ئه‌ڤرۆ نیوز:
رێڤه‌به‌ریا پولیسێن دهۆكێ دیاركریه كو ئەڤ زاروکە بناڤێ (قمر حجی خان أڤدل) ئاکنجیا دهوك تاخێ مهاباد ئەڤرو ل دەمژمێر 4ێ ئێڤاری یا ژمال دەرکەتی و نەزڤریە و یا به‌رزه‌بووى.
رێڤه‌به‌ریا پولیسێن دهۆكێ داخواز كریه كو هەر کەسێ پێزانین لسەر هەبن بلا ببەتە بنگەهێ پولیسێن سنێلا یان پەیوەندیێ بژمارا موبایلا بابێ وێ بکەت 07504190679
ئه‌ڤرۆنیۆز، ئه‌یاد به‌رواری
سه‌رۆكێ روسی فلادیمێر بوتین، فه‌رمان ل له‌شكرێ روسی كر خوه به‌رهه‌ڤ بكه‌ت بۆ شه‌ڕێ جیهانیێ سیێ، پشتی كو وه‌زیرێ به‌رگریا روسی ئاگه‌هداركری كو سووریێ بكه‌ته مه‌یدانا شه‌ڕێ سه‌ره‌كی د ناڤبه‌را روسیا و هه‌ڤپه‌یمانێن وێ ژلایه‌كێ و ئه‌مریكا و قۆلپا ناتۆی و هه‌ڤپه‌یمانێن وان ژلایه‌كێ دی ڤه.
ل دووڤ سایتێ (روسیا الیوم)، وه‌زیرێ به‌رگریا روسی راگه‌هاند كو روسیا سۆز ژ بنیامێن ناتانیاهۆ سه‌رۆك وه‌زیرێن ئیسرائیلێ وه‌رگرتیه كو ئیسرائیل مایێ خوه د شه‌ڕێ چاڤه‌ڕێكری د ناڤبه‌را روسیا و ئه‌مریكا دا نه‌كه‌ت.
ئه‌ڤ پێشداچوونێن بله‌ز دهێن پشتی سه‌رۆكێ روسیا فلادیمێر بوتین، هوشداریێن سه‌رۆكێ ئه‌مریكی باراك ئۆباما داینه روسیا ژبۆ بكارنه‌ئینانا مۆشه‌كێن ( ئه‌سمان – ئه‌سمان ) د ئۆپه‌راسیۆنێن خوه دا ل سووریێ، كو روسیا ئه‌و هوشداریه پشت گوه هاڤێتین.
د هه‌مان ده‌م دا، ئه‌مریكا راگه‌هاند ئه‌و دێ ده‌ست ب مه‌شقێن ئه‌سمانی كه‌ت كو تێدا فرۆكێن F16 و هژماره‌كا چه‌كێ پێشكه‌فتی یێ دی ژوان ژی فرۆكا RC_135 یا هه‌والگیری دێ پشكداربن.
ئه‌ڤرۆ نیوز:
پشتى ئه‌ڤرۆ وه‌زاره‌تا خواندنا بلند رێزبه‌ندا زانكۆیێن هه‌رێمێ راگه‌هاندى و زانكۆیا دهۆك نه‌شیا خوه د گروپێ A و B دا ببینیت، و چوویه د گروپێ C دا ل پال زانكویێن ، گه‌رمیان، هه‌ولێرا نوشدارى و راپه‌رین، پشتى وێ یه‌كێ زانكۆیا دهوك نه‌رازیبوونا خوه دیاركریه و ئه‌ڤێ ده‌قێ نه‌رازیبوونا وێ یه:
سەروكاتيا زانكويا دهوك بو هەمى ماموستا وقوتابى وكارمەندێن خو يێن خوشتڤى وخەلكێ دهوكا رەنگێن وهەمى كوردستانێ دەته دياركرن كو ئەو رێزبەنديا وەزارەتا خويێدنا بلند بو زانكويێن هەرێمێ كرين ل سەر بنەمايێن زانستى وئەكاديمى نەبوون بەلكو بديتنا مەهندەك مەرەمێن نه ديار ل پشت هەبوون.
