ئه‌ڤرۆ نیوز:
ئه‌ندامه‌كێ په‌رله‌مانێ كوردستانێ ژ فراكسیۆنا پارتى دیار كر كو بهایێ په‌ترۆلێ یێ بلند بووى، له‌و ئه‌و چاڤه‌رێ دكه‌ن حوكمه‌تا هه‌رێما كوردستانێ گوهۆرینان د خشتێ هه‌لگرتنا مووچێ فه‌رمانبه‌ران دا بكه‌ت و گۆت: “ئه‌م وه‌كو په‌رله‌مان پێداگریێ ل سه‌ر كێمكرنا هه‌لگرتنا مووچێ فه‌رمانبه‌ران دكه‌ین”.
فه‌رسه‌ت سۆفى، ئه‌ندامى لژنا ده‌ستپاكیێ ل په‌رله‌مانێ كوردستانێ ئاشكرا كر، به‌رپرسێن بلند یێن حوكمه‌تا هه‌رێما كوردستانێ ب ره‌نگه‌كێ مه‌بده‌ئى ل سه‌ر وێ چه‌ندێ رژد بوون كو خشتێ هه‌لگرتنا مووچه‌ى یێ ده‌مى یه و گۆتبوو هه‌كه‌ر دۆلاره‌ك بچیته سه‌ر به‌رمیلا په‌ترۆلێ، وى ده‌مى دێ گوهۆرینێ د خشتێ مووچێ فه‌رمانبه‌ران دا كه‌ن و بۆ باسنیوز گۆت: “ئه‌م ل په‌رله‌مانى چاڤه‌رێى وێ چه‌ندێ دكه‌ین، كو سه‌رۆكاتیا جڤاتا وه‌زیرێن هه‌رێما كوردستانێ ژ ئه‌گه‌رێ بلندبوونا بهایێ په‌ترۆلێ گوهۆرینان د خشتێ هه‌لگرتنا مووچێ فه‌رمانبه‌ران دا بكه‌ت”.
ناڤبرى خویا ژى كر، هه‌كه‌ر خشتێ به‌لاڤكرنا مووچێ فه‌رمانبه‌ران هه‌ر ب ڤى ره‌نگێ نوكه بمینیت و ده‌ستكارى تێدا نه‌هێته كرن و گۆت: “مه وه‌كو ئه‌ندامێن په‌رله‌مانى دێ هه‌لویست هه‌بیت و ل گه‌ل به‌رپرسێن حوكمه‌تا هه‌رێما كوردستانێ دێ پێداگریێ ل سه‌ر هندێ كه‌ین كو هه‌لگرتنا مووچێ فه‌رمانبه‌ران بهێته كێمكرن”.
وه‌كو دیار به‌رى نوكه به‌رپرسێن حوكمه‌تا هه‌رێما كوردستانێ ڕاگه‌هاندبوو، ژ ئه‌گه‌رێ قه‌یرانا دارایى و مه‌زاختنێن هه‌رێما كوردستانێ یێن شه‌رێ دژى تیرۆرستێن داعش و وێ هژمارا زۆرا ئاواره و په‌نابه‌ران كه‌فتینه سه‌ر هه‌رێمێ، وان بریار دابوو، پشكه‌كێ ژ مووچێ فه‌رمانبه‌ران هه‌لبگریت و هه‌ر ده‌مێ داهاتێ هه‌رێمێ زێده بوو، دێ هه‌لگرتنا مووچه‌ى هێته كێمكرن.
حوكمه‌ت دێ پێداچوونێ ب خشتێ پاشخستنا مووچه‌ى دا كه‌ت
نيشاندان
