ئه‌ڤرۆ نيوز:
رائيد هێمن ئه‌ترووشى به‌رپرسێ راگه‌هاندنا پوليسێن دهۆكێ دياركر كو ئه‌ڤرۆ ئه‌و هاتينه ئاگه‌هداركرن كو كه‌سه‌ك ل تاخێ kro ل دهۆكێ هاتيه كوشتن، پشتى پوليس چووينه جهێ روودانێ دياربوو كو ئه‌و كه‌س هونه‌رمه‌ند زاهد بريفكانى يه، به‌لێ هه‌تا نوكه نه‌هاتيه زانين كانێ وى خوه كوشتيه يان ئێكێ ئه‌و كوشتى يه، دووڤچوون ل روودانێ يا به‌رده‌وامه.
ئه‌ڤرۆ نيوز:
به‌نكا نێڤده‌وله‌تى رازيبوونا خوه دياركريه ب مه‌ره‌ما هاريكاريكرنا هه‌رێما كوردستانێ د پرۆسا چاكسازيێ و ده‌ربازبوونا هه‌رێمێ ژ قه‌يرانا دارايى، 14 راوێژكارێن خوه بهنێريته هه‌رێما كوردستانێ.
د.عزه‌ت سابر سه‌رۆكىێ لژنا دارايى ل په‌رله‌مانێ كوردستانێ ديار دكه‌ت كو هاتنا به‌نكا نێڤده‌وله‌تى ئه‌گه‌ره‌كه بۆ چاره‌كرنا پرسا دارايى يا هه‌رێما كوردستانێ، ژبه‌ر كو ڤێ به‌نكێ ئاريشا ئابوورى يا گه‌له‌ك ولاتان چاره كريه.
ئەڤرۆ نیوز،زنار تۆڤی:
ئەڤرۆ ل رۆژا ئێکشەمبی 20.3.2016 د سەقایەکێ سەرما و بەفرا وی دا ئاگرێ نەورۆزێ ل ناحیا کای ماسێ ب بەرهەڤبوونا فەرمانگەهێن میری و حزبی و تەڤایا تەخ و چینێن ڤێ دەڤەرێ هاتە هەلکرن،هەر چەندە سەقایێ ڤێ دەڤەرێ گەلەکێ ساربوو و بەفر ژی لێ باری بوو،لێ هەر ئاگرێ نەورۆزێ ب رەنگەکێ گەرم و گۆر هاتە هەلکرن.
ئه‌ڤرۆ نيوز، ئۆمێد وه‌لاتى:
تۆپخانێن فه‌رمانده‌يا هێزێن پشته‌ڤانيا 1 ل سنورێ ميحوه‌رێ باشوورێ شنگال ب دژوار باره‌گايێن تيرۆرستێن داعش بۆردمان كرن.
تۆپخانێن فه‌رمانده‌يا هێزێن پشته‌ڤانيا 1 ل سنورێ ميحوه‌رێ باشوورێ شنگال ب دژوار باره‌گايێن تيرۆرستێن داعش ل گۆندێن (ره‌مبوسیه ، كون رۆڤی، قابوسیه ، تلقصب ، باشیك و عه‌ین فتحی ) بۆردمان كرن.
ئه‌ڤ بۆردۆمانه ل گه‌ل هه‌لكرنا ئاگرێ نه‌ورۆزێ ل ئێڤاريه‌كا دره‌نگ ده‌سپێكر و هه‌تا نوكه يا به‌رده‌وامه، ژێده‌ره‌كى ژ ناڤ راگه‌هاندنا فه‌رمانده‌يا تۆپخانێن فه‌رمانده‌يا هێزێن پشته‌ڤانيا 1 رابوون ب بۆردۆمانكرنا باره‌گايێن تيرۆرستێن داعش.
ب گۆره‌ى هنده‌ك ژێده‌ران كو ژ فه‌رماندێن مه‌يدانى هاتينه وه‌رگرتن تيرۆرستان هه‌تا نوكه زێانێن مه‌زن يێ ب به‌ر كه‌فتين.
ئه‌ڤرۆنیۆز: هه‌رهین محه‌مه‌د:
هونه‌رمه‌ندێ مسرى تامرحسنى به‌ژدارى فلمه‌كێ مسرى دبیت و داخازێ ژبه‌ژداربوویا به‌رنامێ عه‌ره‌ب ئایدول (په‌رواز حسێن) دكه‌ت كو ب رۆلى سه‌ره‌كى رابییت.
پشتوان عه‌بدولا خودانێ هزرا فلمى دیداره‌كێ دا بۆ مه‌گه‌زین گۆت:فلمێ حب فى كوردستان سێ ساله كار ل سه‌ر ڤى فلمى دهێته كرن وفلم دو به‌شه و ل كوردستانێ ومسرێ و پتریا كارى هاتیه ئه‌نجام دان هونه‌رمه‌ند تامرحسنى بۆ وێنه كرنا ڤى فلمى دى َهێته كوردستانێ و نوكه بۆ رۆلێ سه‌ره‌كى داخازێ ژ په‌رواز حسێن دكه‌ت كو پشكدارى دڤى فلمى دا بكه‌ت و هه‌تا نوكه پشكداریا وێ ئێكلا نه‌بووویه و ئه‌ڤرۆ گفتوگۆ دێ هێته كرن و بریاردێ هێته‌دان .
ده‌رباره‌ى ناڤه‌روكا وێ پشتوان عه‌بدولا ئاشكه‌راكركو سیناریویا فلمى به‌حسێ وێ چه‌ندێ دكه‌ت مو تامرحسنى بۆ كاره‌كێ هونه‌رى دهێته كوردستانێ بۆ ئه‌نجامدانا كاره‌كى به‌رهه‌م بینت، ئه‌و سه‌ره‌دانا وێ كومپانیێ دكه‌ت و په‌رواز وه‌كو ئه‌ندازیار كاردكه‌ت و په‌رواز عاشقى تامرحسنى دبت و پشتى چاڤێن تامرى ب په‌روازى دكه‌ڤیت و سترانێت وى دبێژیت و ل وێرى په‌یوه‌ندى یه‌ك درۆست دبیت و پشتى هینگى َهه‌ردو هونه‌رمه‌ند بۆ ئه‌نجامدانا كاره‌كێ هونه‌رى دچنه مسرێ ل وێرێ هه‌ڤژینیێ پێك دئینن و بریارێ ده‌ن ب ئێك جارى بزڤرنه كوردستانێ و بژین، دبه‌شه‌كێ دى یێ فلمى دا تامرحسنى هه‌ول ده‌ت خوه فێرى زمانێ كوردى بكه‌ت و ب كوردى سترانا بێژیت ب تایبه‌تى سترانا (عاشق مه‌به) یا سترانبێژ گۆران سالح.
گۆت ژى: هه‌ردڤى فلمى دا هونه‌رمه‌ند و هوزانڤان (كاردینا سپى) وه‌كو خویشكا په‌روازێ ده‌ردكه‌ڤیت و هوزانا بۆ خویشكا خوه دنڤیسیت پێكولا دكه‌ت بكه‌ته ستران، دڤى فلمى دا هونه‌رمه‌ند تامر حسنى پێنچ سترانا دبێژیت دو ژوان كوردى نه.
دووماهیێ ناڤهاتى گۆت: فلمێ حب فى كوردستان ب سپونسه‌ریا گۆلدن ئارت و كومپانیا سبكى مسرى یه و ل هه‌ولێرێ و سلێمانیێ دێ هێته وێنه‌كرن.
نيشاندان