ئه‌ڤرۆ نيوز:
به‌رێ ده‌مه‌كێ كێم، قورعا قوناغا بهێت يا قاره‌مانيێن كێشوره‌ێ ئاسيا بۆ مونديالا 2018 يا رووسيا هاته ئه‌نجامدان و هه‌لبژارتى ل سه‌ر دو كومه‌لا هاتنه دابه‌شكرن ب ڤى ره‌نگى:
ئێران _ کۆریای باشوور _ ئۆزبەکستان _ چین _ قەتەر _ سوریا
کۆمه‌لا دووێ :
ئوسترالیا _ یابان _ سعودیە _ ئیمارات _ عێراق _ تایلەند
ئەڤرۆ نیوز:
شارەزایێن جوانکاریێ ھندەک شیرەتان دکەن بۆ سڤککرنا ئێشانا موویان دەمێ مرۆڤ دھەلکێشیت یان ب ئێکجاری ژێ خلاس بیت، مفایێ شیرەتا ئێکێ ئەوە مرۆڤ ھەست ب ئێشانێ دکەت دەمێ موویێن خوە د ھەلکێشیت ژبەر رەوشا مرۆڤی یا لەشی و دەروونی و حالەتێن نەخۆشیا یان وندبوونێ یان بەری ھەیڤانەیا ژنێ ب ماوەکێ کورت پیستێ مرۆڤی پتر ھەستیار دبیت، شیرەتا دویێ بەری ھەلکێشانا موویان ھندەک دەرمانکێن جوانکاریێ و تێکەلە ھەنە ل پیستی دەن داکو ھەست ب ئێشانێ نەکەن ژ وانا،
ــ بەفر: دێ بۆ ماوێ 10 ھەتا 15 خولەکان بەفرێ دانیە سەر پاشی دێ موویان ھەلکێشی.
ــ زەیتا قورنفلێ: ساخلەتێن مراندنا پشکەکا لەشی ھەنە، دیسا ھێزا پاقژکرن و تەعقیمکرنێ ھەیە، بۆ ماوێ پێنج تا دەە خولەکان دانیە سەر جھێ موو لێ ھەی پاشی دێ پەروکەکێ پاقژ لێ دەی و موویان ھەلکێشی.
ــ کریمێن مراندنا پشکەکا لەشی: ئەڤ کریمە ب جورێن جودا جودا ل دەرمانخانان ھەنە و بۆ جھێن ھەستیار ژی دھێنە بکارئینان، بۆ ماوێ 15 ھەتا 25 خولەکان دانە سەر جھێ موو لێ ھەی و ب ساناھی بێ ئێشان دێ ھەلکێشی.
ئەڤرۆ نیوز:
بڕیارا کێمکرنا بھایێ بکارئینانا ھێلێن ئینتەرنێتێ ھاتیە دەرکرن و وەزیرێ ڤەگوھاستن و گەھاندنێ ژی دبێژیت: ھەر کۆمپانیەکا بھایێ بکارئینانا ئینتەرنێتێ کێم نەکەت، بلا وەلاتی سزا بدەن و ھێلا وان بکارنەئینن، پەرلەمانتارەک ژی ئاشکرادکەت، چو کۆمپانیا پێگیری بڕیارا حوکمەتێ نەبووینە.
پشتی قەیرانا دارایی و کێمکرنا بھایێ کەل و پەلان د بازاڕێن ھەرێما کوردستانێ دا، وەزارەتا ڤەگوھاستن و گەھاندنێ ژی داخواز ژ کۆمپانیایێن گەھاندنێ کر بھایێ ب کارئینانێ کێم بکەن و کارتێن خوە ئەرزان بکەن، پشتی داخوازا وەزارەتێ سەرۆکایەتیا جڤاتا وەزیران ب فەرمی بڕیار دا بھایێ کارتێن ئینتەرنێتێ ھەتا 30%ێ بھێنە ئەرزانکرن، وەزارەتا گەھاندنێ ژی بڕیار دا، ھەر کۆمپانیەکا پێگیری بڕیارا حوکمەتێ نەبیت دێ ھێتە سزادان و مامەلێن کۆمپانیێ ل وەزارەتێ ناھێنە رێڤەبرن، بەرۆڤاژی بڕیارێ پتریا کۆمپانیا بھایێ خوە ئەرزان نەکر و بگرە ھندەک ژ وان گرانتربووینە.
