ئهڤرۆ نیوز: ڤهدهر رهشاڤایی:
ئاڤاهیێن سیمبۆل ل باژێرێن مهزن خوه ب رهنگێن ئالایێ فرهنسا پۆشی بۆ نیشاندانا ههڤخهمییا خوه و پشتهڤانیێ بۆ فرهنسا لدژی داوی هێرشێن تیرۆری ل پاریسێ كو پتری 127 كهسان د ئهنجام دا هاتینه كوشتن.
ئەڤرۆ نیوز، ئەیاد بەرواری:
پەیڤدارێ میلیشیێن حەشد شەعبی یێن شیعی د داخۆیانیەکێ دا بۆ رۆژناما ئەڤرۆ دیارکر کو حەشد شەعبی سێ مەرج بۆ نەھێلانا گرژیێ ل باژێرکێ خورماتۆ یێن ھەین و ھەتا نوکە دانوستاندن ل گەل لایەنێ کوردی د بەردەوامن ل سەر وان مەرجان.
کەریم نوری پەیڤدارێ حەشد شەعبی بۆ ئەڤرۆ گوت” ئەم ھەردو لایەن یێ بزاڤا چارەکرنێ دکەین کو ئاریشە مەزنتر لێ نەھێت، ژبەرکو ئەڤ ئاریشە د بەرژەوەندا چو لایەنەکی دا نینە و ئەم و کورد دژی داعشێ یێن د ئێک خەندەک دا و دوژمنێ مە و کوردان داعشە و ھەر شەڕەکێ مە ھەردو لایەنان ژ شەڕێ داعشێ دوورکەت، دێ د خزمەتا دوژمنێن مەدا بیت”.
پەیڤدارێ حەشد شەعبی زێدەتر گوت” ئەو ئاریشا ل خورماتۆ دروست بووی، پێدڤیە ب زووترین دەم بھێتە چارەکرن و نابیت ب چو شێوەکی ئەم و کورد ب شەڕ بچین، مە پێکڤە خەباتەکا دوور و درێژ دژی رژێما بەعس یا ھەی و مە ب خوە ژی ل میرگەسوورێ و شێخان و چەندین دەڤەرێن کوردستانێ پشکداریا ل گەل پێشمەرگەی کری د شەڕان دا دژی رژێما بەعس، ئەڤرۆ ژی ئەم پێکڤە د ئێک خەندەک دا یێ شەڕێ داعشێ دکەین”.
ل دۆر دووماھی بزاڤێن نەھیلانا گرژیێ ل خورماتوو، کەریم نوری گوت” ھەتا نوکە دانوستاندن ل سەر ھندەک مەرجان د بەردەوامن بۆ وێ چەندێ کو ئەڤ جۆرە روودانە دووبارە نەبن” ل دۆ وان مەرجان ژی، دبێژیت” دروستکرنا کونترۆلەکا ھەڤپشک (پێشمەرگە و حەشد شەعبی) ل قەزا خورماتۆۆ کو ئەڤ چەندە ب دیتنا مە دێ رەوشێ راگریت و گرژیێ ناھێلیت، دیسا پێدڤیە ئەو کەسێن کوشتن کری د وان روودانان دی بچنە بەردەم دادگەھێ، دیسا چو سیمایێن چەکداری دناڤ باژێری دا نەمینن”.
سەبارەت ھەبوونا ناڤبەریا ئیرانی د ڤی ئاریشێ دا، گوت” ئیران یا دلتەنگە ژ وان روودانان، ژ بەر کو ئیرانێ پەیوەندیێن ب ھێز یێن ل گەل شیعە و کوردان یێن ھەین و دوور نینە ناڤبەریێ دکەت”.
رۆژناما ئهڤرۆ دێ دهقێ ڤێ ديدارێ بهلاڤ كهت، چاڤهرێ بن.
ئهڤرۆ نیوز:
ئهنجوومهنێ ئاسایشا ههرێما كوردستانێ راگههاند كو پیلانا تهقینهكێ ل باژێرێ ههولێرێ ژ ناڤ بر.
ئهنجوومهنێ ئاسایشا ههرێما كوردستانێ د راگههاندنهكێ دا گرتنا ئهنجامدهرێن تهقینا دوبز و دانپێدانا تاوانباران بهلاڤ كر، د دانپێدانێ دا پیلانا تهقینهكێ ئاشكرا دكهن كو سێ ئهندامێن رێكخراوا دهولهتا داعش دخواستن ل باژێرێ ههولێرێ ئهنجام بدهن.
ئەڤرۆ نیۆز، قائید میرۆ:
بەرپرسێ لیژنا ناوچا پارتی ل قەزا خورماتوو ئاشکرا کر، شەڕ یێ بەردەوامە ل قەزایێ و حەشد شەعبی یێ تەقەی ل بارەگایێ پارتی دکەن.
ئەحمەد شێخ لەنگەری، بەرپرسێ لیژنا ناوچا پارتی ل خورماتوو بۆ ئەڤرۆ نیۆز گۆت: “نوکە شەڕێ ھێزێن کوردی و میلیشیاتێن شیعە ل قەزا خورماتوو یێ بەردەوامە و ب چەکێ قەناسێ تەقە ل بارەگایێ پارتی دیموکراتی کوردستان دھێتەکرن، بەلێ خۆشبەختانە ھەتا نوکە چو شەھید و بریندار نینن”.
ئەحمەد دیارکر ژى كو پشتی نیڤرۆیا دوهى ئێکەتی و میلیشیاتێن شیعە رێکەفتبوون شەڕ نەھێتە کرن، مخابن ل ھەموو لایەکی شەڕی دەستپێکریە و “بارەگایێ مە یێ دھێتە گولهبارانکرن”.
