ئه‌ڤرۆ نيوز:
رێڤه‌به‌ريا گشتيا كه‌شناسيا هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ل ويستگه‌هێن هه‌رێما كوردستانێ رێژێن جودا يێن باران بارينێ هاتينه تۆماركرن و ب ڤى ره‌نگێ ل خوارێ:
نووترين نووچه
- مەسرور بارزانی و مستەفا كازمی رەوشا گشتی یا ئیراقێ و دەڤەرێ گەنگەشە كر
- بەختیار تالەبانی: بارەگەهێ بارزانی یێ بوویە ناڤەندا بڕیارا كوردی
- چارەنڤیسێ ئیراقێ ب هنارتنا پەترۆلا كوردستانێ و راگرتنا كڕینا غاز و كارەبا ئیرانێ ڤە یێ گرێدایە
- حەشدا شەعبی رێگرە ل پێشبەری ئیمزاكرنا رێككەفتنەكا نوو د ناڤبەرا ئیراقێ و ئەمریكا دا
- سەرۆك بارزانی ل سالڤەگەڕا 34 یا سەرهلدانا پیرۆز: سەرهلدان پەیامەكا رۆهن بوو كو گەلێ كوردستانێ ئازادی و سەربەستی دڤێت
- نێچیرڤان بارزانی: فیدرالی و دەستكەفتێن دستووری و كاریگەرییا ئەڤرۆ یا كوردستانێ بەرهەمێن سەرهلدانێ نە
- مەسرور بارزانی: سەرهلدان ئێك ژ سەروەریێن مەزن یێن گەلێ كوردستانێ یە كو هەردەم جهێ شانازییا مەیە
- دوپاتیێ ل رێكخستنا ناڤمالا كوردی دكەین
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
سهرهكى Facebook
ژ ئەگەرێ سۆپێ سێ کەس بوونە قوربان
ئەڤرۆ نیوز، نەوزاد زادە:
شڤێدی ل گوندەکێ سەر ب ناحیا مەزنێ یا قەزا مێرگەسوورێ ژ ئەگەرا سوپەیا نەفتێ و نەمانا ئوکسجینێ دوو کەسان گیانی َخوە ژ دەست دا و کەسەک ژی ب گرانی برینداربوویە.
دڤی واریدا غەفور ئەحمەد قایمقامێ قەزا مێرگەسوورێ تایبەت بۆ ئەڤرۆ نیوز گۆت : ( شڤێدی ژبەر سەدەما نەمانا ئوکسجینی َو سوپەیا نەفتێ دوو کەسان بناڤێ غەفور ئەحمەد و خانم غەفور کو دبنە باب ژ ئەگەرا حەندقینێ گیانی َخوە ژ دەست دایە و ئاکنجیێن گوندێ کەڤنە گوندن یا سەر ب ناحیا مەزنێ نە ، و دیسان دایکا کچێ ژی ژ ئەگەرا کارتێکرنا نەمانا ئوکسجینێ نھا ل بن چاڤدێریا چرە و رەوشا وێ نەیا باشە )
گوت : ( ماوەیێ دناڤبەرا روودانێ و پێحەسیانا خەلکی زور بوویە و کەسێ ئاگەھی ل روودانێ نەبوویە و ئەو د خەودا توشی ڤێ یەکێ بووینە ، و تەرمێن ھەردوو قوربانیان بوو نەخوشخانا داد ھاتیە ھنارتن و پەرێن ڤەکولینێ ژی ل بنگەھێ پولیسێن مەزنێ ھاتیە ڤەکرن )
چاره‌نڤيسێ ڤى په‌يكه‌رێ چ لێهات!
