ئه‌ڤرۆ نيوز:
وه‌هبى یونس سه‌رۆكێ ئێكه‌تیا مامۆستایێن كوردستانێ لقێ دهۆك راگه‌هاند، هه‌موو پێرابوون بۆ ئاڤاكرنا شووقێن مامۆستایان ل دهۆك، سێمێل، شێخان و ئامێدیێ ب دووماهى هاتینه و ته‌نده‌ر ژى هاتینه دروستكرن و گۆت: نێزیكى چار هزار شووقه و خانى دێ بۆ مامۆستایان هێنه ئاڤاكرن و ب تنێ دێ بۆ مامۆستایێن ئه‌ندامێن سه‌ندیكایێ بن).
سوبه د رۆژناما ئه‌ڤرۆ دا راپورته‌كا به‌رفره‌هـ دێ هێته به‌لاڤكرن
ئەڤرۆ نیوز:
تیما تەپا پێ یا دھۆک بۆ یاریا دوێ ل دیڤ ئێک ب سەرپەرشتیا راھێنەرێ خوە ئاشتی موستەفا توشی خوسارەتیێ بوو د یاریێن چارگوشا زێرینا کوردستانێ دا پشتی ئەڤ جارە توشی خوسارەتیێ بووی ل سەر دەستێ یانا پێشمەرگە یا ھەولێرێ ب گوله‌کێ بێ به‌رامبه‌ر ل یاریگەھا خوە .
ب ڤی ئەنجامی تیما پێشمەرگە خالێن خوە گەھاندنە ٤ خالان و ب ھەڤکاری ل گەل یانا ھەولێر ل سەرێ لیستەیا چارگوشا زێرین ھەن ئەوا ژلایێ خوڤە سەرکەفتن ل سەر یانا زاخۆ تومارکری ب دو گولان بێ بەرامبەر و زاخۆ رێزا سیێ دھێت ب سێ خالان و دھۆک رێزا چارێ دھێت بێ خال.
ئه‌ڤرۆ نیوز:
جڤاتا ئاسایشا هه‌رێما كوردستانێ گرتنا مه‌زمه تیرورسته‌كێ داعش راگه‌هاند.
ئه‌ڤرۆ جڤاتا ئاسایشا هه‌رێما كوردستانێ گرتنا چه‌كداره‌كێ سه‌ر ب رێكخراوا داعش د ئوپه‌راسیونه‌كێ دا ل كه‌ركووكێ راگه‌هاند.
جڤاتا ئاسایشا هه‌رێما كوردستانێ ئاماژه ب وێ چه‌ندێ دایه كو ڤى تیرورستێ ب ناڤێ مالك رەفعەت خەلەف جەدوع”. پشكدارى د چه‌ندین پلان و كریارێن تیرورستى یێن داعشدا كریه.
ئه‌ڤرۆ نیوز:
جڤاتا وه‌زیرێن هه‌رێمێ بڕیاردا مۆله‌تا بێ مووچه وان فه‌رمانبه‌ران ژى ڤه‌گریت، یێن كو ل ده‌مێ دامه‌زراندنێ سوزنامه داگرتین كو داخوازا مۆله‌تێ نه‌كه‌ن.
ل دووڤ نڤیسارا ژماره 1390 كو ئه‌ڤرۆ 30 ئادارێ ده‌رچوویه و نێچیرڤان ئه‌حمه‌د سه‌رۆكێ دیوانا جڤاتا وه‌زیران ئیمزا كریه، تێدا بڕیار هاتیه دان مۆله‌تا بێ مووچه وان فه‌رمانبه‌ران ژى ڤه‌گریت یێن كو ل ده‌مێ دامه‌زراندنێ سوزنامه داگرتین كو داخوازا مۆله‌تێ نه‌كه‌ن و د پشكه‌كا دى یا بڕیارێ دا هاتیه كو ل ده‌مێ دانا مۆله‌تا دڤێت ئه‌زموونا فه‌رمانبه‌رى ل به‌رچاڤ بهێته وه‌رگرتن وه‌كو د قانوونا خزمه‌تا شارستانى یا ژماره 42 یا سالا 1960 كارپێكرى دا هاتى.
