ئه‌ڤرۆ نیوز، رۆژهات لوقمان:
بنگه‌هێ به‌ره‌ڤانیا باژارێ دهۆكێ بۆ ئه‌ڤرۆ نیوز راگه‌هاند: ل ده‌مژێر 9:04 ب شه‌ڤ ئاگر به‌ر دبیته خیڤه‌ته‌كا كه‌مپا دومیز یا ئاوارن.
بنگه‌هێ به‌ره‌ڤانیا باژارێ دهۆكێ راگه‌هاند ژی: ئه‌و ئاگر به‌ربویه خیڤه‌ته‌كێ ل كولانا فه‌راشین ل جادا 85 دناڤا كه‌مپا دومیز یا ئاواران ، به‌لێ ژلایێ تیمێن كه‌مپێ ڤه هاته كونترولكرن بێى كۆ زیانێن مادی لدوڤ خو بهێلیت.
ئه‌ڤرو نیوز :بارزان مزوورى
ئه‌فسه‌ره‌ك ژ هێزێن پێشمه‌رگه‌ى ل میحوه‌رێ باشیك بو مالپه‌رێ ئه‌ڤرو نیوز ئاشكرا كر كو ئه‌ڤرو ده‌مژمێر 3 ئیڤارى 27/12/2015 چه‌كدارێن تیرورستێن داعش سه‌ربازگه‌ها سوپایێ توركیا و حه‌شدا نیشتمانى ب چه‌كێ گران بوردومان كر و سه‌ربازێن توركیا ژى ب چه‌كێ گران به‌رسڤا بوردومانا وان دا و زیانێن مه‌زن یێن مادى ب سه‌ربازگه‌هێ كه‌فتن و حه‌تا نها بوردومان یا به‌رده‌وامه دناڤبه‌را سه‌ربازێن توركیا و چه‌كدارێن تیرورستێن داعش ژبه‌ر كو بوردومانێ ئاگره‌كێ مه‌زن دناڤ سه‌ربازگه‌هێ دروست بویه .
وى ژێده‌رى دیار كر كو د ئه‌نجامێ وێ بوردومانێ دا حه‌شدا نیشتیمانى هاتیه كوشتن و سێ ژى برینداربوینه و برینێن وان دژوارن. ،
نوژداره‌ك ژ نه‌خوشخانا شێخان یا گشتى كو نه‌ڤیا ناڤێ وى دیار بیت بو مالپه‌رێ ئه‌ڤرو نیوز ئاشكرا كر كو ئه‌ڤرو مه‌غره‌ب ته‌رمێ سه‌ربازه‌كێ حه‌شدا نیشتمانى بناڤێ “ئه‌حمه‌د محه‌مه‌د تاها گه‌هشته نه‌خوشخانا شێخان دگه‌ل سێ بریندارا بناڤێ “محه‌مه‌د ئه‌حمه‌د عبدالله،فه‌لاح عبدالله سلیم،رباح عبدالله سه‌لیم ” .
بو زانین ئه‌و سه‌ربازگه‌ها حه‌شدا شه‌عبى ل باشیكێ، سه‌ربازێن توركیا لێ نه و مه‌شق و راهێنان پێ دهێته كرن.
ئه‌ڤرو نیوز،بارزان مزوورى
عصمت ره‌جه‌ب، به‌رپرسێ لقا 14 ل مووسل بۆ مالپه‌رێ ئه‌ڤرو نیوز ئاشكرا كر كو ئه‌ڤرو 27/12/2015 ل ناحیا حه‌مام عه‌لى ل باشورێ مووسل 18 زیندانى ل گرتیخانا داعش دره‌ڤن و دناڤ وان زیندانیادا هنده‌ك كه‌سێن گرنگ دناڤ دانه.
دیاركر ژى كو چه‌كدارێن تیرورستێن داعش ده‌وروبه‌رێن وان تاخێن ل نێزیك گرتیخانێ دورپێچ كریه و دناڤ مووسل دا زالگه‌ه زێده‌كرینه داكو ئه‌و زیندانى بهێنه گرتن و حه‌تا نها دیارنه‌بوویه كا ئه‌و زیندانى كوردن یان عه‌ره‌بن.
