NO IORG
Facebook

ئەڤرۆ نیوز:
ھەلبژارتنێن پەرلەمانێ ئیرانێ نێزیک دبن و دوھی دەرگەھێ خوە بەربژارکرنێ بۆ کەسێن کو بخوازن بچنە پەرلەمانی ھاتە ڤەکرن و ل باژێرێن رۆژھەلاتێ کوردستانێ رێژەکا بەرچاڤ ژ مامۆستا و کەسایەتیێن سیاسی خوە بۆ پەرلەمانێ ئیرانێ بەربژار کرینە و مامۆستایەکێ زانکۆیێ ژی دیار دکەت کو کوردان دڤێت کاریگەریا خوە ل پەرلەمانێ ئیرانێ بکەن لێ سیستەمێ نھا ناھێلیت کورد ل ژێر ناسناما نەتەوی بچنە پەرلەمانی.
تاھر جەمشیدی مامۆستایێ زانکۆیا خوێ یا رۆژھەلاتێ کوردستانێ بۆ رۆژناما ئەڤرۆ راگەھاند کو کاریگەریا گوھۆرینێن ل پارچێن دی یێن کوردستانێ ل سەر رۆژھەلاتێ کوردستانێ رۆژ ب رۆژێ زێدەتر دبیت و ئەو یەک د چەند رۆژێن بۆری دا ژی ب رەنگەکێ ئاشکرا دیار بوو دەمێ کو گەلەک کەسان بەرھەڤیا خوە نیشا داینە کو خوە بەربژێر بکەن و بچنە پەرلەمانێ ئیرانێ و گۆت: (بەرەیێ یەکگرتی یێ کوردی کو وەک ھێزەکا سیاسی و قانوونی یا کوردان ل رۆژھەلاتێ کوردستانێ دھێتە نیاسین دخوازن کورد جوداتر ژ جاران بچنە پەرلەمانی، چونکو پشتی شۆرەشا ئیسلامی یا ئیرانێ ھەتا نھا ھەکە ھندەک کورد چووبنە پەرلەمانی ژی ئەو یەک ب پشتەڤانیا بەرپرسێن ئیرانێ بوویە و ئەو کەس وەک نوونەرێن کوردان نەچووینە پەرلەمانی دا کو داخوازا مافێ رەوا یێ خەلکێ کوردستانێ بکەن).
ناڤھاتی د پشکەکا دی یا ئاخڤتنا خوە دا ئەو یەک ژی دیار کر کو ڤێجارێ بەرەیێ یەکگرتی یێ کوردی دڤێت وەک پارتەکا سیاسی ھندەک ئەندامێن کورد دەستنیشان بکەت و پشتەڤانیێ ل وان بکەت دا کو ئەو بچنە پەرلەمانی، لێ ل گۆر نێرینا من ئەو یەک کارەکی بساناھی نابیت و دێ ئاستەنگیێن گەلەک مەزن بۆ وان دروست بن، چونکو بەری ھەر تشتەکێ ل ئیرانێ میکانیزما لیژنا زێرەڤانیێ ھەیە کو ئەو دشێن بەربژێریا گەلەک کەسان رەت بکەن و د سالێن بۆری دا ژی مە دیت کا چاوا نەھێلان گەلەک کەسایەتیێن ناڤدارێن کورد بچنە پەرلەمانێ ئیرانێ و گۆت: (ژ بەر ھندێ ئەز باوەرم ناکەم ھەلبژارتنێن ڤێجارێ ژی چو کاریگەریا خوە ل چارەکرنا پرسا کوردی ل ئیرانێ بکەت، چونکو د چارچۆڤێ سیستەمێ نھا دا ل ئیرانێ کورد نەشێن بگەھنە مافێن خوە و گەلەک ئاستەنگی ل ھەمبەر خەباتا سیاسی و مەدەنی یا خەلکێ رۆژھەلاتێ کوردستانێ ھەیە).
مامۆستایێ زانکۆیێ د پشکەکا دی یا ئاخڤتنا خوە دا ئەو یەک ژی دیار کر کو ھەکە رێگری ل بەربژێرێن کوردان نەھێتە کرن ئەز ب باوەرم دێ ڤێجارێ رێژا پشکداریا کوردان د ھەلبژارتنێن پەرلەمانی دا گەلەک بیت، چونکو چەندین ھەلبژارتن ل ئیرانێ ھاتینە کرن و ھەتا نھا ژی چو کاریگەریا خوە ل باشبوونا بارێ ژیانا خەلکی نەکریە، بۆدجەیا کو بۆ پارێزگەھێن رۆژھەلاتێ کوردستانێ ژی دھێتە تەرخان کرن ھەموو جاران بۆ جھێن دی دھێتە مەزاختن و گۆت: (ب گەلەک رەنگان ل ئیرانێ زۆرداری ل کوردان دھێتە کرن، چونکو کوردان نوونەرێن خوە یێن راستەقینە ژی ل پەرلەمانی نینن نەشێن بەرەڤانیێ ژ مافێ خوە بکەن و ژ بەر ھندێ ژی ھەکە بەرەیێ یەکگرتی یێ کوردی بشێت کارەکێ وەسا بکەت ئەو یەک دێ کاریگەریەکا مەزن ل چارەکرنا پرسا کوردی کەت، لێ وەکو من دیار کری گەلەک سازی و میکانیزم ل ئیرانێ ھەنە کو ناھێلن کورد نوونەرێن خوە یێن راستەقینە بھنێرنە پەرلەمانی).
ناڤھاتی د دووماھیا ئاخڤتنا خوە دا ژی ئەو یەک دیار کر کو نھا ھەرێما کوردستانێ بەر ب راگەھاندنا دەولەتا کوردی دچیت و نێرینا جیھانێ ل ھەمبەر کوردان ھاتیە گوھۆرین و رۆژانە سەرکردێن وەلاتێن جیھانێ سەرەدانا ھەرێما کوردستانێ دکەن، ئەو ھەموو گوھۆرین و پێشڤەچوونێن کو سەبارەت ب کورد و کوردستانێ دروست بووینە ب رەنگەکێ راستەوخوە کاریگەریا خوە ل رۆژھەلاتێ کوردستانێ کریە، لێ ژ بەر سیاسەتا کو ئیران ل ھەمبەر کوردان برێڤە دبەت و ئاستەنگیێن کو ل ھەمبەر خەباتا سیاسی و مەدەنی یا خەلکێ رۆژھەلاتێ کوردستانێ دروست کریە مخابن ل رۆژھەلاتێ کوردستانێ بێدەنگیەکا گەلەک مەزن ھەیە و گۆت: (رۆژانە لاوێن کورد ل بەر چاڤێ جیھانێ دھێنە سێدارەدان و کەس دەنگێ خوە ناکەت، کوردێن رۆژھەلاتێ بێ خوەدان ماینە و وەلاتێن رۆژئاڤا و ئەمریکا ژی ژ بەر بەرژەوەندیێن خوە ل ھەمبەر کریارێن ئیرانێ بێدەنگ ماینە).

