ئهڤرۆ نيوز، ئۆمێد وهلاتى:
نووترين نووچه
- هەرێما كوردستانێ ڕێگری ل هنارتنا پەترۆلا ئیراقێ نەكریە
- هنارتنا پەترۆلا ئیراقێ ل كەنداڤی تووشی ئاستەنگێن مەزن بوویە
- هێرش ژ ئالیێ وان میلیشیایان ڤە دهێنە ئەنجامدان كو دهێنە سەر بیرێن پەترۆلێ و زەڤیێن غازێ و پارزنینگەهان
- هێشتا ل ئیراقێ كەسێن شۆڤینی یێن هەین دژی مافێن گەلێ كوردستانێ نە
- سەرۆك بارزانی بۆ حوكمەتێن ئیراقێ و هەرێما كوردستانێ: كۆمببن و كێشەیان چارەسەر بكەن
- كیمیا بارانكرنا هەلەبجە تاوانەكا دژی مرۆڤاتیێ و هێرشەكا دڕندانە بوو ل سەر ئیرادەیا مللەتەكی
- سەرۆك هەرێمێ و بەرپرسێ نەتەوەیێن ئێكگرتی ل ئیراقێ كۆمبوون
- مەسرور بارزانی: نابیت جینۆسایدا هەلەبجە چو جاران ژ بیرا خەلكێ كوردستانێ و مرۆڤاتیێ بچیت
- دڤێت بەغدا مەهانە و د وەختێ خوە دا مووچە و بودجەیا كوردستانێ بدەت پاشی داخوازا رێپێدانێ ب هنارتنا پەترۆلێ بكەت
- پەترۆل پێكڤە دهێتە ب رێڤەبرن نەك ب تاكڕەوی و گەفان
سهرهكى Facebook
ل گوێر پێشمهرگهی تولا خوه ڤهكر
ئهڤرۆ نیۆز، قائید میرۆ
ل میحوهرێ گوێڕ هێزێن پێشمهرگهی ل ههمبهر شههیدكرنا پێشمهرگهیهكی، بنگههێن داعش ل دهڤهرێ تۆپبارانكرینه و زیانێن مهزن گههاندینه تیرۆرستان.
حاكم جهمال، جێگرێ بهرپرسێ میحوهرێ گوێڕ ب ئهڤرۆ نیۆز راگههاند” دوهی چهكدارێن داعش ب چهكێن گران و سڤك تهقه ل سهنگهرێن پێشمهرگهی كریه و د ئهنجامدا پێشمهرگهیهك بناڤێ سهید گهیلان شههیدبوویه.
حاكم جهمالی دیاركر، ئهڤرۆ بۆ تولڤهكرنێ هێزێن پێشمهرگهی ب هویری جهێ لڤینێن داعش ل گوندێ كهنهش یێ سهر رۆبارێ زێی مهزن تۆپبارانكریه و زیانێن زۆرێن مهزن گههاندینه تیرۆرستێن داعش، بهلێ هژمارا گوشتیێن داعش ناهێته زانین.
چیڕۆكا كوشتنا پێشمهرگهیهكی ئاشكرابوو
ئهڤرۆ نیۆز، قائید میرۆ
پێشمهرگهیهكێ فهرماندا زێرهڤانی ژلایێ ههڤژینا وی ڤه دهێته خهندقاندن و ل ئاكرێ دهێته ڤهشارتن.
لیوا عهبدولخالق تهلعهت، رێڤهبهرێ پۆلیسێن ههولێرێ چیرۆكا كوشتنا پێشمهرگهیهكی بۆ ئهڤرۆ نیۆز بهحسكر و گۆت” ههیڤا تهباخا بۆری پێشمهرگهیهكێ زێرهڤانی ل كۆمهلگهها شاوێس یا نێزیك ههولێرێ بهرزهدبیت و پشتی دوڤچوونا هێزێن ئهمنی دهركهفت، ب پیلان ژلایێ ههڤژیناوی و كهسهكی دیكه كو بهری هنگی ههڤژینا وی ل دهفبوو پشتی تهلاقێ مارهكربوو، دهمژمێر 1ی شهڤێ خهندقاندیه و تهرمێ وی ژی ل نێزیكی ئاكرێ هاتیه ڤهشارتن.
