ئه‌ڤرۆ نيوز:
هۆنه‌رمه‌ندێ ده‌نگخۆشێ باژێر زاخۆ، عه‌بدولقاهر زاخۆى و تيپا رۆباد يا ميۆزيكێ سترانا “شه‌هيد” ب ره‌نگه‌كێ نوو كليپكر.
د پێشه‌كيا ڤێ كليپێ دا، ئه‌ڤ سترانه كريه ديارى بۆ هه‌موو شه‌هيدێن كوردستانێ و جانێ هۆنه‌رمه‌ند ئه‌ياز يوسف.
سترانا “شه‌هيد” سترانه‌كا ناڤدارا بادينى يه و ژ په‌يڤێن “حه‌بيب كه‌له‌ش” و ئاوازێن “حه‌بيب كه‌له‌ش” و “عه‌بدولعه‌زيز سلێمان”ه.
ئەڤرۆ نیوز، نەوزاد زادە ھلۆری:
ب بەرھەڤبوونا لیوا تاریق سلێمان ھەرنی بەرپرسێ مێحوەری تلسقووف و عسمەت رەجەب بەرپرسێ لقێ 14ی پارتی ل مووسل و ژمارەکا پێشمەرگەیان ئەڤرۆ رۆژا پێنجشەمبی 24ی کانونا ئێکێ ھێزا ئاگرین ل مێحوەرێ ناوەران دوماھی ب خولەکا سەربازی بو ژمارەیەکا پێشمەرگێن خوبەخش ئینا کو زێدەتر ژ سالەکێ یە ئەو پێشمەرگە وەکو خوبەخش ل ناوەران دناڤ ھێزێن پێشمەرگەی ل سەنگەری نە.
شێخ لوقمان شەرەفانی بەرپرسێ ھێزی ئاگرین ل مێحوەرێ ناوەران بو ئەڤرۆ نیوز گۆت: (ب مەرەما زێدەتر شارەزابوون ل ئەرک و کارێن پێشمەرگایەتیێ مە وەکو ھێزا ئاگرین ئەڤرۆ رۆژا پێنجشەمبی دوماھی ب خولەکا سەبازی ئینا کو ب سەرپەرشتیا کەسانێن بسپوور برێڤەد چوو ، و تێدا مەشق و راھێنانێن سەربازی و فێرکرنا چەک و سیلاح و چەوانیا ژناڤبرنا TNT بو پێشمەرگێن خوبەخشێن خولێ دھاتن گۆتن).
گۆت ژی: (ماوەیێ ئەڤی َخولێ 20 رۆژبون و تێدا باوەرنامەیێن دەرچوونێ لسەر 103 پێشمەرگێن پشکدار ھاتنەدان ، و ئەم دێ لسەر ڤەکرنا خولان د بەردەوام بین داکو پێشمەرگە بکارن پتر شارەزایێ شەران بن دگەل دوژمنی).
ئه‌ڤرۆ نيوز:
جڤاتا وه‌زيێن هه‌رێما كوردستانێ ب هه‌لكه‌فتا هاتنا جه‌ژنا ژدايكبوونا حه‌زره‌تێ مه‌سيح سلاڤێن خودێ ل سه‌ر بن په‌يامه‌ك به‌لاڤكر و ئه‌ڤه ژى ده‌قێ وێ يه:
جڤاتا وەزیرێن ھەرێما کوردستانێ جەژنا ژدایکبوونا حه‌زره‌تێ ئیسا مه‌سيح (سلاڤێن خوەدا لێ بن) و سەرسالا نوویا زایینی ب گەرمی ل تەڤ خووشک و برایێن مه‌سيحىیێن کوردستانێ و تەڤایا مه‌سيحىیێن ئیراق و جیھانێ پیرۆز دکە و ھێڤیدارە کو، ئەم ھەموو جەژنەکە ئارام و بەختەوەر دەرباس بکن.