ئەڤرۆ نيوز:
سەرۆکێ دەستەیا بلند یا بنگەھێ لالش ل دھۆکێ داخوازێ وەزارەتا خواندنا بلند و ڤەکۆلینێن زانستی یا حوکمەتا ھەرێما کوردستانێ دکەت کو قوتابیێن کوردێن ئێزدی بۆ زانکۆ و پەیمانگەھێن ھەرێمێ ب ھێنە ڤەگوھاستن، وەزیرێ خواندنا بلند و ڤەکۆلینێن زانستی ژی دیار کر، ئەو دێ ھەموو ئاسانکاریان بۆ وەرگرتنا قوتابیێن ئیزدی ل زانکۆ و پەیمانگەھێن ھەرێما کوردستانێ کەن.
شێخ شامۆ، سەرۆکێ دەستەیا بلند یا بنگەھێ لالش ل دھۆکێ ب مەرەما ڤەگوھاستنا دوھی 20/12/2015 سەرا وەزارەتا خواندنا بلند و ڤەکۆلینێن زانستی کر و داخواز ژێ کر قوتابیێن ئێزدی بۆ زانکۆ و پەیمانگەھێن ھەرێمێ بھێنە ڤەگۆھاستن، د ھەمبەردا دکتۆر یوسف گۆران، وەزیرێ خواندنا بلند و ڤەکۆلینێن زانستی یێ حوکمەتا ھەرێما کوردستانێ ڕاگەھاند، ئەو ب ھەموو شیانێن خوە دێ کار کەن بۆ خزمەتکرنا قوتابیێن کوردێن ئێزدی و گۆت: “ب چو رەنگەکی جوداھی د ناڤبەرا قوتابیێن ئیزدی و یێن دی ل زانکۆیێن ھەرێمێ ناھێتە کرن، تایبەت قوتابیێن دەڤەرا شنگال، باشیک و بەحزان و ھەموو دەڤەرێن دی و ل دووڤ مەرج و رێنمایان ل زانکۆ و پەیمانگەھێن ھەرێمێ دێ ھێنە وەرگرتن”.
وەزیری ئاشکرا کر، رەوشا کوردێن ئیزدی ل بەرچاڤ دێ ھێتە وەرگرتن، ئەڤە چەند سالە زانکۆ و پەیمانگەھێن ھەرێمێ دەرگەھێن خوە بەرامبەر قوتابیێن ئیزدی ڤەکرین و بێ جوداھی دھێنە وەرگرتن، تایبەت ئەو قوتابیێن ناڤێن وان ل زانکۆ و پەیمانگەھێن پارێزگەھێن دی یێن عیراقێ دەردکەڤن و گۆت: “ئەم ب ھەموو شیانێن خوە بزاڤان دکەین، ژ بەر رەوشائەمنی وان قوتابیان ڤەگوھێزینە زانکۆ و پەیمانگەھێن ھەرێمێ”.

