ئه‌ڤرۆ نيوز:
ب هه‌لكه‌فتا 1 ئايارێ، رۆژا جيهانيا كرێكاران، مه‌سعود بارزانى سه‌رۆكێ هه‌رێما كوردستانێ، راگه‌هاند: پێدڤيه هه‌موو لايه‌ك پشته‌ڤانيا ماف و داخوازيێن كرێكاران بكه‌ين ل هه‌ردو كه‌رتێن تايبه‌ت و گشتى دا.
سه‌رۆك بارزانى پيرۆزباهيێن خوه ئاراسته‌ى كرێكارێن كوردستانێ و جيهانێ كريه و دياركريه ئه‌و ولات دشێت ژ ئاليێ ئابوورى ڤه پێشبكه‌ڤيت كو كرێكارێن وێ ب ئاسوده‌يى بشێن خزمه‌تا وه‌لاتى بكه‌ن.
ئه‌ڤرۆ نيوز:
نورى مالكى سه‌باره‌ت هێرشكرنا سه‌ر په‌رله‌مانێ عيراقێ د تويته‌كێ دا هه‌لويستێ خوه دياركريه و راگه‌هانديه:ئه‌ڤه چ چاكسازى نه ل ژێر گه‌فێن چه‌كى دا بيت، و رێگرى ل په‌رله‌مانتاران بهێته گرتن كو بچنه ناڤ هولا په‌رله‌مانى و بوچوونێن خوه ده‌رببرن.
ئه‌ڤرۆ نيوز:
حه‌يده‌ر عه‌بادى سه‌رۆك وه‌زيرێن عيراقێ داخواز ژ خونيشاده‌ران كر كو ڤه‌گه‌رنه وى جهێ ئه‌و جهێ بۆ وان هاتيه دياركرن بۆ خونيشادانان و رژدى ل سه‌ر وێ يه‌كێ كر كو به‌غدا يا ل ژێر كونترولێ دا.
عه‌بادى پشتى روودانێن په‌رله‌مانێ عيراقێ يێن ئه‌ڤرۆ كو خونيشاده‌ر چووينه د ناڤ ئاڤاهيێ په‌رله‌مانى دا، به‌ياننامه‌ك به‌لاڤكر و تێدا داخواز كر كو خونيشاده‌ر ڤه‌گه‌رنه وى جهێ كو بۆ وان هاتيه ده‌ستنيشانكرن بۆ خونيشادانان.
ئەڤرۆ نیوز:
ل ئه ینیا بوری و وه کو روژنامه ڤانه کێ ئه ندام د سه ندیکا روژنامه ڤانێن سویسری دا..داخازنامه کا فه رمی ژ لایێ وێ سه ندیکایێ ڤه بو روژنامه ڤانێ کوردێ باژێرێ دهوکێ ئازاد گوله یی گه هشت داکو درێ ورسمێن برێڤه چونا خه تیرا ئولومپی ل باره گایێ نه ته وێن ئێکگرتی ل ژنێف وب ئاماده بونا ئه میندارێ گشتیێ نه ته وێن یكگرتی و بان کی مون سه روکێ لیژنا ئولمپیا ده ولی ووه زیرێ وه رزشی ل به رازیل وسه روکێ ئولومپیاتێن ریو دی جانیرو وبده هان نوێنه رێن وه لاتێن ئه ندام د نه ته وێن ئێکگرتی دا لێ ئاماده بون..لێ ژ به ر چه ند ئه گه ره کێن دی روژنامه ڤانێ کورێ دهوکێ ئازاد گوله یی نه شیا دوان رێ ورسمان دا ئاماده ببیت هه ر چه نده هاتبو داخاز کرن ب فه رمی.
ئه‌ڤرۆ نيوز: بێوار حسێن
ب هەلکەفتا روژا جیهانی یا سەمایێ تیپا دهوک یا هونەرێ مللی گەهشتە پارێزگەها سلێمانیێ بو سازکرنا چار تابلوویێن هونەرێ مللی ل رێکەفتی 2016/4/30 هەر ئەڤرو دەست ب پروڤێن دوماهیێ جنرال ل هولا رێڤەبەریا رەوشەنبیری هونەری ل سلێمانیێ کرن .
ئەڤرۆ نیوز:
یانا گوانزو یا چینی یا بزاڤێ کەت یانا چێلسی رازیبکەت یاریکەرێ ھەلبژارتیێ بەرازیل و ستێرا وێ یا ھێلا ناڤین ولیام رازی بکەت بۆ ب دەستڤە ئینانا شیانێن وی بۆ پێکھاتیێ یانا خوە بۆ ڤەگوھاستنێن ھاڤینی .