مەولوود باوەر موڕاد، وەزیرێ ڤەگوھاستن و گەھاندنێ د راگەھاندنەکێ دا کو وێنەیەک گەھشتیە رۆژناما ئەڤرۆ تێدا ھاتیە “مخابن ھژمارەکا کۆمپانیێن بیاڤێ ئینتەرنێتێ ل ھەرێما کوردستانێ پێگیری بڕیارا حوکمەتێ نەبووینە و بھایێ کارتێن خوە ئەرزان نەکریە، لەوڕا داخوازێ ژ وەلاتیان دکەین، ڤان کۆمپانیا سزا بدەن و ھێلێن بکارنەئینن کو بھایێ خوە ئەرزان نەکریە.
کەمال یەلدا، جێگرێ سەرۆکێ لیژنا باژێڕڤانی و گەھاندنێ ل پەرلەمانێ کوردستانێ بۆ رۆژناما ئەڤرۆ گۆت “چو کۆمپانی پێگیری ب بڕیارا سەرۆکایەتیا جڤاتا وەزیران و وەزارەتێ نەبووینە، ل دەستپێکێ ئەگەر ل کۆمپانیێن مۆبایلێ بەحس کەین، ھەموو کۆمپانیێن مۆبایلێ ل بن کۆنتڕۆلا بەغدانە و چو بڕیارەکێ ل ھەرێمێ وەرناگرن، بەری حوکمەتێ مە وەکی پەرلەمان داخوازا ئەرزانکرنا ھێلێن پەیوەندی و ئینتەرنێتێ کربوو، چو کۆمپانیا بڕیار بجھنەئینانا ئەڤ داشکاندنا ل کۆمپانیێن مۆبایلێ ھاتینەکرن، چو راستی بۆ نینە و زێدەکرنا دەقیقێن ئاخفتنێ واتایا ئەرزانکرنا بھای نادەن، ئەڤە ژی بۆ نەبوونا قانوونێ و لاوازیا حوکمەتێ ڤەدگەڕیت، چونکە حوکمەت یا کێمتەر خەمە ھەمبەر سزادانا ڤان کۆمپانیان.
کەمالی گۆت ژی “کۆمپانییێن ئینتەرنێتێ ژی ب ھەمان شێوێ مۆبایلێ پێگیر نەبووینە و بھایێ وان ئەرزان نەبوویە، بۆ نموونە ھندەک کۆمپانیا دبێژن مە بھایێ کارتا ئەرزان نەکریە، بەلێ لەزاتی بۆ ھاتیە زێدەکرن، ئەڤە ژی حیلەیە ل وەلاتیان دھێتەکرن لەزاتی ژی زێدە نەبوویە، ئەڤێن بھا ژی کێمکری لەزاتی دا بەزاندیە، سەیرە وەزارەتا داخوازا سزادانا کۆمپانیا ل وەلاتیان دکەت، پێدڤیە وەزارەت سزایێ ڤان کۆمپانیا بدەت، ژ بەر کو وەزارەتێ ب خوە مۆلەت دایە ڤان کۆمپانیا و ل گۆرەی قانوونێ دەستھەلاتا وەزارەتێ یە سزایێ وانا بدەت، ئەم دێ دووڤچوونێ بکەین و رازی نابین دناڤبەرا کۆمپانیا و وەزارەتێ زیان بگەھیتە وەلاتیان، ئەگەر وەلاتی بشێن کۆمپانیا سزابدەن کارێ وەزارەتێ دێ چو بیت”.