چو ده‌ستهه‌لات ژ مه‌ریخێ نه‌هاتنه
((ئه‌قل فاكته‌رێ ژیانێیه))
جۆن دێوی
د درێژییا دیرۆكێ دا، هه‌ر ده‌ستهه‌لاته‌كا خۆمالی، ژبلی ده‌ستهه‌لاتێن داگیركه‌ران، گه‌هشتییه كورسیێ، ژ سه‌ر (مه‌ریخێ) نه‌هاتییه، هه‌ر ژ خوه‌دیێ وی جڤاكییه. واته كی ژ وی خه‌لكی بگه‌هته ده‌ستهه‌لاتێ، هه‌كه حوكمێ هشیارییا جڤاكی ل سه‌ر نه‌بیت، دێ هه‌مان سیناریۆیا نۆكه ل هه‌رێمێ ئه‌م تێدا دوباره بت.
دێ بینین هه‌ر ده‌ستهه‌لاته‌كا خۆمالی، د ده‌ستپێكا خه‌باتێ و شۆرشگیڕیێ دا، ده‌ستهه‌لاته‌ك پاقژ و نموونه‌ییه، ب گۆتن و كریار، هه‌كه ململانێ ل ناڤبه‌را شۆڕشگێران دا هه‌بت ژی نه‌گه‌له‌كا ب هێزه كو ب گه‌هته ئاستێ خه‌ته‌رێ ل سه‌ر وێ بزاڤا شۆرشه‌گێڕانه و كه‌سێ زوو ب زوو ته‌ماعی د كورسیێ و سه‌ركێشیێ دانینه، ژبه‌ر كو چو ده‌ستكه‌ڤتی و سامان و تشتێن دی یێن ئه‌قلێ خوه بۆ بده‌ته شۆلی كو غه‌ریزه‌یا مرۆڤی بكێشن تێدا نینن. هه‌تا ئه‌ڤه د خوه‌دیێ ئیسلامێ ژی دا هه‌بوویه، دێ بینین ل سه‌ر ده‌مێ خیلافا ئیسلامێ، ژبلی مژارێ ئیمام عه‌لی و بده‌ستڤه‌نه‌ئینانا خیلافه‌تێ ل مزگه‌فتا بن سه‌قیف، پشتی مرنا پێغه‌مبه‌ری، وه‌كی دی ل سه‌ر ده‌مێ هه‌ردو خه‌لیفه‌یان (ئه‌بۆ به‌كه‌ر و عومه‌ری) كه‌سێ گه‌له‌ك ته‌ماعی د پۆسته و سه‌ركێشیێ دا نه‌بوو. ژ به‌ر كو ئیسلام د قۆناغا ده‌ستپێكێ و هه‌ژاریێ و زاهدیێ و به‌رته‌نگیێ دا بوو. لێ پشتی سه‌ركه‌ڤتنێن مه‌زنێن ئیسلامێ ب ناڤێ (فتۆحات و غه‌زواتان) بده‌ستڤه ئینانا غه‌نیمه و جاریان، ئاقلی شۆلكر و غه‌ریزه ئاریان و ته‌رزای هاته گوهه‌ڕتن و دینێ ئیسلامێ، هه‌تا نها ئێكه‌مین دینه پتر ئینشقاق تێدا و گه‌له‌ك فرق و مه‌زهه‌ب و دوبه‌ركی تێدا په‌یدابووین، وه‌كی د قورئانا پیرۆز دا هاتی: ((كل حزب بما لدیه فرحون)).
