ئەڤرۆ نیوز:
سەروک وەزیرێ وەلاتێ ئیتالیا راگەھاند ئەو دێ راھێنەرێ ئیتالی یێ یانا لیستەر سیتی کلاودیو رانێری ب مەدالیا زێری یا تایبەت یا وەلاتێ ئیتالیا خەلاتکەت وەکو رێزگرتن بۆ ناسناڤێ برنا خولا ئینگلتەرا .
ماتیو رینزی سەروک وەزیرێ ئیتالیا د دیدارەکا خوە یا ئەڤرۆ دا بۆ رادیویا ئیتالی دیارکر رانێری یێ ھەژی ڤێ مەدالیێ یە ژبەرکو ئەو پەیامەکا مەزن گەھاندە ھەمی جیھانی بۆ ناڤێ وەلاتێ ئیتالی کو کەسەکێ ئیتالی شیا بۆ جارا ئێکێ دیروکا یانەکێ دا د رەوشەکا نورمال دا ھەڤرکیا یانێن مەزن بکەت و پێدڤی یە ھەردەم باوەری ب وێ چەندێ ھەبیت خەونێن ب زحمەت گەلەک جاران دبنە راستی.

ئەڤرۆ نیوز:
راھێنەرێ ئیتالی و یێ یانا ریال مەدرید یێ بەری نوکە کارلوس ئەنشلوتی ھوشداری دەتە یانا ریال مەدرید بۆ یاریا ئەڤ شەڤە کو ئاگاداری ھێرشبەرێ یانا مانچستەر سیتی یێ ئەرژەنتینی سێرجیو ئەگوێروی بن کو ئێک ژ مەترسیترین یاریکەرە د پێکھاتیێ یانا مان ستی دا راستە ل ھەشت یاریێن بوری دا دو گول تومارکری نە لێ ئەڤە وێ چەندێ نا گەھینت کو شیانێن وی کێمن و ئەگوێروی ھەر دەمێ دەلیڤەیا خوە دیت ب سانەھی دێ شێت گولێ توماربکەت.
ناڤبری زێدەتر دیارکر ژی ل یاریا ئێکێ دا پیکی و راموس ب تمامی شیابوون ئوگوێروی کونترول بکەن و ھیڤیا وی ئەوە ڤێ یاریێ ژی ھەردو یاریکەر بشێن کونترولا وی بکەن لێ یا ب سانەھی نەبیت بۆ بەرەڤانێن ریال مەدرید یاریا ئەڤ شەڤە.

ئه‌ڤرۆ نيوز:

ئەڤرۆ نیوز:
ئێکەتیا تەپا پێ یا یویفا و فیفا یێن نیڤدەولی ب فەرمی دانپێدان ب خول و ھەلبژارتیێ تەپا پێ یێ کوسوڤو کر بۆ پشکداری کرنێ د قارەمانیێن ئورۆپا و جیھانی دا کو ل کومبوونا خوە یا دووماھیێ دا ب فەرمی راگەھاندی وەکو ئەنداما پێنجی و پێنجێ .
ھەلبژارتیێ کوسوڤو وەکو ئەندام ھاتە ھەلبژارتن پشتی ل کومبوونا دووماھیێ یا یویفا شیای ٢٨ دەنگان ب دەستخوڤە بینت و ٢٤ دەنگان رەتکر کوسوڤو بیتە ئەندام ل یویفا و پشتی ماڤێ دەنگدانێ وەرگرتی ئێکەتیا نیڤدەولی یا فیفا و ئورۆپی دیارکر ھەر قارەمانیەکا بھێت ل ماوێ بھێت ھەلبژارتیێ کوسوڤو دێ ماڤ ھەبیت پشکداریێ تێدا بکەت و ھەردیسان ل ڤاڤارتنێن بھێت یێن یورۆ موندیالا جیھانی یێن بھێت دێ ماڤێ پشکداریێ ھەبیت.

تومیسلاف کارادزیتش سەروکێ ئێکەتیا تەپا پێ یا سربیا دیارکر ئەڤ بریارە ھەتا رادەیەکی نە یا جھێ خوە دایە ژبەرکو کوسوڤو نە وەلاتەکێ سەربەخویە ل جیھانێ ھەمی و بتنێ سەربەخویا خوە ژ سربیا وەرگرتی یە .