ده‌وله‌ت دناڤبه‌را له‌یمون و په‌ترۆلێ دا
گوتاره‌كه ژ نڤيسينا: بارزان جه‌هوه‌ر
بتنێ هه‌فتیه‌كێ ده‌رگه‌هێ ئیبراهیم خه‌لیل هاته گرتن بهایێ كیلویه‌كا له‌یموونان گه‌هشته 5 هزار دیناران ، و سندوقا لیموونان ژى گه‌هشته 50 هزار دیناران ، و ئه‌ڤه د ده‌مه‌كێ دا بهایێ به‌رمیله‌كا په‌ترولێ ل جیهانێ گه‌هشتیه 37 دولاران كو دبیته 44 هزار دینار ، ئانكو بهایێ له‌یموونان ژ بهایێ په‌ترولێ گرانتره ، و هه‌ر چه‌نده ئه‌ڤ هه‌ردوو د پیڤانێ دا پێكڤه ناهێنه به‌رواردكرن ژبه‌ركو ئێك ب لیترێ یه و یا دن ب كیلویێ ، به‌لێ مه‌ره‌ما مه ئه‌وه كو بۆ درۆستكرنا ده‌وله‌تێ ده‌ركه‌فت كى ژ وان ب بهاتره ؟
ئه‌وا كو حكومه‌تێ خوه توش كریێ ب كولانا بیرێن په‌ترولێ و ئه‌و هه‌موو سه‌رئێشانێن وێ دگه‌ل به‌غدا كرین ل شوونا وێ نیڤا ماندوبوونێ هه‌ڤكاریا كه‌رتێ چاندنێ كربایه باشتر بوو شوونا كو داخوازێ ل ئه‌ردوگانى بكه‌ت بو كیلویه‌كا له‌یموونان.
مرۆڤ بێى په‌ترول دژیت و ژیایه ژى به‌لێ بێى نان ناژیت و دێ ره‌زیل بیت ، و ل بیرا منه سه‌روكێ حكومه‌تێ دگوت : ( ئه‌گه‌ر كابینه‌یا داهاتى وه‌ربگرم دێ كه‌مه كابینه‌یا چاندنێ ) و ل بیرا منه هه‌تا نێزیكا هه‌شت ده‌فته‌رێن دولارى ئه‌گه‌ر شاش نه‌بم ددانه هه‌ر جوتیاره‌كێ هه‌تاكو بكارن بزاڤاخوه‌یا كه‌رتێ چاندنێ پێشبێخن ، به‌لێ وه‌كو هیگل دبێژیت : ( قانون بێ سزا چوو بهایێ خوه نینه ) و ئه‌و قانون و رێنمایێن بو ئه‌وان قه‌یران داناین و كارێ وان یێ دووڤچوونێ چو لى َهات و كى هاته سزادان ؟ ئه‌وێن كو ئه‌ڤ پاره وه‌رگرتى و داعیرایى كه‌س نوزانیت چو لێ هاتن یان كانێ یه به‌رهه‌مێ وان ؟ ئه‌رێ حكومه‌ت بوچى دووڤچوونێ بو ناكه‌ت ؟ ، و چه‌ند كه‌سان لگوندان خانو بۆ درستكرن هه‌تاكو ده‌ست ب چاندنێ و خودانكرنا ئاژه‌لان بكه‌ن ئه‌رێ كانێ یه و چو لێ هاتن و وان چوو چاندى یه ؟ب راستى بێسه‌روبه‌ریه‌كا زور ل ڤێ هه‌رێمێ هه‌یه و ئه‌ڤه زێده‌بارى حكومه‌تێ خه‌تانێن خه‌لكى ژى نه.
بناغێ درۆستكرنا ده‌وله‌تێ بتنێ په‌ترول و غاز نیه ، و هه‌رچه‌نده ئه‌ڤ یه‌ك وه‌كو ژێده‌رێ سه‌ره‌كیێ ب هێزه و د بورى دا و كارتێكرن هه‌بویه لسه‌ر گوهرینا سیاسه‌تا نیڤده‌ولى به‌رامبه‌ر هه‌رێما كوردستانێ ب تایبه‌تى د بابه‌تێن پشته‌ڤانیا راگه‌یاندنا ده‌وله‌ت و هه‌ڤكاریا هه‌رێمێ بو شه‌رێ دژى داعشێ و گه‌له‌ك سكته‌رێن دن ، به‌لێ دڤێت هرز دوێ یه‌كێ ژى دا بهێته‌كرن كو چه‌ندین وه‌لات هه‌نه ئێك دلوپا په‌ترول و غازێ ژى نینه و د رێزا وه‌لاتێن پێشكه‌فتیێن جیهانێ دایه.
