ئەڤرۆ نیوز:
مامۆستایەکێ زانکۆیێ دیار دکەت کو ئێک ژ خالێن بوویە ئەگەر ھەتا نھا قەیرانا سووریێ چارە نەبیت نەبوونا ئۆپۆزسیۆنەکا ئێکگرتی یە و ئالیێن کو خوە وەک ئۆپۆزسیۆن ددەنە نیاسین ژی ھەر ئێک سەر ب ھێزەکی یە و ژ بەر ھندێ ژی ھەتا نھا چو پێنگاڤ بۆ چارەکرنا قەیرانا سووریێ نەھاتینە ئاڤێتن و وەزیرێ دەرڤە یێ روسیا ژی دبێژیت کو بەرھنگاریا سووریێ ھەتا نھا نەشیایە شاندەکێ بۆ دانوستاندنان ل گەل رژێما بەشاری دیار کەن.
د. خالد ئەحمەدی مامۆستایێ زانستێن سیاسی ل ئورمیێ بۆ رۆژنامە ئەڤرۆ دیار کر کو قەیرانا سووریێ کاریگەریا خوە ل ھەموو رۆژھەلاتا ناڤین کریە و ھەکە ئەو قەیرانە د دەمەکێ کورت دا نەھێتە چارەکرن دێ بیتە ئەگەر کو شەرەکی مەزنتر ل دەڤەرێ روو دەت و ژ بەر ھندێ ژی نھا ئەمریکا و روسیا تا رادەیەکی شیاینە کو د ناڤبەرا خوە دا ل دۆر سووریێ بگەھنە ھندەک رێککەڤتنان و گۆت: (ئەمریکا و روسیا دیتن کو ھەکە شەرێ ل سووریێ وەسا بەردەوام بیت دێ بیتە ئەگەر گرۆپێن دیتر یێن تیرۆرستی وەک داعشێ و ئەلنوسرا و گەلەک گرۆپێن دی دەرکەڤن و ئاریشێن مەزن بۆ بەرژەوەندیێن روسیا و ئەمریکا دروست کەن، ژ بەر ھندێ ژی ھەر دو وەلاتێن زلھێز گەھشتنە ھندەک رێککەڤتنان و بریار دان کو حوکمەتەکا دەمکی ب پشکداریا ھەموو ئالیێن سیاسی ل سووریێ بھێتە ئاڤاکرن دا کو قەیرانا سووریێ ب رێیێن سیاسی چارە بیت).
ناڤھاتی د پشکەکا دی یا ئاخڤتنا خوە دا ئەو یەک ژی دیار کر کو نھا ئاریشا مەزن یا کو ل سووریێ ھەیە و ئاستەنگیەکا مەزن ل ھەمبەر چارەسەریا قەیرانا وی وەلاتی دروست کریە ئاریشا ئۆپۆزسیۆنا وی وەلاتی یە. چونکو ئۆپۆزسیۆنەکا ئێکگرتی ل سووریێ نینە، ئەو ھێز و ئالیێن کو خوە وەک ئۆپۆزسیۆنا سووریێ ددەنە دیار کرن کو ھەر ئێک سەر ب وەلاتەکی یا ھێزەکا بیانی یە و پشتا خوە ب وان گەرم کرینە و د راستی دا ل گۆر بەرژەوەندیێن وان سیاسەتێ دکەن و د دەمەکی وەسا دا ژی ئەو ژ بەرژەندیێن خەلکێ سووریێ دوور دکەڤن کو نموونا بەرچاڤ ژی رۆلێ خراب یێن ھندەک وەلاتێن عەرەبی نە کو بووینە ئەگەر ھەتا نھا ژی چو پێنگاڤێن بەرچاڤ بۆ چارەکرنا قەیرانا سووریێ نەھێتە ئاڤێتن و گۆت: (ھەکە ئۆپۆزسیۆنەکا ئێکگرتی ل سووریێ ھەبا دا ئەو شێن شاندەکێ ھەڤپشک پێک ئینن و ل گەل شاندێ رژێما سووریێ سەبارەت ب پاشەرۆژا وی وەلاتی دانوستاندنان کەن، چونکو بۆ ھەر کەسەکی ئاشکرایە کو قەیرانا سووریێ ب شەری چارە نابیت و دڤێت ھەر دو ئالی ب رێیێن سیاسی بزاڤا چارەکرنا قەیرانا سووریێ بکەن، لێ ژ بەر نەبوونا ئۆپۆزسیۆنەکا ئێکگرتی رژێما سووریێ ژی ھەر بزاڤا ھندێ دکەت کو بەرنامێن بۆ چارەسەریێ گیرو بن و نەگەھنە چو ئەنجامان و ئەو یەک ژی بێگومان دێ بیتە ئەگەر شەرێ ل سووریێ پتر ڤەکێشیت و زیانەکا مەزن ژی بگەھیتە خەلکێ سڤیل و وەلاتێ وان وێران دبیت).
