ئه‌ڤرۆ نيوز:
كۆمپانیای ئەپڵ نووترين وێنێ ئایفۆن حەفت به‌لاڤكر.
نووترين وێنێ ئايفون حه‌فت هاته به‌لاڤكرن
نووترين نووچه
- ئەمریکا داخوازەکێ ژ هەر دو هێزێن کوردی دکەت
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
سه‌ره‌كى Facebook
په‌ياما سه‌رۆك بارزانى ب هه‌لكه‌فتا سالڤه‌گه‌را ئه‌نفالان
ئه‌ڤرۆ نيوز:
مه‌سعود بارزانى سه‌رۆكێ هه‌رێما كوردستانێ ب هه‌لكه‌فتا سالڤه‌گه‌را ئه‌نفالان، په‌يامه‌ك به‌لاڤكريه و راگه‌هانديه، جهێ داخێ يه كو هێشتا ل به‌غدا كه‌سانه‌ك يێن هه‌ين كو هه‌لگرێن هه‌مان بير و باوه‌رێن ئه‌نفالچيانن و ئه‌گه‌ر ژ ده‌ستێ وان بهێت دێ هه‌مان سياسه‌تا تاوانان كه‌ن.
بارزانى به‌حسێ وێنه‌كێ دكه‌ت كو ل ده‌مێ يادا ئه‌نفالان دا هاتيه گرتن و روفاتێ شه‌هيده‌كێ ئه‌نفالان ل سه‌ر ملێ وى يه، دبێژيت: من نه‌دزانى ناڤێ وى شه‌هيدى چيه، زه‌لامه يان ژنه، زارۆيه يان پيره، به‌لێ من زانى كو شه‌هيده‌كێ مه‌زلوومه، بێ تاوانه، ب تنێ گونه‌ها وى ئه‌و بوويه كو كورد بوويه.
ڤلادیمێر پۆتین:کورد گەلەکێ ئازانه
ئەڤرۆ نیوز،زنار تۆڤی:
سەرۆکێ رووسیا ڤلادیمێر پۆتین ل موسکۆیا پایتەختێ رووسیا د پرێس کۆنفرانسەکی دا دەربارەی کوردان دا دیارکر،کو کورد مللەتەکێ ئازا و وێرەک و چاڤنەترسن و شیاینە ئاخا خۆ بپارێزن،هەروەسا نوکە د شەرێ دگەل داعش دا مە جۆرەکێ هەما هەنگی یێ دگەل کوردان دا هەی.
ناڤهاتی گۆت ژی:د شەرێ دژی چەکدارێن داعش دا کورد شیاینە خۆ نێزیکی ئەمریکا بکەن و هەڤپەیمانن دگەل دا.
سه‌رۆكه‌كێ ده‌مكى بۆ په‌رله‌مانێ عيراقێ هاته دياركرن
ئه‌ڤرۆ نيوز:
ئه‌ڤرۆ پشتى كو په‌رله‌مانتارێن مانگرتى به‌رهه‌ڤى كومبوونا روونشتنا په‌رله‌مانى بوون كو ژمارا وان 171 ئه‌ندام بوون، عه‌دنان جه‌نابى وه‌ك سه‌رۆكێ نوو يێ په‌رله‌مانى دياركر.
په‌رله‌مانتاران باوه‌رى ژ ده‌سته‌يا سه‌رۆكايه‌تيا په‌رله‌مانى ستاند، به‌لێ ژ ئاليىێ خوڤه نڤيسينگه‌ها سه‌ليم جبورى سه‌رۆكێ په‌رله‌مانێ عيراقێ راگه‌هاند كو روونشتنا وان په‌رله‌مانتاران نه يا دستوورى بوو و رێژا قانونى تمام نه‌كريه.
ره‌وشا دراڤى ل بازارێن زێرنگران
دۆلار ئه‌ڤرۆ ب چه‌ندێ يه؟
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 14ى نيسانا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1290 |
| 1 يۆرۆيێ ئه‌ورۆپى | 1455 |
| 1 ليرێ توركى | 450 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
بۆ ده‌نگدان ب كابينا عه‌بادى كوردان خوه ئێكلاكر
ئه‌ڤرۆ نيوز:
سه‌رۆكێ فراكسيۆنا پارتى ديموكراتى كوردستان ل جڤاتا نوونه‌رێن عيراقێ گۆت: “د وێ ليستا دووماهيێ يا عه‌بادى پێشكێشكرى دا 14 ناڤان ب خوه ڤه دگريت كێشه ل سه‌ر وان 14 ناڤان هه‌يه، كو كانديدن بۆ پۆستێن وه‌زاره‌تان، نه‌ك ل سه‌ر وه‌زيرێن كورد هه‌يه، مه وه‌كو كورد چو كێشه نينن، هه‌كه عه‌بادى ئه‌ڤرۆ بهێته جڤاتا نوونه‌ران ئه‌م هه‌موو دێ ده‌نگ ب ليستا 14 كه‌سى ده‌ين”.