ب رامانا هندێ كو ئێك رێزیا چاندنێ هه‌رده‌م دشیاندایه كو ئه‌م بێمه‌نتیێ د به‌رهه‌مێن ده‌رڤه‌دا د بارودوخێن ئالوزى و گرتنا سنووران ل وه‌لاتێن بیانى بكه‌ین شوونا په‌ترول و غازێ ، و مه گه‌رنتیا وزه‌یێ هه‌یه وهه‌رده‌ما مه بڤێت دكارین ده‌ربیین و بفروشین ، به‌لێ به‌رهه‌مێن وه‌كو نان ، ئاڤ ، كه‌سكاتى ، و مێوه ، كه‌رسته‌یێن پێشه‌سازیێ … هتد وه‌كو ژێده‌ره‌كى َدن یێ درۆستكرن و ئاڤاكرنا ده‌وله‌تێ نه و نابیت پشگوه ڤه بهێنه هاڤێتن.
حكومه‌تێ دكارى ئه‌و بودجا هنده‌یا زور كو ژ به‌غدا وه‌ردگرت و ل وێ په‌ترولا د فروتن پێدڤیێن كه‌رتێ پێشه‌سازى و چاندنێ هه‌ند د كه‌رسته‌یێن درۆستكرنێ و هه‌ند ژى د راهێنان و دابینكرنا بسپووران دا دابین كربانه هه‌تاكو توشى ئه‌ڤان رۆژان نه‌بین.
هه‌رێم خودانا زه‌ڤیێن ئێكجار باشه و ده‌ستى َكارى زوره و كه‌ش و هه‌وایێ وێ یێ گونجایه‌هه‌یه بو چاندنێ به‌لێ ب مخابنیڤه چو عه‌قلێن گونجاى نینه ، و كێم خه‌میا هه‌رێمێ بو كه‌رتێ چاندنێ د چاڤدێریكرنا هه‌فتیه‌كا سنووران دا بومه دیاربو .
پرسیار ئه‌وه ئه‌رێ ئه‌گه‌ر زێده‌تر سنوور بهێنه‌گرتن دێ بهایێ كه‌لوپه‌لان و كه‌سكاتى چوو لێ هێت یان ئه‌و حكومه‌تا ب هه‌زاران راوێژكارێن نه شاره‌زا هه‌یى ئه‌رێ بوچى ئه‌و راوێژكار هزرێ د ئه‌ڤان قه‌یرانان دا ناكه‌ت و پرۆژان بو به‌رهه‌ڤ ناكه‌ت ؟ یان ده‌زگه‌هێن مه‌یێن راگه‌یاندنێ هندى ب ئاریشه‌یێن سه‌روكاتیا هه‌رێمێ و په‌رله‌مانى و كێشه‌ێن دن یێن سیاسیڤه مژول بوچى هزر د ئه‌كته‌رناتیف و چاره‌سه‌ریا ئه‌ڤى بارودوخى نه‌كریه ؟ ئه‌رێ كیژان بو ده‌وله‌تێ ب بهاتر و گرنگترن په‌ترول یان له‌یمون.
كورمانجیكرن : نه‌وزد زاده هلۆرى:
نووترین پێزانین ل سەر کێمکرنا بهایێ ئەنترنێتێ
ئەڤرۆ نیوز، نەوزاد زادە:
بریارا کێمکرنا بھایێ ئەنترنێتێ حەفتیا داھاتی دێ کەفتیە دوارێ بجھکرنێ دا و سەرجەم کومپانی دێ ل دور ھویرکاریێن ئەڤێ بریارێ ھێنە ئاگەھدارکرن ، و کێمکرنا بھایێ وێ چوو گورانکاریان ژی لسەر کوالێتیا ئەنترنێتێ دا ناکەت.