ناڤھاتی د دووماھیا ئاخڤتنا خوە دا ئەو یەک ژی دیار کر کو دڤێت بەری ھەر تشتەکێ ئۆپۆزسیۆنەکا ئێکگرتی ل سووریێ بھێتە ئاڤاکرن و ئەو ھێز د ناڤبەرا خوە دا بەرنامەکێ ھەڤپشک بۆ پاشەرۆژا سووریێ دیار کەن و ب ھێزەکا مەزن دەست ب دانوستاندنان ل گەل رژێما سووریێ بکەن، لێ مخابن ھەتا نھا ئەو یەک دیار نەبوویە و ژ بەر ھندێ ئەز بخوە نەبوونا ئۆپۆزسیۆنەکا ئێکگرتی ل سووریێ وەک فاکتەرەکێ گرنگ یێ بەردەوامیا قەیرانا وی وەلاتی دبینم.
ل ئالیێ دی سیرگێی لاڤرۆڤ وەزیرێ دەرڤە یێ روسیا ژی د داخۆیانیەکێ دا بۆ دەزگەھێن راگەھاندنێ دیار کر کو تنێ رێیا چارەکرنا قەیرانا سووریێ ئاڤاکرنا حوکمەتەکا دەمکی یە کو بەری نھا مە ل گەل ئەمریکا و وەلاتێن دی بریار ل دۆر وێ چەندێ دابوو، لێ ھەتا نھا ژی ئۆپۆزسیۆنا سووریێ نەشیایە کو شاندەکێ بۆ دانوستاندنان ل گەل رژێما بەشاری پێک بینیت و ژ بەر ھندێ ژی ھێشتا دانوستاندنان دەستپێ نەکریە و نھا ئۆپۆزسیۆنا سووریێ بوویە ئاستەنگ ل ھەمبەر چارەکرنا قەیرانا وی وەلاتی.
نووترين نووچه
- سەرۆك بارزانی ل سالڤەگەڕا 34 یا سەرهلدانا پیرۆز: سەرهلدان پەیامەكا رۆهن بوو كو گەلێ كوردستانێ ئازادی و سەربەستی دڤێت
- نێچیرڤان بارزانی: فیدرالی و دەستكەفتێن دستووری و كاریگەرییا ئەڤرۆ یا كوردستانێ بەرهەمێن سەرهلدانێ نە
- مەسرور بارزانی: سەرهلدان ئێك ژ سەروەریێن مەزن یێن گەلێ كوردستانێ یە كو هەردەم جهێ شانازییا مەیە
- دوپاتیێ ل رێكخستنا ناڤمالا كوردی دكەین
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
- پارتی دیموكراتی كوردستان پیرۆزباهیێ ل پارتا داد و گەشەپێدانێ یا توركی دكەت
- لژنەیا پەترۆل و غازێ: هەموو بەرهەڤیێن هنارتنا پەترۆلا هەرێما كوردستانێ یێن تمام بووین
- ب سەركەڤتنا پرۆسەیا ئاشتیێ ل توركیا دێ ب سەدان گوندێن مە دوبارە هێنە ڤەژاندن
- قاسم شەشۆ: ئەو كەسێن چووینە بەغدا داخوازێن كەسۆكی هەبوون و تنێ نوونەرایەتییا چەند كەسان دكەن
سهرهكى Facebook
ڤيديو: سه‌رێ خوه 180 پلا دزڤرينيت
خانیێ عیسا پێغه‌مبه‌ری هاته فرۆتن
ئه‌ڤرۆنیۆز، ئه‌یاد به‌رواری
پشتی 82 سالان ژ ئاڤاكرنا خانیه‌كی بۆ عیسا پێغه‌مبه‌ری ل ئه‌مریكا كو بۆ هاتیه ته‌رخانكرن ببیته جهێ ئاكنجیبوونا وی ده‌مێ زڤریته سه‌ر ئه‌ردی، ئه‌و خانی د ئێك زێده‌كرنه‌كا ئاشكرا ب 10 ملیۆن دۆلاران هاته فرۆتن.