هه‌كه ئه‌م بزڤڕینه قۆناغا به‌ری سه‌رهلدانا 1991 كو ب قۆناغا شۆڕشێ دژی دكتاتۆری دهێته نیاسین، هه‌مان روحیه‌ت د ناڤبه‌را قاره‌مانێن شۆڕشێ دا هه‌بوویه، واته چو جودایی ل ناڤبه‌را سه‌ركێشێ مه‌فره‌زه‌كێ و پێشمه‌رگه‌یێن وی نه‌بوویه، ژبلی كو وی سه‌ركێشی، ب كادرێ شۆڕشێ دهاته نیاسین، هنده‌ك كاغه‌زێن زێده ڤێ هه‌بووینه دا كو په‌یوه‌ندی ب رێكخستنێن خوه‌ڤه هه‌بت. هنده‌ك جاران رادیۆیه‌ك ژی هه‌بوویه، دا كو په‌یوه‌ندی ب جیهانا ده‌رڤه ڤه هه‌بت، وه‌ك دی هه‌موو د وه‌ك ئێك بوون، ململانێ هه‌كه ل سه‌ر پۆسته‌كی هنده‌ك جاران هه‌بت ژی نه گه‌له‌كا به‌رچاڤ بوو. لێ هه‌ر ژ قۆناغا پشتی سه‌رهلدانێ ژیوار 180 نومه‌ره‌یان پاشڤه زڤڕی و ئێدی قۆناغا ئاقلی و ئاشۆپكرنێ و غه‌ریزه و پالده‌رێن مرۆڤی به‌رفه‌رهبوون و ده‌ستهه‌لاتا مه‌ده‌نی و هه‌ڤڕكی ل سه‌ر كورسی و سامانی و قه‌سر و قوسیر و فرۆشتنا كارگه‌ه و شه‌فه‌ل و ده‌ستكه‌ڤتیێن رژێمێ هاته كرن و هه‌تا سكرێن وه‌كی سكرێ بێخمه و قه‌سر و قوسیرێن گاره‌ی ب به‌ر ره‌شه‌بایێ ڤێ هه‌ڤركیێ كه‌تن و هه‌لی وی بابێ وی بكه‌ت كه‌له‌پوورت و خوه زه‌نگین كه‌ت.
ڤێ قۆناغێ پشتی ره‌ڤا ملیۆنی و زڤڕینێ و هه‌لبژارتنێن نه‌خری ل 1992 گه‌له‌ك ڤه‌نه‌كیشا، شه‌ڕێ براكوژیێ ب چه‌ند قۆناغه‌كان، هه‌ر سه‌را كورسیێ و وی سامانی و مالێ دنیایێ ل ناڤبه‌را پارتێن ده‌ستهه‌لاتێ ده‌ستپێكر و هزاران قوَربانی دان. ئه‌ڤ هه‌ڤركییه به‌رده‌وامبوو، قاره‌مانێن شۆرشێ هه‌تا نۆكه ب ناڤێ وێ شۆڕشێ هه‌ر ئێك تنێ یێ ب ناڤێ كوردایه‌تیێ و ملله‌تی بۆ خوه دكه‌ت و كورسیێ ب ده‌ستڤه دهینت داكو پێ دا بگه‌هته وان ئارمانجان هه‌ڤڕكی ل سه‌ر دهێته كرن.
ئه‌ڤ هه‌ڤڕكییه پشتی هاتنا كۆمپانیێن پترۆلێ و ده‌رێخستنا پترۆلێ و فرۆشتنا وێ جودا ژ به‌غدایێ دژوارتر لێ هات، هه‌تا په‌ڕله‌ه‌مان و سیسته‌مێ سه‌رۆكاتییا هه‌رێمێ بووینه قوربانێن وێ و هه‌ر ئالیه‌ك خوه دروست ددانت و هه‌ڤڕكێ خوه ب خائین و نه‌كوردپه‌روه‌ر ل قه‌له‌م دده‌ت. به‌رده‌وامییا ئالۆزبوونا ره‌وشا هه‌رێمێ، پشتی 25 سالێن ئازادیێ مینا مه ل گۆتارا دی ئیماژه‌دایی هه‌ر پتر دزڤڕته لاوازییا هشیاریێ و ئیراده‌یێ ل جه‌م پرانییا خه‌لكێ هه‌رێما كوردستانێ، پرسیارا ستاندنا وی مافی بكه‌ن كو ئه‌و ل (هیڤیا فریێ گاینه) ده‌ستهه‌لات بده‌تێ.
ئەڤرۆ نیوز،ھەژار مەعروف:
تیما تەپا پێ یا زاخۆ نەشیا بەردەوامی ب دەتە سەرکەفتنێن خوە د یاریێن چارگوشا زێرینا کوردستانێ پشتی ئەڤرۆ د یاریا خوە یا دوێ دا ژ قوناغا چارگوشا زێرینا فاستلینکا کوردستانێ خوسارەت بووی ل سەر دەستێ یانا ھەولێرێ ل یاریگەھا فەرەنسو حەریری ب دو گولان بێ بەرامبەر ھەردو گولێن ھەولێرێ ژلایێ یاریکەرێ بەری نوکە یێ یانا زاخۆ فەرحان شەکور ھاتنە تومارکرن .
ب ڤی ئەنجامێ تیما ھەولێرێ خالێن خوە گەھاندنە چار خالان ژ دو یاریان و زاخۆ سێ خال ژ دو یاریان .