ژ کەڤن دە مه‌سيحى پێکھاتەیەکە سەرەکییا کوردستانێ نە و ب ئازادی و ئارامی ئۆلا خوە پەیرەو کریە و بەشداریەکە گرنگ د دیرۆکا شارستانیا کوردستانێ و پێکانینا ئاشتیا جڤاکی، پێکڤەژیان و لێبھورینێ ل کوردستانێ ھەیە، د بزاڤا رزگاریخوازا کوردستانێ ژی دە خوەدیێن چەندین پێشمەرگە، شەھید و سەرکردەیێن مێرخاسن، ھەروەسا، ژ دەستپێکا دامەزراندنا ھکوومەت و پارلامنەتۆیا کوردستانێ و د ئاڤاکرن و بھێزکرنا سازیێن ھکوومی، مەدەنی و سیستەما دەمۆکراسیا کوردستانێ دە پێکھاتەیا مه‌سيحى رۆلەکە گرنگ لیستیە.
ژ بۆ ھەرێما کوردستانێ شانازیە کو، نھا ل جیھانێ ب ھەرێمەکە ئارام و ب ھشارا کۆچبەر و لێقەومیێن دەستێ تەرۆر و شدەتێ تێ ناسکرن، ب ھەزاران ھەڤوەلاتیێن مه‌سيحى ژ بەر گەفێن تەرۆریستان و شدەتا مەزھەبی ژ دەڤەرێن دنیێن ئیراقێ پەنا بۆ ھەرێما کوردستانێ ئانییە. ئەم ھێڤیدارن ب ھیمەتا پێشمەرگە و گەلێ خوەراگرێ کوردستانێ و ب پشتەڤانیا ھەڤپەیمانان و دۆستان داوی ب ڤێ مەترسیا کارەساتبار بێ و تەڤ کۆچبەر و پەنابەر بۆ سەر مال و ملکێن خوە ب دلەک خوەش ڤەگەرن.
جارەکە دن ئەڤ مناسبەتا شکۆمەند ل تەڤ خووشک و برایێن مه‌سيحى پیرۆز بە و ھیڤیدارین ئەڤ جەژن خوەشی، ئیستیقرار و ئاشتیێ بۆ تەڤ گەلێن جیھانێ بینە و خووشک و برایێن مه‌سيحى و تەڤایا کوردستانیان د جەژنێن بێن دە د بن سھا سەرکەفتنا یەکجاری، ئاڤادانی و شادیێ دە پیرۆز بکن
جڤاتا وەزیرێن ھەرێما کوردستانێ
24،12،2015
ھەولێر
ئه‌ڤرۆ نيوز:
ئه‌ڤرۆ رۆژا پێنجشه‌مبى ده‌زگه‌هێ نه‌زاهێ ل عيراقێ راگه‌هاند، فه‌رمانه‌كا نوو يا ده‌سته‌سه‌ركرنێ بۆ مه‌لاس محه‌مه‌د عه‌بدولكه‌ريم وه‌زيرێ بازرگانى يێ ژ كار لادايى و ئێك ژ رێڤه‌به‌رێن گشتى يێن وێ وه‌زاره‌تا ده‌رچوو.
ده‌زگه‌هێ نه‌زاهێ د به‌ياننامه‌كێ دا راگه‌هاند: “دادگه‌ها نه‌زاهێ فه‌رمانه‌كا نوو يا ده‌سته‌سه‌ركرنێ ل دژى مه‌لاس محه‌مه‌د عه‌بدولكه‌ريم وه‌زيرێ بازرگانيێ ژ سه‌ر كار لاداى و ئێك ژ رێڤه‌به‌رێن گشتى يێن وێ وه‌زاره‌تێ ده‌ركر”.
هه‌ر د به‌ياننامێ دا ئه‌وا ئه‌ڤرۆ نيوز خوه گه‌هانديه دانه‌كێ ژ وێ هاتيه: “ده‌ركرنا ئه‌وێ فه‌رمانێ ژ ئه‌گه‌رێ دوسيا برنجێ ئورگۆايى يه”.
مه‌لاس محه‌مه‌د عه‌بدولكه‌ريم كورده و ل سه‌ر ليستا وه‌ته‌نيه پۆستێ وه‌زيرێ بازرگانيا عيراقێ وه‌رگرتبوو، پێشتر ژ لايێ ده‌سته‌لاتا دادوه‌رى يا عيراقێ ياداشتنا ده‌سته‌سه‌ركرنا وى ده‌ركه‌فت بوو، پاداشت ژى ب گۆتنا عه‌بدولستار بريقدار ئاخفتنكه‌رێ ب ناڤێ ده‌سته‌لاتا دادوه‌ريێ ب گۆره‌ى هه‌ردو مادێن 310 و 319 ژ قانوونا سزايێن ژماره 111 يا سالا 1969ێ هاتيه دان.