ئەڤرۆ نیۆز، قائید میرۆ:
وەزارەتا ئەوقاف و کاروبارێن ئاینی ل بەرە د گەل تۆمارکرنا ناڤێن حەجیان پارێ گەشتا حەجێ ژ وەلاتیان بھێتە وەرگرتن.
مەریوان نەقشبەندی، رێڤەبەرێ پەیوەندیێن وەزارەتا ئەوقاف و کاروبارێ ئاینی بۆ ئەڤرۆ نیۆز گۆت: “ب گۆرەی پلانا وەزارەتا ئەوقافێ پێدڤیە کەسێن ناڤێن خوە بۆ ئەنجامدانا فهريزا حەجێ تۆمارکری دۆبارە دڤێت ناڤێن خوە تۆماربکەن ل رێڤەبەریێن حەج و عومرێ”.
نەقشبەندی گۆتژی: “سالێن بۆری مە ئاریشە ھەبوو ل تۆمارکرنا ناڤێن حەجیان، ژ بەر کو خەلکەکی ناڤێ خوە تۆماردکرن و پەشێمان دبوون، لەوڕا دڤێت بەری ھنگی نیڤا پارەی بدەن، بەلێ ھێشتا بڕیارا دووماھیێ نەھاتیە دان”.
ئهڤرۆ نيوز، نيوار محهمهد سهليم:
فهرماندێ ليوا 12 يا پێشمهرگێ كوردستانێ ل ناڤ شنگال بۆ ئهڤرۆ نيوز راگههاند كو پلانا قووناغا ئێكێ ژ پرۆسا رزگاركرنا شنگال ب سهركهفتنهكا گهلهك مهزن و كێمترين خوسارهتى ب دووماهى هات.
عزهدين سهيدۆ، فهرماندێ ليوا 12 يا پێشمهرگێ كوردستانێ سهر ب وهزارهتا پێشمهرگهى گۆت: “پشتى دهسپێكرنا قووناغا ئێكێ يا رزگاركرنا شنگال ل رۆژا پێنجشهمبى رێكهفتى 12ى چريا دويێ يا ئهڤ ساله دهسپێكرى، لهشكرێ كوردستانێ ب پشتهڤانيا هێزێن ههڤپهيمانان شيان د ماوێ دو رۆژان دا پلانا بۆ هاتيه دارێژتن ب رهنگهكێ گهلهك سهركهفتيانه و ب كێمترين زيان ب دووماهى بينن”.
ئهڤى فهرماندێ پێشمهرگهى دا زانين كو نوكه قووناغا ئێكێ با زرگاركرنا شنگال ب دووماهى هات و گۆت: “نوكه نهشێين ژڤان دهسپێكرنا قووناغا دويێ بكهين”.
رۆژا پێنجشهمبى رێكهفتى 12ى چريا دويێ يا ئهڤ ساله ب سهرپهرشتيا مهسعود بارزانى سهرۆكێ ههرێما كوردستانێ و فهرماندێ هێزێن چهكدار ل ههرێما كوردستانێ پرۆسا رزگاركرنا شنگال ب رێڤهچوو و تێدا شيان سهنتهرێ قهزا شنگال و رێيا نێڤدهولهتى يا 47 كو رێيا ناڤبهرا رهقه و شنگال و مووسلێ يه و دووريانا گرعزێر كو رێيا سهرهكى يا تلهعفهر شنگاله ل گهل چهند دهڤهرێن دى بگرن.
ئەڤرۆ نیۆز، قائید میرۆ:
رۆژ بۆ رۆژێ رەوشا قەزا خورماتوویا سەر ب پارێزگەھا کەرکووکێ ئالۆزتردبیت و چاڤدێرەکێ سیاسی ژی دبێژیت، پشتی شەڕێ داعش دێ شەڕێ کورد و میلیشیاتێن شیعەبیت.
ئاراس عەبدوڵا، چاڤدێرێ سیاسی بۆ ئەڤرۆ نیۆز راگەھان کو رەفتارێن حەشد شەعبی ل قەزا خورماتوو نیەتێن زۆر خراپ ھەنە و شەھیدکرنا وەلاتیان و تالانکرنا خەلکێ کورد دێ زیانێ ب پەیوەندیێن دیرۆکیێن شیعە و کورددان گەھینیت، چونکو رەوشا قەزایێ زۆر ئالۆزبوویە و پێدڤیە بھێتە تەناکرن.
ئاراسی گۆتژی” پشتی دوماھی ھاتنا شەڕێ تیرۆرستێن داعش و کۆنتڕۆلکرنەڤا دەڤەرێن کوردستانی دێ شەڕێ ھەرێما کوردستانێ و میلیشیاتان دەستپێکەت و پێشبینی دکەم رەوشا ڤان دەڤەران ئالۆزترببیت.
ئەڤرۆ نیوز، زنار تۆڤی:
بەری دو رۆژان شەر و ئالۆزی دناڤبەرا پێشمەرگەی و حەشدشەعبیدا ل سنۆرێ خوورماتوو روودابوون،لێ رەوش هاتبوو ئارامکرن،لێ ئەڤرۆ جارەکادی حەشدشەعبی هێرشکرە سەر پێشمەرگەی و هەروەسا قەناسێن وان ل سەر بانێن ئاڤاهیان تەقێ ل خەلکێ دکەن و هەروەسا وان هێرشکریە سەر بارەگایێن حزبی ل وی باژێری و جارەکادی شەر ئالۆزیان ل وی باژێری دەستپێکریە ڤە.
نيشاندان