ئه‌ڤرۆ نيوز:
به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ گۆت: “شڤێدى گه‌نجه‌كێ 19 سالى ب ناڤێ “ن.س.ح” ل كه‌مپا باعه‌درێ ب وه‌ريسه‌كى خوه خه‌ندقاند و دووماهى ب ژيانا خوه ئينا”.
هێمن سلێمان زێده‌تر گۆت: “ل دووڤ ڤەکولینێن دەستپێکی دیار بوویە ئەگەرێن خوه کوشتنا وی ژ ئه‌گه‌رێ کێشێن دەروونینە”.
به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ ئاماژه ب وێ چه‌ندێ ژى كريه كو پەرێن ڤەکولینێ ل بنگەھێ پولیسێن باعەدرێ ھاتینە ڤه‌كرن بۆ زانینا ئەگەرێن دروست یێن روودانێ.
ئەڤرۆنیۆز، سالار دۆسکی:
دچارچووڤێ دیدارەکا تایبەت دا ل بەرنامێ (پەروەردە و ژیان) کو راگەھاندنا رێڤەبەریا گشتی یا پەروەردا پارێزگەھا دھۆکێ بەرھەڤ دکەت، رادیۆیا دھۆک رۆژێن پێنج شەمبی دھێتە پێشکێشکرن کو ئەڤرۆ 24/12/2015 و خەلکا ئەڤرۆ یا تایبەت بوو ب کێشێن قوتابیێن پەیمانگەھا راھێنان و گەشەپێدانا مامۆستان ڤە، ب مێھڤانداریا د. ئیبراھیم ئەحمەد سمو سەرۆکێ لژنا پەروەردێ ل پەرلەمانێ کوردستانێ، دیسان حەکیم عەبدوللا رێڤەبەرێ پەیمانگەھا راھێنان و گەشەپێدانا مامۆستان ل دھۆکێ، حەسەن عەبدوغەفور نوونەرێ قوتابیان ل پەیمانگەھێ و پشتی گەنگەشەکا تێر و تەسەر، د. ئیبراھیم ئەحمەد سمو دیارکر کو بەری پەرۆگرامی ب چەند خولەکا پەیوەندی ب وەزیرێ پەروەردێ د.پشتیوان سادق کریە و گازندا قوتابیان گەھاندیێ، وەزیرێ پەروەردێ حوکمەتا ھەرێمێ ل سەر خواستێن قوتابیان رازیبوویە و بڤی رەنگی.
1- سێ کورس ببنە دو کورس
2- ماف و ئمتیازاتێن باوەرناما بەکالوریورسێ بھێنە ھەژمارتن
3- مامۆستایێن پەیمانگەھا ناڤبری ماف ھەیە بەردەوامیێ بدەنە خواندنا خوە یا ماستەر و دکتورایێ و ب مەرەجەکی پشتی وەرکرتنا باوەرنامێ ڤەگەریتە سەر کارێ خوە ل پەیمانگەھا ناڤبری.
د.ئیبرھیم ئەحمەد سمو دیارکر ژی کو دانا باوەرناما بەکالوریوس نە دەست ھەلاتێن وەزارەتا پەروەردێ نە، بەلکو دڤێت دچارچووڤێ قانوونەکا بچووک دا ل پەرلەمانی ئەڤە بھێتە راستڤەکرن و کار ل سەر بھێتەکرن و ھیڤی خواستن ل دەمەکێ نێزیک ئەڤە ژی بھێـتەکرن.
ھەڤدەم، پشتی ڤی نووچەی حکیم عەبدوللا رێڤەبەرێ پەیمانگەھا راھێنان و گەشەپێدانا مامۆستان ل دھۆکێ دەست خوەشی ل د.ئیبراھیم ئەحمەد سموکرن و دیارکر کو پشتی جەژنا سەرێ سالێ دێ دوڤچوونێ ل سەر بابەتی کەت و دێ ب نڤیسار ھەموو قوتابیان ھایدارکەت.
دووماھیێ ژی نوونەرێ قوتابیان سوپاسیا د.ئیبراھیم ئەحمەد سمو سەرۆکێ لژنا پەروەردێ، حکیم عەبدوللا رێڤەبەرێ پەیمانگەھێ کرن و سوز دا بچنە ھولێن خواندنێ و بەردەوامیێ بدەنە خواندنا خوە.