ئه‌ڤرۆ نيوز:
ل ڤێرێ دێ 8 ژ وان به‌رنامان به‌رچاڤ كه‌ين يێن زيانێ ب مۆبايلێ دگه‌هينن و دڤێت وه‌كو كه‌سه‌كێ مۆبايلێ ب كار دئينى خوه ژێ بده‌يه پاش.
1- ئه‌و به‌رنامێن بۆ پاقژكرن و زێده‌كرنا له‌زاتيێ و پاراستنا مۆبايلێ ژ ڤايرۆسان دهێنه ب كارئينان:
پتريا وان نه‌دراستن و د بێ مفانه و هه‌كه ته بزاڤ كر بكه‌يه د مۆبايلا خوه ژى دا، بلا ئه‌وێن به‌رنياس بن، يێن ژ لايێ كۆمپانيێن ناڤدار ڤه دهێنه دروستكرن دا كو زيانێ ب مۆبايلا ته نه‌گه‌هينن.
2- به‌رنامێن باشتركرنا خزمه‌تا واى فاى:
هنده‌ك به‌رنامه يێن هه‌ين ناڤ ل خوه دكه‌ن بۆ نه‌هێلانا كێشا خاڤيا ئه‌نترنێتێ دهێنه بكارئينان، دێ وه‌سان ژى ته رازى كه‌ن كو ئه‌و دێ تۆڕا ته يا ئه‌نترنێتێ ب هێز ئێخن، به‌لێ ئه‌ڤ د راستى دا چ كارێن باش ناكه‌ن ب تنێ پاتريا مۆبايلا ته ب ره‌نگه‌كێ زێده‌تر د مه‌زێخن، دبيت ڤايرۆس ژى ل گه‌ل بيت و زيانێ ب مۆبايلا ته ب گه‌هينن، ژ به‌ر هندێ دانلۆد نه‌كه.
3- به‌رنامێن زێده‌كرنا ژيێ پاتريێ:
پتريا وان به‌رنامێن نه‌يێن دروستن، د راستى دا، هێزا پاتريا مۆبايلێ ل گه‌ل قه‌بارێ مۆبايلێ و چاوانيا بكارئينانا وێ يه و ئه‌وان به‌رنامه و ياريێن تو ب كار دئينى، ژ به‌ر هندێ گوهێ خوه نه‌ده وان به‌رنامان.
4- به‌رمانێن بۆ پاراستنا شاشا مۆبايلێ ژ كه‌ستنێ هاتينه به‌رهه‌ڤكرن، يان ئه‌وێن بۆ دانا پاسوردى بۆ سه‌ر مۆبايلێ هاتينه به‌رهه‌ڤكرن:
ئه‌و هه‌مى نه ئه‌و به‌رنامه نه يێن باوه‌رپێكرى بۆ دانلۆدكرنێ و دانانا وان د ناڤ مۆبايلێ دا، چو به‌رنامه نينن شاشا مۆبايلێ ب پارێزن ژ شكه‌ستنێ ژبلى شاشا پاراستنێ protector screen، ديسا پاراستنا وێ ژ لايێ ته ڤه، ديسا هه‌موو مۆبايلان به‌رنامێ تايبه‌ت ب خوه ڤه يێ دانانا پاسۆردى ل سه‌ر مۆبايلێ يێ هه‌ى.
5- به‌رنامێن ئاشكه‌راكرنا دره‌وان يان هه‌لبژارتنا هه‌ڤالێ ژياناته يان هه‌ر تشتێ ژ ڤى ره‌نگى:
چ پێ نه‌ڤێت چ راستى بۆ ڤان خوارافاتان نينه، ئه‌ڤه هه‌موو به‌خته و نه‌زێده‌تر، چ پێ نه‌ڤێت ئه‌و ژى دێ زيانێ گه‌هيننه مۆبايلا ته.
6- به‌رنامێن ڤه‌گۆهاستنا وێنێ ته بۆ كارتۆن يان ده‌نگێن گيانه‌وه‌ران:
ئه‌و ژى دبێ مفا نه و گه‌له‌ك ژ وان كار ناكه‌ن و دبيت ڤايرۆس د ناڤ دابن و زيانێ بگه‌هيننه مۆبايلا ته.