ل دووڤ (شه‌فه‌ق نیۆز)، ل سالا 1928 ێ، هه‌ڤژینا ئه‌ندازیار (كنیف كونسكۆم) ژ باژێرێ بونیكس ل ئه‌مریكا ئه‌ڤ خانی ئاڤاكر و خانیه‌كێ بچووك ژی بۆ خوه ب ڕه‌خ ویڤه ئاڤاكر ژبۆ چاڤه‌ڕێی هاتنا عیسایێ مه‌سیح و رۆژانه ژی خانیێ عیسای پاقژدكر هه‌تاكو گیانێ خوه ژده‌ستدای ل سالا 1958ی ێ.
ژنه‌كا بازرگان ب ناڤێ (ساندرا كالوتین) خانیێ عیسا پێغه‌مبه‌ری كری و یێ نووژه‌نكری و وێ ژی یێ ته‌رخانكری بۆ عیسایێ مه‌سیح و یا ل هیڤیا دیاربوونا وی.
بۆ جارا ئێكێ ئاهه‌نگا سه‌رێ سالێ ل ڤی جهی ناهێته گێران
ئه‌ڤرۆنیۆز، ئه‌یاد به‌رواری
به‌رپرسه‌كێ ئه‌منی ل باژێرێ موسكو پایته‌ختێ رۆسیا راگه‌هاند، مه‌یدانا سۆر كو جهێ ئاهه‌نگێن سه‌رێ سالێ یه، بۆ جارا ئێكێ دێ ل شه‌ڤا سه‌رێ سالێ هێته داخستن ژبه‌ر مه‌ترسیا هێرشێن تیرۆرستی ل موسكۆ.
سه‌رۆكێ ده‌زگه‌هێ ئه‌منی ل موسكۆ (ئه‌لیكسی مایوروف) د داخۆیانیه‌كێ دا گوت” ل ئاهه‌نگا سه‌رێ سالێ ب ده‌هان هزار گه‌شتیار و وه‌لاتیێن رۆسی دهێنه مه‌یدانا سۆر كو دكه‌ڤیته به‌رامبه‌ر كوچكا كرملین باره‌گایێ فه‌رمیێ سه‌رۆكێ رۆسی ( فلادیمێر بۆتن) بۆ گێرانا ئاهه‌نگا سه‌رێ سالێ ل سه‌ر زه‌نگێن جه‌ره‌سا كۆچكا كرملێن.
سه‌رۆكێ باژێرڤانیا موسكۆ (سیرگی سوبیانین) راگه‌هاند “نه‌یا ڤه‌شارتی یه كو موسكۆ ئارمانجا تیرۆرستایه”.
ئافره‌ته‌كى گیانێ خوه ژ ده‌ستدا
ئه‌ڤرۆ نیوز:
رائیدێ مافپه‌روه‌ر بێوار عه‌بدولعه‌زیز، به‌رپرسێ راگه‌هاندنێ ل رێڤه‌به‌ریا به‌ره‌ڤانیا باژێرى ل پارێزگه‌ها دهۆكێ دیاركر كو ئه‌ڤ شه‌شه ل ده‌مژمێر 8 و 36 ده‌قیقه ئه‌و ژ ئالیێ بنگەهێ بەروشکێ یێ سەرب بەرەڤانیا باژێرێ دهوکێ ڤە هاتنە ئاگەهدار کرن ب هەبونا ریدانەکا ترافیکی كو دنافبەرا دوو ترومبێلاندا ژ جورێ شوفرلێت ئەڤیو و ئوپل فیکترا ل جادا ترافیکا ئێتیتێ كو د ئه‌نجامدا زیانێن مادی و گیانی دیڤ خورا هێڵان و ئافرەتەکێ گیانێ خو ژ دەست دا 4 کەس بریندار بون و هاتنە رەوانەکرن بو نەخوشخانا تەنگاڤیا ل دهۆكێ.
داعش 837 ئافره‌تێن مووسل گولله‌باران كرن
شێخان :بارزان مزوورى
شێخ محیده‌ین مه‌عروف، كارگێرێ لقا 14 ل مووسل بو مالپه‌رێ ئه‌ڤرو نیوز ئاشكرا كر كو ل لدوڤ ئاماره‌كا نوژداریا داد ل پارێزگه‌ها مووسل گه‌هشتیه وان ل شه‌ڤا بورى ته‌رمێن 837 ئافره‌تێن باژێرێ مووسل گه‌هشتینه نوژداریا داد ل پارێزگه‌ها مووسل كو به‌رى نها هات بونه ده‌سته‌سه‌ركرن ژلایێ چه‌كدارێن تیرورستێن داعش دناڤ بازارێ مووسل.