ئه‌ڤرۆ نيوز:
کچەکا 18 سالی دلێ خوە بۆ ئەڤرۆ ڤەدکەت و دبێژیت: ئەز قوتابیمە ل قوناغا دوازدێ ئامادەیی، ئەڤە ماوەیەکە ئەز و گەنجەکێ 21 سالی ئێکدو دنیاسین، لێ برێیا فەیسبووکێ پاشان ھێدی ھێدی مە حەزژێ ئێک کر، نھا ب تەلەفونێ ژی ل گەل ئێک دئاخڤین و مە ئێکدو دیتیە ژی، ئەو دبێژیت ھەکە یا رازی بی دێ ھێمە مالاوە خوازگینیا، لێ ئەز رازی نابم کو بھێت ژبەرکو مالا مە رازی نابن و دێ بێژن خوە چەوا بیت تو شوو ب وی ناکەی ژبەرکو بیانیە و دبێژن دێ تە دەینە خویانیا ئەڤجا ھوون بۆ ئاریشا من چ دبێژن و ئەز چ بکەم ؟
کچا ھێژا :
تو قوتابی و یا د قوناغەکا ھەستیاردا و ئایندێ تە دێ ھێتە دانان، ئەڤجا یا ژ ھەموویان گرنگتر ئەوە تو جەختیێ بێخیە سەر خواندنێ و ھەموو کارێن دی دێ بوتە ھێن بەس خواندن ناھێتە قەرەبووکرن و باش بزانە ئەڤ دیتنێن تە نوکە ھەین دێ ھێنە گۆھورین، راستە تەکنولوجیا یا چوویە دناڤ ھەموو لایێن ژیانێ دا و گۆھورینێن باش یێن پەیدا کرین و ژیان یا ب ساناھی ئێخستی، بەلێ دھەمان دەم دا گەلەک یا ئالوز کری ھەرچەندە باشیێن وێ ھەنە لێ خرابی ژی ھەنە، ئەڤجا دڤێت مروڤ گەلەک یێ ھشیار بیت و خویانی و بیانی ئەم دبێژن ئەڤ زاراڤە دکەڤنن و یاسەردا چووی و نەمایە وەکو پیڤەر بو پێک ئینانا خێزانا بەلکو نوکە یێ ل جھێ وی رەوشتە و رەوشەنبیریە و شیانن ژبەرکو ھەر خێزانەک حەز دکەت کورێ وان یان کچا وان یا بەختەوەربیت د ژیانی دا دیسان دڤێت بریارا تە گەلەک یا ورد بیت دڤی بابەتی دا ژبەر کو بھایێ ھەر شاشیەکێ ژیان ھەموویە د جڤاکێ مەدا لەوما دڤێت ھەموو تشتا ژ نێزیک ببینی پاشی بریارێ بدەی.
ئه‌ڤرۆ نيوز:
مه‌سعود بارزانى سه‌رۆكێ هه‌رێما كوردستانێ و ژان ئيف لودريان، وه‌زيرێ به‌ره‌ڤانيا فره‌نسا و شانده‌كێ هه‌ڤال ل پيرمام يێ د كۆمبوونێ دا.
كۆمبوونا سه‌رۆكێ هه‌رێما كوردستانێ و وه‌زيرێ به‌ره‌ڤانيا فره‌نسا د ده‌مه‌كى دايه د شه‌ڤا بۆرى دا ژان ئيڤ لودريان ژ به‌غدا گه‌هشتيه هه‌ولێر و سپێده‌هيا رۆژا سێشه‌مبى ل گه‌ل نێيچيرڤان بارزانى يێ سه‌رۆك وه‌زيرێن هه‌رێما كوردستانێ ژى كۆمبووى.
ئەڤرۆ نیوز:
رێڤەبەرێ وەرزشی ل یانا ڤولڤسبورگ یا ئەلمانی کلاوس ئەلوفوس بۆ دەزگەھێن راگەھاندنێ دیارکر ئەوان باوەریەکا مەزن ب تیما خوە ھەیە ئەوان ل حەفتیا بوری دەستپێکەکا باش ھاڤێت بۆ دەربازبوونێ بۆ قوناغا پێش دووماھیا قارەمانیا ئورۆپا لێ ئەو بتنێ ژ خالەکێ ل یاریگەھا سانتیاگو دترسێن ئەوژی ژ شاشیێن دادڤانان کو بەری نوکە ژی ئەڤە چەندین جاران رویدایە ل یاریگەھا ریال مەدرید دادڤان توشی گەلەک شاشیا دبن .
زێدەتر کلاوس دیارکر ئەو چاڤەرێ وێ چەندێ نە مێژویەکێ توماربکەن و بۆ جارا ئێکێ یە ئەو د گەھنە قوناغا چارێک دووماھیێ ئەو چاڤەرێ تمامکرنا ڤێ مێژویێ نە ئەوژی بۆ دەربازبوونێ بۆ قوناغا پێش دووماھیێ.