7- به‌رمانێ گوهۆرينا خه‌تى “Font”:
ئه‌و به‌رنامه وه‌سان يێن هاتينه چێكرن كو سه‌رنجا ته بۆ خوه ب راكێشن و بكه‌يه د ناڤا مۆبايلا خوه دا، د راستى ئه‌و هه‌موو نه‌دبه‌رئاقلن، به‌لێ هنده‌ك ژ وان يێن هه‌ين ژى ب دروستى كار دكه‌ن.
8- Emojs:
هه‌موو نه د دروستن، پتريا مۆبايلێن نوكه ئه‌ڤ خزمه‌ته يێن تێدا هه‌ين و پێدڤى ناكه‌ت تو هنده‌كێن وه‌سان بكه‌يه د ناڤ مۆبايلا خوه دا زيانێ پێ بگه‌هينن.
ئه‌ڤه هه‌تا راده‌كى د ئايفۆنێ دا د پاراستى نه و تشتێ ب كێر نه‌هێت زى ب زى تێدا ناهێته دانان، به‌لێ سيسته‌مێ ئه‌ندرۆيد دڤێت گه‌له‌ك دهشيارى ڤى بابه‌تى بن و ژبلى ڤان چه‌ندين خزمه‌تێن دژى يێن هه‌ين هه‌كه نه‌هاتبنه پشتراستكرن ژ لايێ سيسته‌مێ مۆبايلێ ڤه خوه ژێ بده‌نه پاش دێ گه‌له‌ك باشتر بيت ژ كو زيانێ بگه‌هينيته مۆبايلا ته چ ب رێيا ڤايرۆسان يان كارتێكرنێ ل سه‌ر پاتريا مۆبايلێ.
ئه‌ڤرۆ نيوز:
ب گۆره‌ى چه‌ند ڤه‌كۆلينه‌كێن زانستى، ته‌ماشه‌كرنا فلمێن رووت كارتێكرنه‌كا نه‌رێنى يا ل سه‌ر مێشكێ مرۆڤى هه‌ى.
ب گۆره‌ى ڤه‌كۆلينه‌كا په‌يمانگه‌ها “ماكس بلاتم بۆ په‌ره‌پێدانا مرۆڤى” ل به‌رلين كو ل سه‌ر 64 زه‌لامێن د ناڤبه‌را 21 بۆ 45 ساليێ دا ئه‌نجام دايه، ده‌ركه‌فتيه، ئه‌و زه‌لامێن زێده‌تر ده‌مێ خوه ب ته‌ماشه‌كرنا فلمێن رووت دبه‌ن كێمتر مێشكێ وان كار دكه‌ت و به‌ر ب لاوازيێ دچيت.
ڤه‌كۆلينێ ده‌رخستيه ژى كو ئه‌و كه‌سێن گه‌له‌ك ته‌ماشه‌ى فلمێن رووت دكه‌ن پشتى ماوه‌كى هێدى هێدى مێشكێ وان به‌ر ب لاوازيێ ڤه دچيت و تووشى ژبيركرنێ دبن و ئه‌ڤ بارێ نه‌ئاسايى ژى ب “بچووكبوونا مێشكى” دهێته ب ناڤكرن.
ئه‌ڤرۆ نيوز:
بڕياره ئێكه‌تى نشتيمانى كوردستان و پارتى ديموكراتى كوردستان، كۆمبوونه‌كێ ئه‌نجام بده‌ن و ناڤ كۆمبوونێ دا ژى بڕيارا ميكانيزما چاوانيا پارڤه‌كرنا پۆستێن حوكمه‌تێ بده‌ن.
د حه‌فتيا داهاتى دا، پارتى ديموكراتى كوردستان و ئێكه‌تى نشتيمانى كوردستان، دێ كۆمبن و بڕياره ل سه‌ر چاوانيا چاكسازيێن حوكمه‌تێ و پرسا بزاڤا گۆڕان و پركرنا وه‌زاره‌تان ل حوكمه‌تێ گه‌نگه‌شه بكه‌ن.