شێخ محیده‌ین مه‌عروف دیاركر كو ئه‌گه‌رێ گولله‌بارانكرنا وان ڤه‌دگه‌ریت بۆ وێ یه‌كێ كو ڤان ئافره‌تان ل فه‌رمانگه‌ه و نه‌خوشخانا پێگرى ب رێنمایێن داعش نه‌كریه.
ناڤبرى دیار كر كو ئه‌و ئافره‌تێن هاتینه گوله‌باران كرن ژ وانا به‌ربژێرێن ئه‌نجومه‌نێ پارێزگه‌ها مووسل دناڤ دانه و فه‌رمانبه‌رێن رێڤه‌به‌ریا وه‌كو په‌روه‌رده و شاره‌وانى و یێن ل دادگه‌ها مووسل كاردكر و پتریا وان كارمه‌ندێن كومسیونا هه‌لبژارتنا نه رێژه‌یه‌كا كێم ئه‌و ئافره‌تێن خودانێن جوانكاریا ئافره‌تانه.
بۆ هنده‌ك كارا یێ په‌شێمانه
ئه‌ڤرۆنیۆز، هه‌رهین محه‌مه‌د:
سترانبێژى كوچك و دیوانا سالم دهۆكى د دیداره‌كێ دا بۆ ئه‌ڤرۆنیۆز دیاركركو ل سالا 1983 ده‌ست ب سترانێن فلكلورى كریه و خودان چه‌ندین به‌رهه‌م وكلیپ و سترانێن توماركریه و به‌رده‌وام ل سه‌رتیڤیان دهێنه په‌خشكرن و گۆت: ستران گۆتن وه‌كو ئاره‌زویه‌كێ یه خودێ دده‌ته مرۆڤى و دڤێت مرۆڤ خودان ره‌وشته‌كێ مه‌زن بیت چونكو هه‌موو ده‌مان هونه‌رمه‌ند یێن دناڤ هه‌موو مالا دا.
دووڤدا گۆت: ستران گۆتن دگه‌نجاتیێ دا یا خوشه چونكو ده‌مێ مرۆڤ مه‌زن دبیت ده‌نگێ مرۆڤى دهێته گۆهارتن، به‌لێ دلێ من هه‌ریێ گه‌نجاتیێ یه و حه‌زدكه‌م هه‌موو ده‌ما خزمه‌تا هونه‌رێ كوردى بكه‌م.
هه‌روه‌سا گۆت: ب مخابنى ڤه نوكه سترانێن فلكلورى گه‌له‌ك ده‌ست كارى تێدا دهێته كرن وده‌ست خوه‌شیى َل وان گه‌نجا دكه‌م یێن سترانا دبێژن ئه‌و وه‌كو ده‌ستكێن گۆلانه.
ل دور نوترین كارێ خوه یێ هونه‌رى ناڤهاتى گۆت: نوكه مژوولى كلیپه‌كێ مه بناڤێ (فیدا كارم كورد له‌شكه‌رێ هیڤیێ) په‌یڤ و ئاوازفلكلوره ئه‌ڤ سترانه ده‌نگ توماركریه و نێزیك دێ هێته كلیپكرن ل سه‌نگه‌رێن پێشمه‌رگه‌ى دا
دووماهیێ گۆت: ئه‌گه‌ر كارێن جوان هه‌بن ئه‌ز زارڤه‌كرنێ ژى دكه‌م به‌لى َبۆ هنده‌ك كارێن زارڤه‌كرنێ یێ په‌شێمانم و هیڤیدارم ژ رێڤه‌به‌ریا ره‌وشه‌نبیرى نه‌هێلن ئه‌ڤ به‌رهه‌مه بهێنه چێكرن .
بۆ نه‌هێلانا دزینا گازێ ئه‌ڤ پشنیازه هاتینه كرن
ئه‌ڤرۆنیۆز، سالار دۆسكى:
عه‌بدولسه‌مه‌د تێلى سه‌رۆكێ لژنا پیشه‌سازى و سامانێن سرۆشتى ل جڤاتا پارێزگه‌ها دهۆكێ بۆ مالپه‌رێ ئه‌ڤرۆنیۆز دیاركر كو بۆ بنبڕكرنا دیاردا دزینا گازێ ژلایێ شوفێرێن تانكه‌ران ڤه مه چه‌ندین پێشنیار بلندكرینه و ژوانا هه‌ر سكاله‌كا بهێته تۆماركرن دێ بۆ داوكارێ گشتى هێته بلندكرن.