ھەژی گوتنێ یە ل یاریا ئێکێ یانا ئەلمانی شیابوو سەرکەفتنێ ل سەر ریال مەدرید ل یاریگەھا خوە توماربکەت ب دو گولان بێ بەرامبەر و پێدڤێ یە دڤێ یاریێ دا ب جوداھیا سێ گولان خوسارەت بن ھەتا قارەمانیێ ب جھـ بھێلن.
ئەڤرۆ نیوز:
چاڤەرێ دھێتەکرن ئەڤ شەڤە و شەڤەکا دی چار یاری ژ قارەمانیا یانێن ئورۆپا قارەمانێن خولا بھێنەکرن کو ھەر چار یاری دێ ب مەترسی ھێنەکرن دەلیڤەیا دەربازبوونێ بۆ ھەر ھەشت یانێن ل قوناغا ھەشتێ ھەیە .
ل ھەردو یاریێن ئەڤ شەڤە دا دێ ھەڤرکیەکا یا دژواربیت دناڤبەرا ھەر چار یانێن ریال مەدرید و فولفسبورگ و مانچستەر سیتی و پاریس سان جێرمان ل یاریا ریال مەدرید ل گەل فولفسبورگ دێ چاڤێ ھەمی پشتەڤانێن ریال مەدرید ل راھێنەرێ وێ یێ فەرەنسی زێدان بین کو مەترسیەکا مەزن و گڤاشتن مەزن ل سەر یانا مەلەکی دێ ل ڤێ یاریێ دا ھەبیت یاریکەرێن یانا مێرینگی ژی باش دزانن ئەرکێ وێ ل گەل یانا ئەلمانی یێ ب سانەھی نابیت ژبەرکو پێدڤی یە ل سەر ئەوان ب جوداھیا سێ گولان سەرکەفتنێ توماربکەن ھەتا بشێن دەربازی قوناغا پێش دووماھیێ بن، ھەر چەندە ریال مەدرید دڤێ یاریێ دا دێ گەلەک ب ئارامی یاریێ کەت تایبەت پشتی وی ئاستێ بلند و ب سانەھی شیای سەرکەفتنێ ل دووماھی یاریا خوە د خولا لالیگا دا ل سەر ئیبار توماربکەت و ئاستێ یاریکەرێن زێدان د وێ یاریێ دا یێ بلند بوو کو زوربەیا یاریکەرێن یانا مەلەکی سوز دایە جەماوەرێ خوە دەربازی قوناغا پێش دووماھیا ئورۆپا بن و دێ شێن فولبسبورگ ژ رێیا خوە دەنە پاش .
ژلایەکێ دیڤە ل مانچستەر سیتی دێ ل یاریگەھا خوە یاریەکا ب زحمەت بەرامبەر پاریس سان جێرمان کەت ھەمی بوجون وەسا دھێنە دیارکرن ژلایێن روژنامەیێن ئورۆپی ڤە دێ پاریس شێت دەربازبیتە قوناغا دوێ ھەر چەندە ئەرکێ مانچستەرسیتی دێ گەلەک یێ ب سانەھی تر بیت ژبەرکو دو ئەنجامێن وەکھەڤیێ ژی د بەرژوەندیا مان ستی دانە ئەوژی ب گولەکێ و بێ گول لێ راھێنەرێ پاریس سان جێرمان بەری ڤێ یاریێ دیارکری یە ئەو دێ ب شێوەیەکێ ھێرشبەریێ یاریێ کەن و ئەو دخوازن ھەر زیکا گولەکێ توماربکەن و خوە ژ ھەردو ئەنجامێن وەکھەڤیێن د بەرژوەندیا مان ستی دا قورتالبکەن .
