ئەڤرۆ نیوز،زنار تۆڤی:
ئەڤ شەڤە و لدەمژمێر 11:40 خۆلەک دو فرۆکێن سۆپایێ تورکی بۆ ماوەیەکێ درێژ دورمانێن گۆندێ ئۆرە و پشتا گوندێ سەرەرو بوردۆمانکرن و د ھەمان دەمدا ئەو فرۆکە گەلەک نزم ل ئەسمانێ دەڤەرا بەرواری بالا دھاتنە دیتن و ژ ترسا دەنگێ وان خەلک نەشیا ب ئارامی بنڤیت و ھەتانوکەژی بوردۆمانکرن یا بەردەوامە.
ئەڤرۆ نیوز:
ھەکە تە ل بەر نەبیت کەسەکێ دەستنیشانکری بۆ خوە راکێشی، چ پێنەڤێت ئەو تو حەز دکەی یا سەرنجراکێش و جودا بی لەورا ل دووڤ شیرەت و تەکنیکان ھەرە دا پتر یا سەرنجراکێش بی.
1- بەری تو ژ مال دەرکەڤی، ھندەک کاران بکە ھەستا باوەری ب خوەبوونێ بۆ تە چێکەن، وەکو وێ پێلاڤا پێیێن تە ماقوول دکەن یان سۆراڤا جوانیێ ددەتە تە یان شەکرنا پرچێ کو وێ ھەستێ بۆ تە چێکەت کو ستێرەکی د ئەسمانێ جوانیێ دا. ئەڤە دێ باوەریەکا مەزن دەنە تە و دێ دلێ وی زەلامی ئێخسیر کەن.
2- گولاڤێ گەلەک ل پرچا خوە بکە و تلێن خوە د ناڤ پرچا خوە را بینە و ببە ھەکە ئەو کەس نێزیکی تەبیت. بێھنا گولاڤێ ژ ھەمی تشتان پتر تێکبزڤینێ ل گەل بیردانکێ دکەت، ل دەمێ ئەو ھزرێن تە دکەت دێ دوبارە ھەست ب وێ بێھنا گولاڤێ کەت.
3- ب وی رەنگێ سحبەتێ ل گەل بکە کو ئەو بەحسێ وان تشتان بکەت یێن ئەو حەز دکەت بکەت، دەمێ زەلام بەحسێ کار و ئارەزوویێن خوە دکەت ھەست ب ئەرێنیەکێ دکەت و ئەو ھەست دێ ب ھەبوونا تەڤە ھێنە گرێدان.
4- وەنەکە کو ئەو ھەست ب ئارامیێ بکەت، بەلێ دڤێت تو گرنگیپێدانا خوە بۆ وی دیار بکەی بەلێ نە گەلەک، دا بزانیت کو وی یا پێدڤی نەکریە دا تو بکەڤیە داڤێن ئەڤینا وی.
5- روودانێن گرنگ ژ بیر نەکەی، ھەکە ل نک تە بەحسێ دەستکەفتەکێ کارێ خوە کر، نامەکا مۆبایلێ بۆ بھنێرە و تێدا داخوازا بەختەکێ باش بۆ بکە. دێ ھەست پێکەت کو تو گرنگیێ ددەیە ھووراتیێن ژیانا وی و چ پێنەڤێت دێ حەز ژ ڤێ چەندێ کەت.
6- ب باوەری باخڤە، دودلی و نەئارامی دێ وەکەن تو ب لەز و ب دەنگێ بلند بتخڤی. پاراستنا دەڤوکەکا ب باوەری و سەرنجراکێش دێ دوپات کەت کو تو یا نەرم و حەلیمی.
7- ب دلێ خوە پشکداریێ ل گەل بکە، ڤەکۆلینان دوپات کریە کو دەمێ تو بەحسێ تشتەکی دکەی یێ تو حەز ژێ دکەی دێمێ تە رۆن دبین و دێ پتر یا سەرنجراکێش بی د چاڤێن ھەمی کەسان دا.
8- ھندەک جاران خوە مژوول بکە، ھەمی دەمان بەرسڤا نامێن وی نەدە و حەفتیانە ل گەل ھەڤالێن خوە دەرکەڤە. دەمێ تو دچیە ناڤ ھندەک کەسان یێن تو حەز ژێ دکەی دێ ھاندەرەک بۆ وی چێبیت ململانێ ل گەل وان کەسان بکەت دا جھەکی بۆ خوە د ژیانا تە دا بگریت. رکمانیەکە حەز دکەت بکەت.