لیوا عهبدولخالقی گۆتژی” پشتی ڤهكۆلین دگهل ههڤژین و كهس و كارێن ئهڤی پێشمهرگهی هاتیهكرن، ههڤژیناوی دانپێدانكر، كو ب پیلان دگهل ههڤژینێ بهرێ خهنددقاندیه و گورهی قانوونێ ههردووك هاتنه سزادان.
گۆرستانهكا 200 سالا بهرى زاینى هاته دیتن
ئهڤرۆ نیوز، رهوان نهێلى
شوونوارێن دهۆكێ ئهڤرۆ د كۆنگرهكێ رۆژنامهڤانى دا ئهنجامێن دیتنا چار گورێن دیرۆكى ل شندوخا راگههاند كو مێژوویا وان گوران بۆ 200 سالا بهرى زاینى دزڤریت.
د.حهسهن ئهحمهد رێڤهبهرێ شوونوارێن پارێزگهها دهۆك بۆ ئهڤرۆ دیاركر كو دهڤهرا شندوخا ل سالا 2010 دهمێ كو پرۆژهكێ وهبهرهێنانێ دهاته ئهنجامدان، ژ نشكهكێ ڤه پهیكهرهكێ دیرۆكى هاته دیتن و پشتى هنگى وان دهست دانا سهر وى جهى كو 20 دونهم بوون و دهست ب ڤهكۆلینان كر و گۆت: بۆ ئهڤ ساله مه دڤیا كار ل سهر چار گوران ل دهڤهرا شوونوارى ل شندوخا بكهن كانێ شێوازێ ژیانا وان یا چاوا بوو و چاوا مریێن خوه دڤهشارتن و چاوا ژیانا خوه برێڤهدبرین، لهوما مه پهیوهندى ب زانكۆیهكا ئودونى یا ئیتالى كر و ئهلیساندرو كانجى كو بروفیسوره د بوارێ مرۆڤنیاسیێ دا هاته دهۆك بۆ وێ یهكێ هارى مه بكهت، پشتى مه گۆر ههلداى ههستیێن 14 مروڤان مه دیتن”.
د.حهسهن ئهحمهد ئاماژه ب وێ یهكێ كر پشتى ڤهكولین ل سهر ههستیێن ڤان 14 كهسان كرین دیاربوو كو باب كالێن رهسهن یێن كوردانه و ل گهل وان، بنهمالا وان ژى یێن هاتینه ڤهشارتن و دیاربوو كو خوارنێن ڤان مروڤان یێن رهق بوون ژبهر كو ناڤا ددانێن وان رهش ببوون و كارتێكرن لێ ببوو، ههروهسا دیاربوو كه ئهڤ مرۆڤه یێن هاتینه كفن كرن بهرى بهێنه ڤهشارتن و ئهو دهرزیكا كفن پێ هاته درین یا ل گهل مرى هاتیه ڤهشارتن.
ئاگر بهردبیته ترومبێلەکێ
ئهڤرۆ نیوز:
بێوار عهبدولعهزیز، بهرپرسێ راگههاندنێ ل رێڤهبهریا بهرهڤانیا باژێرى ل دهۆكێ بۆ ئهڤرۆ نیوز گۆت: ئەڤرو 11/11/2015 تیمێن بەرەڤانیا باژێرێ دهوکێ هاتنە ئاگەهدارکرن کو ئاگربەربویە ترومبێلەکێ ژ جورێ ئوباما ل پیشهسازیا ترومبێلا و رویدان هاتە کونترول کرن و بتنێ زیانێن ماددی ب ترومبێلێ کەفتن.
پهكهكه پرۆپاگندان لدۆر شنگالێ بهلاڤ دكهت
ئهڤرۆ نیوز: ڤهدهر رهشاڤایی:
فهرماندا پێشمهرگه ل شنگالێ رهت دكهت چ هێزێن یهپهشێ یان یهپهگێ یێن سهر ب پهكهكێ ڤه چووبنه دناڤ شنكالێ دا و ب پرۆپاگنده وهسف دكهت.
فهرماندا پێشمهرگه د رۆنكرنهكێ دا دبێژیت: ئهڤ پرۆپاگنده بتنێ بۆ كێمكرنا رۆلێ پێشمهركه و قۆربانیدانا گهلێ كوردستانێ یه، و ههتا نها بۆچی پهكهكێ نهدچوو دناڤ شنگالێ دا كێ دهستێن وان گرتبوون، لێ ژبهركو دزانن پێشمهرگه پلانهكا مۆكم یا ههی لهورا ڤان پرۆپاگندا د میدیایێن خوه دا بهلاڤ دكهن.