ناڤبرى دیار كر كو ئه‌ڤرو ده‌مژمێر 7 ى مه‌غره‌ب 27/12/2015 چه‌كدارێن رێكخراوا ئازاد ل تاخێ باب جدید هێرش كره سه‌ر خاله‌كا پشكنینا چه‌كدارێن تیرورستێن داعش و ل دوڤ زانیاریێن ده‌ستپێكێ پتر ژ 10 چه‌كدارێن داعش هاتینه كوشتن و برینداربوینه و ئاگر ب خالا پشكنینێ كه‌فتیه .
ئه‌ڤرۆ نیوز: ڤه‌ده‌ر ره‌شاڤایی:
گرۆپه‌كێ كوردی ب ناڤێ (بازێن ئازادییا كوردستانێ) به‌رپرساتییا خوه ژ په‌قینا ل فرۆكخانا (سه‌بیها گۆكچه‌ن) یا سته‌نبولێ راگه‌هاند.
ئه‌ڤ گرۆپه تایه‌كێ په‌كه‌كێ یه خویاكرییه كو وان وه‌ك تۆلڤه‌كرن ژ هێرشێن ده‌وله‌تا تورك ل باكۆرێ كوردستانێ كرییه، و گه‌فكرینه كو هێرشێن پتر یێن بڤی جۆری لدژی ده‌وله‌تا تورك بكه‌ن.
د ڤێ په‌قینێ دا كه‌سه‌ك هاتبوو كوشتن و 2 بریندار ببوون و سێ فرۆكه زیاندار ببوون .
ئه‌ڤرۆ نیوز: ڤه‌ده‌ر ره‌شاڤایی:
ل ده‌ڤه‌را جزیرێ ل باكۆرێ كوردستانێ كو دبن قه‌ده‌غه‌كرنا ده‌ركه‌فتنا كولانان دایه، شه‌ر دناڤبه‌را سۆپایێ توركیا گه‌رم بوو د ئه‌نجام دا زارۆیه‌كا ساڤا یا 3 مه‌هی دگه‌ل باپیرێ خوه د مال دا هاتنه كوشتن.
خێزانا زارۆیا ساڤا یا بناڤێ (میرای ئینجه) هه‌ر زوو په‌یوه‌ندی ب ئه‌مبولانسێ كر ژبه‌ركو هێشتا زارۆیێ هه‌ناسه ددا، لێ هه‌تا گه‌هشتنا وان، ساڤا ژی گه‌هشته رێزا باپیرێ خوه خوه یێ 73 سالی و بوونه قوربانیێن شه‌رو په‌ڤچوونێن سۆپایێ توركیا دگه‌ل په‌كه‌كێ.
لدووڤ گۆتنا خێزانا زارۆیێ، ئه‌و ته‌قه‌كرنا ل مالا وان هاتییه كرن ژ ره‌خێ نه‌خۆشخانا ده‌وله‌تێ بوویه كو دبن كۆنترۆلا هێزێن ئێمناهییا توركیا دایه.
هه‌ر ئه‌ڤ شه‌ڤه ل جزیرێ شه‌رڤانێن په‌كه‌كێ سێ سه‌ربازێن تورك ل جزیرێ كوشتن.
ئه‌ڤرۆنیوز : كاروان باعه‌درى :
سه‌رۆكێ مسرێ عه‌بدلفه‌تاح سیسى پێشوازی ل وێ كچا ئێزدیا رزگاربووی ژ ده‌ستێ داعشى كر ئه‌وا ل جڤاتا ئاسایشا نیڤده‌وله‌تى هه‌موو ئه‌ندامین وێ جڤاتێ گریاندین.
عه‌لا یوسف په‌یڤدارێ بناڤێ سه‌رۆكاتیا كۆمارى گۆت : ئه‌و كچا ئێزدى یا بناڤێ (نادیا موراد) ئه‌وا ل جڤاتا ئاسایشا نێڤده‌وله‌تى هه‌موو ئه‌ندامێن وێ گریاندین كه‌یڤخوشیا خو ده‌ربرى به‌رامبه‌ر وى كومبوونا ل گه‌ل سه‌رۆكێ مسرێ هه‌روه‌سا سوپاسی بناڤێ ئێزدیان ل وان كر بۆ ڤێ داخوازیێ ژبه‌ركو رۆلێ مسرێ دیاره ل دژى تیرۆر و هزرا توندره‌و و وێ كچا ئێزدیان چیرۆكا خۆ بۆ سه‌رۆكێ مسرێ و ئه‌و هێرشا داعشێن تیرۆرست ئیناینه سه‌رێ وان ل شنگالێ ڤه‌گێرا.