9- دەمێ روو ب روو تو ل گەل د ئاخڤی، سەروچاڤێن خوە بەر ب وی ڤە خار بکە و دێمێ خوە نێزیکی وی بکە. ڤەکۆلینان دوپات کریە کو ئەڤ رەوشە دێ تە پتر ل بەر دلێ وی جوان کەت و مێیاتیا تە دێ پتر دیار بیت.
ئه‌ڤرۆ نيوز:
ئه‌ندامه‌كێ په‌رله‌مانێ كوردستانێ راگه‌هاند كو چو گرنتيه‌ك بۆ دانا مووچێ قه‌رز يێ فه‌رمانبه‌ران نينه.
شێركۆ جه‌وده‌ت سه‌رۆكێ لژنا پێشه‌سازى و وزێ و ژێده‌رێن سرۆشتى ل په‌رله‌مانێ كوردستانێ د داخۆيانيه‌كێ دا راگه‌هاند كو به‌رى كاركرن ب سيسته‌مێ پاشكه‌فت بۆ مووچێ فه‌رمانبه‌ران پێدڤى ب 750 مليۆن دۆلاران بوو، به‌لێ نوكه پێدڤى ب 500 مليۆن دۆلارايه، ب ڤێ چه‌ندێ ژى هه‌يڤانه 250 مليۆن دۆلار وه‌كو قه‌رز ل لايێ حوكمه‌تێ دمينن.
ناڤبرى ئاماژه ب وێ چه‌ندێ ژى كر كو ئه‌و پارێ ژ مووچه‌ى پاشكه‌فت كرى، دێ كه‌ڤيته سه‌ر حسابا بانكى، هه‌كه د 10 هه‌يڤان ڤه‌كێشيت دێ بيته دو مليار و 500 مليۆن دۆلار قه‌رز ل سه‌ر حوكمه‌تێ و ئه‌ڤ قه‌رزه ژى د ماوێ 10 سالان دا دێ بيته 25 مليار دۆلار و گۆت: “ئه‌ڤا حوكمه‌ت دكه‌ت خه‌له‌تيه‌كا ستراتيژى يه و دێ بيته ئه‌گه‌رێ بارگرانيێ”.
ئه‌وى ئه‌ندامێ په‌رله‌مانێ كوردستانێ گۆتژى: “ئه‌و پارێ ژ مووچه‌ى دهێته پاشكه‌فت كرن، دێ چيته سه‌ر حسابا به‌نكا گشتى، نه‌يا فه‌رمانبه‌ران، ژ به‌ر هندێ چو گرنگى بۆ دانا ئه‌وان مووچان نينه ئه‌وێن وه‌كو قه‌رز ل لايێ حوكمه‌تێ ماين”.
ژێده‌ر: سپێده
ئەڤرۆ نیوز:
چ پێنەڤێت ھەر کەسەکی دڤێت د ژیانا خوەیا ھەڤژینیێ دا یێ کەیفخۆش بیت. بەلێ، تو نەشێی بگەھیە ڤێ ئارمانجێ ھەکە تە ھای چ ھندەک نەریتێن خراب نەبیت، ھندەک کار و گۆتنێن ھەین ناھێلن ھەڤژین ب خوەشی بژین و ھێدی ھێدی دبنە ئەگەرێ دوورکەفتنێ. ئەڤە ئەو نەریتن:
1- ھزرکرن نەرێنی: ھەکە ھەڤژینێ تە کارەک کر و تو پێ تۆرە بووی، یا باشە تو لاەنێ ئەرێنی د بابەتی دا ببینی، ئەڤە دێ ب شێوەکێ جودا تە نێزیکی ئلریشێ کەت و دێ ژ ھەستێن خوەیێن نەباش دوورکەڤی.
2- لومەکرنا یێ دی: ل شوونا تو لومەی ھەڤژینێ خوە بکەی ل سەر ھەلویستەکی، ئارام بە و ھزر د بابەتی دا بکە بەری تو بریارێ بدەی، ئەڤە دێ وەکەت تو ئەرێنی بی ل گەل ھەڤژینێ خوە.