ئەڤرۆ نیوز ، نەوزاد زادە ھلۆری:
وەکو وەفداری و رێزگرتنە بو قارەمانیا شەھیدێ فەرماندە ” مەغدید ھەرکی ” مونیمێنتەک دێ ل ناحیا گردەسێن ھێتە درۆستکرن.
ڤی واریدا خانو ھەرکی سەرپەرشتێ دروستکرنا ئەوی مونیمێنتێ بو ئەڤرۆ نیوز گۆت : ( وەکو رێزگرتن و وەفاداریە بو قارەمانیا شەھیدێ فەرماندە مەغدید ھەرکی دێ مونیمێنتەکێ بو شەھید مەغدید ھەرکی ل دوریانا گردەسێن ھێتە چێکرن ، و مە دەست بکارێ خوە کریە و ل ئایندەیەکێ نێزیک دێ کارێ مە ب دوماھیی ھێت )
زێدەتر گۆت : ( قەبارێ ئەوێ مونیمێنتێ ب 5×4م و دێ چوار وێنەیێن ب قەبارێ 1:30×2م تێدا ھێنەدانان و ھەموو مەزاختنێن وێ ژی دێ ژلایێ من و رائید ھەرکی و چەند گەنجەکێن عەشیرەتا ھەرکیان ڤە ھێنە مەزاختن و مە دەستوری ژی ل رێڤەبەریا ناحیا گردەسێن و باژێرڤانیا گردەسێن وەرگرتیە ، و ھەردەما ب دوماھیی ھات دێ د رێورسمەکێ ژ ھەژی دا ب بەرھەڤبوونا دام و دەزگەھێن حکومی و حزبی و کەس و کارێن شەھیدی و جەماوەرێ دەڤەرێ ھێتە ڤەکرن )
بەری نھا ژی گەنجەکێ دن یێ باژێرێ دھوکێ بۆ روژناما ئەڤرو دیارکر بو کو ئەو ژی دێ لسەر کیسێ خوە پەیکەرەکێ ل سەنتەرێ باژێرێ دھوکێ درۆستکەت.
دھێتە زانین کو لرۆژا 16/12 ل چیایێ زەرتەک فەرماندە مەغدید ھەرکی ب دەستێن تیرورستێن داعشی شەھیدبوویە کو ئێک بوویە ژ فەرماندەیێن ھەری دیار و قارەمان دناڤا رێزێن پێشمەرگەی بەرامبەر تیرورستێن دان و پرانیا شەرێن مێحوەری َناوەران و چەند جھەکێن دن پشکداربویە.
ئەڤرۆ نیۆز، ھەرھین محەمەد:
ئاشتی ئنجلین قەشێ کەنیسا تەزبیح بۆ ئەڤرۆ نیوز دیارکرکو ئەڤ سالە جەژنا ژدایک بوونا حەزرەتا مەسیح وەکو ھەر سال ب ئاھەنگێن مەزن ناھێتە گێران چونکو ئەڤ سالە گەلەک شەھید ھاتینە دان و لەورا بتنێ ئەڤ رۆژە دێ ھێتە ساخکرن ب سرودێن ئاینی و گۆتنا چیروکا ژدایک بوونا حەزرەتا مەسیح ل ھەموو کەنیسەیان.
قەشێ کەنیسا تەزبیح ھیشتاژی گۆت: ئەڤ جەژنە دێ بۆ ماوێ سێ رۆژا دێ بەردەوام بین ل ھەمی کەنیسا ل دەمژمێر دەھی سپێدی ھەتا دمژمێر ئێکی نیڤرو.
ئەڤرۆ نیوز، نەوزاد زادە ھلۆری:
چەندین سالە زانا بزاڤا دیتنا ژێدەرەکێ نوویێ وزەیێ دکەن بو وی دەمێ کو پەترول لسەر روویێ عەردی نەمینیت ، و ھەرچەندە ل گورەی ڤەکولینێن نوو ھەر دوو بەرمیلێن پەرتولێ ئێک ل عیراقێ یە.
توریوم (Thorium) ماددەیەکێ کیمیایێ تیشکدەرە و ل رێزا (90) یا خشتەیا خولێ بخوڤە دگریت ، دەمێ کارایا ئەڤی توخمی ژ ( 100 ) سالان د بووریت ، و ل ڤێ دوماھیێ کومپانیا ( لیزەر پاوەر سیستمس ) دڤێت ئەڤی َماددەی ل ترومبێلان ژی دا بکاربینن ، و ئەگەرا سەرکەفتنا ڤێ یەکێ ژی د کومپانیێ دا ھەیە ، و ھەر ترومبێلەکا ژ ڤی جوری بو دەما ( 100 ) سالان پێدڤی ب سوتەمەنیێ نابیت.
