ئهڤرۆ نیوز:
نووترين نووچه
- سەرۆك بارزانی و تۆم باراك دووماهی پێشهات و گوهۆڕینێن سووریێ گەنگەشەكرن
- نێچیرڤان بارزانی و قونسلا گشتییا ئەمریكا رەوشا هەرێما كوردستانێ و ئیراقێ گەنگەشەكر
- مەسرور بارزانی پیرۆباهیێ ل دیلان یەشیلگۆز دكەت
- فەرمانگەها میدیا و پێزانینان: داتایێن دارایی یێن بودجەیا گشتییا ئیراقێ شاشیێن مەزن دسەلمینن
- هێمن هەورامی: باوەرییا ملیۆنی یا مللەتی، سەلمێنەرا پێگەهـ و سەركەفتنا پارتی یە
- چەندین كۆمبوون بۆ ئێكلاكرنا پۆستێن سەرۆككۆماری و سەرۆك وەزیران دێ هێنە ئەنجامدان
- ڤەگوهاستنا زیندانیێن داعشێ بۆ ئیراقێ دێ بارگرانییا ئەمنی بۆ بەغدا پەیداكەت
- نها باشترین دەمە کۆنگرەیێ نەتەوەیی بهێتە ساز کرن
- دڤێت پرۆسەیا سیاسی ل ئیراقێ رەنگڤەدانا راستەقینەیا ئیرادەیا دەنگدەران بیت
- پارتی دخوازیت پۆستێ سەرۆككۆمارێ ئیراقێ وەرگریت بۆ ڤەگەڕاندنا سەنگا كوردان ل بەغدا
سهرهكى Facebook
چیرۆكا قورتالبوونا دهلال زاخۆیی ژ نقۆمبوونا بهلهمێ ل دهریا ئیجه
ئهڤرۆ نیوز: ڤهدهر رهشاڤایی:
سترانبێژ دهلال زاخۆیی ههرێما كوردستانێ بهرهڤ ئهورۆپا بجه هێلا، لێ پشتی بهلهما ئهو و ههڤژینا خوه تێدا نقۆم بووی، بكۆتهك بساخی ژ ئاڤا دهریا ئیجه قورتال بوون.
پشتی سێ حهفتیان ل توركیا دهلال زاخۆیی ل نیڤاشهڤێ سیاری بهلهمهكێ بوو بهرهڤ گزیرتهكا یونانی.
زاخۆیی ل كهمپا لێسبۆس ل یونان بۆ ئاژانسا ئهسۆشیهتد پرێس گۆت: بهلهم گهلهك یا بچووك بوو، بتنێ جهێ 100 كهسان تێدا دكر، لێ قاچاخچییا ڤیا 300 كهسان لێ سیار كهن، دهمێ مه خوه نهرازیكری كو گهلهك خهلكێ د بهلهمێ دا، شۆفێرێ بهلهمێ تهقه كره ئاسمانی و گۆت ئهڤه نه خهلكه ، مافیایه”
” ل دهمێ بهلهم نێزیكی كنارێ لێسبۆس ل یونان بووی، پێلێن مهزن یێن ئاڤێ بهلهم شهق كر، ئهم دو دهمژمێران د ئاڤێ دا ماین، من ههڤژینا خوه و چهند ههڤال رزگار كرن، لێ گهلهك خهلك تێدا بوون، خهلك پێش چاڤێن مه مرن.”
زاخۆیی چیرۆكا خوه ڤهگێرا لدهمێ بهرههڤی دكرن بۆ بدهستڤهئینانا بهلگهیان بمهرهما بجههێلانا گزیرتا لێسبۆس بهرهڤ ناڤهراستا یونان پاشی بهرهڤ باكۆرێ رۆژئاڤا ئهورۆپا.
ناڤهاتی بهلگهیێن پێدڤی ئهڤرۆ رۆژا ئینی 30 مههێ بدهستڤهئینان پشتی شڤێدی دو بهلهم د دهریا ئیجهدا نقۆم بووی و كهلهخێ زارۆكان هاڤێتیه بهر كنارێن دهریایێ.
دهلال زاخۆیی دیاركر كو وهلات بجهـ هێلایه ژبهركو بهرههمێ كارێ وی وهك سترانبێژ ل ههرێما كوردستانێ ل كێمیێ دایه و گۆت: هیڤیا منه بگههینه ئهلمانیا و سترانان بۆ كوردان ل وێرێ بێژم.”