3- ژخەو رابوونا ب گێولەکێ نەخۆش: ھەکە تو ژ وان کەسان بی یێن سپێدی ژ خەو رادبن و لێڤ و لمتۆرێن وان دشوور و خیرەت ناکەن ل گەل کەسێ باخڤن، پێدڤیە ل سپێدەھیان تو وەرزشێ بکەی دا تێنێ بدەیە لەشێ خوە.
4- خەمساری: ھەڤبەندیا ھەڤژینی ل گەل بۆرینا دەمی رۆتین دکەڤیتێ، بەلێ یا شاشە تو خوە خەمسار بکەی و روونیە خوار, یا باش ئەوە ھندەک پێنگاڤان بھاڤێژی و تامەکا دە بدەیە رۆژێن خوە.
5- نەگۆتنا پەیڤا “حەز ژ تە دکەم”: ھەر ژ بەر رۆتینا رۆژانە دبیت تو ژبیر بکەی بێژیە ھەڤژینێ خوە “ئز حەز ژ تە دکەم” یان دەربرینێ ژ ھەستێن خوە ل بەرامبەری وی بکەی. بلا گوھێ تە لێبیت رۆژانە ئەو پێدڤی دلینیێ یە ب رێیا ئاخفتنێ.
6- بەردەوام بکارئینانا ئنترنێتێ: ئانکو بەردەوام ب تەلەفونێ یان ب کومپیوتەری بکەڤیە مالپەرێن جڤاکی، و ھەڤژینێ تەیێ رووشنتی بیت، ئەڤە دێ ڤالاتیا د نڤابەرا ھەوە دا مەزن کەت، لەورا پێدڤیە ھشیاری ڤێ چەندێ بی.
7- سەربەخۆیا تمام: ئەرێ تو ھەمی کارێن مالێ و سەرەدانێن جڤاکی ب تنێ دکەی و تشتێن پێدڤی ب تنێ دکڕی؟ ئەڤە یا شاشە، یا باش ئەوە ھندەک کاران ب پێکڤە بکەن.
8- ژیان د یا بۆری دا: ھەکە تو ل گەل یا بۆری بژی، ئەو تو بەری وەختی بریارێ ل سەر ھەڤژینێ خوە ددەی، بزاڤێ بکە د رۆژا خوە دا بژی و پلانا بۆ پاشەرۆژێ بدانن، ھەلبەت بیرھاتنێن خوەش ژی بپارێزن.
9- بێ پلانی: نە یا باشە تو ھەڤبەندیا خوە یا ھەڤژینی بێخیە دەستێ کاودانان. یا پێدڤیە پلانێ بدانی بۆ باشترکرنا لاینێن خراب و ب ھێزکرنا یێن باش.
ئەڤرۆ نیوز:
یانا ریال مەدرید یا بزاڤێ کەت بۆ سەرگرتنا نەخشەیێ وێ بۆ وەرزێ بھێت و د ھەمان دەمدا دخوازیت دربەکێ ب ھێز ل ھەڤرکا خوە یانا بەرشەلۆنا بدەت .
رۆژناما بەرنیاس یا ئیسپانی مارکا دیارکری یە یانا ریال مەدرید دخوازیت ھەڤبەستا ستێرا خوە یا پرتوگالی کریستیانو رونالدۆ درێژ بکەت ھەتا وەرزێ ٢٠٢٠ ژبەر ئەو ئاستێ ل وەرزێ ئەڤ سالە پێشکێشکری کو ٤٧ گول تومارکری نە د ٤٠ یاریێن ڤی وەرزی دا و یانا مەلەکی ل نێزیک دێ درێژکرنا ھەڤبەستا رونالدو ب فەرمی ل دەزگەھێن راگەھاندنێ بەلاڤەکەت.
ھەردیسان وێ رۆژنامێ دیارکری یە یانا ریال مەدرید نەخشەیەکێ باش دانایە و ماوەکە کاردکەت ل سەر دەستڤە ئینانا ستێرا بەرازیلی و یانا بەرشەلۆنا نیمار بۆ ئیمزاکرنا ھەڤبەستێ ل گەل یانا مەلەکی بۆ وەرزێ بھێت ، مفایێ ژ ئەوان ئاریشەیێن دناڤبەرا نیمار و یانا وی بەرشەلۆنا دا بینن .