هەژى گوتنێ يەكو رێزبەنديا زانكويا دهوك ل هەمى سايت وسەنتەرێن بيانى هەردەم ل پێشيێ بوويه ل سه ر ئاستێ هەرێما كوردستانێ وئەم وەك زانكو پشت راستين كو توانا ولێهاتيێن زانكويا مه ژ گەلەك ژوان زانكويا باشترن يێن پێش زانكويا مه داناين دوێ رێزبەنديێ دا، بەلكو هندەك ژ كوليژێن مه ب قەباره و ژمارێ ستاف و قوتابيێن خو هندى ئێك ژوان زانکويايه كو ل پێشيا زانكويا مه داناين.
سەروكاتيا زانكويا دهوك دێ ديفچوونێ بو ڤى بابەتى كەت وێ ماموستا وقوتابى وكارمەندێن خو وخەلكێ دهوكا رەنگين لێ دەته ئاگەهداركرن.
ئه‌ڤرۆنیۆز، سالار دۆسكى:
روژا ئالایێ كوردستانێ دێ ل هه‌می قوتابخانه وناڤه‌ندێن خواندنێ ل پارێزگه‌ها دهوكێ ب جواترین شێوه هێته ساخكرن.
ئه‌حمه‌د عه‌بدوللا زبێر رێڤه‌به‌رێ په‌یوه‌ندى و راگه‌هاندنێ ل رێڤه‌به‌ریا گشتى بۆ ئه‌ڤرۆ نیۆز گۆت: رێڤه‌به‌ریا گشتی یا په‌روه‌ردا پارێزگه‌ها دهوكێ و پشتی كومبوون دگه‌ل رێڤه‌به‌رێن رێڤه‌به‌ریا چالاكیێن قوتابخانا و چالاكیێن وه‌رزشی ودیده‌ڤانی وراگه‌هاندنێ كرى بۆ ساخكرنا رۆژا ئالایێ كوردستانێ ل هه‌موو قوتابخانه وناڤه‌ندێن خواندنێ ل سه‌رانسه‌ری پارێزگه‌ها دهوكێ وب جوانترین شێوه بریاردا ئه‌ڤ روژه بهێته ساخكرن وه‌ك ئه‌ركه‌كێ نیشتیمانی ونه‌ته‌وه‌یی ل روژا پێنج شه‌مبى رێكه‌فتی 17/12/2015 وب ڤی ره‌نگێ ل خوارێ دیار :
1. هه‌می كارگێرین قوتابخانا به‌ری روژا ساخكرنا روژا ئالایێ كوردستانێ هه‌می ئاماده‌كاریان بكه‌ن و ئالایێ كوردستانێ یێ نوی بیت وپه‌یڤ ب ڤێ هه‌لكه‌فتێ بهێنه خواندن .
2. ل هه‌می په‌روه‌ردێن قه‌زا قوتابخانه‌ك بهێته ده‌ست نیشانكرن وب چاڤدێریا قائمقامی ئاهه‌نگا ساخكرنا روژا ئالایێ كوردستانێ بهێته كرن وپه‌یڤ بهێنه خواندن .
3. ل سه‌نته‌رێ باژێرێ دهوكێ دێ ئاهه‌نگا ساخكرنا روژا ئالایێ كوردستانێ ل ئاماده‌یا صادق بها‌‌‌والدین ب چاڤدێریا پارێزگه‌ری دهوكێ هێته كرن .
هه‌می په‌روه‌ردێن قه‌زا د ئاگه‌هداربن لسه‌ر ڤێ چه‌ندێ و برێكا خو هه‌می كارگێریێن قوتابخانا ئاگه‌هداربكه‌ن بو به‌رزراگرتنا ڤێ روژێ وساخكرنا وێ ب جوانترین شێوه .
ئه‌ڤرۆ نیوز:
د په‌یوه‌ندیه‌كا ته‌له‌فونى دا، سه‌رۆكێ هه‌رێمێ كوردستانێ مه‌سعود بارزانى و حه‌یده‌ر عه‌بادى سه‌رۆك وه‌زیرێن عیراقێ دووماهى پێشهاتێن سیاسى شروڤه‌كرن و به‌حسێ سه‌ره‌دانا چاڤه‌رێكرى یا بارزانى بۆ توركیا و ئه‌جێندایا وێ سه‌ره‌دانێ كر.
