ئەڤرۆ نیوز:
یانا یوڤانتوس ھزر ل ئینانا چەند یاریکەرێن خودان شیان کری یە ل ڤەگوھاستنێن ھاڤینا بھێت بۆ پاراستنا ناسناڤێ خولا کاتشیو بۆ جارا شەشێ ل دیڤ ئێک و ھەڤرکیێ ل سەر ناسناڤێ قارەمانیا چامپیونس لیگ .
مالپەرێ سپورت توتو یێ ئیتالی ل دیڤ گوتنا رێڤەبەرێ وەرزشی یێ یانا یوڤانتوس جوسیبی ماروتا دیارکری یە یانا یوڤانتوس دەست ب دانوستاندان کری یە ل گەل یانا ریال مەدرید بۆ ب دەستڤە ئینانا یاریکەرێ کرواتی یێ ھێلا ناڤین ماسیو کوڤاسیتش.
ژلایەکێ دیڤە ژێدەرێن دەنگوباسی ل مەدرید وەسا دیارکری نە یانا میلان ژی حەزا ستێرا ھێلا ناڤین یا ریال مەدرید ماسیو کوڤاسیتش ھەیە کو رۆژا چارشەمبیا بوری چێگرێ سەروک یانا ئەی سی میلان ئەدریانو گالیانی ل مەدرید بۆ ب مەرەما دەست ب دانوستاندان ل گەل یانا مەلەکی بۆ دەستڤە ئینانا یاریکەرێ کرواتی کوڤاسیتش .

ئەڤرۆ نیوز:
یاریکەرێ گەنج یێ بەرازیلی مارکینوس ئەوێ ل وەرزێ ئەڤ سالە وەرزەکێ نەخوش ل گەل یانا خوە قارەمانا وەرزێ ئەڤ سالە یا فەرەنسا پاریس سان جێرمان بوراندی دخوازیت پێکھاتیێ یانا پایتەختێ فەرەنسا ب جھـ بھێلت و بەر ب یانەکا دی یا ئورۆپی بچیت بۆ پتر دەلیڤەیا کرنا یاریێ، کو ل وەرزێ ئەڤ سالە ب تمامی دەلیڤەیا خوە ل گەل یانا فەرەنسی نەدیت بوو.
رۆژناما “موندو دیپورتیڤو ” دیارکری یە یانا بەرشەلۆنا نێچیرا خوە ل ڤی یاریکەری کری یە ھەر دەمێ مارکینوس چارەنڤێسێ خوە ل گەل یانا خوە ئێکلا بکەت وی دەمی دێ یانا بەرشەلۆنا دەست ب دانوستاندنان کەت ھەر چەندە ھەتا نوکە یانا بەرشەلۆنا ب فەرمی ئەڤ چەندە نە راگەھاندی یە لێ رۆژنامەیێن نێزیک ژ بەرشەلۆنا ئەڤ چەندە دیارکری یە.
وێ رۆژنامێ ئاماژە ب وێ چەندێ ژی کری یە مارکینوسی ب فەرمی داخوازی ژ سەروک یانا پاریس سان جێرمان ناسر خلیفە کری یە و داخوازی ژێ کری یە کومبوونەکێ ل گەل ئێک بکەن بۆ ئێکلاکرنا ڤی بابەتی و چاڤەرێ دھێتەکرن ئەڤ کومبوونە پشتی دو حەفتیێن دی بھێتەکرن.