رۆژا پێنجشەمبی ٧کانویا دوویێ وەزارەتا ڤەگوھاستن و گەھاندنا حکومەتا ھەرێما کوردستانێ د راگەیاندنەکێ دا بریارا کێمکرنا بھایێن ئەنترنێتێ ئاشکراکر کو نێزیکا دوو سالایە کار بو دھێتەکرن.
رۆژا دوشەمبی ٥ کانویا دوویێ د کۆمبوونەکی َدا لیژنا راوێژکاری یا وەزارەتا ناڤبری ب سەرپەرشتیا مەولود باوەموراد وەزیرێ ڤەگوھاستن و گەھاندنێ ب وەکالەت ئەڤ بریار دەرکر.
ل گورەی راگەھاندنەکا وەزارەتا ڤەگوھاستن و گەھاندنێ ژ بەر بەرچاڤ وەرگرتنا بارودوخێ دارایی َخەلکێ ھەرێما کوردستانێ داکو پرانیا وەلاتیان مفایی ژ خزمەتگوزاریێن ئەنترنێتێ وەربگرن ئەڤ بریار ھاتیە دەرکرن بەلێ ئاماژە ب ھورکاریێن بریارێ نەکریە.
ل بارا ئەڤێ بریارێ و ھوکاریێن وێ ئومێد محەمەد ئاخفتنکەرێ وەزارەتا ڤەگوھاستن و گەھاندنێ بۆ تورا میدیایی یا رووداوێ دیارکر کو ل دەستپێکا حەفتیا داھاتی دێ پەیوەندی ب سەرجەم کومپانیێن دابەشکرنا ئەنترنێتێ ھێتەکرن و دێ لسەر ھورکاری و کێمکرنا بھا و کوژمێ پارەێ ھاتیە داشکاندن ھێنە ئاگەھدارکرن.
لگورەی ئاخفتنێن ئومێد محەمەدی ئەڤ بریار بو سەرجەم کومپانیێن دابەشکرنا ئەنترنێتێ نە ب شێوەیەکێ گشتی کو دێ بھا ب رێژەیا ئێک لسەر سێ ھێتە کێمکرن ئانکو نھا کارتەکا ADSL یا نەوروز تیلیکوم ب ٦٠ ھزار دینارایە دێ ب ٤٠ ھزار دینارا ھێتە فروتن ، بەلێ بو وان کارتێن ئەرزان ب زەحمەتە ب وی شێوەی بھێتە کێمکرن و دێ کێمتر بیت.
ل ھەرێما کوردستانێ ٢٦ کومپانی دوارێ ئەنترنێتێ دا کاردکەن کو ئەو ژی کومپانیێن خزمەتگوزاریێن ئەنترنێتێ نە ب سیستەمێ VSAT تورا بێ وایرە WiMAX و LTE پێکدھێن.