رێنمايێن نوو بۆ دانا سۆپاس و پێزانينان بۆ فه‌رمانبه‌ران ده‌ركه‌فتن
ئه‌ڤرۆ نيوز:
وه‌زاره‌تا داراى و ئابوورى ل حوكمه‌تا هه‌رێما كوردستانێ رێنمايێن نوو بۆ دانا سۆپاس و پێزانينان بۆ هه‌موو وه‌زاره‌ت و فه‌رمانگه‌هێن نه سه‌ر ب وه‌زاره‌تان ڤه ده‌ركرن.
ب گۆره‌ى رێنمايا داراى يا ژماره 18 ل رێكه‌فتى 13ى نيسانا 2016ێ و پشت به‌ستن ژ برگا 1 يا مادێ 21 ژ قانوونا زه‌فتكرنا فه‌رمانبه‌رێن ده‌وله‌تێ “قانوون انظباط موطفي الدولة” كو يا تايبه‌ته ب دانا سۆپاس و پێزانينان ئه‌ڤ رێنمايه ده‌ركرينه.
عه‌بادى جڤاتا نوونه‌ران سه‌رپشككر كا ده‌نگى ب ليستا ئێكێ يان يا دويێ بده‌ن
ئه‌ڤرۆ نيوز:
حه‌يده‌ر عه‌بادى سه‌رۆك وه‌زيرێن عيراقێ د كۆمبوونا دوهى دا ل گه‌ل سه‌رۆك فراكسيۆنێن ناڤا جڤاتا نوونه‌رێن عيراقێ راگه‌هاند كو جڤات يا سه‌ر پشكه ليستا ئێكێ يان يا دويێ يا ناڤان هه‌لبژێريت و ده‌نگى ژ بوو بده‌ت.
موسه‌نا ئه‌مين، سه‌رۆكێ فراكسيۆنا ئێكگرتوو ئيسلامى كوردستان ل جڤاتا نوونه‌رێن عيراقێ ئه‌ڤ چه‌نده بۆ خه‌ندان دووپاتكر و گۆت: “بڕياره ژى ئه‌ڤ حه‌يده عه‌بادى بۆ ئه‌نجامدانا دووماهى گورانكارى د كابينێ دا ئاماده‌ى روونشتنا جڤاتا نوونه‌ران بيت”.
زێده‌تر گۆت: “هه‌ر ئه‌ڤرۆ بڕياره جڤاتا نوونه‌رێن عيراقێ ده‌نگى ل سه‌ر كابينا نوو يا پێشنيازكرى يا حه‌يده‌ر عه‌بادى بده‌ت”.
سه‌رۆكێ فراكسيۆنا ئێكگرتوو ئيسلامى كوردستان ل جڤاتا نوونه‌رێن عيراقێ ئاماژه ب وێ چه‌ندێ ژى كر كو هێشتا عه‌بادى بڕيار نه‌دايه ئاماده‌ى كۆمبوونا جڤاتێ ببيت و گۆت: “عه‌بادى يێ ژ به‌رپرساتيێ د ره‌ڤيت و خواستيه كو ئاماده‌ى كۆمبوونێ نه‌بيت، هه‌لبژارتنا ليستێ ژى پێدڤى بوو وى هه‌لبژارت با، به‌لێ كره به‌رپرساتيا جڤاتا نوونه‌ران”.
شه‌مبيا بۆرى حه‌يده‌ر عه‌بادى پشتى رێكه‌فتنێ ل گه‌ل لايه‌نێن سياسى ليستا دويێ يا ناڤێن كانديدان پێشكێشى سه‌رۆكاتيا جڤاتا نوونه‌ران كر ب مه‌ره‌ما ده‌نگدانێ ل سه‌ر و دانا باوه‌ريێ، ئه‌ڤه د ده‌مه‌كى دايه كو ل دووماهيا هه‌يڤا ئادارێ ژى ليسته‌كا دى پێشكێشى سه‌رۆكاتيا جڤاتا نوونه‌ران كربوو.