ههروهسا دیاركرییه كو پهكهكێ چ رۆل ل وێ دهڤهرێ نینه بتنێ دڤێت ب پرۆپاگندان سهركهفتنا پێشمهرگهی بۆ خوه بدزن و ناكۆكیێ دناڤبهرا خوشك و برایێن ئێزدی دا دروست بكهن.
تێ زانین میدیایێن پهكهكێ وهسا بهلاڤكرییه كو هێزێن وان ل شنگالێ 5 گوند رزگاركریینه.
سهرۆكێن فرهنسا و ئیرانێ سهرا مهی یێ لسهر شیڤ خارنهكا فهرمی رێكناكهڤن
ئهڤرۆ نیوز: ڤهدهر رهشاڤایی:
فرهنسا رهتكریه كو مێڤاندارییهكا شیڤێ یا فهرمی لگهل حهسهن رۆخانی سهرۆكێ ئیرانێ پێشكێشكهت ژبهركو رۆحانی داخازكرییه مهی ل گهل خارنێ نههێته پێشكێشكرن.
رۆحانی دبیته ئێكهم سهرۆكێ ئیرانێ ددهمێ نێزیكی بیست سالان دا كو سهرهدنهكا فهرمی بۆ ئهورۆپا بكهت كو لبهره پشتی لگهل سهرۆكێ فرهنسا كۆم ببیت پهیڤهكێ ل كۆنگرێ یونسكۆ ل پاریس پێشكێشكهت.
رادیۆیا (RTL) یا فرهنسی وهسا بهلاڤكریییه كو ئیرانێ ژ فرهنسا خاستییه مهی لگهل خارنێ یا ئاماده نهبیت ژبهركو د ئایینَ ئیسلامێ دا یا حهرامه و رۆحانی لبهر وێ مێزێ نا روونیت یا مهی ل سهر بیت، لێ فرهنسا رهتكرییه مهنیویا خوه یا فهرمی بگوهریت، و داخازكرییه شیڤێ بۆ تێشتێ بگوهرن چونكی یا بێ مهی یه، لێ ئیرانێ ژی رهتكرییه ژبهركو تێشت تشتهكێ د ئاست دا نینه بۆ سهرۆكێ وان.
(RTL) خویاكرییه ژی كو شیڤ هاتییه ههلوهشاندن بێی خارنێن فهرمی دێ ههردو سهرۆك گهل ئێك كۆمبن.
پهیكهرهك دێ بۆ شههید كازم بێزهلى هێته دروستكرن
شێلادزێ ، نهوزاد زاده هلورى:
پهیكهرهك دێ بوو شههید ” كازم بێزهلى ” ل ناحیا شێلادزێ هێته درۆستكرن ئهو پێشمهرگێ كو ب دهستێن داعش ب رهنگهكێ درندانه هاتیه شههید كرن.
ئهیسهر جهرگیس رێڤهبهرێ ناحیا شێلادزێ دیاركر : شههیدێ قارهمان كازم بێزهلى كو ب شێوهیهكێ زور درندانه ب دهستێن چهپهلێن داعش هاته شههیدكرن لهوما پهیكهرهك دێ ژلایێ لیژنا ناوچا پارتى ل شێلادزێ ب ههڤكاریا لقێ 18 بوو شههید كازم بێزهلى هێته چێكرن )
زێدهتر گۆت : ( نها بهرههڤى بوو دانان و چێكرنا پهیكهرى دهێنهكرن و پهیكهر ژى دێ دناڤ جهێ ڤهحهویانێ لسهر پرا نێزیك لیژنا ناوچا پارتى هێته چێكرن ژبهركو ئهو جه جههكێ سراتیجى و جوانه و بهرفرههه )
دهێته زانین پشتى كو پێشمهرگێن قارهمان ئوپهراسیوونهكا بهرفرهه بوو باشوورێ كهركوكێ برى و سهركهفتنهكا مهزن ئینایى وهكو بهرسڤهك بوو شكهستنێن خوه و سهركهفتنێن پێشمهرگهى داعشێ 12 پێشمهرگه ب شێوهیهكى َزور درندانه شههیدكرن كو ئێك ژ وان شههید كازم بێزهلى بوو.
