ئه‌ڤرۆ نيوز، زه‌رى نه‌وزاد:
ئه‌ڤرۆ ده‌سته‌يا ئامارا گشتى يا توركيا رێژا پێشڤه‌چوونا ئابوورێ وه‌لاتێ خوه بۆ سالا 2015 راگه‌هاند و رژدى ل سه‌ر وێ يه‌كێ كر كو گه‌شه‌يا ئابوورێ توركيا 4% زێده‌بوويه.
ده‌سته‌يا ئامارا گشتى يا توركيا دياركريه سه‌ره‌راى ره‌وشا خرابا توركيا ل گه‌ل رووسيا، و سستيا ئابوورى و قه‌يرانا دارايى ل ئوروپا، به‌لێ گه‌شه‌يا ئابوورا توركيا ب رێژا 4% زێده‌بوويه و دهێته چاڤه‌رێكرن بۆ سالا 2016 بۆ رێژا 5% ده‌رباز بكه‌ت.
ئه‌ڤرۆ نيوز: زه‌رى نه‌وزاد:
ڤه‌كولينان ئه‌و چه‌نده ديار كريه كو خوارنا پرپينێ دبيته ئه‌گه‌ر كو سيسته‌مێ له‌شى بهێز بێخيت و ئه‌گه‌ر سيسته‌مێ له‌شى بهێز كه‌فت، ب ساناهى مروڤ تووشى نه‌خوشيان نابيت.
هه‌روه‌سا ڤه‌كوله‌ران ئاماژه ب وێ يه‌كێ كريه كو خارنا پرپينێ دبيته ئه‌گه‌رێ گه‌شه‌يا زارويان و وه دكه‌ت كو مروڤ ل نه‌خوشيێن دلى يێ دوور بيت و ئاستێ بينينا چاڤان ژى زێده دكه‌ت.
ئه‌ڤرۆ نيوز:
روونشتنا جڤاتا نوونه‌رێن عيراقێ ب ئاماده‌بوونا حه‌يده‌ر عه‌بادى سه‌رۆك وه‌زيرێن عيراقێ ده‌سپێكر و بڕياره گوهۆڕينێن خوه يێن وه‌زارى ب راگه‌هينيت.
كارنامێ جڤاتا نوونه‌ران يێ ئه‌ڤرۆ رۆژا پێنجشه‌مبى رێكه‌فتى 31ى ئادارا 2016ێ مێڤانداريكرنا سه‌رۆك وه‌زيرێن عيراقێ حه‌يده‌ر عه‌بادى يه ژ بۆ ئه‌نجامدانا گورانكاريێن به‌رچاڤ.
بڕياره ل پشتى نيڤرۆ حه‌يده‌ر عه‌بادى سه‌رۆك وه‌زيرێن عيراقێ بگه‌هيته جڤاتا نوونه‌رێن عيراقێ بۆ پێشكێشكرنا ناڤێن كانديدێن وه‌زارى.
هه‌تا نوكه ژى يا ديار نينه كا كيش ليست و هه‌ڤپه‌يمانيێن ناڤا جڤاتا نوونه‌رێن عيراقێ دێ پشته‌ڤانيا حوكمه‌تا عه‌بادى يا ب ناڤ ته‌كنوكرات كه‌ن.
ليستێن كوردى ژى بڕيار دايه كو رازى نابن چ وه‌زيرێن كورد بهێنه گوهۆڕين و هه‌كه هه‌موو وه‌زاره‌ت ژى بهێنه گوهۆڕين، پێدڤيه سه‌رۆك وه‌زير ژى بهێته گوهۆڕين و هه‌كه نه دێ ژ به‌غدا خوه ڤه‌كێشن.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 31ى ئادارا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1283 |
| 1 يۆرۆيێ ئه‌ورۆپى | 1450 |
| 1 ليرێ توركى | 440 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
سه‌عيد محه‌مه‌د مه‌سيفى په‌رله‌مانتارێ فراكسيونا كه‌سك ل په‌رله‌مانێ كوردستانێ دياركر كو دهى ئه‌و ل گه قوباد تاله‌بانى جێگرێ سه‌رۆكێ حكومه‌تێ كومبوون بۆ زانينا ئه‌گه‌رێ بريارا حوكمه‌تى بۆ پاشخستنا مووچێ پێشمه‌رگێن كێم ئه‌ندام و زيندى، ژبه‌ر كو پێشمه‌رگێن كێم ئه‌ندام و زيندى سه‌ر ب وه‌زاره‌تا پێشمه‌رگه‌ڤه‌نه، به‌لێ قوباد تاله‌بانى گوت، حوكمه‌تێ برياردايه ژبلى پێشمه‌رگێن ل به‌رۆكێن شه‌رى، سه‌رجه‌م موچه‌خورێن هه‌رێمێ مووچێ وان بهێته پاشخستن.