وەزیرەکێ ئیسرائیلی: ب نەمانا عیراقێ و سووریێ ئایدیۆلۆژیێن نەتەوی نامینن
ئەڤرۆنیۆز، ئەیاد بەرواری
وەزیرێ ئاسایشا ئیسرائیلی یێ بەرێ راگەھاند، رەڤین ژ رۆژھەلاتا ناڤین، ئانکو رۆژھەلاتا ناڤینەکا نوو کو ب سەدان ھزار کەس وەلاتێن خوە بجە دھێلن تایبەتی سووریێ و بەربەر ب ئورۆپا ڤە دچن و ملیۆنا کەسێن دی ھەموو بزاڤان بۆ بجە ھێلانا رۆژھەلاتا ناڤین دکەن.
موشێ ئارنس وەزیرێ بەرێ یێ ئاسایشا ئیسرائیلی د گۆتارەکێ دا ل رۆژناما ( ھائارتس) یا ئیسرائیلی دبێژیت” نە تنێ ئەو مال و ئەردێ خوە بجە دھێلن، بەلکو یێ ژێیاتیا خوە یا نیشتمانی ژی دھێلن و ئایدیۆلۆژیاتان ل دەف وان چو گرنگیا خوە نینە ل بەرامبەر مەترسیا ل سەر ژیانا وان ھەی”.
موشێ زێدەتر دبێژیت”ئەو وەلاتێن دەستکرد ئەوێن ژلایێ وەلاتێن زلھێز ھاتینە دامەزراندن پشتی شەڕێ جیھانیێ ئێکێ، یێن بەر ب نەمانێ ڤە دچن، ئەڤ چەندە ل سووریێ و عیراقێ دھێتە روودان و ل گەل نەمانا سووریێ و عیراقێ، ئایدیۆلۆژیێن نەتەوی یێن فەرمی یێن عیراقی و سووری ژی نامینن”.
خویاژی دکەت” دبیت ھندەک وەلاتێن دی یێن عەرەبی ل رۆژھەلاتا ناڤین ژ ئەگەرێ توندرەویا ئیسلامی ل دەڤەرێ، ژناڤ بچن و دێ رۆژھەلاتەکا ناڤین یا نوو ھێتە دروستکرن”.
ب دیتنا ڤی وەزیرێ ئیسرائیلی یێ بەرێ تنێ ئوردن وەکو وەلاتەکێ جھگیر ل دەڤەرێ مایە و دبێژیت” ھەتا نوکە تنێ دەزگەھێن ئەمنی یێن ئوردنی یێن شیاین ل بەرامبەر توندرەوێن ئیسلامی ب راوەستن “.
ئهلمانیا گههشتنا كۆچبهران سنۆردار دكهت
ئهڤرۆ نیوز: ڤهدهر رهشاڤایی:
ئهلمانیا بریار دا گههشتنا كۆچبهران بۆ وی وهلاتی كو ههتا نها بدرێژییا سنۆرێ لگهل نهمسا یا ڤهكری بوو، سنۆردار كهت.
وهزارهتا ناڤخۆییا ئهلمانیا دا خویاكرن كو گههشتنا كۆچبهران بۆ 5 خالێن سنۆری لگهل نهمسا هاته سنۆردار كرن، بۆ وێ یهكێ پێلا كۆچا بكۆم بهێته كۆنترۆلكرن، بریار ههر نها دێ چیته جهێ بجهئینانێ دا.
ل ڤێ حهفتیێ وهزیرێ ناڤخۆیێ ئهلمانیا تۆماس دێ مێیزیێر رهخنه ل نهمسا گرتبوون بۆ هنارتنا كۆچبهران بێ هۆشداری بۆ سهر سنۆرێ دناڤبهرا ههردو وهلاتان دا كو 800 كیلۆمهتران یێ درێژه.
پهرلهمان سهبارهت سیستهمێ نوو یێ مووچهى دێ كوم بیت
ئهڤرۆ نیوز:
نهجیبا نهجیب ئهنداما لژنا دارایى و ئابوورى ل پهرلهمانێ عێراقێ ئاشكرا كر كو تێبینى و نڤیسین و خرڤهكرنا تێبینیان سهبارهت سیستهمێ نوو یێ مووچێن فهرمانبهران یێ ب دووماهى هێت و سوبههى شهمبیێ د كومبوونا پهرلهمانێ عیراقێ دێ دێ دانوستاندن ل سهر هێته كرن.
ئهنداما لژنا دارایى و ئابوورى ل پهرلهمانێ عێراقێ ههروهسا ئاشكراكر كو برگێن خراب و لاوازێن ناڤ سیستهمێ نوو یێ موچان هاتینه نڤیسین، و دێ دانوستاندن ل سهر هێته كرن.
ئوباما بریارهكا گرنگ دهرخست
ئهڤرۆ نیوز:
ئوباما بریاردا 50 راوێژكارێن سهربازى بۆ باشوور و رۆژئاڤایێ كوردستانێ بهنێریت.