چار برایێن پهرلهمانتارهكی عیراقی چهكدارێن داعشێ نه
ئهڤرۆنیۆز، ئهیاد بهرواری
ئاژانسهكا دهنگوباسان یا عیراقی ل دووڤ هندهك ژێدهران بهلاڤكریه كو چار برایێن ئهندامهكێ جڤاتا نوونهرێن عیراقێ چهكدارێن رێكخستیا داعش یا تیرۆرستی نه و دو ژ برایێن وی یێن هاتینه كوشتن و ههر دو برایێن وی یێن دی ژی ههتانوكه یێن دناڤ رێزێن تیرۆرستێن داعشێ دا ماین.
ل دووڤ ئاژانسا (خهبهر) یا دهنگوباسان یا عیراقی، چار برایێن ئهندامێ جڤاتا نوونهرێن عیراقێ ژ فراكسیۆنا ئێكهتیا هێزێن دیموكراتی یا سونی (زاهد محهمهد سولتان ئهلخاتونی) گههشتبوونه رێزێن چهكدارێن تیرۆرستێن داعشێ كو ئێك ژ وان ب ناڤێ (عهدای محهمهد سولتان ئهلخاتونی) كو سهركردهكێ داعشێ بوو، ل ڤێ دووماهیێ د شهڕهكی دا ل گهل هێزێن (سووریا دیموكراتی) ل ناحیا (ئهلهول) ل پارێزگهها حهسهكه یا سووری یێ هاتیه كوشتن و تیرۆرستێن داعشێ تهرمی وی ل قهزا بهعاج یا ب سهر پارێزگهها نهینهوا ڤه یێ ڤهشارتی.
دیسا خویاكریه ژی كو برایهكێ دی یێ وی پهرلهمانتاری ل دهمێ دروستكرنا بۆمبان هاتبوو كوشتن ل سالا 2012 ێ پشتی بۆمبهك پێڤه پهقی، بهلێ ههتا نوكه ههردو برایێن وی یێن دی ب ناڤێن (سهفوك و كامل) یێن دناڤ رێزێن چهكدارێن تیرۆرستێن داعشێ دا.
ئێكانه ژنه ل چیایێ شنگالێ چارهسهرییا نوشدارى بۆ پێشمهرگهی دكهت
ئهڤرۆ نیوز: ڤهدهر رهشاڤایی:
خهنسا شهمدین عهلی یا 39 سالی ئێكانه ژنه كو دبیاڤێ نوشدارى دا كار ل چیایێ شنگالێ دكهت و چارهسهرییا پێشمهرگه و ئاوارێن چیایێ شنگالی َدكهت .
خهنسا دبێژیت كو ل 15 تهباخا سالا 2014 پشتی دۆرپێچكرنا چیایێ شنگالێ ژ ئالیێ داعش ڤه، ب ههلیكۆپترهكێ بۆ چیایێ شنگالێ هاتیه ڤهگوهاستن پشتی خوه خۆبهخش كری بۆ كاركرنێ ل وی جهێ كو ل وی دهمی دا مهترسیهكا مهزن لسهر بوو.
خهنسا دبێژت ئهو ل جهێ كارێ خوه جار جار دهنگێ لێدانێن بۆمبان كو فرۆكێن ههڤپهیمانان و پێشمهرگه ئاراستهی داعش دكهن دبهیسیت، و ئهو بتنێ ژ رهگهزێ مێ ل چیایێ شنگالێ كاردكهت لێ ههمی رێزێ لێ دگرن و خوه ژ پێشمهرگهیهكی جیاوازتر نابینیت.
لدووڤ گۆتنا وێ بۆ رۆژناما تهلهگرافا بهریتانی: ئهو كارێ ئهز دكهم كێمترین تشته كو سهرخاترا كوردینی و سهرۆك بارزانی دكهم.”
خهنسایێ ههتا نها شوو نهكرییه و دبێژیت وێ دڤێت پیشه و كارێ خوه بباشی بكهت و بكهنڤی دبێژت: دهمێ ژنێن ئاواره یێن كوردێن ئێزدی دهێنه ڤێره بۆ چاهرهسهریێ دبێژن مه دڤێت تو ههر لڤێره بی و شوو نهكهی دا دوورنهكهڤی. ”
خهنسا ژ بنهرهت كوردا رۆژئاڤا كوردستانێ یه و ل بهارا سالا 2014 ێ ئاوارهی ههرێما كوردستانێ ببوو و باوهرناما هاریكارا نۆشداریێ ههیه.
نيشاندان
WP Facebook Auto Publish Powered By : XYZScripts.com