توریوم ماددەیەکێ تیشکدەرێ چالاکە و کو د نھا دا ب رێیا گەرمکرنا ئاڤێ ب توریوم و ئامیر و کارگەھێن مەزن ب وزەیا ھەلمێ ئێخستینە کاری ، و کومپانیا ناڤھاتی نیەتا وێ یەکی َھەیە کو ئەڤێ تەکنەلوجیایێ گەلەک بچوک بکەت کو شیان ھەبیت بو ترومبێلێن تایبەت ژی بکاربینن.
ژلایێ زانستیڤە توریوم ب ئێک ژ ماددێن ھەری چر یێن گەردونی دھێتە دانان و رێژەیەکا زور یا وزەیێ ددەتە جورەکێ دیارکری د توریومێ دا کو ( 20 ) ملیون جارا ھندی ھەمان رێژەیا خەلوزا بەری وزەیێ ددەت.
چارلز ستیڤنز رێڤەبەرێ کومپانیا ناڤبری دیارکر کو شیانێن بکارئینانا توریوم د ترومبێلێن تایبەت دا ل ئایندەیەکێ نێزیک دا ناھێتە دەستڤەئینان بەلێ ژ روویێ تیووری ڤە دگونجیێت و کارەکێ موستەحیل و مەحال نینە ، و قەبارەیێ تەکنەلوژیایێ پتر رێگرن دڤێ یەکێ دا ئەگەر چوو رێگریێن فیزیکی نینە.
ستیڤنز دبێژیت ژی : ( ئایندەیێ وزەیا جیھانێ دێ پشت ب ڤی ماددەی ھێتە گرێدان ژبەرکو رێژەیەکا قەبارێ سپلێتەکا مالان د شیاندایە وزەیا کارەبا باژێرکەکێ مەزن دابین بکەت و لە ئایندەدا دشیاندایە دناڤ ترومبێل و مالان ژی دا وەکو ژێدەرەکێ وەزیێ راستەوخوە بو دەمەکێ درێژ ھەتا ( 100 ) سالان بھێتە بکارئینان.
ھندەک زانایێن دن ڤێ یەکێ ب مەترسی دبینن ئەو ژی ژ ئەگەرا تیشکدانا وێ ، بەلێ لایەنگیرێن تەکنەلوژیا توریوم دبێژن بتنێ سیمەکا ئەلەمنیومی بەسە کو ھەرکەس خوە ژ تیشکا ئەڤی ماددەی بپارێزیت.
ئەڤرۆ نیوز، ھەرھین محەمەد:
سترانبێژ ھەڤال ئیبراھیم بۆ ئەڤرۆ نیۆز دیارکر کو ئەڤە بۆ ماوەکی یە مژوولی سترانەکێ ب ناڤێ (برایەتی) د گەل سترانبێژ (عەدنان کەریم و کەژێ و کەویار) و ژڤانە د نێزیکترین دەم دا بھێتە بەلاڤکرن و نوکە د قووناغا مونتاژێ دایە.
ھەڤالی گۆتژی: “ناڤەرۆکا ڤێ سترانێ بەحسێ برایەتی دکەت و کو ھەموو کورد دەستێن خوە بدەنە ئێک و رۆژا مە یا ھاتی و زمانێ مە ئێکە و ئەم برایی نە”.
دا زانین ژی کو چار ھوزانڤانان پەیڤێن ڤێ سترانێ داناینە (غەریب قادر، شەھاب زەنگەنە، رێبوار شێروانی و گۆران) و ئاواز ھەڤال ئیبراھیم و گۆت: “ئەڤ سترانە ل ستودیۆیا فورمیوزیک ھاتیە تومارکرن و ب پشتەڤانیا نێچیرڤان بارزانی ئەڤ کلیپە ھاتیە چێکرن”.
ل دووماھیێ ھەڤال گۆت: ئەز حەز دکەم خەلک باش گۆھێ خوە بدەنە سترانا برایەتی و بزانن مەرەما مە چیە؟”.