ل کوردستانێ بریار و قانون زور دھێنە دەرکرن بەلێ کێم ژ وان دچنە دوارێ بجھکرنێ دا و لایەنێن پەیوەندیدار پێگریێ پێ ناکەن ، و د بەرسڤا ڤێ پرسیارێ دا ئومێد محەمەدی گۆت : ( ھەر کومپانیەکا دابەشکرنا ئەنترنێتێ ب ڤێ بریارێ پێگیرنەبیت دێ ھێتە سزادان و سزا ژی دائێخستنا کومپانیێ یە )
ژلایێ خوڤە فاتح ئیسماعیل رێڤەبەرێ گشتیێ پەیوەندی و راگەیاندنا کومپانیا نەوروز تیلیکوم ل بارا بریارا وەزارەتا ڤەگوھاستن و گەھاندنێ بۆ تورا میدیایی یا رووداوێ دیارکر کو چوو پرسیار ل بار ڤێ یەکێ ب کومپانیا وان نەھاتینەکرن و دبریارێ ژی دا رون نەکریە کا ئەوان چوو مەرەم پێ ھەیە و دی چەوان ھێتە بجھکرن )
ل بارا وێ یەکێ کا ئەرێ کومپانیا وان چەند پێگریێ ب بریارا وەزارەتێ کەت رێڤەبەرێ گشتیێ پەیوەندی و راگەیاندنا نەوروز تیلیکوم گۆت : ( ئەگەر پرسیار ل مە ھاتەکرن و ئەم ئاگەھدارکرین لسەر کێمکرنا بھا و ھورکارێن بریارێ ئەم ژی وەکو کومپانیا دێ لسەر ڤێ یەکی َدگەل وەزارەتێ ئاخڤین و ئەگەر ئەڤ بریار د بەرژەوەندیا مە و وەلاتیاندا بیت ئەم دێ پێگیریێ پێ کەین ژبەرکو دڤێت بریار بەلانسی َدناڤبەرا وەلاتیان و کومپانیێ راگریت )
جاره‌كا دى ده‌وله‌تا قانوونێ هێرشى هه‌رێمێ و بارزانى كر
ئه‌ڤرۆ نيوز:
په‌رله‌مانتاره‌كێ ده‌وله‌تا قانوونێ داخواز دكه‌ت په‌رله‌مان و حكۆمه‌تا عيراقێ كار ژ بوو ژناڤبرنا پشكا هه‌رێما كوردستانێ ژ بوودجێ گشتيێ عيراقێ بكه‌ت و داخوازا ده‌ركرنا كوردان ژى ژ به‌غدا دكه‌ت.
عه‌بدولسه‌لام مابكى ئه‌ندامێ هه‌ڤپه‌يمانيا ده‌وله‌تا قانوونێ ل جڤاتا نوونه‌رێن عيراقێ راگه‌هاند: دياره هه‌رێما كوردستانێ پشتى ژناڤچوونا سه‌دامى، باوه‌رى ب عيراق و ڤيانێ بۆ عيراقێ نه‌مايه، ژ به‌ر هندێ نابيت رێكه‌تنا نوو ل گه‌ل به‌غدا بكه‌ن. دڤێت پشكا هه‌رێمێ ژ 17% بهێته كێمكرن و حوكمه‌ته‌كا نوو ل عيراقێ بهێته دروستكرن. ئه‌و ژى يا بێ پشكداريا هه‌رێما كوردستانێ بيت.
ب گۆتنێن ڤى په‌رله‌مانتارى، عيراق زۆر يا ژ سه‌ركردێن كورد بێزا بووى و نه‌ڤيت د حوكمه‌ت و جڤاتا نوونه‌رێن عيراقێ دا پشكدار بن و دڤێت ژ نه‌خشێ سياسى يێ عيراقێ د دوور بن.
مالكى گۆتژى: “نوكه بارزانى به‌حس ل راپرسيێ و جودابوونێ ژ عيراقێ دكه‌ت، ژ به‌ر هندێ هندى زووتره ژ مه جودا ببن باشتره”، ئاماژه ب وێ چه‌ندێ ژى كر كو سه‌رۆكێ هه‌رێما كوردستانێ ب وێ چه‌ندێ تۆمه‌تبار دكه‌ت كو پشكه‌كا زۆر ژ ئه‌ردێ عيراقێ داگير كريه كو مه‌ره‌ما وى پێ ده‌ڤه‌رێن كوردستانى يێن سنورى يێن هه‌ردو پارێزگه‌هێن نه‌ينه‌وا و كه‌ركووكێ يه.
