ئه‌ڤرۆ نيوز:
شیار کایا چاڤدێرێ سیاسی ل باکورێ کوردستانێ بۆ رۆژناما ئەڤرۆ دیار کر کو شەرێ نھا ل باکورێ کوردستانێ و راگەھاندنا رەوشا نە ئاسایی ل باژێرێن باکورێ کوردستانێ زیانەکا گەلەک مەزن گەھاندیە وەلاتیان و ب راستی مرۆڤ دشێت بێژیت کو بوویە ئەگەر ژیان ل باکورێ کوردستانێ بھێتە راگرتن، چونکو دەمێ رەوشا نەئاسایی ل باژێرێن باکورێ کوردستانێ دھێتە راگەھاندن ب رۆژان ژیان دھێتە راگرتن، چونکو خەلک نەشێن بچنە سەر کارێ خوە و ھەروەسا خوارن و ڤەخوارن ژی دەست خەلکێ ناکەڤیت چونکو ژ بەر شەری و رەوشا نەئاسایی ب رۆژان خەلک نەشێن بچنە جھێن گشتی و دوکانان و پێدڤیاتێن ژیانێ بۆ خوە دابین بکەن و گۆت: (پارتیا کرێکارێن کوردستانی شاشیەکا گەلەک مەزن کر کو شەر ئینا ناڤ باژێرێن کوردان، چونکو شەر باژێرێن کوردان وێران دکەت و رۆژانە خەلکێ بێ گونەە دھێنە کوشتن و ئەو یەک ژی دیسان ھەر زیانە بۆ کوردان و ژ بەر ھندێ ژی ئەڤرۆکە ھەموو خەلکێ باکورێ کوردستانێ دخوازن کو پەکەکە شەری بدەتە راگرتن و خەلکێ بێ گونەە نەکە قوربانی).
ناڤھاتی د پشکەکا دی یا ئاخڤنا خوە دا ئەو یەک ژی نەڤەشارت کو دەمێ ل باژێرەکێ رەوشا نەئاسایی دھێتە راگەھاندن سەرباز و ھێزێن ئێمناھیێن تورکیا ب رەنگەکێ گەلەک خراب و دوور ژ ھەموو پیڤەرێن مرۆڤاتیێ سەرەدەریێ ل گەل خەلکێ مەدەنی دکەن و زارۆ و لاوێن کوردان تووشی زۆرداری و ئەشکەنجەدانێ دبن و بەری چەند رۆژان سێ لاوێن کورد ل ئامەدێ د ناڤ کۆلانان دا ھاتنە کوشتن و ھەتا نھا ژی بەرپرسیارێ وێ روودانێ ئاشکرا نەبووینە، چونکو ل جھەکێ دەمێ رەوشا نەئاسایی بھێتە راگەھاندن کەس نەشێت کۆنترۆلێ ل سەر تشتەکێ بکەت و ھێزێن ئێمناھیێ ژی دشێن ھەر تشتەکێ بکەن و گۆت: (راگەھاندنا رەوشا نەئاسایی ل باژێرێن وەک سورێ، جزیرێ و نسێبینێ کاریگەریەکا گەلەک خراب ل سەر بارێ دەروونی یێ خەلکێ کورد ژی کریە و رۆژانە سەربازێن تورک ب چەکێن خوە ل بەر چاڤێ ژن و زارۆیێن کورد ھاتن و چوونێ دکەن و ناھێلن ئەو ژ مالێن خوە دەربکەڤن و براستی ژی ئەز دبینم کو د شەرێ ڤێ دووماھیێ دا خەلکێ مەدەنی پتر ژ ھەر دو ئالیێن شەری بووینە قوربانی و ئەز داخواز ژ پەکەکێ دکەم کو باژێران نەکەتە مەیدانا شەری و نەبیتە ئەگەر کو خەلکێ مەدەنی ببنە قوربانی).
ناڤھاتی ئەو یەک ژی نەڤەشارت کو ژ بەر شاشیێن پەکەکێ د ھەلبژارتنێن یەکێ مژدارێ دا گەلەک ژ کوردان دەنگێ خوە دانە ئاکپارتیێ، چونکو خەلکێ دخواست پرسا کوردی دوور ژ شەری و ل پەرلەمانێ تورکیا بھێتە چارەکرن، دەلیڤەکا دیرۆکی ھاتبوو بەر دەستێ کوردان، لێ دەستپێکرنا شەری وەسا کر کو ئەو دەلیڤە ژ دەستان بچیت و خەلک دبێژن ھەکە پارتیا کرێکارێن کوردستانێ دەست ب شەری نەکربا نھا باژێرێن وان ژی وێران نەدبوون.