د ڤێ ده‌ربارێ دا، عه‌لى عه‌ونى، ئه‌ندامێ سه‌ركرداتيا پارتى ديموكراتى كوردستان بۆ “باسنيوز” راگه‌هاند: كۆمبوونێن ئێكه‌تى و پارتى دێ به‌رده‌وام بن و دڤێت هه‌ردولا ل سه‌ر كۆمه‌كا پرسان دانوستاندنێ بكه‌ن ب تايبه‌ت ئه‌ڤا په‌يوه‌ندى ب حوكمه‌تێ هه‌ى”.
ته‌كست ل سه‌ر وێ چه‌ندێ ژى كر كو پشكه‌ك ژ ته‌وه‌رێ كۆمبوونا وان دێ پرسێن نوكه يێن هه‌رێمێ و كاودانێ، سياسى يێن كوردستانێ و گۆڕانكاريێن ده‌ڤه‌رێ بن.
ب گۆره‌يى پێزانينێن “باسنيوز” سه‌رۆكێ شاندێ پارتى ديموكراتى كوردستان د كومبوونێ دا دێ “فازل ميرانى” سكرتێرێ مه‌كته‌با سياسى يا پارتى ديموكراتى كوردستان بيت و شاندێ ئێكه‌تى ژى دێ ژ لايێ “كوسره‌ت ره‌سۆل عه‌لى جێگرێ ئێكێ يێ سكرتێرێ گشتيێ ئێكه‌تيێ هێته سه‌رپه‌رشتيكرن.
ئەڤرۆ نیوز : کاروان باعەدری:
جیان دەنانی کچەکا کوردا ئێزدیە خەلکا کۆمەلگەھا خانکێ یە، بەری 14 سالان کۆچبەری ئەلمانیا بوویە و نھا قوتابیا زانکۆیا کۆلنە ل بەشێ سیاسەت و ئابووری ب شاھا کۆچبەرا ھاتیە ھەلبژارتن ل ئەلمانیا و د چەندین رۆژناما دا داھاتیە بەلاڤکرن مینا رۆژناما بێلد.
جیان دەنانی بۆ ئەڤرۆ نیوز گۆت: “پشتی ئەز ھاتیمە ئەلمانیا من ھزر دکر ئەز رێکخراوەکا ھاریکاریێ ئاڤا بکەم و ھاریکاریێ بکەم پشتی کارەساتا شنگالێ ھاتیە روودان و خەلک کۆچبەری ئەلمایا بوو، من رێکخراوەک دامەزراند ب ناڤێ رێکخراوا ھاوار یا ھاریکاریکرنا ئاوارەیان و ب تایبەت ئەوێن درێیێن ئاڤێ دا دھێنە ئەلمانیا چونکو ئەو رێیەکا نەخۆشە”.
جەنان ئاماژێ ب وێ چەندێ دکەت کو ئەو ژی ب ھەمان رێ چوویە ئەلەمانیا و ل دۆر چوونا خوە ب وێ رێ دبێژیت: “ئەز ژی ب ڤێ رێ چوومە ئورۆپا و مرۆڤ تێدا ھەموو جورێن مرنێ دبینت”.
ل دۆر رێکخرا وان خوە ژی ددەتە زانین کو نێزیکی 20 کەسان تێدانە و 6 کەس خووشکێن وێ نە و ھەتا نھا رێکخراوا وان پتری 40 ھزار چل یورویان بۆ وان کۆچبەران کۆمکرینە.
جیانێ زێدەتر گۆت: ” ل سالا 2014 ل چیایێ شنگالێ من چەندین ھاریکارێن ماددی و جلک ئینان و جارا دی ئەز ل سالا 2015 ھاتم من چەندین تەنێن خوارنێ بۆ ئاوارەیان ئینان، حەز دکەم جارەکا دی بھێمە کوردستانێ و پتر خزمەتا ئاوارەیان بکەم”.
دھێتە زانین چەندین رۆژنامەیێن جیھانی بەحس ل جیانێ کریە و چەندین مانشێتێن جودا بەحس لێ کرینە رۆژنامامەیا بێلد مانشیتەک نڤیسبوو ب ناڤێ “جیان شاھا کۆچبەرا و گەشتەک بۆ ژیانا کەڤن و ھاریکاریا زارۆ و کۆچبەران”.
