ئەڤرۆ نیوز:
راھێنەرێ گەنج یێ فەرەنسی و یانا ریال مەدرید زێدان شیا نەمرەکا تاکە کەسی یا باش بخوە توماربکەت کو د بیتە راھێنەرێ ئێکێ ل ٢٠ یاریێن دەستپێکێ دشێت ب رێژەیا ٨٠% سەرکەفتنا توماربکەت کو بەری نوکە چو راھێنەران ل ٢٠ یاریێن خوە یێن دەستپێکێ دا نەشیای نە ڤی رێژەیا سەرکەفتنا توماربکەن.
زێدان ل ٢٠ یاریێن بوری شیا ١٦ سەرکەفتنا توماربکەت کو ١٣ ژ ئەوانا دخولا لالیگا دا بوون و سێ د قارەمانیا یانێن ئورۆپا بوون ئەوژی ل گەل روما دو جاران و ڤولڤسبورگ جارەکێ.
دو جاران توشی خوسارەتیێ بوویە ئەوژی ل گەل ئەتلەتیکو مەدرید و ڤولڤسبورگ کو خوسارەتیەکا نە چاڤەرێکری بوو دو جاران وەکھەڤ بووی یە ل گەل ریال بتیس و مەلەگە.

ئەڤرۆ نیوز:
بریارە سوباھی ھەلبژارتیێ کوردستانێ یێ تەپا پێ ئێکەم یەکا خوە یا راھێنانی ل یاریگەھا دوێ یا فرەنسو حەریری بکەت خوبەرھەڤکرن بۆ یاریێن قارەمانیا کونیڤا یا ئەڤ سالە ئەوا بریارە ھەڤرکیێن وێ ل ھەرێما بەبخازیا یا روسی بھێنەکرن.
د داخویانیەکێ دا راھێنەرێ ھەلبژارتیێ کوردستان خسرو گورون بۆ ئەڤرۆ نیوز دیارکر بریارە خرفەبوونا یاریکەرێن ھەلبژارتێ کوردستانێ بریارە ل باژێرێ ھەولێرێ بیت بەری دەستپێکرنا راھێنانان کو ب دو دەمژمێران پاش پشتی بێنڤەدانەکێ بریارە ئێکەم یەکا راھێنانی ل دەمژمێر ٤:٣٠ بیت کو دێ ھەمی یاریکەر د یەکا ئێکێ دا ئامادەبن .
زێدەتر ناڤبری دیارکر نوکە ھژمارا یاریکەرێن ئەوان ٢٨ یاریکەرن ل گەل پێکھاتیێ سەرەکی دا ھەنە و بریارە بەری بەر ب قارەمانیێ ڤە بچن بتنێ دێ ٢٣ یاریکەران بۆ پێکھاتیێ دووماھیێ ھەلبژێریت ژبەرکو لیستەیا قارەمانیێ ھەر ھەلبژارتیەکێ بتنێ ماڤێ ٢٣ یاریکەران ھەیە و د یەکێن راھێنانی دا دێ دیڤچوونا ئاستێ یاریکەران کەن و دێ ھەمی بزاڤێ کەن پێکھاتیەکێ باش ب ھەلبژێرن بۆ ناڤا بۆ وێ چەندێ بشێن ئەنجامەکێ باش بۆ ناڤێ کوردستانێ توماربکەن.