ژێدهرهكێ بلند ژ وهزارهتا بهرهڤانیا ئهمریكا راگههاند: باراك ئوباما سهرۆكێ ئهمریكا رێ دا ب هنارتنا نێزیكى 50 راوێژكارێن سهربازى بۆ باكوورێ سووریێ و ههرێما كوردستانێ ب مهرهما هاریكاریكرنا هێزێن كوردى یێن باكوورێ سووریێ و هێزێن پێشمهرگهى ل ههرێما كوردستانێ.
مهلا كرێكار دووباره هاته زیندانكرن
ئهڤرۆ نیوز، ئاراس سوبحى رهشاڤایى
ل گور كهنالێ ( NRK ) یێ نهرویجى، ئهڤرۆ دووباره ل دادگهها نهرویج ل ئوسلوو دووباره مهلا كرێكار بریارا دووباره زیندانیكرنێ بو دهرچوو.
ل دووڤ بریارا دادگههێ، مهلا كرێكار دێ بۆ ماوێ 16 ههیڤا هێته زیندانكرن ب تومهتا وێ یهكێ كو گهفێن كوشتنێ ل كوردهكى كربوون ل چاڤپێكهفتنهكا تهلهفزیونى، ههروهسا مهلا كرێكار ب 9000 دولاران هاتبو سزادان.
مهلا كرێكار بۆ دهما چهند سالانه ل نهرویج دژیت و چهندین جارا هاتبوو دادگههكرن و زیندانكرن ب گونههێن جودا جودا.
ژ بن كونترۆلا شوفێرى دهركهفت
ئهڤرۆ نيوز:
ئهڤرۆ ل گهليێ بێسرێ ترۆمبێلهكا تيوتا پيك ئاپ ژ بن كۆنترۆلا شوفێرى دهركهفت و چو ناڤ باغێ ئێك ژ وهلاتيان، خۆشبهختانه چ زيانێن گيانێ نهبوون، ب تنێ زيانێن مادى ب ترۆمبێلێ كهفتن.
# ئهڤ وێنه ژ لايێ بلند ئهترووشى ڤه بۆ ئهڤرۆ نيوز هاتيه رهوانهكرن ل گهل پێزانينان.
لههیا كوردستانێ ئهڤ ماسیه سهر ئاڤ ئێخست
بیڤهلهرزا چیایێ زاگرۆس مهترسیهكا وهكو تشیرنوبل دێ پهیداكهت
ئهڤرۆنیۆز، ئهیاد بهرواری
شارهزایهكێ وارێ بیڤهلهرزا پێشبینیا وێ چهندێ دكهت زیانهكا مهزن ب وهلاتێن كهنداڤێ بكهڤیت، ههكه ویستگهها بوشههر یا ئوتۆمی ل ئیرانێ خوه ل بهر بیڤهلهرزا زاگرۆس نهگریت، كو چاڤهڕێ دهێته كرن ل دهمهكێ نێزیك ئهو بیڤهلهرزه رووبدهت.
سهرۆكێ كۆمهلا سعودی بۆ زانستێن ئهردی و سهرۆكێ سهنتهرێ ڤهكۆلینێن بیڤهلهرزان ل زانكۆیا (شاه سعود) یا سعودی، دكتور عهبدوللا عومهری بۆ رۆژناما (الحیاه) یا لهندهنی گوت” هێزا وێ بیڤهلهرزا ل ڤێ ههفتیێ ل سهر سنۆرێ پاكستانێ و ئهفغانستانێ دای كو هێزا وێ گههشتبوو( 7،5) ل دووڤ بیڤهرێ ریختهر، ههكه بیڤهلهرزهكا ب وێ هێزێ ل چیایێ زاگرۆس ل ئیرانێ بدهت، وی دهمی ویستگهها ئهتۆمی یا ئیرانی خوه ل بهر ناگریت، ژبهر كو ئهو ویستگهه یا هاتیه دروستكرن كو بشێت خوه ل بهر بیڤهلهرزان بگریت، لێ ههتا تنێ ههتا بیڤهلهرزا پلا (7) ل دووڤ بیڤهرێ ریختهر، لێ ههكه بیڤهلهرزهك كو هێزا وێ د ناڤبهرا (8) و (7،5) ل دوڤڤ بیڤهرێ ریختهر بیت، ئهڤ چهنده دێ بیته ئهگهرێ پهیدابوونا كارهساتهكێ وهكو ئهوا ل (تشیرنوبل) ل ئوكرانیا ژ ئهنجامێ پهقینا ویستگهههكا ئهتۆمی چێبووی”.
ناڤبری دیاكر پشتى وێ بیڤهلهرزا ل چیایێ (هندوكوش) ئهوێ دكهڤیته د ناڤبهرا پاكستانێ و ئهفغانستانێ دا، دێ بیڤهلهرزهك ل چیایێن زاگرۆس ل ئیرانێ ژی دهت”.
نيشاندان
WP Facebook Auto Publish Powered By : XYZScripts.com