و ھندەک رۆژنامەیێن دی چەندین مانشێتنێن جودا دابوونی مینا “تو ژ کیڤە ھاتی ب ڤێ ھێزێ جیان”، “کۆچبەرا نموونەی” و ھەروەسان جیان ب باشترین قوتابیا ھەیڤا 10 ل ئەلمانیا ھاتیە ھەلبژارتن.
ئه‌ڤرۆ نيوز، كاروان باعه‌درى:
ئه‌ڤرۆ رۆژا پێنجشه‌مبى رێكه‌فتى 24ى كانوونا ئێكێ يا 2015ێ ب ئاماده‌بوونا چه‌ندين كه‌ساتيێن سياسى و ئاينى و په‌رله‌مانتاران، پێشوازى ل ته‌رمێ 15 كوچبه‌رێن كوردێن ئێزدى هاته كرن.
راگه‌هاندنا بنگه‌هێ لالش به‌لاڤكريه كو ئه‌ڤ 15 كه‌سه به‌رى دو حه‌فتيان د ده‌ريا ئيجه دا خه‌ندقى بوون و هه‌موو ژى كوردێن ئێزدى نه.
پێشتر خه‌يرى بۆزانى، رێڤه‌به‌رێ گشتيێ كاروبارێن ئێزدزيان ل سه‌ر په‌يجێ خوه يێ تۆڕا جڤاكيا فه‌يسبۆكى راگه‌هاند بوو: ئه‌ڤرۆ 24ى كانوونا ئێكێ و ل ده‌مژمێر 13:15 و ب هه‌ڤكارى د ناڤبه‌را نڤيسينگه‌ها سه‌رۆك وه‌زيرێن هه‌رێمێ و وه‌زاره‌تا ژ ده‌رڤه يا عيراقێ، ته‌رمێ 15 قوربانيێن ئێزدى بگه‌هيته فرۆكخانا هه‌ولێر ئه‌وێن ل سه‌ر سنورێن يونان د ناڤ ئاڤێ دا خه‌ندقين”.
ئاماژه ب وێ چه‌ندێ ژى كر بوو كو دهێته چاڤه‌رێكرن دو ته‌رمێن دژى ب هه‌مان هه‌ماهه‌نگى و ب هه‌مان رێ بگه‌هنه هه‌رێما كوردستانێ، به‌لێ ئاماژه ب وێ چه‌ندێ نه‌كريه كا ئه‌و ژى ئێزدى نه يان نه.
ئەڤرۆ نیوز، ئەیاد بەرواری:
سەرۆک وەزیرێن تورکیا ئەحمەد داود ئوغلۆ رەخنێن سەلاحەدین دەمیرتاش ھەڤسەرۆکێ حزبا دیموکراتا گەلان(ھەدەپە) ل تورکیا گرتین ل دۆر ئێخستنا فرۆکەکا رۆسی ل مەھا بۆری، شەرمزارکرن.
ئەحمەد داود ئوغلۆ ل دووڤ (ھاڤینگتۆن پۆست) گوت” داخۆیانیا دەمیرتاشی کو ل رۆسیا دای و تێدا گوتی کو (ئێخستنا فرۆکا رۆسی بریارەکا شاش بوو) کارەکێ خیانەتکاری یە دەمیرتاشی کری”.
سەرۆک وەزیرێن تورکیا دیارکر کو غاردانا دەمیرتاشی بۆ سەرەدانا رۆسیا ژبۆ پێشکەشکرنا پشتەڤانیێ، ددەمەکی دا فرۆکێن رۆسی وەلاتیێن عەرەب و تورکمان و کورد ل ئه‌عزازێ و حەلەبی و ئیدلبێ و بایربوجاقێ ل سووریێ توپباران دکەن، خیانەتەکا بەرچاڤە بۆ تورکیا”.
دەمیرتاشی د سەرەدانا خوەدا بۆ رۆسیا ل گەل وەزیرێ دەرڤەیێ رۆسی (سیرگی لافروف) کۆمبوو و ڕەخنە ل وەلاتێ خوە تورکیا کربوون ژبەر ئێخستنا فرۆکا رۆسی.
پەیوەندیێن تورکیا و رۆسیا یێن بەر ب ئالۆزیێ چووین پشتی تورکیا فرۆکەکا شەڕکەر یا رۆسی ژ جۆرێ (سیخۆی 24) ل سەر سنۆرێ تورکیا و سووریێ ل 24 مەھا بۆری ئێخستی.
نيشاندان