ئەڤرۆ نیوز:
ھژمارەکا رۆژنامەیێن ئورۆپی دیارکری یە ھەتانوکە چارەنڤێسێ نيمار نەیێ دیارە ل وەرزێ بھێت ل گەل یانا بەرشەلۆنا ھەر چەندە یانا بەرشەلۆنا ناخوازیت دەست ژ ستێرا بەرازیلی بەردەت لێ ل ڤێ دووماھیێ چەند ئاریشە رویداینە و تایبەت یاریکەری ژی ھەتانوکە ھەڤبەستا خوە ل گەل یانا کەتەلونی نوو نەکری یە و چەند رۆژناما بەری نوکە دیارکر بوون نەیمار حەزا ب جھـ ھێلانا یانا کەتەلونی ھەیە دخوازیت بچیتە یانەکێ ئەو وەکو ستێرا ئێکێ بیت ل وێ یانێ داکو باشتر خوە دیاربکەت.
رۆژناما بیلد یا ئەلمانی دیارکری یە یانا بەرشەلۆنا دیڤچوونا یاریکەرێ یانا بروسیا دورتموند و گولکەرێ خولا بوندس لیگا ئوبامیانگ کەت و دیارکری یە یانا بەرشەلۆنا دخوازیت ئەوی بکەتە پێگھورێ نيمار ئەگەر ھاتو یاریکەرێ بەرازیلی یانا بەرشا ب جھـ بھێلت ل ھاڤینا بھێت .
ھەردیسان وێ رۆژنامێ دیارکری یە ژی دبیت ھەتا رادەیەکێ مەزن نەیمار ل مێرکاتویا بھێت یا ھاڤینێ بەر ب خولا ئینگلتەرا بچیت ژبەرکو یانا مانچستەر یوناید کوژمەکێ خەیالی پێشکێشی وی کری یە ئەوژی ١٩٨ ملیون یورۆ کو دبیتە بلندترین ھەڤبەست د مێژویا تەپا پێ دا .

ئەڤرۆ نیوز، زنار:
پشتی یاریا شڤێدێ یا یانا ریال مەدرید ل گەل یانا ڤیاریال کرستیانو رونالدو توشی ھنگافتنێ بوی ل دوماھی دەقیقەیا یاریێ و یاری بجە ھێلای پشتەڤانێن یانا مەلەکی مەترسیا خوە ژ ڤێ ھنگافتنێ دیارکر لێ پشتی پشکنین ئەڤرۆ ھاتینە ئەنجامدان نوژارێن یانیێ راپورتا خوە پێشکێشی کارگێریا یانێ کر ل دۆر ھنگافتنا رونالدوی.
زێدەتر د ڤی چارچوڤەی دا رۆژناما مارکا دیارکریە ئەڤرۆ سپێدی نوژدارێن یانا ریال مەدرید چەندین پشکنین بۆ ستێرا یانێ کرستیانو رونالدوی ئەنجامداینە ژ ئەگەرێ وێ ھنگافتنا یاریا شڤێدی ھەمبەر ڤیاریال توشی ڤی یاریکەری بوی و دیارکریە چو ھنگافتنێن مەترسیدار نینن و تنێ بۆ یاریا شەمبیا بھێت ھەمبەر رایو زالیکانو پشکداریێ ناکەت ژ ئەگەرێ ئەوێ ئێشانا د پێ وی دا پەیدابویە لەورا پێدڤی ب بیھنڤەدانێ یە داکو بۆ یاریا بەرامبەر مان ستی ل رۆژا سێشەمبی بەرھەڤ بیت.

ئەڤرۆ نیوز:
راپورتێن رۆژنامەڤانی ل ئینالیا دیارکری نە یانا ریال مەدرید بەری ماوەکە ب فەرمی داخوازی ژ راھێنەرەکێ بەرنیاس یێ ئیتالی کری یە بۆ وەرگرتنا ئەرکێ راھێنەریا یانا مەلەکی ل وەرزێ بھێت.
گوڤارا فتبول یا ئیتالی یا بەرنیاس د نوچەیەکێ خوە دا بەلاڤەکری یە یانا مەلەکی بەری ماوەکە ب فەرمی داخوازی ژ ماسیمیلیانو ئەلگرینی راھێنەرێ یانا یوڤانتوس یا ئیتالی کری یە بۆ وەرگرتنا پوستێ یانا مەلەکی ل وەرزێ بھێت لێ راھێنەرێ ناڤبری داخوازیا یانا مەلەکی رەتکر ژبەرکو ئەو ل گەل یانا خوە رێککەفتی یە ھەڤبەستا خوە درێژ بکەت ھەتا وەرزێ ٢٠١٨.
ژلایەکێ دیڤە رۆژناما دیلو سپورت دیارکری یە یانا ریال مەدرید بەری ھەیڤەکێ بوو داخوازی ژ راھێنەرێ یوڤانتوس کری بۆ وەرگرتنا پوستێ راھێنەریا یانا ریال مەدرید بوو وەرزێ بوری ئانکو بەری سەرکەفتنا ریال مەدرید ل سەر یانا بەرشەلۆنا د یاریا کلاسیکو دا و ھەمان رۆژنامێ دیارکری یە ژی دبیت یانا ریال مەدرید نوکە ل وێ داخوازی و گوھورینا راھێنەرێ خوە زێدان لێڤەبووی یە تایبەت پشتی ئەوان ئەنجامێن باش یێن ێ دووماھیێ زیزو تومارکرین دەربازبوونا یانێ بۆ قوناغا پێش دووماھیا ئورۆپا ھەردیسان نێزیکبوونا وێ بۆ سەرکێشیا خولا لالیگا کو ئەڤ ئەنجامە ھەمی دێ تێرا وێ چەندێ کەن زێدان بشێت باوەریەکا مەزنتر بۆ کارگێریا ریال مەدرید دروستبکەت وەرزەکێ دی ژی پوستێ راھێنەریا یانا مەدرید وەربگریت .