پێشمه‌رگه‌ی گورزه‌كا كوژه‌ك ل داعش دا
ئه‌ڤرۆ نیۆز، قائید میرۆ
شه‌ڤا بۆری ل میحوه‌رێ رۆژئاڤایێ كه‌ركووكێ پێشمه‌رگه‌ی هێرشه‌كا تیرۆرستێن داعش تێكشكاند و هژماره‌ك تیرۆرست هاتنه كوشتن.
دكتۆر كه‌مال كه‌ركووكی، به‌رپرسێ میحوه‌رێ رۆژئاڤایێ كه‌ركووكێ ب ئه‌ڤرۆ نیۆز راگه‌هاند” شه‌ڤا بۆری چه‌كدارێن داعش ل میحوه‌رێ رۆژئاڤایێ كه‌ركووكێ، هێرشه كره سه‌نگه‌رێن پێشمه‌رگه‌ی ل هه‌ردو گوندێن گوبه و غه‌رره، به‌لێ پێشمه‌رگه‌ی ب توندی به‌رسڤا چه‌كدارێن داعش دا و شیان هێرشا تیرۆرستان بێده‌نگ بكه‌ن.
كه‌ركووكی گۆتژی” پشتی هه‌والگه‌ریا میحوه‌ری جهێ داعش ده‌ستنیشانكری، فڕۆكه‌یێن هه‌ڤپه‌یمانان بوردۆمانا چه‌كدارێن داعشكرو د ئه‌نجامدا هژماره‌ك چه‌كدارێن داعش هاتنه كوشتن و رێژه‌یه‌كا زۆرا چه‌ك و ته‌قه‌مه‌نی و ترۆمبێلژی هاتنه ژناڤبرن.
سوارێز هاته راگرتن
ئه‌ڤرۆ نيوز:
فيدراسيونا ته‌پا پێ يا ئسپانيا ئه‌ڤرۆ بريارا راگرتنا لويس سوارێز ياريكه‌رێ يانا به‌رشه‌لونه ده‌ركرد كو دێ بۆ ماوێ دو ياريان ل كاسا شاهێ ئسپانبا بهێته راگرتن.
سزادانا سوارێز ژ به‌ر هندێ بوويه كو پشتى ياريا به‌رشه‌لونه و ئسپانيول، ژ كاسا شاهێ ئسپانيا، ئاخفتنێن نه ژ هه‌ژى گوتنێ گوتبوونه ياريكه‌ره‌كێ ئسپانيول.
ڤيديو: ل ده‌مێ كوريا باكوور ساروخه‌كا هيدروجيني تاقى دكه‌ت، ل چينێ ئه‌رد دهه‌ژيت
بھایێ مریشکا دێ گران بیت
ئەڤرۆ نیۆز، قائید میرۆ
حوکمەتا ھەرێما کوردستانێ ئینانا مریشکێن بیانی بۆ نیڤا رێژا نوکە کێم دکەت و بەرپرسەکێ وەزارەتێ ژی دبێژیت، ئەگەر مریشکێن دەرڤە بھێن دێ جووتیارێن نافخۆ زەرەرمەند ببن.
دکتۆر ئەنوەر عومەر، رێڤەبەرێ گشتیێ پلاندانانا وەزارەتا چاندنێ ب ئەڤرۆ نیۆز راگەھاند” ب ئەگەرێ ھاتنا مریشکێن بیانی بۆھەرێما کوردستانێ بھایێ مریشکا لبازاڕێن ھەرێما کوردستانێ بشێوەیەکێ بەرچاڤ داکەتیە و بۆیە ئەگەرێ زیانگەھاندنێ ب بەرھەمێ خۆمالی.
دکتۆر ئەنوەری گۆتژی” بڕیارھاتیەدان ئینانا مریشکێن بیانی بۆھەر پارێزگەھەکێ بھێتە کێمکرن ئەوژی بۆ رێژا 50%ی ھەتا جووتیارێن نافخۆ زیان ڤێنەکەڤیت و بھایێ مریشکا ئەرزانتر نەبیت.
نيشاندان
WP Facebook Auto Publish Powered By : XYZScripts.com