ل دووڤ راگه‌هاندنه‌كا سه‌رۆكایه‌تیا هه‌رێما كوردستانێ، د وێ په‌یوه‌ندیا ته‌له‌فونى دا، سه‌رۆك بارزانى و عه‌بادى رژدى ل سه‌ر سه‌روه‌ریا عیراقێ كر.
بڕياره 9ى كانوونا ئێكێ يا 2015ێ مه‌سعود بارزانى سه‌رۆكێ هه‌رێما كوردستانێ سه‌ره‌دانا وه‌لاتێ توركيا بكه‌ت و ل گه‌ل مه‌زنه به‌رپرسێن وى وه‌لاتى كۆم ببيت.
ئه‌ڤرۆ نیوز:
سه‌رۆكایه‌تیا په‌رله‌مانێ عیراقێ بریاردا كو ل دو رۆژێن بهێت، هه‌ر ئێك ژ ئیبراهیم جه‌عفه‌رى و خاید هوبه‌ریدى وه‌زیرێن ده‌رڤه و به‌ره‌ڤانیا عیراقێ بۆ شروڤه‌كرنا به‌زاندنا سنورێ عیراقێ ژ ئالیێ سوپایێ توركیا ڤه مێهڤان بكه‌ت.
سه‌رۆكایه‌تیا په‌رله‌مانێ عیراقێ بریار دایه كو لژنه‌كا په‌رله‌مانى بۆ دوڤچونا وێ یه‌كێ كرن، كو به‌حسێ بازرگانیا نه‌فتێ د ناڤبه‌را توركیا و داعش دهێته كرن.
سه‌رۆكایه‌تیا په‌رله‌مانێ عیراقێ گه‌فێن وێ یه‌كێ كر ژى كو ئه‌گه‌ر توركیا رێزێ ل بنه‌مایێن جیرانیێ نه‌گریت و گوهداریا عیراقێ نه‌كه‌ت سه‌باره‌ت ڤه‌كێشانا هێزێن سه‌ربازیێن خوه ل كوردستانێ، وى ده‌مى عیراق دێ بژارده‌یێن دى ب كار ئینیت ژ وان ده‌رێخستنا بالیوزێ توركیا ل به‌غدا.
ئەڤرۆ نیوز ، نەوزاد زادە ھلوری:
بێگومان ترومبێلان گرنگیدان پێدڤێت ، و ئەڤ یەک ژی ل گورەی وەرز و سەرما و گەرما و کەش و ھەوای دھێتە گوھرین ب تایبەتی وان ترومبێلێن کو ژیێ وان ژ پێنج سالان پترە.
گرنگیدانا ترومبێلێ دکەش و ھەوایەکێ ساردا دبیتە سەدەما پاراستنا مال و گیانێ مە و کەسانێن دن ، ئەڤ یەک ژی ب رێیا چەند خالەکایە کو دڤێت د وەرزێ زستانێ دا مە ئاگەە ل ترومبێلێن خوە ھەبیت ژ وان.
1- جورێ روونی : رون یێ جودایە و ھەر جورەکێ ترومبێلان ژی پلەکا دیارکری یا روونی دڤێت ، و رونێ ھاڤین و زستانێ جوداھیا خوە یا ھەی ، و ھەردەما تە ھەستکر ب وێ یەکێ کر کو کەش و ھەوا بەر ب سەرمایێ ڤە دچیت و دژوار بوو پێدڤی یە رونێ ترومبێلا خوە بگوھری ، و ھوستایێن رون گوھرینێ شارەزایی دڤی بیاڤی دا ھەیە و رێنمایان ددەن تە.
2- سیستەمێ کارەبای یا ترومبێلێ : سەرما و خوناڤ دوژمنێن سیستەمێ کارەبا و پاتریا ترومبێلا تەنە ، تواستا باتریێ دگەل سەرمایێ کێم دکەت ، و ھەروەسا پلاک و وایرە ژی ئەگەرن کو تەر بکەن ، ژبەرڤێ ل دەما ھەستکرنا بکارنەکرنا ئێک ژ بزوێنەرێن ترومبێلێ ھەر زوو بزاڤێ بکە بو دەستنیشانکرنا شاشیێن وێ و دروست ب کەڤە ، و ئەڤە زێدەباری وێ یەکێ کو دڤێت تە ئاگەە ژ سیستەمێ گەرما جامێن ترومبێلێ و فرچەیێن وێ ھەبیت ، و ل ڤێرە پیچەکا شامپویێ یان زاویا پاقژکرنێ بکە د بوتلێ ئاڤا وان فرچەیان دا.
