ئەڤرۆ نیوز ، نەوزاد زادە ھلۆری:
ژ ئەگەرا ئاریشەیەکا جڤاکی ل سەنتەرێ قەزا خەبات بنەمالەیەک دناڤ خوەدا ب شەرێک ھاتن کو ب شوفەران کەفتینە ناڤ ھەڤدو و ھەشت مال دناڤبەرا وان ھاتینە خرابکرن.
ژێدەرەکێ نەڤیا ناڤی َخوە دیار بکەت بو ئەڤرۆ نیوز دیارکر کو ژ ئەگەرا پارچەزەڤیان بنەمالەیەک دماوەیێ چەند رۆژێن بوری دا دناڤبەرا خودا ب شەرێک چوون و نێزیکێ ھەشت مالان ب شوفەران سەرێک دا ئیناینە و ھەتا نھا ژی حکومەتێ چوو پێرابوون بەرامبەر ڤێ یەکێ نەوەرگرتینە.
بو زێدەتر راستیا ڤێ روودانێ ئەڤرۆ نیوز ب رێیا تێلەفونێ پەیوەندی ب ” کەریم خان موستەفا ” کو ئێکە ژ لایەیێن ئەڤێ رودانێ کر ، و سەرەرایی پشتراستکرنا ئەڤێ یەکێ تایبەت بۆ ئەڤرۆ نیوز گۆت : ( ئەڤە نێزیکێ سێ سالایە ئەم ھەردوو لایەن کو کەس و کارێن ھەڤدوینە ب سەرو ستویێ ئێک ڤەینە و بەردەوام بھانەیان بوو ھەڤدوو دبینین ، و نھا جارەک دن مە برینا بەرێ سێ سالان نوو کرەڤە و جارەک دن شەر دناڤبەرا مەدا درۆستبوە و ئەوان ھەشت مالێن مە ب شوفەران خرابکرن و دوشکەژی ل بەر مە دابوو ئەگەر بچینە بەرەڤانیێ تەقەی ل مە بکەن )
زێدەتر گۆت : ( بەری سێ سالان سەرا چێکرنا جاددەیەکێ کەسەک کو ھەریێ مە بخوەیە دناڤبەرا مەدا ھاتبویە کوشتن ، و ژ وێ رۆژی َھەتا نھا بەردەوام پەیوەندیێن مە د نەخوش و حکومەتێ ژی چوو تشتەک دناڤبەرا مەدا نەکریە وەکو پێھاتن و ئەڤە بوویە سەدەم کو جارەک دن ھەر سەرا عەردی و بھانەیێن جودا جودا دناڤبەرا مە دبیتە شەر ، و ژبەر نە رشتنا خوینا ھەڤدوو ، نھا ئەم نێزیکێ 80 کەسان ژبەر پاراستنا ژیانا خوە ئاوارەیێ ناحیا گردەسێن-ێ بووینە و دخوازین کو حکومەت و جھێن پەیوەندیدار ب زوترین دەم ئاریشەیا مە چارەسەر بکەت ژبەرکو ئەڤە زێدتری 40 سالایە ئەم لسەر ملک و جھێن خوە ل قەزا خەبات دژین و ئەگەر نە دبیت ئاریشەیێن زێدەتر دناڤبەرا مەدا بھێنە ئەنجامدان ، و ھەتا نھا ژبەر مروڤاتیا ھەڤدو مە ھەر تشت لسەر خوە قبولکریە )

ئەڤرۆ نیۆز، قائید میرۆ
ئێڤاریا ئەڤرۆ ل نێزیک باژێڕێ ھەولێرێ تەرمێ زارۆیەکێ شەش سالی ھاتە دیتن.
نەقیب ھۆگر عەزیز، پەیڤدارێ پۆلیسێن پارێزگەھا ھەولێرێ ب ئەڤرۆ نیۆز راگەھاند” ئێڤاریا دوھی ل ناحیا قوشتەپە یا باشورێ باژێڕێ ھەولێرێ زارۆیەکێ شەش سالی بناڤێ( ئەحمەد کامەران) بەرزەببوو ئەڤرۆ تەرمێ وی ھاتە دیتن.
ھۆگری گۆت” تەرمێ ئەڤی زارۆیێ شەش سالی ئێڤاریا ئەڤرۆ دناڤا بیرەکا ئاڤێ ل گوندێ دۆلە بەکرە یێ ناحیا قوشتەپە ھاتیە دیتن و ھاتیە ھنارتن بۆ پەیمانگەھا نۆشداریا داد بۆ پشکنینێ.

ئەڤرۆ نیۆز، قائید میرۆ:
ئێڤاریا ئەڤرۆ تەرمێ سێ پەنابەران گەھشتنە دەستێ خێزانا وان کو حەفتیا بۆری ب رێیا ئورۆپادا خەندقی بوون.
ژێدەرەکێ تایبەت ب ئەڤرۆ نیۆز راگەھاند” رۆژا 18ی ڤێ ھەیڤێ سێ وەلاتیێن ئێک خێزان دخواست ب رێیا نەقانوونی بچنە دەرڤە و داخوازا پەنابەریێ بکەن، بەلێ مخابن د رێیا ئورۆپادا ھەرسێ وەلاتیا گیانێ خوە ژدەستدا و نەگەھشت ھیڤیا خوە.
ژێدەری گۆتژی” ھەرسێ تەرم ییێن ئێک خێزانێن خەلکێ باژێڕێ ھەولێرێ نە و ئێڤاریا ئەڤرۆ ب رێیا فڕۆکخانا ھەولێرێ تەرمێن وان گەھشتنە ھەرێما کوردستانێ و رادەستی کەس و کارێن وان ھاتنەکرن.