ئه‌ڤرۆ نيوز:

دەرمانێن کوخکێ و پەرسیڤی: دەمێ پتریا خەلکی تووشی پەرسیڤی دبن، ژبۆ چارەسەریێ پەنایێ دبنە ب کارئینانا دەرمانێن وەکو شەکرۆکا کو بێھنەک و تامەک خوش ھەیە، ب ھزرا وان ئەڤ دەرمانە دێ جوبارێن ھەناسێ ڤەکەن و ئێشان و سوتنێ کێم کەن، و ژبەرکو دگەل پەرسیڤێ سەرئێشان و ئێشانا ماسولکان ژی پەیدادبیت، لەورا دروستە نەخوش حەبەکێ یان دو یێن ئەسپرین ب کاربینیت.
بەلێ ھندی مرۆڤ پێکولێ بکەت ب ئاگەھی کو ژ قورچێن دەستنیشانکری نەبورینیت، ھەلبەت د گەلەک دەمان دا نەشێتە خۆ و دێ پترێ وەرگریت، یان یێ ئامادەیە کو پترێ وەربگریت و ئەگەرێ ڤێ چەندێ ئەوە کو پتریا دەرمانێن بۆ پەرسیڤێ دھێنە دان پێکھاتینە ژ دەرمانێن دژی کوخکێ و ھندەک دەرمانێن ئێشکێمکرنێ و دیسان دەرمانێن کوخکێ ژی پێکھاتینە ژ دژی سوتنا دفنێ و ئێشکێمکرنێ ژی.
لەورا خەلک نزانن کو ئێک دەرمان ژێدەرێ چارەکرنا گەلەک نەخۆشیانە و ل ڤێرێ مرۆڤ سەرپێچیێ دکەت، و سەرپێچی کارەکێ ب زیانە، دەرمانێن دژی سوتنا دفنێ بۆ نموونە ھەکە تە پتر ڤەخوار رەنگە تووشی بێئارامیا دەماران یان بلندبوونا فشارا خوینێ ببی.
ھەروەسان ب کارئینانا پتر ژ ژێدەرەکی ژ دەرمانێن ئێشکێمکرنێ رەنگە دەنگ ژ گوھێن تە بھێن و ھەردەم خەوا تە بھێت و خوارنا تە ب دروستی ھەرس نەبیت.
یا ژ ڤێ ھەمیێ ب مەترسیتر ئەوە کو نەخوشەک گەلەک دەرمانان بۆ نەھێلانا نیشانێن پەرسیڤی ب کاربینیت، ب تایبەت ھەکە دگەل دا دەرمانێ، دژی بلندبوونا فشارا خوینێ ژی ب کاربینیت یان دەرمانێن دژی خەموکیێ، ئەو دژە زیندەوەرە رەنگە پێکڤە کاریگەریێ بکەن و ئێک بگرن و بلندبوونەکا مەزن بکەڤیتە فشارا خوینێ.

ئه‌ڤرۆ نيوز:

ل وەرزێ زڤستانێ پلێن گەرمیێ نزم دبن و نەساخیێن گرێدای سەرمایێ بەربەلاڤ دبن دناف خەلکی داو بەربەلافترین نەساخیێن ڤی وەرزی و رێکێن خو پاراستنێ دێ دیارکەین:

ئێشانا گەوریێ:

بەلاعیم ئێک ژ نەساخیێن بەربەلاڤێن وەرزێ زڤستانێ یە، ئانکو ئاریشەکە کو بارا پتر پشتی توشبوون ب ڤایروسەکی دیاردبیت ، گەلەک بەلگە ھەنە کو گوھۆرینێن پلا گەرمیێ ھەروەک چوونا مروڤی ژ جھەکێ گەرم وەک مالا مروڤی بۆ ژدەرڤە کو پلا گەرمیێ یا نزمە دێ شێت مرۆڤی تووشی ئەڤێ نەساخیێ کەت.رێکەکا ب ساناھی و بلەز بۆ چاکبوونا گەوی ئێشانێ ھەیە، ئەوژی ب کارئینانا ئاڤا خوێ و زڤراندنا وێ دگەویێ دا و ئەف کارە دبیتە ئەگەرێ پاقژبوونا گەوریێ و ھەروەسا تایبەتمەندیا دژایەتیکرن ئانکو چارەکرنا ھەودانا گەویێ ھەیە و کاریگەریەکا باش ھەیە، و شیرەت دھێتە کرن کو ھیچ کەسەک سەربخو (ئەنتی بایوتیک)ئانکو دەرمانا ب کار نەئینیت.

رەبۆ (بھێن تەنگی):

ئاڤ و ھەوایێ سار ئێک ژ کاریگەریانە بۆ پتر دیاربوونا نیشانێن ئەڤێ نەساخیێ وەک خرخرا سنگی و بێھن تەنگی بوویە کەسێن ھەلگرێ ڤێ نەساخیێ پێدڤیە وەرزێ زڤستانێ پتر خۆ ب پارێزن ژ سەرمایێ باشترە کو کەسێ توشبوویێ ڤێ نەساخیێ دوان روژێن کو پلا گەرمیێ زور یا نزمە و ھروبا ھەیە ل مال دەرنەکەڤن لێ ئەگەر دەرکەفتن ل دەمێ دەرکەفتنێ باشترە کو شالەکێ ب کاربینن بۆ پاراستنا دەڤ و دفنێتن خۆ ژ ھروبای و ھەوایێ سار و ھەروەسا ل ڤان جورە روژان دەرمانێن خۆ ب رێک و پێک ب کاربینیت.

ھشکبوونا پیستی:

ھشکبوونا پیستی ئاریشەکا بەربەلاڤە ل وەرزێ زڤستانێ پیستێ لەشێ مروڤی ب تایبەتی سەروچاڤ و دەست پێدڤیە ژ ھشکبوونێ بھێتە پاراستن، پتریا خەلکی ھندەک کرێمان ب کاردئینن بۆ پاراستنا پیستی ژ ھشکبوونێ کو ئەڤ کرێمە پیستێ مروڤی ژ ھەلمبوونا تەراتیا سروشتی یا پیستی دپارێزیت، بوویە باشترین دەم بۆ بکارئینانا ڤان جورە کرێمان پشتی سەرشووشتنێ یە کو ل وی دەمی پیستێ لەشێ مروڤی تەراتیا پێدڤی ھەیە.

پەرسڤ( ئەنفلاوەنزا):

پەرسیف ئێکە ژ ئاریشێن دیتر یێن وەرزێ سەرمایێ کو کەسێن ژیێ وان سەر 65 سالیێ دا ھەروەسا کەسێن کو نەساخیێن درێژ خایەن وەک ئێشا شەکرێ و نەساخیا گولچیسکا ھەین پتر ژ کەسێن دیتر ئەگەرێ توشبوونا وان ھەیە ب ڤێ نەساخیێ .

تاکو ئەڤ نەساخیە زوو بھێتە چارەسەرکرن پێدڤیە کو نەساخ زوو قەستا نوشداری بکەت و ئاموژگارێن نوشداری پەیرەو بکەت.