ئه‌ڤرۆ نیوز:
د بڕیاره‌كا نوو یا زانكۆیا دهۆك، دا، رۆژنامه‌ڤان بێوار موسا ل شوونا رۆژنامه‌ڤان خدر دوملى دبیته رێڤه‌به‌رێ راگه‌هاندنا زانكۆیا دهۆك،
بێوار موسا به‌كالوریوس ب راگه‌هاندنێ ل زانكۆیا به‌غدا – كولیژا راگه‌هاندنێ – به‌شێ روژنامه‌ڤانى، ل سالا 2006-2007 ب دووماهى ئینایه و 2009 ل رێڤه‌به‌ریا راگه‌هاندنێ ل زانكۆیا دهۆك هاتیه دامه‌زراندن،ئه‌ندامێ ده‌سته‌یا نڤیسه‌رانه ل گوڤارا (په‌یاما زانكۆ)، وانه‌یێن پراكتیكى لپه‌یمانگه‌ها ته‌كنیكى كارگێرى دهۆك، پشكا روژنامه‌ڤانێ گوتینه
ئەڤرۆ نیوز:
گەلەک جاران ھەڤژین پرسیار دکەن کا بۆچی حەزا سیکسی نینە؟ گەلەک ئەگەرێن ھەین ڤالاتیێ دئێخنە ھەڤبەندیا ھەڤژینان، ب تایبەت ژی ھەڤبەندیا سیکسی.
ئەڤە ژی ئەو تشتن دڤێت خوە ژێ دوور بکەی:
1- دودلی.
2- ھەبوونا گەلەک دوبەرەکیان: سەرەرای کو ھندەک ئاریشێن رۆژانە و حەزا سیکسی ژ ئێک جودا دکەن، بەلێ ل دوماھیێ باندۆرێ دکەت.
3- خرابیت پەروەردەیا سیکسی دبیتە ئەگەرێ نەمانا حەزێ، چونکو ئێک ژ ھەردویان د لەشێ خوە و یێ ئالیێ دی ناگەھیت و نەشێت حەزێن خوە بجھبینیت و چ تامێ ژی ژێ نابینیت.
4- رژدبوونا ئالیەکێ بۆ ئەنجامدانا سیکسی، ئالیێ دی دێ ژێ رەڤیت و حەزا وی خاڤ دبیت، چونکو بابەت دبیتە زۆری.
5- نەباوەریا ئالیەکێ ب خوە، حەزا خوە ژ دەست ددەت.
6- ھەکە تو چاڤەرێ گەلەک تشتان بی د ھەڤبەندیا سیکسی دا و تو نەگەھیێ، دێ حەزا تە کێم بیت، بزاڤێ بکە ھزرێن خوە نزم بکە.
7- رۆتین د کریارا سیکسی دا مەزنترین دژمنێ حەزا سیکسیە، بزاڤێ بکە خوە نووژەن بکە.
8- نەگەھشتنا خۆشیێ، یان ئێشان ژ ئەگەرێ لڤینا ئالیێ دی دبیت حەزا تە کێم بکەت، نەڤەشێرە و ئاشکرایی بێژێ.
9- دەرمانێن زارۆ نەبوونێ یێن ھورمۆنی حەزێ دکوژن.
10- کێم ئاخفتن و نە دەربرین ژ حەز و ھەستان، دژمنەکێ دیێ مەزنە بۆ سیکسی.
ئه‌ڤرۆ نيوز، فاتما مزوورى:
د كاره‌كا ئه‌ندازه‌ى و جوان دا، كه‌سه‌كى د ناڤبه‌را دو ئاڤاهيان دا ب ده‌ليڤه ديتيه و ديزاينه‌كا جوان بۆ خانيه‌كى كريه كو دهێته هژمارتن بچووكترين ئاڤاهى ل جيهانێ.
ئه‌ڤ ئاڤاهيه ب فره‌هيا خوه مه‌تر و نيڤه و ب بلنداهيا دو ئاڤاهيه و روويێ گشتيێ ڤى ئاڤاهى دگه‌هيته 14 مه‌تر و نيڤێن چارگۆشه.
ئه‌ڤرۆ نیو:
په‌یڤدارێ هه‌ڤپه‌یمانیا نێڤده‌وله‌تى دژى داعش راگه‌هاند د ئوپه‌راسیونا كونترولكرنا مووسل دا دێ 200 سه‌ربازێن ئه‌مریكى پشكداربن.
ستیف وارن په‌یڤدارێ هه‌ڤپه‌یمانیا نێڤده‌وله‌تى دژى داعش راگه‌هاند راگه‌هاند وان رازیبوونا حوكمه‌تا عیراقێ وه‌رگرتیه و دێ د ئوپه‌راسیونا كونترولكرنا موسل دا هلیكوپته‌رێن ئاپاچى ب كارئینن و دێ 200 سه‌رباز ژى پشكداربن.
ئه‌ڤرۆ نيوز:
شيره‌تكارێ جڤاتا ئاسايشا هه‌رێما كوردستانێ راگه‌هاند كو حوكمه‌تا عيراقێ شكه‌تن يا ئيناى و كورد كار بۆ ريفراندوم و دروستكرنا ده‌وله‌تێ دكه‌ن.