ئه‌ڤرۆ نيوز:

رۆژا شه‌مبى رێكه‌فتى 19ى كانوونا ئێكێ وه‌زاره‌تا دارايى و ئابوورى ل حوكمه‌تا هه‌رێما كوردستانێ خشتێ نوو يێ به‌لاڤكرنا مووچێ فه‌رمانبه‌ران بۆ هه‌يڤا ئيلۆنێ راگه‌هاند.

د راگه‌هاندنه‌كا فه‌رمى دا، كو وێنه‌ك ب ده‌ست ئه‌ڤرۆ نيوز كه‌فتيه‌، تێدا هاتيه‌: د به‌رده‌واميا پرۆسا به‌لاڤكرنا مووچه‌ى دا، وه‌زاره‌تا درايى و ئابوورى ل حوكمه‌تا هه‌رێما كوردستانێ رۆژا دوشه‌مبى 21ى كانوونا ئێكێ يا 2015ێ مووچێ هه‌يڤا ئيلۆنێ يێ كاروبارێن پێشمه‌رگه‌ى ل حوكمه‌تا هه‌رێما كوردستانێ به‌لاڤ كه‌ت.

299

ئه‌ڤرۆ نيوز:

به‌رى ده‌مه‌كێ كێم ل سه‌ر جادا سه‌ره‌كى يا دهۆك و هه‌ولێر و ل دووريانا ئه‌ڤريكێ دو ترۆمبێلان لێكدا كو ئێك ژ وان كيا بارهه‌لگر و يا دويێ ژى هۆندا بلند بوو، ترۆمبێلا كيا يا پرى سندوقێن لالنگيا بوو و نێزيكى 300 سندوقان تێدا بوون و ژبلى زيانێن مادى زيانێن گيانى ب سلامه‌ت بوون.

1 (1) 1 (2) 1 (3) 1 (4)

ئه‌ڤرۆ نیوز:
برێییا فرۆكان حكومه‌تا ئیراقێ چه‌ند هۆشداریی بۆ وه‌لاتیێن باژێرێ رومادی یا لبن كۆنترۆلا داعش به‌ردانه‌ڤه‌ و تێدا ژێ هاتیه‌ خاستن د 72 ده‌مژمێران دا باژێری بجهبهێلن.
ژێده‌ره‌كێ سه‌ربازیێ ئیراقێ خویاكر كو ئه‌ڤه‌ ئاماژه‌كه‌ كو ئۆپه‌راسیۆنا مه‌زن یا ئازادكرنا رومادی دێ ده‌ستپێكه‌ت.
ل حه‌فتییا بۆری سۆپایێ ئیراقێ راگه‌هاندبوو كو وان پێشڤه‌چوونێن باش ل چه‌ند ناوچێن رومادی كرنه‌.