ئەڤرۆ نیوز:
پشتی تە زارۆ دبیت، دێ بینی سەنگێ تە زێدە بوو، تو پێدڤی ب رێجیمەکا بلەزی دا بزڤریە سەر سەنگێ خوە یێ بەرێ، جلکێن تە یێن بۆ تە تەنگ بووین و ھەڤژینێ تە کرێت بەرێخوە ددەتە تە چونکو تو یا قەلەو بووی، ھندەک پرسیاران ژ خوە بکە، کەنگی پێدڤیە ئەز سەنگێ خوە کێم بکەم، چ دروستە و چ شاشە د رێجیما پشتی زارۆبوونێ دا؟
ئەڤە ھژمارەکا شیرەتانە شارەزایێن خوارنێ دکەن:
– نابیت ھزر د دەستپێکرنا رێجیمێ دا بکەی ھەتا چل رۆژکێن تە ب دوماھی دھێن.
– پێدڤیە چل رۆژکێن تە ب دوماھی بھێن، دا رێژا خوینێ ڤەگوەریتە رەوشا خوەرستی.
– رێجیم بەری ڤێ چەندێ شاشیەکا مەزنە.
– ھەکە شیرێ خوە بدەتە زارۆی، پێدڤیە رێجیما وێ ل سەر فێقی و زەرزەواتی و بەرھەمێن شیری بیت.
– خوارنێن ب نشا دڤێت کێم بخۆت، نیڤ سەوک یان پێنج کەچکێن برنجی یان مەعکەروونان.
– شیرینی و تڕشی و ڤەخوارنێن غازی قەدەغەنە بۆ وێ ژنا دڤێت سەنگێ خوە کێم بکەت.
– ھەکە ژن شیرێ خوە نەدەتە زارۆی پشتی 40 رۆژان ژ زارۆبوونێ، ئەو یا پێدڤی رێجیمەکا توندە.
– دەرمانێن کێمکرنا سەنگێ قەدەغەنە.
ئه‌ڤرۆ نيوز:
پشکا سامانێ ماسیان ل رێڤەبەریا سامانێ گیانەوەری یا سەر ب رێڤەبەریا گشتی یا چاندنێ ڤە ل پارێزگەھا دھۆکێ د نڤیسارەکێ دا کو دانەک بۆ رۆژناما ئەڤرۆ ھنارتیە، تێدا دیار کریە، گرتنا ماسیان ھەر ژ سوبەھی و ھەتا دو ھەیڤێن دی، ب ھەموو رەنگەکی قەدەغەیە.
د وێ نڤیسارێ دا ئاماژە ب وێ چەندێ ژی کریە، د وەرزێ زاوزێ یێ ماسیان دا بۆ سالا 2016 بڕیار ھاتە دان کو گرتنا ماسیان ھەر ژ 1/4 ھەتا 30/6/2016 ب ھەموو رەنگەکێ نەقانوونی یێن وەکو تۆرێن ھوور، کارەبێ، ماددێن ژەھراوی و تەقەمەنیان بھێتە قەدەغەکرن و ھەر کەسێ سەرپێچیێ بکەت دێ ھێتە سزا دان.
خویا ژی کریە، مەرەما وان ژ ڤێ بڕیارێ پاراستنا سامانێ ماسیانە ل پارێزگەھێ.
نيشاندان