مه‌سرۆر بارزانى د گۆتاره‌كێ دا كو دوهى رۆژا پێنجشه‌مبى د رۆژناما وانشنتۆن پۆست دا به‌لاڤكريه، به‌حس ل وێ چه‌ندێ كريه كو كورد ئێك ل سه‌ر سێ يا عيراقێ پێكدئينن، ده‌وله‌تا عيراقێ شكه‌ستن يا ئيناى و هه‌ر ژ ده‌سپێكێ ژى ب زۆرى پێكڤه هاتيه گرێدان و نوكه ژى دو سال ل سه‌ر ده‌سته‌لاتا پشكه‌كا زۆرا عيراقێ و 13 سال ب سه‌ر ژناڤچوونا رژێما سه‌دام حسێن دا بۆرين، هێشتا عيراق سه‌ركه‌فتى نه‌بوويه و نه‌شێت ژى گيانێ وه‌لاتيان ب پارێزيت.
د پشكه‌كا دى يا نڤيسينا خوه دا ئاماژه ب وێ چه‌ندێ كريه كو نوكه عيراق ده‌وله‌ته‌كا شكه‌ستخوارى يه و كورد كار بۆ ريفراندۆم و دورستكرنا ده‌وله‌تا خوه دا خودان سه‌روه‌رى دكه‌ن.
مه‌سرۆر بارزانى ئاماژه ب وێ چه‌ندێ ژى دايه كو دورستكرنا ده‌وله‌تا كوردى ب تنێ هيڤى به‌خش نابيت بۆ كوردان به‌لكو دێ ده‌سپێكه‌ك بيت بۆ پارڤه‌كرنا هه‌موو عيراقێ و كورد ژى پشته‌ڤانيێ ل هه‌ڤسويێن خوه دكه‌ت و د ماوێ رابۆرى دا چه‌ندين جهـ ژ ده‌ستێ داعش وه‌رگرتينه كو ده‌ڤه‌رێن عه‌ره‌بى نه.
شيره‌تكارێ جڤاتا ئاسايشا هه‌رێما كوردستانێ د پشكه‌كا دى يا گۆتارا خوه دا دبێژيت: ” د ماوێ دو سالێن بۆرى دا كوردستانێ ده‌رگه‌هـ يێ بۆ مليۆنه‌ها ئاواران ڤه‌كرى، نوكه ژى ده‌رگه‌هێ كۆنترۆلكرنا مووسله و ئه‌و ئاوارێن مه‌سيحى يێن ژ به‌غدا و مووسل ره‌ڤين يێ ل هه‌رێما كوردستانێ”.
به‌حس ل شكه‌ستنێن بزاڤێن به‌رێ يێن ناڤبه‌را هه‌ولێر و به‌غدا دكه‌ت و دبێژيت: “چو مانايه‌ك بۆ پێكڤه‌ژيانێ ل عيراقێ نه‌مايه، مه هه‌موو تشت ل گه‌ل حوكمه‌تا ناڤه‌ندى كرن، به‌لێ چو ئه‌نجام نه‌بوون، رێيا ئێكانه يا ماى سه‌ربه‌خۆيه”.
ئەڤرۆ نیوز،زنار تۆڤی:
لولەیەک ل سەر زۆربەیا وایرێن شەحنێ دھێتە دانان،لەورا زۆربەیا کەسان نزانن کابۆچی و ژبەر چ دھێتە دانان.
ڤێ لولەیێ چەند نھێنی تێداھەنە،ب زۆربەیا وایرێن شەحنێ ڤە ھەنە،بتایبەتی وایرێن شەحنا ھەمی لاپتۆپان ئەڤ لولەیە پێڤە ھەیە،ئەڤەژی ئێکە ژ گرنگترین پارچێن لاپتۆپی.
ئەڤ لولە ژ گرنگترین پارچێن لاپتۆپی دھێتە ھژمارتن،چونکی وایێرا شەحنێ و لاپتۆپی ژی دێ ژ ھەموو روودانێن نەخواستی پارێزیت،ھەروەسا ناھێلیت کێمبوون و زێدەبوونا کارەبێ کاریگەریێ بێخیە سەر لاپتۆپێتە.
ئێکێ دی ژ تایبەتمەندیێن ڤ لولەیێ ئەوە کو ناھێلیت چ شەپۆلێن ب ھێزێن کارەبێ،کاریگەریا خراب بێخیتە سەر لاپتۆپێ تە،لەورا ئەڤ لولە ب گرنگترین پارچا لاپتۆپی دھێتە ھژمارتن.
ئه‌ڤرۆ نيوز:
ب گۆره‌ى ئه‌و پێزانينێن ميديايێن عيراقێ ژ ژێده‌رێن سه‌ر ب لايه‌نێن شيعه‌يان ڤه ڤه‌گوهاستين، لڤينێن پێكهاتێن ناڤ هه‌ڤپه‌يمانيا نشتيمانى بۆ لادانا حه‌يده‌ر عه‌بادى سه‌رۆك جڤاتا وه‌زيران و دانانا كه‌سه‌كێ دى ل جهێ وى ده‌سپێكريه و بۆ ڤێ مه‌ره‌مێ ژى چار كه‌س بۆ جهێ وى هاتينه ده‌ستنياشنكرن.