ئەڤرۆ نیوز:
وەزیرێ دەرڤە یێ ئەمریکا راگەھاند ئەو د قۆناغا نھا دا گوھۆرینا ئەسەدی ناکەنە رۆژەڤا خوە و دیار کر کو دڤێت رژێما سووریێ و ئۆپۆزسیۆنا نەرم د شەرێ داعشێ و قاعیدە دا پێکڤە بزاڤێ بکەن و د سێ ھەیڤان دا حوکمەتەکا دەمکی ئاڤا بکەن و د ناڤا سالەکی دا ژی ھەلبژارتنان پێک بھینن و بۆ ڤێ چەندێ ژی نھا شەرکرنا ل دژی رژێما سووریێ نە دەمەکێ گونجاییە.
جۆن کێری وەزیرێ دەرڤە یێ ئەمریکا ل باژێرێ بەلگراد پایتەختێ سربستانێ پشتی کۆمبوونا سازیا ھەڤکاری و ئێمناھیا ئوروپا د پرێس کۆنفرانسەکی دا راگەھاند کو د کۆمبوونێ دا تایبەت ل سەر رەوشا سووریێ و شەرێ ل دژی داعشێ و ئێمناھیا ئورۆپا گەنگەشە کرینە و گۆت: (بۆ پاراستنا جیھانێ ب گشتی و ئەمریکا و ئورۆپا ب تایبەتی دڤێت رێکخستنێن تیرۆرست بھێنە ژناڤبرن و حوکمەتەکا پرئالی بھێتە ئاڤاکرن و نوونەرێن رژێمێ و کورد و ئۆپۆزسیۆنا نەرم تێدا جە بگرن).
وەزیرێ دەرڤە یێ ئەمریکا ھەروەسا راگەھاند ژی ئەو نەشێن ھێزێن خوە یێن سەربازی بشیننە سووریێ لێ دێ ب ھێزا عەسمانی ھەڤکاریێن زێدەتر دەنە کوردان و ئۆپۆزسیۆنێ و بۆ ڤێ چەندێ ژی دڤێت ژوورا ئۆپەراسیۆنان بھێتە ئاڤاکرن و نوونەرێن رژێمێ، کوردان و ئۆپۆزسیۆنێ تێدا جە بگرن و گۆت: (نھا ل مەیدانێ ھێزا کوردان و سۆپایێ رژێما ئەسەدی ھەیە و ئۆپۆزسیۆن د شەرێ داعشێ دا گەلەک لاوازە و پشکەک ژ وان ژی نێزیکی رێکخستنێن تیرۆرست یێن وەک داعشێ و قاعیدە نە بۆ ڤێ چەندێ ژی نھا ل مەیدانێ کورد و سۆپایێ رژێمێ ھەنە و ھەتا رێکخستنێن تیرۆرست بھێنە ژناڤبرن دڤێت ئەم ھەڤکاریا وان کەین).
جۆن کێری د پشکەکا دی یا ئاخڤتنا خوە دا ژی راگەھاند کو د شەرێ داعش و قاعیدە دا ل گەل روسیا پێکڤە کار دکەن و د ناڤبەرا وان دا ھەماھەنگیەکا باش ھەیە و گۆت: (ل سووریێ ئەم و روسیا نێزیکی ھەڤدونە و د ناڤبەرا مە دا ئالۆزی و دژایەتی نینە و ئەو یەک راستیەکە کو ھێزا مە ل گەل ھەڤپەیمانێن مە و روسیا د شەرێ داعش و قاعیدە دا پێکڤە نە و ل سەر ئەردی ژی ھێزا سەربازی یا سووریێ و شەرڤانێن کورد ھەنە و ئەم ھەموو پێکڤە د یەک سەنگەری دانە).
ل ئالیێ دی پاتریک کۆکبورن پەیامنێرێ رۆژناما ئیندێنپێندێنت یا بریتانی و شارەزا د سیاسەتا رۆژھەلاتا ناڤین دا د بەرنامێ تەلەفزیۆنا بریتانی دا راگەھاند کو ئاخڤتنا وەزیرێ دەرڤە یێ ئەمریکا د جھێ خوە دایە و بێی ھێزێن سەربازی یێن رژێما سووریێ و ھێزێن کوردان داعش و قاعیدە ژناڤ ناچن و گۆت: (ب تایبەتی پشتی ھاتنا روسیایێ د مەیدانا شەرێ سووریێ دا نھا کۆنترۆلا شەری کەڤتیە د دەستێ رژێما سووریێ دا و ھەکە ئەمریکا و ھەڤپەیمانێن نێڤدەولەتی ژ دل ھەڤکاریا سووریێ و کوردان بکەن دێ د دەمەکی نێزیک دا داعش و قاعیدە ھێتە ژناڤ برن).
ل سەر رەوشا عیراقێ ژی پاتریک کۆکبورن راگەھاند کو ل عیراقێ ھەتا رادەیەکێ باش کۆنترۆلا شەری کەڤتیە د دەستێ ھێزێن پێشمەرگەی و سۆپایێ عیراقێ دا و گۆت: (پشتی شەنگال ھاتیە رزگارکرن و ل رۆژئاڤا ژی کۆنترۆلا حەسەکێ ب تەمامی کەڤتیە دەستێ کوردان داعش بەر ب رووخاندنێ ڤە دچیت لێ ل دووڤ ھزرا من داعش دێ ھەڤپەیمانیێ ل گەل قاعیدە و لەشکرێ ئیسلامی دروست کەت و بۆ جارا داوی ل عیراقێ و سووریێ ھێرشەکا مەزن دەتە دەستپێکرن و ھەکە کورد، ھێزێن عیراقێ و یێن سووریێ بشێن ھێرشێن وان بشکینن دێ داعش ب تەمامی شکەستنێ خووت).
