ئه‌ڤرۆ نيوز:
به‌ره‌ڤانيا باژێرى ل دهوك به‌لاڤكريه كو ئەڤرو ۲۰۱٦/٤/۱۸ لدەمژمێر حەفتى مەغرەب تیمێن نقومڤان يێن بەرەڤانیا باژێرێ زاخو هاتنە ئاگەهدار کرن کو دوو هاولاتی کو هەردوک ( کور و بابن ) بناڤێ لوءى محسن محمد ژدایک بویێ ١٩٩٠ و عبدالله لوءى محسن د ژیێ ٧ سالى ل پرا بەری ل قەزا زاخو خه‌ندقينه و تیمێن وان بەردەوامن ژ لێگەرینێ به‌لێ هێشتا نە هاتینە دیتن.
ئه‌ڤرۆ نيوز:
وه‌زيرێ به‌ره‌ڤانيا ئه‌مريكا راگه‌هاند بۆ شه‌رێ دژى داعش، ئيدارا ئه‌مريكا دايه 415 مليون دولاران بده‌ته هێزێن پێشمه‌رگه‌ى.
ئه‌ڤرۆ ئاشتون كارته‌ر وه‌زيرێ به‌ره‌ڤانيا ئه‌مريكا ب سه‌ردانه‌كا نه‌راگه‌هاندى گه‌هشته به‌غدا ، پشتى سه‌ره‌دانا خوه بۆ به‌غدا، اشتون كارته‌ر وه‌زيرێ به‌ره‌ڤانيا ئه‌مريكا راگه‌هاند بۆ شه‌رێ دژى داعش، ئيدارا ئه‌مريكا دايه 415 مليون دولاران بده‌ته هێزێن پێشمه‌رگه‌ى.
ئاشتون كارته‌ر وه‌زيرێ به‌ره‌ڤانيا ئه‌مريكا ئاماژه ب وێ يه‌كێ كر ژى كو ئه‌مريكا دێ 200 سه‌رباز و راوێژكاران بۆ شه‌رێ دژى داعش هنێريته عيراقىێ.
ئه‌ڤرۆ نیۆز، قائید میرۆ
حوكمه‌تا هه‌رێما كوردستانێ رێژه‌یه‌كا زۆرا باجێ ئێخسته سه‌ر ئینانا ترۆمبێلا ژ ده‌رڤه و بڕیاره سبه رێنمایێن دوماهیێ بهێنه به‌لافكرن.
ژێده‌ره‌كی ژ حوكمه‌تا هه‌رێما كوردستانێ بو ئه‌ڤرۆ نیۆز راگه‌هاند” حوكمه‌تا هه‌رێمێ بڕیاردایه باجێ دانیته سه‌ر ترۆمبێلێن ژ ده‌رڤه دهێنه هه‌رێما كوردستانێ و بڕیاره رێژه‌یا باجێ بشێوه‌یه‌كی بیت كاریگه‌ری لسه‌ر گرانبوونا بهایێ ترۆمبێلا هه‌بیت.
ژێده‌ری نه‌ڤیا ناڤێ وی بهێته به‌لافكرن و گۆت” نوكه حوكمه‌ت مژۆلی دیاركرنا باجێ یه و دێ سه‌به رۆژا سێشه‌مبی هه‌موو رێنمایه‌ك بۆ زێده‌كرنا باجێ هێنه دیاكرن و نابیت به‌رۆڤاژی قانوونێ بیت، چونكه به‌ری نوكه په‌رله‌مانێ عێراقێ ژی ئه‌ف بڕیار ده‌ركریه.
ئەڤرۆ نیوز،زنار تۆڤی:
ئاشتن کارتەر وەزیرێ بەرگریا ئەمریکا دپرێس کۆنفرانسەکی دا ئەڤرۆ دیارکر،کو ژمارا سەرباز و شیرەتکارێن ئەمریکی ل عێراقێ دێ بۆ 4087 هێنە زێدەکرن و ئەو سەرباز و شیرەتکار دێ چنە پێشیا سەنگەرێن شەری ل عێراقێ و دێ پشتەڤانیا سەربازێن عێراقی کەن د روو ب رووبوونا شەرێ دژی داعش دا و گۆت ژی:ئەمریکا دێ 415 ملیۆن دۆلاران دەتە هێزێن پێشمەرگێ کوردستانێ وەک پشتەڤانیەک بۆ وان،دیسان ئەمریکا دێ هەلیکۆپتەرێن ئەپاتچی و 200 سەرباز و شیرەتکارێن هونەری هنێریت بۆ شەرێ ئازادکرنا مۆسلێ،ناڤهاتی دیارکر ژی،هنارتنا هەلیکۆپتەرێن ئەپاتچی پێنگاڤەکە بۆ دەرخستنا داعشێ ل باژێرێ مۆسلێ و هەروەسا ئەمریکا دێ کەتیبەکا مۆشەکێن دوورهاڤێژ ل نێزیک مۆسلێ جهگیرکەت.
ئەڤرۆ نیوز:
ستێرا ھێلا بەرەڤانی یێ یانا بەرشەلۆنا و یاریکەرێ ھەلبژارتیێ ئیسپانیا جیرارد بیکیە ل یاریا بھێت نەشێت پشکداریێ د گەل یانا خوە یانا بەرشەلۆنا بکەت بەرامبەر یانا دیپورتیڤو لاکورونیا ژ چارچوڤێ یاریێن گەرا ٣٤ ژ خولا لالیگا ژبەرکو وەرگرتنا کارتێن زەر.
ل دقیقا ٣٤ ل یاریا شڤێدی دا ھەمبەری یانا ڤالێنسیا یاریکەرێ یانا بەرشەلۆنا بیکیە کارتەکا زەر وەرگرت کو ئەڤ کارەتە دبیتە کارتا وی یا پێنجێ و ل دیڤ یاساسیا ئێکەتیا تەپا پێ یا ئیسپانیا بیکیە نەشێت پشکداریێ ل یاریا بھێت دا بکەت .
دبیت ئەڤ چەندە کارتێکرنەکا مەزن ل ھێلا بەرەڤانیا یانا بەرشەلۆنا بکەت ژبەرکو ھەتا نوکە یاریکەرێ پێگھور ئەوێ بەردەوام ل جھێ یاریکەرێن سەرەکی یاریێ کەت ماتیو یێ فەرەنسی ژ ھنگافتنێ قورتال نەبوویە ھەردیسان ل گەل ٢ یاریکەرێن دی ژی ل ھێلا بەرەڤانیێ توشی ھنگافتنێ بووینە .
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 18ى نيسانا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1298 |
| 1 يۆرۆيێ ئه‌ورۆپى | 1455 |
| 1 ليرێ توركى | 455 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
نيشاندان