گوهۆڕينا سه‌رۆكێ جڤاتا وه‌زيرێن عيراقێ ب به‌هانه‌يا وێ چه‌ندێ كو نه‌شيايه ب ره‌نگه‌كێ دروست وه‌لاتى ب رێڤه ببه‌ت و د چاكسازيێن حوكمه‌تێ ژى دا شكه‌تن ب ده‌ست خوه ڤه ئينايه، ديسا هه‌لكرانا چرايێ كه‌سك ل به‌رامبه‌ر ئه‌مريكا و رازيبوونا ئيرانێ ژى ل سه‌ر ڤێ بڕيارێ.
ب هێلانا جهێ خۆنيشاندانان ژ لايێ ته‌ڤگه‌را سه‌در و بايكوتكرنا كۆمبوونێن جڤاتا نوونه‌رێن عيراقێ ژ لايێ كوتلا ئه‌حرار يا سه‌ر ب سه‌در ڤه و خوه‌دانه‌لايه‌كى ژ هه‌ڤپه‌يمانيا نشتميانى بوويه ئه‌گه‌ر كو شوونگره‌كێ دى بۆ عه‌بادى بهێته دانان.
ب گۆره‌ى ئه‌و پێزانينێن ل به‌ر ده‌ست هه‌ر ئێك ژ عادل عه‌بدولمه‌هدى و هادى عامرى و سالح فه‌ياز و عيماد خه‌رسان هاتينه ده‌ستنيشانكرن، شيعه و ئيران ل گه‌ل وێ چه‌ندێ نه عادى عامرى بيت، به‌لێ مالكى و هه‌ڤالێن خوه عادل عه‌بدولمه‌هدى به‌ربژێر كريه، عيماد خه‌رسان ژى كه‌سه‌كێ نێزيكى سيستانى يه.
ئه‌ڤرۆ نيوز:
فراكسيۆنێن كوردى بڕيار دا بێ ره‌زامه‌ندى و بڕيارا سه‌ركرداتيا سياسى يا كوردستانى نه‌ڤه‌گه‌رنه به‌غدا و پشكدارى كۆمبوونێن جڤاتا نوونه‌رێن عيراقێ نه‌كه‌ن، پارتى ژى شتى كۆمبوونا سه‌ركرداتيێ لژنه‌كا هه‌ڤپشك پێكئينا بۆ سه‌ره‌دانكرنا لايه‌نێن سياسى.
شڤێدى 5ى گۆلانا 2016ێ فراكسيۆنێن كوردى ل باژێرێ سلێمانيێ كۆمبوون و بڕيار دا بێ بڕيارا سه‌ركرداتيا سياسى يا كوردا نه‌ڤه‌گه‌رنه به‌غدا.
جڤاتا سه‌ركرداتيا پارتى ژى د كۆمبوونا رۆژا پێنجشه‌مبى دا بڕيار دا كو لژنه‌كێ پێكبينن بۆ سه‌ره‌دانكرنا لايه‌نێن سياسى بۆ ئه‌نجامدانا ريفراندۆمێ، به‌لێ بزاڤا گۆڕان ره‌تدكه‌ت پێشوازى ل لژنا پارتى بكه‌ت هه‌تا كو سه‌رۆكێ په‌رله‌مانى و وه‌زيرێن وێ نه‌ڤه‌گه‌رنه سه‌ر كارێن خوه.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئه‌ينى رێكه‌فتى 7ى گۆلانا 2016ێ ئه‌سمان دێ ژ ئه‌وره‌كێ ناڤجى بۆ ئه‌ورێ ته‌مام هێت گوهۆڕين ئه‌گه‌رێ بارانه‌كا كێم ل ده‌ڤه‌رێن چيايى يێن سنورێ پارێزگه‌هێ هه‌يه و ئه‌گه‌رێ توزه‌كا سڤك ژى يێ هه‌ى.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ به‌رده‌واميا كارتێكرنا فشارێن نزمێن كه‌نداڤێ عه‌ره‌بى بۆ سه‌ر هه‌رێما كوردستانێ دهێته پێشبينيكرن ئه‌سمان ژ ئه‌وره‌كێ ناڤجى بۆ ئه‌ورێ ته‌مام هێت گوهۆڕين ئه‌گه‌رێ بارانه‌كا كێم ل ده‌ڤه‌رێن چيايى يێن سنورێ پارێزگه‌هێ هه‌يه و ئه‌گه‌رێ توزه‌كا سڤك ژى يێ هه‌ى.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 10 هه‌تا 20كم دا و هنده‌ك و ماوێ ديتنێ ژى دێ 8 بۆ 9كم بيت، پلێن گه‌رمێ ژى دێ د ناڤبه‌را (15 بۆ 29) پلان دا بيت.
نيشاندان