هێشتا گۆت: مه پێشنیاركرینه كو ژمارێن تێله‌فونێن لژنێن دوڤچوونێ ب هه‌ر تانكه‌ره‌كێ ڤه بهێته هه‌لاویستن و بۆ هه‌ر دیارده‌كا نه‌جوان وه‌لاتى بشێت په‌یوه‌ندیێ ب لژنێ بكه‌ت و دا ئه‌و شوفێر بگه‌هیته سزایێ خوه یێ كارگێرى و دیسان ژ كارى بهێته دورخستن و دیسا لژنه بهێـته هایداركرن ل سه‌ر ره‌فتارێ، دیسان لژنه ل سه‌ر ئاستێ قه‌زا وناحیا بهێنه ئه‌كتیفكرن و ئه‌ندامه‌كێ ئاسایش و چاڤدێریا بازرگانى ل گه‌ل دا بیت.
هه‌مبه‌ر ره‌وشا پانزینێ ژى گۆت: پانزینا نوكه دهێته به‌لاڤكرن یا حوكمى لیتر ب 700 دیناران و ئه‌ڤه ل هه‌رسێ پارێزگه‌هان دهێته به‌لاڤه‌كرن و ناهێته خوارێ، پانزینا بازرگانى به‌رده‌وام یا دهێته بازارى دا و به‌ر ب ئه‌رزانبوونێ یا دچیت و دیسان هه‌ڤركى ل سه‌ر كێمكرنا بهایێ پانزینێ دناڤبه‌را بازرگان دا هه‌یه و دیسان پێشبینى دهێته‌كرن كو پانزین ده‌رڤه یا ئه‌رزان دبیت له‌وما یا ئه‌رزان بووى و ئه‌ڤه كوالێتى یا وێ یا باشه و رۆژێن داهاتى دێ گه‌هیته پارێزگه‌هێ ژى . هه‌مبه‌ر ره‌وشا گازێ ژى ،ناڤبرى گۆت: پلێتا ژمارا ئێكێ دهێته‌به‌لاڤه‌كرن و سه‌رێ هه‌یڤا نیسانێ بۆ ماوێ دو هه‌یڤان دێ پلێتا هه‌ژماره دو هێته به‌لاڤه‌كرن.
كێمكرنا مووچێ فه‌رمانبه‌رێن هه‌رێمێ هاته ره‌تكرن
ئه‌ڤرۆ نيوز:
ئه‌ندامه‌كێ په‌رله‌مانێ كوردستانێ ل سه‌ر فراكسيونا پارتى ديموكراتى كوردستان ئاشكراكر كو ل رۆژێن بهێت چاكسازييێن نوو يێن حكومه‌تێ دێ هێنه راگه‌هاندن كو ده‌ستكاريا مووچه‌ى ناهێته كرن.
د.فرسه‌ت سوفى ئه‌ندامێ په‌رله‌مانێ كوردستانێ راگه‌هاند كو دێ زێده‌گاڤيێن سه‌ر كاره‌بێ هێنه برين و دو موچه‌يێ نامينيت ئه‌ڤه ژ بلى وێ يه‌كێ دێ سێ پارزينگه‌ه و 721 مليار قه‌رزێن حكومه‌تێ ژ وه‌لاتيان هێنه وه‌رگرتن.
د.فرسه‌ت سوفى كو هه‌ڤده‌م خودانێ پرۆژێ چاكسازيێ يه ل گه‌ل په‌رله‌مانتار گۆران ئازد، په‌رله‌مانتارێ ئێكه‌تيێ گۆت: ب چ ره‌نگه‌كێ ده‌ستكاريا مووچێ فه‌رمانبه‌ران ناهێته كرن و چ بريارێن ب وى ره‌نگى مه گوه لێ نه‌بووينه.
ئه‌ڤه دده‌مه‌كێ دا كو په‌رله‌مانتار سوران عومه‌ر اگه‌هاند كو حكوومه‌تا هه‌رێمێ ب ژڤانه مووچه و ده‌رمالێن فه‌رمانبه‌ران كێم كه‌ت.
ره‌وشا دراڤى ل بازارێن پاره‌گوهۆڕان
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 29ى كانوونا ئێكێ يا سالا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1223 |
| 1 يۆرۆيێ ئه‌ورۆپى | 1340 |
| 1 ليرێ توركى | 420 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
نيشاندان
WP Facebook Auto Publish Powered By : XYZScripts.com