ئه‌ڤرۆ نيوز:
رەنگە ب کارئینانا خەلەت یا پێکھێنەرێن سپیکرنا دێمی ھندەک نیشانێن لاوەکی یێن ب زیان ھەبن، برین جیلبرت تایبەتمەندا نەخۆشیێن پیستی ل سەنتەرێ داونستایت یێ پزیشکی ل نیویورک دیارکر کو ئەمریکی یێن ژ ئەزەل دا ئەفریقی ئەوێن دێمێ وان تاری، رادبن ب کرینا ڤان پێکھێنەران بێی راچێتا نوشداری و ھەتا ل مارکێتان ژی دھێنە فرۆتن و گەلەک ژوان یێن ئەسلی و سەختە ژێک جودا ناکەن و نزانن ب رێکەکا دروست ب کاربینن.
دیارکر ژی کو ئێک ژوان ملحەمان بناڤێ ( ھایبرو جیل ئاند فیر ئاند وایت) رەنگە ببیتە ئەگەرێ پرسکێن گەنجاتیێ و پیستی بێ ھێز بکەت ئەگەر ب خەلەتی ھاتە ب کارئینان، ئیشارەت دا وێ چەندێ ژی کو کەرستێ( زیئبەق) دناڤ گەلەک پێکھێنەران دایە و دبیتە ئەگەرێ پووچکرنا کۆئەندامێ دەماران، ژلایێ خوڤە ڤەکولەرا ئەمریکی ئیفلین ناکانو گلین، ژ زانکویا کالیفورنیا دیارکر کو ئەمریکی یێن دێم رەش حەز دکەن خو سپی بکەن و ب ھزرا وان بڤێ رێکێ دێ جھێ وان د جڤاکی دا باشتر بیت.
ئه‌ڤرۆ نيوز:
بۆ وه‌رگرتن و چاره‌كرنا بريندارێن روودانا قامشلۆ يا رۆژئاڤايێ كوردستانێ، هه‌رێما كوردستانێ نه‌خۆشخانه و بنگه‌هێن خوه يێن ساخله‌ميێ خستنه ئاماده باشيێ.
ب گۆره‌ى راگه‌هاندنه‌كێ كو ل مالپه‌رێ فه‌رميێ سه‌رۆكاتيا هه‌رێما كوردستانێ دا به‌لاڤ بوويه، ل سه‌ر فه‌رمانا مه‌سعود بارزانى سه‌رۆكێ هه‌رێما كوردستانێ نه‌خۆشخانه و بنگه‌هێن ساخله‌ميێ يێن هه‌رێما كوردستانێ خستنه ئاماده باشيێ بۆ وه‌رگرتن و پاره‌كرنا بريندارێن روودانا باژێرێ قامشلۆ يا رۆژئاڤايێ كوردستانێ.
هه‌ر د وێ راگه‌هاندنێ دا هاتيه: “بارزانى هه‌موو داموده‌زگه‌هێن په‌يوه‌نديدارێن هه‌رێما كوردستانێ راسپاردن كو ئه‌ڤا پێدڤى بيت بكه‌ن ب مه‌ره‌ما هاريكارى و كارئاسانيێ بۆ هاريكارى و پێشوازيكرنێ ل برينداران و هه‌ر پێدڤيه‌كا هه‌بيت”.
چارشه‌مبيا بۆرى شه‌ر و پێكدادان د ناڤبه‌را يه‌كينێن پاراستنا گه‌ل يه‌په‌گه و سۆپايێ رژێما ئه‌سه‌د ل قامسلۆ ده‌ستپێكر و ژ ئه‌گه‌رێ وێ چه‌ندێ چه‌ندين وه‌لاتى شه‌هيد و بريندار بوون.
ئەڤرۆ نیوز، زنار تۆڤی:
ئەڤرۆ رۆژا ئەینی 22 نیسانا 2016 ھەر ژ دەمژمێر 10:30 سپێدێ ھەتاکو دەمژمێر 12 نیڤرۆ تۆپخانەیا سۆپایێ تورکی گوندێن ئۆرە و سەرەرو و بێدوھێ و دێشێشێ تۆپبارانکرن و پتری 30 گۆلێن تۆپان ھاڤێتینە وان گوندان.