راھێنەرێ یانا گوانزو یێ بەرازیلی سکولاری داخوازی ژ یانا خوە کری یە ب ھەر شیانەکا ھەبیت بزاڤێ بکەن ھەڤبەست ل گەل ولیام ئیمزابکەن داکو بشێن ھەڤرکیەکا باشتر ل سەر قارەمانیا ئاسیا و خولا چینێ بکەن و رۆژنامەیێن بریتانی دیارکری یە یانا چینی ٥٠ ملیون جینی ئیسترلینی پێشکێشی یانا لەندەنی کری نە بۆ ب دەستڤە ئینانا ڤی یاریکەری کو دبیتە ئێک ژ ھەڤبەستێن مەزن ل سەر ئاستێ جیھانی و بلندترین ھەڤبەست مێژویا کێشوارێ خولێن ئاسیا دا .
ھەژی گوتنێ یە ولیام ل سالا ٢٠١٣ ب کوژمێ ٣٠ ملیون جینێ ئیسترلینی ژ یانا ئەنجی ھاتبو ڤەگوھاستن بۆ یانا چێلسی و دبیت ب وی کوژمێ یانا چینی پێشکێشی چێلسی کری یاریکەرێ خوە یێ بەرازیلی ب ڤروشیت ژبەرکو یا مفادارە ب کوژمەکێ مەزن .
ئەڤرۆنیوز، کاروان باعەدری:
پشتی یانەیا بایرن میۆنخ یا ئەلمانی دخۆلا قارەمانێن ئەورۆپا دا توشی خوسارەتیێ بووی ل سەر دەستێ یانەیا ئەتلتیکۆمەرید یا ئیسپانی راھینەرێ یانەیا ئەلمانی کەفتە بەر رەخنەیێن پشتەڤان و کارگێریا یانەیێ .
گواردیۆلا راھینەرێ یانەیا بایرن میۆنخ یا ئەلمانی د کونگرەیەکی رۆژنامەڤانی دا دیارکر ، ھێشتا یاریەکا مە یا مای ل گەل یانەیا ئەتلەتیکۆ مەدرید دەلیڤەکا مەزنە بۆ من ئەگەر ئەم تووشی شکەستنێ بووین من بکوژن لێ من ھێشتا دەلیڤەک یا دژیانێ دامای.
ئه‌ڤرۆ نيوز:
پشته‌ڤانێن موقته‌دا سه‌در چوونه د ناڤ هۆلا جڤاتا نوونه‌رێن عيراقێ ڤه و درويشمێن دژى گه‌نده‌لكاران يێن بلند كرين ل گه‌ل پشته‌ڤانيكرنا دوريشمێن موقته‌دا سه‌در دكه‌ن.
ل سه‌ر داخوازا موفته‌دا سه‌در سه‌رۆكێ ته‌ڤگه‌را سه‌در ب ده‌هان هزار كه‌س ژ پشته‌ڤانێن موقته‌دا سه‌ردر چوونه سه‌ر باره‌گايێ په‌رله‌مانێ عيراقێ و يێ بزاڤا ژناڤبرنا وى دكه‌ن.
پشتى ئاماده‌نه‌بوونا رێژا قانوونا يا په‌رله‌مانتاران كۆمبوونا جڤاتا نوونه‌رێن عيراقێ بۆ حه‌فتيا بهێت هاته پاشخستن.
موقته‌دا سه‌در سه‌رۆكێ ته‌ڤگه‌را سه‌در راگه‌هاند كو ئه‌و گوهۆڕينێن وه‌زارى ره‌تدكه‌ن و خوه ژ كريارا سياسى يا عيراقى ڤه‌كێشا و داخوازا ئێخستنا حوكمه‌تێ كر.
ئه‌ڤرۆ نيوز:
پشتى ل سه‌ر داخوازيا موقته‌دا سه‌رد، سه‌رۆكێ ته‌ڤگه‌را سه‌در داخواز ژ پشته‌ڤانێن خوه كرين بچنه سه‌ر په‌رله‌مانێ عيراقێ، ژماره‌كا زۆرا خه‌لكى چوونه ناڤ هۆلا په‌رله‌مانێ عيراقێ و په‌رله‌مانتاران ژى ئاڤاهيێ په‌رله‌مانى ب جهـ هێلا.
رێناس جانۆ، ئه‌ندامێ فراكسيۆنا پارتى ديموكراتى كوردستان ل په‌رله‌مانێ عيراقێ، راگه‌هاند كو په‌رله‌مانتارێن كورد يێن د رێيا ڤه‌گه‌ريانێ دا بۆ هه‌رێما كوردستانێ و خالا ئێكگه‌هشتنا وان فرۆكخانا نێڤده‌وله‌تى يا به‌غدا.
دا زانين ژى كو هنده‌ك كورد نوكه د ناڤ ده‌ڤه‌را كه‌سك دا ماينه، به‌لێ هه‌موو دێ ل فرۆكخانێ ب ئێك گه‌هن وه‌كو هه‌ڤپه‌يمانيا كوردستانى و پێكڤه دێ ڤه‌گه‌رنه كوردستانێ.
نيشاندان