د كۆمبوونا دوهى يا جڤاتا نوونه‌ران دا كێشه و ئالوزى دروست بوون و 170 نوونه‌ران راگه‌هاند كو ئه‌و ده‌نگى ب ليستا دويێ يا عه‌بادى ناده‌ن ب به‌هانه‌يا وێ چه‌ندێ كو ئه‌و كانديدێن ليستێن سياسى نه و نه‌يا ته‌كنوكراته و داخوازا ده‌ست ژ كاركێشانا هه‌رسێ سه‌رۆكاتيێن عيراقێ “جڤاتا نوونه‌ران، جڤاتا وه‌زيران، سه‌رۆك كۆمار” كر.
هێشتا ليستێن كوردى ژى هه‌لويستێ خوه رانه‌گه‌هانديه كا ئايا ئه‌و ل گه‌ل كيش ليستا ناڤێن كانديدانه و ئايا دێ ده‌نگى پێ ده‌ن يان نه، به‌لێ موسه‌نا ئه‌مين يێ سه‌رۆكێ فراكسيۆنا ئێكگرتوو ئيسلامى كوردستان ل جڤاتا نوونه‌رێن عيراقێ دبێژيت: “ئه‌م ل گه‌ل هه‌ردو ليستان نينين چه‌نكو لايه‌نێن سياسى يێن كوردستانى د ناڤ دا نينن، به‌لێ يا دويێ پتر يا مه‌بده‌ئى يه”.
رێکێن دھۆک و زاخۆ بزانە بۆ مسوگەر کرنا ناسناڤێ خولا کوردستانێ و بزانە ئەڤرۆ ب چو شێوە پێشمەرگە دێ بیتە قارەمانا خولێ
ئەڤرۆ نیوز،ھەژار مەعروف:
فوتو،قەیس وەیسی:
بریارە ئەڤرۆ دو یاری ژ چارگوشا زێرینا خولا کوردستانێ یا تەپا پێ بۆ یانێن پلا نایاب بھێنەکرن کو پێشمەرگا ھەولێر ل گەل دھۆک و زاخۆ ل گەل ھەولێر.
تیما پێشمەرگە ھەولێر چەوا دێ بیتە قارەمانا خولا کوردستانێ یا ٢٠١٥-٢٠١٦
تیما پێشمەرگە ب سەرکەفتنا ئەڤرۆ ل سەر یانا دھۆک دێ ب فەرمی بیتە قارەمانا وەرزێ ئەڤ سالە ب مەرجەکێ زاخۆ سەرکەفتنێ یان وەکھەڤ بیت ل گەل یانا ھەولێرێ.
دھۆک چەوا ئێک ژ رێزێن ئێکێ یان دوێ مسوگەر کەت ل وەرزێ ئەڤ سالە
تیما دھۆک پێدڤی یە ل ھەردو یاریێن بھێت شەش خالان ب دەستخوڤە بینت ئەوژی د یاریا ئەڤرۆ دا سەرکەفتن ل سەر پێشمەرگە و ل یاریا بھێـت ل یاریگەھا خوە سەرکەفتنێ سەر زاخۆ توماربکەت دێ خالێن دھۆکێ گەھنە ١٠ خالان ل وی دەمی ئێک ژ رێزێن ئێکێ یان دوێ ل وەرزێ ئەڤ سالە مسوگەر کەت.
زاخۆ دێ چەوا بیتە قارەمانا خولێ یان رێزا دوێ
یانا زاخۆ ژی ب ھەمان سیناریویێ دھۆکێ پێدڤی یە سەرکەفتنێ ل ھەردو یاریێن خوە یێن بھێت سەرکەفتنێ توماربکەت ئەوژی سەرکەفتنێ ل سەر دھۆک و ھەولێر دێ ئێک ژ رێزێن ئێکێ و دوێ ل وەرزێ ئەڤ سالە مسوگەر بکەت لێ ب مەرجەکی دبیت رێزا ئێکێ مسوگەر بکەت ئەوژی پێشمەرگە چو سەرکەفتنا تومارنەکەت ل دو یاریێن بھێت یان وەکھەڤ بیت یان خوسارەت بیت.
یانا ھەولێر ب شەش خالان ب فەرمی دێ بیتە قارەمانا وەرزێ ئەڤ سالە
یانا ھەولێر ئەگەر ب خوازیت ناسناڤێ وەرزێ ئەڤ سالە ب دەستخوڤە بینت پێدڤی یە شەش خالان ل دو یاریێن خوە ب دەستخوڤە بینت ل وی دەمی دێ ب فەرمی بیتە قارەمانا خولێ .
نيشاندان
WP Facebook Auto Publish Powered By : XYZScripts.com