3- ئەنتی فرێز : پێدڤی یە دگەل ھاتنا سەرمایێ ئاڤا رادێتەرێن ترومبێلێ بگوھری ب ئاڤەکا تایبەت ب وان رادیتەران ڤە یان ژی ئەنتی فرێز بکە تێدا دا کو ل دەما شەڤێ نەھێتە بەستن ” جەمدین ” ، و ژ ئەگەرا بەستنێ پێدڤی یە سپێدەیان بەرا تورمبێلێ بدەی کاری پێدڤی یە ئاڤەکا تێنشیر ھێدی ھێدی بکەیە سەر رادیتەری ھەتا کو ئەو ئاڤا دناڤ دا حەل دبیت ، و رێژەیا ئەنتی فرێز ژی بڤی رەنگی یە :
ئەگەرا رادێتەرا ترومبێلاتە (10) لیترێن ئاڤێ بخوڤە .
– ئەنتی فرێز ژ (1-) دێ ھێتە بەستن.
– 10% ئەنتی فرێز بیت ( ئانکو ئێک لیتر ) ل وی دەمی دێ د (5-) دا ھێتە بەستن.
– 20% ئەنتی فرێز بیت ( ئانکو دوو لیتر ) ل وی دەمی دێ د (9-) ھێتە بەستن.
– 30% ئەنتی فرێز بیت ( ئانکو سێ لیتر ) ل وی دەمی دێ د (18-) ھێتە بەستن.
– 40% ئەنتی فرێز بیت ( ئانکو چوار لیتر ) ل وی دەمی دێ د (25-) ھێتە بەستن.
– 50% ئەنتی فرێز بیت ( ئانکو پێنج لیتر ) ل وی دەمی دێ د (38-) ھێتە بەستن.
ل وەلاتێن مە ئەگەر سەرما چەندا دژوار ژی بیت پێدڤی یە سێکیا رادێتەرێ ترومبێلێ بکەینە د ئەنتی فرێز دا ، ئانکو دوو پشک ئاڤ و ئێک ژی ئەنتی فرێز.
4- پێدڤیێن زستانێ : دگەل ھاتنا وەرزێ زستانێ باشترە کو ھندەک تشتێن زێدە بکەینە د سندوقا ترومبێلێن خوە دا ب تایبەتی بوو ئەوێن کو ھاتن و چوونا ژ دەرڤەیێ باژێران دکەن ، و ئەو ژی ئەڤەنە: خاکەنازەکا بچوک ، بەندکەکێ راکێشانێ ، بەتەنی یان ژی کیسەکی َخەوێ ، و ئەگەر دەڤەر دەڤەرەکا چیایی بیت پێدڤی یە زنجیرەکێ ژی دگەل دا بیت بوو دەما ھاتنا بەفر و جەمەدێ.
5- گرنگترین کار ژی ژ بوو سەلامەتیا خوە و کەسانێن دن ل دەما سەرمایەکا زور و مژێ و بەفر و بارانان ئەگەر بو کارێن پێدڤی نەبیت ب ترومبێلێ نەچە جھێن قەرەبالغ چونکی ئەڤ یەک ھاریکاریا تە دکەن بوو درۆستبوونا روودان و کارەساتێن نەخواستی.
ئه‌ڤرۆ نیوز:
ئه‌حمه‌د داودئوغلو سه‌رۆك وه‌زیرێن توركیا ره‌خنه ل وان كه‌سان گرتن یێن كو شرۆڤه‌كا خراب دده‌نه چوونا سه‌ربازێن تورك بۆ ناڤ ئاخا ئیراقێ ، و ئاشكرا كر ئه‌و هێز بۆ مه‌شقدانا پێشمه‌رگه و هێزێ سۆپایێ ئیراقێ چووینه وێرێ و چ مه‌ره‌مێن خراب پێ نینه.
ناڤهاتی خاست وه‌زیرێ به‌رگرییا ئیراقێ سه‌را توركیا بده‌ت، و هه‌روه‌سا گۆت كو د نامه‌كێ دا توركیا بۆ سه‌رۆك وه‌زیرێن ئیراقێ مژار روون كرییه.
نيشاندان