491

ئه‌ڤرۆ نیوز،زنار تۆڤى:
چاڤ ئێكن ژ گرنگترین ئه‌ندامێن له‌شێ مرۆڤى و دڤێت مرۆڤ گرنگیه‌كا مه‌زن و تایبه‌ت پێ بده‌ت و باش پاراستنێ ل سه‌ر بكه‌ت،له‌ورا زۆر جاران لاوازى و كێمبوونا دیتنا چاڤان ڤه‌دگه‌ریت بۆ لایه‌نێ زكماكیێ یان ژى لایه‌نێ (ویراسى) لده‌ف مرۆڤان،به‌لێ پتریا جاران بكارئینانا رێكێن شاش دبنه‌ هۆكارێن سه‌ره‌كى بۆ لاوازبوونا چاڤێن مرۆڤى،وه‌كى كاركرن بۆ ماوه‌یه‌كێ درێژ ل سه‌ر كۆمپیوته‌رى و هه‌روه‌سا ده‌مێ مرۆڤ گه‌له‌كێ نێزیكى تێله‌فزیۆنێ بیت و بۆ ماوه‌یه‌كێ درێژ ته‌ماشه‌ بكه‌تێ،دیسان بكارئینانا لاپتۆپ و مۆبایلێ دجهێن تاریدا،ئانكو ده‌مێ گلۆپ دڤه‌مراندى بن،ئه‌ڤ چه‌نده‌ دێ كارتێكرنا خراب كه‌ته‌ سه‌ر چاڤان،ژبه‌ركو تیشكێن ژ شاشا لاپتۆپ و مۆبایلێ ده‌ردكه‌ڤن د زیانبه‌خشن بتایبه‌تى ل ده‌مێ دتاریاتیێ دا مرۆڤ سه‌حكه‌تێ بۆ ماوه‌یێن درێژ،هه‌روه‌سا ل ده‌مێ خواندنا ب شه‌ڤێ باشتره‌ گلۆپ بكه‌ڤیته‌ پشت سه‌رێ مرۆڤى،داكو تیرۆژكێن رۆناهیێ په‌رچ نه‌بن ل سه‌ر كاغه‌زێ،چونكى دێ زیانه‌كا مه‌زن گه‌هینیته‌ چاڤان. بۆ رزگاربوون و پاراستنا چاڤان مرۆڤ دشێت ب چه‌ند راهێنانێن ب ساناهى رابیت و باشتره‌ پشتى هه‌ر ده‌مژمێره‌كێ مرۆڤ بێهنه‌كا درێژ بهه‌لكێشیت و چاڤێن خۆ بگریت و بزاڤێ بكه‌ت هه‌مى ئه‌ندامێن له‌شێ مرۆڤى بهێن ڤه‌ده‌ن و دێ یا باشتربیت مرۆڤ ڤێ چه‌ندێ دوباره‌ بكه‌ت،ئێكسه‌ر مرۆڤ دێ هه‌ست پێكه‌ت كو فشارا چاڤێن مرۆڤى سڤكتر لێ دهێن.

103

ئه‌ڤرۆ نيوز:

به‌رى چه‌نده‌كێ، وه‌زيرێ به‌ره‌ڤانيا كه‌نه‌دل ب هه‌ڤالبه‌نديا باليوزێ كه‌نه‌دا ل عيراقێ ب فرۆكه‌كا سه‌ربازى و ب رێيا فرۆكخانا نێڤده‌وله‌تيا هه‌ولێرێ گه‌هشته‌ هه‌رێما كوردستانێ و ژ ئاليێ كه‌ريم سنجارى وه‌زيرێ ناڤخو و پێشمه‌رگه‌ ب و وه‌كاله‌ت و فه‌لاح مسته‌فا به‌رپرسێ فه‌رمانگه‌ها په‌يوه‌نديێن ده‌رڤه‌ى هه‌رێمێ پێشوازى لێ هاته‌ كرن.

ئه‌ڤرۆ نيوز:

وه‌زاره‌تا خواندنا بلند رۆنكرنه‌ك ل دۆر بهێنڤه‌دانان به‌لاڤ كريه‌ و دياركريه‌: پشتى كو حكومه‌تا هه‌رێمێ 4 شه‌مب و 5 شه‌مبى كريه‌ بهێنڤه‌دان، وه‌زاره‌تا خواندنا بلند ژى بهێنڤه‌دانێن ماموستا و فه‌رمانبه‌ر و قوتابيان دياركر كو بۆ بهێنڤه‌دانا ماموستا و قوتابيان، هه‌ر زانكۆيه‌ك يا پابه‌نده‌ ب سالناما خواندنا ئه‌كاديميا خوه‌ كو ل ده‌ستپێكا سالێ ددانيت و بۆ بهێنڤه‌دانا فه‌رمانبه‌رێن وه‌زاره‌تا خواندنا بلند ژى رۆژێن 4 شه‌مب و 5 شه‌مبى بۆ وان ژى بهێنڤه‌دانه‌.

website security
WP Facebook Auto Publish Powered By : XYZScripts.com