ئه‌ڤرۆ نيوز:
ئێڤاريا ئه‌ڤرۆ رۆژا پێنجشه‌مبى، بهايێ په‌ترۆلێ نێزيكى نێزيكترين ئاست بوويه و ئێك به‌رميل ب 37$ ئه‌مريكى هاتيه فرۆتن، ئه‌ڤه ژى كێمترين بهايه د ماوێ 11 سالێن بۆرى دا كو ژ ئه‌گه‌رێ خستنا زێده يا ناڤ بازارى ل سه‌ر ئاستێ جيهانێ بوويه و ل گه‌ل ڤێ چه‌ندێ يا ئه‌مريكى ژى هێشتا هاته خوار و ئه‌و ژى ژ ئه‌گه‌رێ يه‌ده‌كێ په‌ترۆلا وى وه‌لاتى و كێمبوونا ئاستێ هه‌لكه‌ندنا بيرێن نوو يێن په‌ترۆلێ ل وى وه‌لاتى.
ئه‌ڤه د ده‌مه‌كى دايه كو رۆژا سێشه‌مبى بهايێ په‌ترۆلا خاڤا بڕێنت گه‌هشتيه 35.98$ و ئه‌ڤه ژى كێميرن بهايه د ماوێ 11 سالێن بۆرى دا.
ئه‌ڤرۆ نيوز:
سه‌رپه‌رشتيارێ به‌رێ يێ بزاڤا گۆڕان ل بادينان روونكرنه‌ك ده‌رباره‌ى ده‌ست ژ كاركێشانا خوه ل سه‌ر سه‌رپه‌رشتياريا وێ حزبێ ل بادينان و رادگه‌هينيت: هه‌كه هه‌ر به‌حس و خواسته‌كا هه‌بيت ژى ل دووڤ گۆتنا خوه دێ ل گه‌ل براده‌رێن خوه د بزاڤا گۆڕان دا به‌حس كه‌ت.
د روونكرنێ دا، كو ئه‌ڤرۆ نيوز وێنه‌ك ب ده‌ست خوه ئێخستيه هاتيه: “د چه‌ند رۆژێن بۆرى دا چه‌ند ده‌نگوباسه‌ك به‌لاڤ بووينه ده‌رباره‌ى په‌يوه‌نديا من و بزاڤا گۆڕان، ل ڤێره من دڤێت ئه‌وێ چه‌ندێ روون بكه‌م كو من چو ئاخفتنه‌كێ ب ئێكسه‌ر يان نه ئێكسه‌ر بۆ چو لايه‌نه‌كى يان ميديايه‌كێ نه‌كريه و من كه‌س ژى نه‌كريه وه‌كيل ل جهێ من باخڤيت”.
سه‌رپه‌رشتيارێ به‌رێ بزاڤا گۆڕان ل بادينان ئاماژێ ب وێ چه‌ندێ ژى دكه‌ت كو هه‌كه هه‌ر به‌حس و داخوازيه‌كا هه‌بيت ب گۆبتنا خوه دێ ل گه‌ل براده‌يێن خوه ل بزاڤا گۆڕان به‌حس كه‌ت.
هشيار عابد ماوێ دو سالا سه‌رپه‌رشتيا بزاڤان ل ده‌ڤه‌ران بادينان كريه، به‌لێ د چه‌ند رۆژێن بۆرى دا ده‌ست ژ كاركێشايه بێ كو چو ئه‌گه‌ران ل دۆر ده‌ست ژ كاركێشنا خوه ئاشكه‌را بكه‌ت.
ئەڤرۆ نیوز، نەوزاد زادە ھلۆری:
ئەڤرۆ رۆژا پێنجشەمبی چەکدارێن داعشێ ل مووسل چوار ماموستا سێدارەدان و بەرپرسێ لقێ 14ێ پارتی ددەتن دیارکرن کو لڤینێن وان د ناڤا مووسل زۆر بووینە.
عسمەت رەجەب بەرپرسێ لقێ 14 يێ پارتی دیموکراتی کوردستان ل مووسل بۆ ئەڤرۆ نیوز گۆت: (ئەڤرۆ پێنجشەمبی چەکدارێن داعشێ چار مامۆستا ب تومەتا وێ یەکێ کو خەمساری د گوتنا وانەیێن مەھجەجێ داعش دا کریە سێدارەدان).
زێدەتر گۆت: (ل ڤان رۆژان لڤلڤین و پشکنینێن چەکدارێن داعشێ ل مووسل و وان دەڤەرێن ل ژێر دەستێ وان بوو سەر جە و مال و وەلاتیێن دەڤەرێ زور بوینە و ب بھانەیێن جودا جودا وەلاتیان د کوژن و سێدارەددەن).
نيشاندان