هه‌ر دۆى دیدارێ دا سه‌رۆكێ مسرێ دیاركربوو ب هه‌ر شێوه‌یه‌كى دێ ل دژى تیرۆرێ و هزرا توندره‌و راوه‌ستن .
ئه‌ڤرۆ نيوز:
ده‌زگه‌هێ دژه تيرورا عيراقێ راگه‌هاند كو ده‌ڤه‌لارا زوبات و موعه‌لمين يێ هاتيه كونترولكرن و هێزێن سوپايێ عيراقێ يێن د پێشڤه‌چوونێ دا و ب تنێ 5 گه‌ره‌ك ييێن مال رومادى بهێته كونترولكرن.
ئه‌ڤرۆ پشتى نيڤرو ده‌زگه‌هێ دژه تيرور راگه‌هاند كو هه‌ردو ده‌ڤه‌رێن زوبات و موعه‌لمين ل ناڤ باژێرى رومادى هاتينه ستاندن.
نێزيكى حه‌فتيه‌كێ يه ، سوپايێ عيراقێ ب پشته‌ڤانيا هێزێن ئه‌سمانيێن هه‌ڤپه‌يمانان، هێرشێن خوه چرتر لێ كريه بۆ ستاندنا رومادى.
ئه‌ڤرۆ نيوز:
رۆژناما دى ئێن ده‌بليو يا ئه‌لمانى به‌حسێ وێ يه‌كر كريه كو دڤێت ئوروپا هه‌ر زور خوه به‌رهه‌ڤ بكه‌ن بۆ پێشوازيا 200 هزار كوردان ل باشورێ رۆژهه‌لاتا توركيا بكه‌ت كو ژ ئه‌گه‌رێ ململانێيا چه‌كدارى دێ توركيا بجه هێلن.
ل دووڤ پێزانينێن رۆژنامێ، ئاكنجيێن وان ده‌ڤه‌رێن ئوپه‌راسيون لىێ دهێنه ئه‌نجامدان ره‌وشا وان زور يا خرابه و ئێك ژ ئاكنجيێن وان ده‌ڤه‌ران بۆ رۆژناما دى ئێن ده‌بليو يا ئه‌لمانى كو هه‌تا ئاڤا ڤه‌خوارنێ ب ده‌ست وان ناكه‌ڤيت.
ئه‌ڤرۆ نیۆز، قائید میرۆ
مامۆستایه‌كێ زانكۆیا سه‌لاحه‌ددین دیاردكه‌ت، پشتی نه‌مانا شه‌ڕێ داعش دێ لسه‌ر ده‌ڤه‌رێن كوردستانی ئاریشه كه‌ڤیته ناڤبه‌را هه‌رێم به‌غدا.
دكتۆر عه‌بدولحه‌كیم خه‌سرۆ مامۆستایێ زانكۆیا سه‌لاحه‌ددین ب ئه‌ڤرۆ نیۆز راگه‌هاند” هه‌تا ئاریشه‌یا داعش مابیت هه‌رێم و به‌غدا لسه‌ر ده‌ڤه‌رێن ئاریشه لسه‌ر چو هه‌لویستێن توند نابن، كه‌نگی شه‌رێ داعش دوماهی هات وی ده‌می دێ ئاریشه‌یێن ده‌ڤه‌رێن ئاریشه لسه‌ر هێنه سه‌رهه‌لدان .
دكتۆر عه‌بدولحه‌كیمی دیاركر” هه‌رێا كوردستانێ و عێراقێ زۆر ئاریشه لسه‌ر رێڤه‌برنا ڤان ده‌ڤه‌ران هه‌نه، به‌لێ دده‌مێ نوكه‌دا هه‌ردولا به‌رهه‌ڤنینه به‌حسێ ئه‌ڤان ئاریشه‌یان بكه‌ن، هه‌ر وه‌كی ئه‌ڤا به‌ری نوكه ل قه‌زا خورماتوو چێبووی، هه‌ردولا پێكه ئه‌ف ئالۆزی بێده‌نگكرن و دزانن نوكه ده‌مێ هندێ نینه.
نيشاندان