عەبدلرزاق حەسەن وەلاتیەکێ ڤێ دەڤەرێ یە بۆ ئەڤرۆ نیوز گۆت:ئەڤە ماوێ پێنج رۆژانە لدووڤ ئێک دەڤەرا بەرواری بالا دھێتە تۆپبارانکرن و ئێدی ژبلی دەنگێ تۆپان مە ئاگەە ژ بھار و خۆشیێ و سەیرانان نەمایە،ئێدی یا وەلێ ھاتی کو مرۆڤ نەوێریت ژ گوندێن خۆ ژی دوورکەڤیت،ھەروەسا گۆت ژی:ژ جھێن شۆلەژێ دخوازن کو چارەیەکێ بۆ وان ببینن کو ئێدی تۆپبارانکرن بھێتە راوەستاندن،ژ پێخەمەت خەلک بشێن ب تەناھی ل سەر گوندێن خۆ بژین.
ئەڤرۆ نیوز:
بریارە سوباھی یاریێن گەرا شەشێ و دووماھیێ ژ قوناغا چارگوشا زێرین یا خولا فاستلینک یا کوردستانێ بھێتەکرن کو دو یاری بریارە ل ئێک دەم دا بھێنەکرن کو چاڤێ ھەمی کوردستانێ دێ ل یاریا چارەنڤێسی یا دناڤبەرا ھەردو یانێن ھەولێر و پێشمەرگا ھەولێرێ بیت ئەوا بریارە ل یاریگەھا ھەولێر بھێتەکرن د ھێتە ھژمارتن یاریا دووماھیا خولێ ژبەرکو تیما رێزا ئێکێ و دوێ دێ ھەمبەری ئێک بن و یاریا دوێ دێ دناڤبەرا ھەردو یانێن دھۆک و زاخۆ دا بیت ل یاریگەھا دھۆکێ.
د یاریا ئێکێ دا دێ ھەڤرکی یا دژواری بیت دناڤبەرا ھەردو یانێن ھەولێر و پێشمەرگا ھەولێرێ دا ژبەرکو پێشمەرگە خودانا ٩ خالانە ل رێزا ئێکێ دھێت دڤێ یاریێ دا بتنێ ئەو پێدڤی خالەکێ یە داکو رێزا ئێکێ بو جارا ئێکێ مسوگەر بکەت ل سەر کیستێ یانا ھەولێرێ کو راھێنەر ل گەل ٩ یاریکەرێن پێشمەرگا ھەولێرێ یێن نوکە بەری نوکە دو جاران شیابوون ناسناڤێ خولا کوردستانێ ب دەستخوڤە بینن بەلێ دەمێ ل گەل یانا ھەولێرێ و تیما ھەولێر چو دەستی دا نینە کو تایبەت پشتی نەشیان دەربازی قوناغا نوخبە یا عیراقێ بن دخوازیت دلێ جەماوەرێ خوە خوش بکەن و دووماھیێ ب وەرزێ خوە یێ ئەڤ سالە بینن ب کەیخوشی ئەوژی برنا ناسناڤێ خولا کوردستانێ لێ ئەرکێ ئەوان یێ ب سانەھی نابیت ژبەرکو ئەو پێدڤی سەرکەفتنێ نە و ھەر ئەنجامەکی دی دبیت رێزا دوێ ژی ژ دەست بدان ئەگەر ھاتوو دھۆک سەرکەفتن تومارکر.
ژلایەکێ دیڤە د یاریا دێربی دا دھۆک دێ مێڤانداریا یانا زاخۆ کەت کو تیما زاخۆ چو دەستی دا نەمایە ژبلی ھەڤرکیێ ل سەر رێزا سیێ بکەت دخولا پلا نایاب یا کوردستانێ دا بەرامبەر دھۆک ھەتا رادەیەکی ئومێد ھەنە بۆ دەستڤە ئینانا رێزا دوێ ل وەرزێ ئەڤ سالە ئەوژی سەرکەفتنێ ل سەر زاخۆ توماربکەت بەرامبەر ھەولێر خوسارەت بیت ل گەل پێشمەرگە.
ھەلویستێ چار گوشا زێرین ب ڤی رەنگی یە بەری یاریێن ڤێ قوناغێ
پێشمەرگا ھەولێر ٩ خال
ھەولێر ٨ خال
دھۆک ٥ خال
زاخۆ ٤ خال
نيشاندان