ئەڤرۆ نیوز:
ئەندامەکا لیژنا ساخلەمیێ ل پەرلەمانێ کوردستانێ پلانەکا حوکمەتێ بۆ زێدەکرنا پارێ چارەسەریێ ل کەرتێ گشتی ئاشکرا دکەت و رادگەھینیت، ھندەک وەلاتی دنەخۆش نینن و سەرەدانا کەرتێ ساخلەمیێ دکەن، ژبەرکو پارەیەکێ رەمزی دھێتە وەرگرتن، پێشنیار ھاتیەکرن بھایێ پلێتێن نەخۆشخانا بھێتە بلندکرن.
ئاواز حەمید، ئەنداما لیژنا ساخلەمیی ل پەرلەمانێ کوردستانێ بۆ رۆژناما ئەڤرۆ گۆت “لیژنا ساخلەمی و ژینگە دگەل وەزارەتا ساخلەمی ل دۆر خزمەتگوزاریێن ساخلەمیێ ل کەرتێ گشتی کۆم بووینە و پێشنیارەک ھاتیەکرن، کو ل نەخۆشخانێن حوکمەتێ پارە ژ وەلاتیان بھێنە وەرگرتن وەکی وەلاتێن پێشکەفتی ھەمبەر ئەڤێ خزمەتا بۆ نەخۆشان دھێتەکرن، ژبەرکو ل کەرتێ گشتی چارەسەری بێ بەرامبەر وەکی پێدڤی خزمەتا نەخۆشان ناھێتەکرن و کاریگەری ھەبوویە ل سەر چارەسەرکرنا وەلاتیان، ھەتا وەلاتی ھەنە بوویە عادەتەک بۆ چارەسەریەکا زۆر ئاسایی سەرەدانا نەخۆشخانە و بنگەھێن ساخلەمیێ دکەن، رەنگە ھندەک ژ وانا ھەر نەخۆش ژی نەبن”.
ئاوازێ گۆت ژی “پێشنیار ئەوە کو پارەکێ رەمزی ژ نەخۆشان بھێتە وەرگرتن و د ھەمبەر دا پشکنینێن باش بۆ بھێنەکرن، بۆ نموونە وەلاتی ھەیە دێ چیتە نەخۆشخانێ پشکنینا گشتی کەت بێی چ نەخۆشی ھەبن، ئەڤ پشکنینە ل کەرتێ تایبەت ھەتا پێنجی ھزار دینارانە، د ھەمان دەم دا ل حوکمەتێ ب 500 دینارانە”.
رەنگە نەخۆشخانێن حوکمەتێ ژی ببنە ب پارە
نيشاندان