ھەروەسا د داخۆیانیەکی دا وەزیرێ دەرڤە یێ سووریێ وەلید موعەلیم بۆ تەلەفزیۆنا سووریێ راگەھاند کو ئەو ب چو رەنگەکی قەبوول ناکەن فرۆکێن تورکیا یان سەربازێن وان بکەڤنە د ئاخا وان دا و گۆت: (ھەکە ئەم بزانین دێ ھەموو ئاخا مە کەڤیتە د دەستێ تیرۆرستان دا ئەم دێ ھەموو رێگریێ ل ھەمبەر کەڤتنا ھێزێن تورکیا کەین و یەک ژ بەرپرسێ ب ھێزبوونا ھێزێن تیرۆرستی دەولەتا تورکیایە و تورکیا وەک دەولەت ھەڤکاریا تیرۆرستان کریە و ئەم ڤێ یەکێ ژبیر ناکەین).

ئه‌ڤرۆ نیوز:
سه‌رۆكاتیا هه‌رێما كوردستانێ ره‌تدكه‌ت كو د سه‌ره‌دانا سه‌رۆك بارزانی بۆ ریاز چ هاریكاریێن دارایی ژ عه‌ربستانا سعودیه‌ هاتبیته‌ وه‌رگرتن.
د روونكرنه‌كێ دا سه‌رۆكاتییا هه‌رێمێ دیاردكه‌ت: لسه‌ر داخازه‌كا فه‌رمی و پری رێز ژ ئالیێ ئيماراتا عه‌ره‌بی و عه‌ره‌بستانا سعودیه‌ سه‌رۆك مه‌سعود بارزانی سه‌را هه‌ردو وه‌لاتان دا، بۆ بهێزكرنا په‌یوه‌ندیێن هه‌رێما كوردستانێ هه‌روه‌سا یێن ئیراق و پێكهاتێن وێ دگه‌ل ڤان هه‌ردو وه‌لاتێن دۆست .”
هه‌روه‌سا روونكرنێ ئاماژه‌ داییه‌ وێ یه‌كێ كو د سه‌ره‌دانا سه‌رۆكێ هه‌رێما كوردستانێ بۆ هه‌ردو وه‌لاتان مژارا شه‌رێ داعش و مژارا ئاواره‌ و په‌نابه‌رێن ل هه‌رێما كوردستانێ و په‌یوه‌ندیێن دپلۆماسی ئابۆری دناڤبه‌را ئیراقێ ب گشتی و هه‌رێما كوردستانێ بتایبه‌تی لگه‌ل هه‌ردو وه‌لاتان هاتینه‌ گۆتۆبێژكرن .
” لێ جهێ داخێیه‌ هنده‌ك ده‌زگه‌هێن راگه‌هاندنێ وه‌سا به‌لاڤكرییه‌ كو هه‌رێمێ هاریكاریێن دارایی ژ سعودیه‌ وه‌رگرتییه‌، د ڤی ده‌می دا كو مژارا ئاواران پێدڤی هاریكارییانه‌ ، ئه‌ڤ نووچه‌یه‌ دبێ بنه‌مانه‌ و چ راستی بۆ نینه‌.”

ئه‌ڤرۆ نیوز:
ڤیگه‌ن یوكسه‌كداغ هه‌ڤسه‌رۆكا هه‌ده‌پێ ئاشكرا كر حه‌فتیه‌كێ به‌ری بزاڤا تیرۆركرنا سه‌لاحه‌ددین ده‌میرتاش زانیاریێن لدۆر لیسته‌كێ گه‌هشتنه‌ وان و ئه‌و لیست یا تایبه‌ته ب تیرۆركرنا سه‌ركردێن باكۆرێ كوردستانێ،
یوكسه‌كداغ بۆ رۆژناما جومهوریه‌ت یا توركی گۆتییه‌: لیسته‌كا تیرۆركرنا سه‌ركردێن كورد گه‌هشتیه‌ ده‌ستێن وان لێ ناڤێ تاهر ئه‌لچی سه‌رۆكێ ژوورا پارێزه‌رێن ئامه‌دێ تێدا نه‌بوو له‌ورا وان پێشبینییا تیرۆركرنا وی نه‌دكر.
هه‌روه‌سا خویاكر كو به‌ری حه‌فتیه‌كێ ژ بزاڤا تیرۆركرنا ده‌میرتاش زانیاری گه‌هشتبوونه‌ وان كو بزاڤه‌ك هه‌یه‌ كو پلانه‌كا بڤی جۆری لدژی ده‌میرتاش بهێته‌ بجهئینان.