ئەڤرۆ نیوز:
ستێرا ھەلبژارتیێ ئەرژەنتین و یانا بەرشەلۆنا لیونێل مێسی د یاریا خوە یا شڤێدی دا شیا گولا خوە یا ژمارە ٤٩٩ د مێژویا خوە دا توماربکەت پشتی شیای گولا دوێ یا ھەلبژارتیێ تانگو ل سەر ھەلبژارتیێ بولیفیا توماربکەت ب لێدانا پەنەلتی و سەرکێشیا ھەلبژارتیێ خوە کری بوو سەرکەفتنەکا گرنگ ژ ڤاڤارتنێن موندیالا جیھانی بو دەربازبوونێ بۆ موندیالا روسیا .
د داخویانیەکێ دا بۆ کەنالێ تی وای سی لیونێل مێسی دیارکر د یاریا بھێت دا ئەو دێ ھەمی بزاڤێ کەت ل گەل ھەڤالێن خوە بشێن سەرکەفتنێ ل سەر ھەڤرکا خوە یانا ریال مەدرید توماربکەن و سەرکەفتنا ل سەر ریال بێ گومان تایبەتمەندیا خوە یا تایبەت یا ھەی بۆ جەماوەرێ یانا کەتەلونیا و دێ بزاڤێ کەت د ڤێ یاریێ دا بشێت گولا خوە یا ژمارە ٥٠٠ د مێژویا خوە یا تەپا پێ دا ل سەر ریال مەدرید توماربکەت و دێ خوشیەکا مەزن بیت گولا وێ یا ژمارە ٥٠٠ ل سەر ئێک ژ بەرنیاسترین یانێن جیھانێ بیت.
ھەژی گوتنێ یە گولا شڤێدی یا مێسی ل سەر ھەلبژارتیێ بولیفا د بوو گولا ژمارە ٥٠ یا نیڤدەولی ل گەل ھەلبژارتیێ ئەرژەنتین توماربکەت
ئەڤرۆ نیوز:
نیڤا ئێکێ ژ یاریا ھەردو یانێن ھەولێر و زاخۆ ب دووماھیی ھات ژ چارچوڤێ یاریێن گەرا دوێ ژ چارگوشا زێرینا یا فاستلینک کوردستانێ ئەنجامێ نیڤا ئێکێ یێ ڤێ یاریێ ب پێشکەڤتنا ھەولێر ب دووماھی ھات ب دو گولان بێ بەرامبەر ھەردو گول ژلایێ ھێرشبەرێ وێ و گولکەرێ خولا کوردستانێ فەرحان شەکور ھاتنە تومارکرن.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 30ى ئادارا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1285 |
| 1 يۆرۆيێ ئه‌ورۆپى | 1430 |
| 1 ليرێ توركى | 440 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز:
کی ھەیە حەز نەکەت پرچا وی جوان بیت؟ بەلێ ل گەل ژیانا رۆژانەیا ب وەستیان و پیسبوون، کەرستێن کیمیاوی و گوھۆرینێن ھورمۆنی، زیانێ دگەھیننە پرچێ و قژاڤژ دکەن.
رۆژناما ئەڤۆ دێ بۆ ھەوە نھێنیەکێ ئاشکرا کەت، کو ھەموو ستێرین ناڤدارێن ھولیوودێ ب کار دئینن و پرچا وان بۆر و جوان دبیت، دبیت تو حێبەتی بی، بەلێ ئەڤە راستیە.
ئەو نھێنی ژی پیڤازە، بەلێ پیڤاز، جۆرەکێ زەرزەواتیە یێ دەولەمەند ب پرۆتین و ڤیتامین و کانزایان. ئەڤ ھەمی کەرستە مفای دگەھیننە پرچێ.
رێیا بکارئینانێ:
دو پیڤازێن سۆر بینە، ھەردوویان بھێرە و ب تنێ ئاڤا وان ژێ بگرە.
وێ ئاڤێ دانە پیستێ ل بن پرچا خوە و پاش ڤەمالە، پاشی سەرێ خوە کولاڤەکێ نایلۆنێ بپێچە، بۆ دەمێ 15 دەقیقان ھەتا سەعەتەکێ بھێلە و پاشی ب شامپۆیێ بشۆ.
ڤێ چەندێ ھەیڤێ دوجاران کە، ئەنجامێن باش دێ بینی.
نيشاندان