بریارە ل شەڤەکا دی بەرشەلۆنا ھەمبەری ئەتلەتیکو مەدرید بیت کو ئەرکێ یانا کەتەلونی یێ ب سانەھی نابیت ژبەرکو ب ئەنجامێ گولەکێ بێ بەرامبەر یانا بەرشەلۆنا دێ قارەمانیێ ب جھـ ھێلیت کو ئەڤ ئەنجامە یێ ب زحمەت نابیت بۆ یانەکا وەکو ئەتلەتیکو مەدرید ل یاریگەھا خوە کو بەرشەلۆنا نوکە د رەوشەکا خراب دا بوریت ل سێ یاریێن بوری دخولێ دا بتنێ خالەک ب دەستخوڤە ئینای یە یاریکەرێن وێ ل یاریا بوری ل گەل ریال سوسیداد ئێک ژ لاوازترین ئاست پێشکێشکرن دخولێ دا تایبەت ھەردو ستێرێن وێ یێ بەرازیلی نیمار و یێ ئەرژەنتینی لیونێل مێسی بەرامبەر راھێنەرێ ئەتلەتیکو سیمونی دیارکری یە یاریا وی یا شەڤەکا دی دێ بۆ دەربازبوونێ بیت و چو د دەستێ ئەوان دا نینە ژبلێ دورخستنا بەرشەلۆنا ژ قارەمانیێ و بەردەوامی بدەنە ھەڤرکیا قارەمانیێ .
یانا بافاری بایرن میونیخ دێ بەر ب پرتوگال ڤە چیت کو ئەوژی نەشیا ھەتارادەکی دەربازبوونا خوە مسوگەر بکەت پشتی سەرکەفتنەکا ب زحمەت ل سەر بەنفیکا تومارکری ل حەفتیا بوری کو بوجون ل رۆژنامەیێن بەرنیاس ل ئورۆپا ھاتینە دیارکرن ئەرکێ یانا بافاری شەڤەکا دی دێ گەلەک یێ ب زحمەت بیت دبیت یاری بەر ب لێدانێن پەنەلتیا بچیت ئەگەر ھاتو یانا پرتوگالی ب گولەکێ شیا سەرکەفتنێ توماربکەت .
ئەڤرۆ نیوز:
رۆژناما مارکا یا ئیسپانی نوچەیەک بەلاڤەکری یە تێدا دیارکری یە یاریکەرێ پرتوگالی و ستێرا ریال مەدرید کریستیانو رونالدۆ رێزا ئێکێ دھێت ل سەرجەم قارەمانیێن خولێن ئورۆپا ل گەل یانێن خوە خوە کو ل بەریا ھەر ئێک ژ یاریکەران ئیبراھیموڤیج یێ سویدی و یاریکەرێ یانا پاریس سان جێرمان و سوارێز یاریکەرێ بەرشەلۆنا دھێت.
رونالدو ل وەرزێ ئەڤ سالە شیا ٤٣ گولا ل سەرجەم پشکداریێن خوە ل یاریێن فەرمی یێن ریال مەدرید توماربکەت ھەر دیسان ١٥ گول بۆ ھەڤالێن خوە دروستکری نە و ئیبراھیموڤیج یاریکەرێ یانا پاریس سان جێرمان رێزا دوێ دھێت ب تومارکرنا ٣٥ گولا ھەردیسان خودانێ ١٤ چێکرنا گولایە بۆ ھە ڤالێن خوە و سوارێز یاریکەرێ بەرشەلۆنا رێزا دوێ دھێت ب ٣٤ گولان و ١٥ گول بۆ ھەڤالێن خوە بەرھەڤکری نە.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا چارشه‌مبى رێكه‌فتى 13ى نيسانا 2016ێ ئه‌سمان دێ ئه‌وره‌كێ كێم بيت و ل هنده‌ك ده‌مان دێ بيته ئه‌ورێ ته‌مام و بارانه‌كا هوور باريت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ كاتێكرنا فشاره‌كێ كو ژێده‌رێ وێ باكوورێ عيراقێ يه، بۆ سه‌ر هه‌رێما كوردستانێ دهێته پێشبينيكرن ئه‌سمان ئه‌وره‌كێ كێم بيت و ل هنده‌ك ده‌مان دێ بيته ئه‌ورێ ته‌مام و بارانه‌كا هوور باريت.
پشكا پێشبينيان دايه زايه زانين كو دێ ئاراستێ باى ژى دێ د گوهوهۆڕينێ دا بيت ب ره‌نگه‌كى د ناڤبه‌را 10 هه‌تا 20كم دا و هنده‌ك و ماوێ ديتنێ ژى دێ 8 بۆ 9كم بيت، پلێن گه‌رمێ ژى دێ د ناڤبه‌را (11 بۆ 18) پلان دا بيت.
نيشاندان