان ببفروشن و ل ھەیڤێن بۆری ژی نێزیکی 13 تانکەرێن پانزینا پیس ھاتبوونە گرتن و 24 وێستگەھێن پانزینێ یێن ھاتنە سزادان.
عەبدولسەمەد کۆچەر، سەرۆکێ لیژنا سوتەمەنیێ ل جڤاتا پارێزگەھا دھۆکێ بۆ ئەڤرۆ دیار کر، نھا 11 وێستگەھێن پانزینێ بۆ ماوەیێن ژێک جۆدا ھاتنە دائێخستن و 13 وێستکەھێن پانزینێ ژی ب کۆژمێن پارەی ھاتنە سزادان، ئەڤ ھەر 24 وێستگەھێن پانزینێ سەرا نەپێگیری ب رێنمایان و پانزینا پیس یێن ھاتنیە سزادان و گۆت: حەفت جۆرێن پشکنینی بۆ پانزینێ دھێنە کرن، ھەکە جۆرەک دەرنەچیت، ئەو وێستگەە دێ ھێتە سزادان، نوکە دشێم بێژم ل بەرامبەر پارێزگەھێن دێ ھەرێما کوردستانێ، ب رێژەکا گەلەک باش کونترۆل ل سەر کوالێتیا پانزینێ ل دھۆکێ یا ھاتیە کرن.
ناڤبری ئەو ژی دیار کر، ل دھۆکێ ژمارێن تەلەفونێن لیژنا پشکنینا پانزینێ ل وێستگەھان یێن ھاتینە ھەلاویستن، بۆ وێ چەندێ ھەر شوفێرەکێ گازندەک ھەبیت، ئێکسەر پەیوەندیێ ب لیژنا پشکنینا پانزینێ بکەت و رێک نەھێتە دان چو وێستگەە پانزینا پیس بفروشنە وەلاتیان و گۆت ژی: ل پارێزگەھا دھۆکێ 157 وێستگەھێن پانزینێ ھەنە.
عبدولسەمەد ئەو ژی دیار کر، بەردەوام ئەم ھەولددەین گەلەک بازرگان پانزینێ بینن، دا کو ھەڤرکی دروست ببیت و نەھێلین پانزین گران ببیت ل دھۆکێ، چونکو ھەتا رادەیەکێ باش کۆنترول ل سەر ھاتیە کرن.
نافیز ناوپردانی، سەرۆکێ لیژنا پیشەسازی و وزێ ل جڤاتا پارێزگەھا ھەولێرێ بۆ ئەڤرۆ دیار کر، ل گەل دەستپێکرنا بلندبوونا بھایێ پانزینێ د رۆژێن بۆری دا، وان دەست ب ڤەکۆلینێ کریە، چونکو ئەڤە ھەیامەکە پانزین و ئینان و فرۆتنا وان کەفتیە د دەستێ بازرگان و کەرتێ تایبەت دا و حوکمەتا ھەرێمێ چو دەست و پالپشتی تێدا نینە و گۆت: حوکمەتێ چو دەست د بوھایێ وێ دا نینە.
ناڤبری ئاشکرا کر، رەنگە جارەکا دی وەکو بەرێ پانزین بھێتە پۆلینکرن بۆ پانزینا نۆرمال، موحەسەن و سۆپەر، چونکو بەری نھا پانزینخانان ب کەیفا خۆ پانزین پۆلین دکر، لێ ژ نھا وێڤە دێ حوکمەت پۆلین کەت و بۆھایێ بۆ دانیت و ناھێلیت ھەر بازرگانەک ب کەیفا خوە پانزینێ پۆلین بکەت و گۆت ژی: ئەوێن بەری نھا پانزینا نۆرمال ب ناڤێ پانزینا موحەسەن دفرۆتن دێ ھێنە سزادان و چاڤدێریەکا توندتر دێ ل سەر ھێتە دانان.
سەرۆکێ لیژنا پیشەسازی و وزێ ل جڤاتا پارێزگەھا ھەولێرێ ئاشکرا ژی کر، ژ بەر نەبوونا پشتەڤانیا حوکمەتێ ل سەر پانزینێ و بلندبوونا بھایێ پترۆلێ د بازارێن جیھانێ دا، بۆھایێ پانزینێ ل رۆژێن بۆری د بازارێن کوردستانێ دا گرانتر لێ ھاتیە و گۆت ژی: نھا ژ بەر بلندبوونا بۆھایێ دولاری، ئەو پانزینا ژ دەرڤەی وەلاتی دھات، بۆھایێ وێ گرانتر لێ ھات.
ئەڤرۆ نیوز:
ستێرا سویدی و گولکەرێ خولا فەرەنسا ئیبراھیموڤیج دووماھی داخویانیا خوە یا رۆژنامەڤانی دیارکری یە ئەو دخوازیت جارەکا دی ڤەگەریتە ل یاریگەھا سانسێرو تایبەت ل یانا ئەی سی میلان.
ئیبرای د دیدارەکێ دا ل گەل رۆژناما فتبول سپورت یا ئیتالی دیارکری یە ل دەمێ ئەوی یانا میلان ب جھـ ھێلای بریارەکا نە چاڤەرێکری بوو ژبەرکو ل سەر حەزا وی نەبوو لێ وی دەمی وەسا خواست یانێ .
زێدەتر دیارکر ئەو دبینت ئێک ژ خوشترین دەمێن ژیانا وی ل یانێن یاری لێ کری ئەو دەمێ یاری ل میلان کری دبینت خوشترین دەم بوو، ئەو حەژ یانا ئەی سی میلان کەت و حەزا ڤەگەراندی جارەکا دی یا ھەی بۆ وەرزێ بھێت.
ئەڤرۆ نیوز:
راھێنەرێ فەرەنسی یێ یانا ئەرسینال ئەرسین ڤینگەر یێ بەردەوامە ل سەر داخویانیێن خوە بۆ دەستڤە ئینانا ھژمارەکا یاریکەرێن خودان شیان ل ڤەگوھاستێن ھاڤینا بھێت پشتی ل وەرزێ ئەڤ سالە نەشیای چو ناسناڤا ب دەستخوڤە بینت و دخوازیت وەرزێ بھێت چەند یاریکەران ل پێکھاتیێ خوە زێدە بکەت ب مەرەما ھەڤرکیێ ل سەر ناسناڤێن ئورۆپی و نافخوی.
رۆژناما “دیلی ئاکسبرس” یا برێتانی دیارکری یە یانا ئەرسینال ١٠ ملیون جینێ ئیسترلینی بەرھەڤکری نە بۆ ب دەسڤە ئینانا ستێرا گەنج و پێگوھورێ گاریس بێل ل یانا ریال مەدرید لوکاس ڤاسکیز کو ئەڤ چەندە ھاتیەکرن ل سەر داخوازیا ڤێنگەری پشتی داخوازی ژ یانا ئەرسینال کری ب زیترین دەم ھەڤبەستێ ل گەل ڤی ستێرا گەنج یا ریال مەدرید ئیمزابکەن.
ژلایەکێ دیڤە ھەمان رۆژنامێ دیارکری یە ژی یورگن کلوپ راھێنەرێ یانا لیڤەرپول ژی داخوازی ژ یانا خوە کری یە ھەڤبەستێ ل گەل ڤاسکیز ئیمزابکەن ل ھاڤینا بھێت.
نيشاندان