ئەڤرۆ نیوز، ھەرھین محەمەد:

ئاریا حەسەن، سەرۆکا تیپا نارین یا رۆژئاڤایێ کوردستانێ بۆ ئەڤرۆ نیوز دیارکر کو ئەڤە بۆ ماوێ چار سالایە ئەڤ تیپە دامەزراندیە و ژ ھەشت ئەندامێن کوڕ و کچ پێکھاتیە و گۆت: “ھەتا نوکە مەچ پشتەڤانی نینە و بۆ پشتەڤانیا ھەموو ئەندامێن ڤێ تیپێ ئەزم”.
د لایەکێ دی دا گۆت: “ب دلی َھەڤژینێ من نینە ڤی کاری دکەم و من دو زارۆ ھەنە بەلێ ئەز زوریێ لێ دکەم و ڤی کاری دکەم نە کو دا بەرنیاس بم بەلکو ئارازویا من بوویە ژبلی کارێ سەمایێ جاران سترانا ژی دبێژم و کارێ ئەکتەریێ ژی دکەم”.
ل دووماھیێ گۆت: “من ل بەرە تیپا خوە بەرفرەە بکەم و حەز دکەم کوڕ و کچێن باشوور ژی ببنە ئەندامێن تیپا مە و چونکو ئەم ھەموو خووشک و برایێن ئێکین و حەز دکەین ھەر ئاھەنگەکا چێبیت پشکداریێ بکەین”.

ئه‌رڤرۆ نیوز:

کۆنفرانسێ ئێکێ یێ سەندیکا ھونەرمەندێن رۆژئاڤایێ کوردستانێ لقێ دھۆک ئەڤرۆ رۆژا ئەینی ٢٠/١١/٢٠١٥ ب ئامادەبوونا (ئەیوب رەمەزان) رێڤەبەرێ گشتی یێ رەوەشنبیری و ھونەری ل دھۆکێ و چەندین ھونەرمەند و ھونەردۆست و دەزگەھێن راگەھاندنێ ل ھولا ئەحمەدێ نالبەند ل پانۆراما ئازادی ل دھۆکێ ھاتەگێران و دەستەکەک بۆ سەندیکا ناڤبری ھاتە ھەلبژارتن.
ئەیۆب رەمەزان، رێڤەبەرێ گشتی یێ رەوشەنبیری و ھونەری ل دھۆکێ پشتی پیرۆزباھی ل ھەموو ھونەرمەندێن رۆژئاڤایێ کوردستانێ کری ب ھەلکەفتا دامەزراندنا سەندیکا وان د پەیڤەکێ دا ئاشکرا کر کو دامەزراندنا ڤێ سەندیکایێ پێنگاڤەکا دیرۆکی و گرنگە د ڤێ قووناغێ دا و گۆت:” ھونەرمەندێن رۆژئاڤا یێ د ناڤ مللەتێ خوە دا و ھوون پشکەکا گرنگ و رەسەنێن ڤی مللەتی نە”.
ناڤھاتی ئاماژە دا وێ چەندێ ژی کو رێڤەبەریا گشتی یا رەوەشنبیری و ھونەری یا بەرھەڤە ھەر کارەکێ پێدڤی و دشیان دا بیت بۆ ھونەرمەندێن رۆژئاڤا ئەنجام بدەت و گۆت: ” ھیڤیدکەم ئەڤ سەندیکایە بشێشت بەرەڤانیێ ژ مافێن ھونەرمەندێن رۆژئاڤایێ کوردستانێ بکەت”.
ھەژی گۆتنێ یە کو ئەنجامێن ڤی کۆنفرانسی ب ڤی رەنگی بوون
١- ئعتیدال مەحمود، سەرۆکا سەندیکایێ
٢- ئەحمەد شوێش، سکرتێرێ سەندیکایێ
٣- ئاریا حەسەن، بەرپرسا چالاکیێن سەندیکایێ